Дөрөвдүгээр улиралд 750 ААН зээлд хамрагдах боломжтой | News.MN

Дөрөвдүгээр улиралд 750 ААН зээлд хамрагдах боломжтой

COVID-19

Дөрөвдүгээр улиралд 750 ААН зээлд хамрагдах боломжтой

Дөрөвдүгээр улиралд 750 ААН зээлд хамрагдах боломжтой

Монголбанкны Мөнгөний бодлогын хорооны 2020 оны есдүгээр сарын хурлаар уул уурхайн бус экспорт, жижиг, дунд үйлдвэрлэлийн салбарыг дэмжих зорилгоор банкуудад урт хугацаатай санхүүжилт олгохоор шийдвэрлэсэн. Тодруулбал, төв банкнаас 2020 оны дөрөвдүгээр улиралд нийт 230 тэрбум төгрөгийн санхүүжилт олгох юм. Энэ шийдвэрийн дагуу банкууд харьцангуй урт хугацаатай, хөнгөлөлттэй хүүтэй санхүүжилтийг шаардлага хангасан аж ахуйн нэгжүүдэд олгох боломжтой болсон.

Монголбанк 2020 оны арваннэгдүгээр сарын 30-ны өдөр эхний урт хугацаатай репо арилжаа зарлаж, банкуудаас ирүүлсэн хүсэлтийн дагуу энэ сарын 2-ны өдөр 175 тэрбум төгрөгийн санхүүжилтийг Хаан, Хас, Капитрон, Төрийн, Тээвэр хөгжил, Богд банкуудад олгосноо мэдэгдсэн билээ.

Банкууд тус санхүүжилтийг Монголбанкны ерөнхийлөгчийн 2020 оны арваннэгдүгээр сарын 25-ны өдрийн А-426 дугаар тушаалаар баталсан зээлийн шалгуурыг хангаж буй уул уурхайн бус экспортын салбар болон жижиг, дунд үйлдвэрлэлийн салбарт төгрөгөөр олгосон хэвийн зээлийг дахин санхүүжүүлэх, шинээр зээл олгоход зориулах юм.

Шалгуур хангаж буй уул уурхайн бус экспортын салбар болон жижиг, дунд үйлдвэрлэлийн салбарт үйл ажиллагаа явуулж буй аж ахуйн нэгжүүд харилцагч банкиндаа хүсэлт гаргаж, зээлийн хүүг 10.5 хувиас хэтрэхгүй байхаар бууруулах, үндсэн төлбөрөөс 6 сараас багагүй хугацаанд чөлөөлөгдөх боломжтой болж буй.

Цаашид Монголбанкны зүгээс цар тахлын нөхцөл байдал, макро эдийн засгийн төлөв байдалтай уялдуулан холбогдох арга хэмжээг шат дараатай авч хэрэгжүүлэн, тухай бүр мэдээлэл өгөхөө мэдэгдсэн.

Даваа гариг (2020.12.07)-т төв банк 55 тэрбум төгрөгийн урт хугацаат репо санхүүжилтийн арилжаа зарласан талаараа мэдээлэв. Цаашид жилдээ нэг их наяд төгрөгийн урт хугацаат репо санхүүжилт олгох бөгөөд улирал тутамд хэмжээг нь зарлах аж. Ирэх оны нэгдүгээр улирлын санхүүжилтийн хэмжээг энэ сард болох Мөнгөний бодлогын хорооны хурлаар тогтох юм байна.

Банкнаас олгох зээл хоёр жилээс дээш хугацаатай бөгөөд Монголбанкны бодлогын хүү дээр 4.5 нэгж хувь нэмэгдүүлснээс ихгүй хүүтэй байх юм. Жишээлбэл, Монголбанкны бодлогын хүү 6 хувь байгаа нөхцөлд банкнаас олгох зээлийн хүү 10.5 хувиас ихгүй байна. Төв банк энэхүү арга хэмжээний үр дүнд цар тахлаас шалтгаалан үйл ажиллагаанд нь хүндрэл үүссэн аж ахуйн нэгжүүдийн хувьд зээлийн дарамт буурах, цар тахлыг хүндрэл багатай давахад эерэгээр нөлөөлнө гэж үзэж байна.

Зээлдэгчдэд Монголбанкнаас тогтоосон ерөнхий шалгуур тавигдах ажээ. Үүнд, зээл хүсэгчийн зээлийн үлдэгдэл хугацаа хоёр жилээс багагүй байх, жижиг дунд үйлдвэрлэл болон уул уурхайн бус экспортын салбарт тогтвортой үйл ажиллагаа явуулдаг байх, хөдлөх болон үл хөдлөх хөрөнгө барьцаалах боломжтой байх, чанаргүй зээлгүй байх, зээлийн төлбөрөө төлөх чадвартай байх гэх мэт шаардлагууд багтжээ.

Зээлийн хэмжээний хувьд жижиг, дунд үйлдвэрлэлийн салбарын зээлийн дээд хэмжээ 300 сая төгрөг, уул уурхайн бус салбарын зээлийн дээд хэмжээ нэг тэрбум төгрөг байхаар тогтоосон байна. Үүн дээр банк мөн нэмэлтээр өөрийн шалгуураа тавих боломжтой аж.

Монголбанкнаас санхүүжилтээр олгогдох зээлийн дээд хязгаарыг жижиг, дунд үйлдвэрлэлийн салбарын хувьд 300 сая төгрөг, уул уурхайн бус экспортын салбарын хувьд нэг тэрбум төгрөг байхаар тогтсон. Жижиг, дунд үйлдвэрлэлийн салбараар тооцвол 2020 оны дөрөвдүгээр улиралд хамгийн багадаа 750 гаруй аж ахуйн нэгж уг арга хэмжээнд хамрагдах боломжтой ажээ.

Монголбанк уг арга хэмжээний хэрэгжилтэд хяналт тавьж, үйл явцын талаар хэвлэлийн хурал, мэдээ, мэдэгдэл гаргах хэлбэрээр ил тод нээлттэй мэдээлэхээ илэрхийлэв.

Эх сурвалж: МОНГОЛБАНК

Энэ мэдээнд өгөх таны сэтгэгдэл?
8
ТэнэглэлТэнэглэл
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-07 202.179.21.236

АНнамынхан их хурал дээр нөгөө намаа доош нь хиих аргаа олж ядан хорвоогын муу бүхнииг л хамж нөгөө намдаа нялзаах гэж оролдох юм Тэднии яриад байгаа юм нь тиим ч чухал биш юмыг л амаа чилтэл ярих юм Гэтэл энэ банкны зээлиин хүүгбууруулаХ үүнии тулд хадгаламжиндаа өчнөөн тербумаар нь мөнгө хиичихээд дэлхиид байхгүй өндөр хүүгээр биднииг мөлжиж мөнгө хүүлж байгаа олигархуудын талаар ярьж ингэж сенсацалж тэмцэж байдаг бол сайнсан Гэтэл тэд энэ талаар юу ч ярихгүй мөртлөө ховч авгай нарын яриа шиг

Avatar

123456 2020-12-07 49.0.212.165

Нөгөө л нам дагасан, олигархиудын угжны хэдэн компани уу

Avatar

Зочин 2020-12-07 64.119.20.2

hadgalamj bank salbarig butsaj ugul doo mongol bank.

NewsMN Гар утасны хувилбар Татах
NEWS.mn

Мэдээллийн эх сурвалж