Сүмогийн дэвжээнээ монголчуудын үргэлжлэл тасрахгүй | News.MN

Сүмогийн дэвжээнээ монголчуудын үргэлжлэл тасрахгүй

Сүмогийн дэвжээнээ монголчуудын үргэлжлэл тасрахгүй

Сүмогийн дэвжээнээ монголчуудын үргэлжлэл тасрахгүй

Сүмо бөхийн 69 дэх удаагийн сонирхогчдын бүх Японы аварга шалгаруулах тэмцээн өчигдөр/2020.12.06/ Токио хотын Рёогокү Кокүгикан ордонд зохион байгуулагдлаа. Энэ жилийн тэмцээнд Японы биеийн тамирын дээд сургуулийн нэгдүгээр дамжааны оюутан Хидэтора Ханада түрүүлж, Киндай их сургуулийн дөрөвдүгээр дамжааны оюутан Рэйо Ямагакүчи удаалжээ.

36 жилийн дараа нэгдүгээр дамжааны оюутан сонирхогчдын бүх Японы аваргад түрүүлсэн тохиолдол болов.

Харин саяхан оюутны ёкозүна цол хүртсэн, Японы биеийн тамирын дээд сургуулийн дөрөвдүгээр дамжааны оюутан П.Дэлгэрбаяр эхний тойрогтоо Хироаки Такэүчид ялагдаж тэмцээнээ өндөрлүүлсэн аж. Түүнээс гадна н.Чойжилсүрэн шөвгийн 16-д үлдсэн бол н.Далайбаатар шөвгийн наймд үлдсэн амжилт гаргажээ.

Энэхүү сонирхогчдын тэмцээний шөвгийн наймд шалгарсан бөхчүүд мэргэжлийн сүмогийн санданмэ зиндаанд барилдах эрхтэй болно.

П.Дэлгэрбаяр тэмцээний дараа хэвлэлд өгсөн ярилцлагадаа “Өөрийгөө бүрэн дайчилж барилдсангүй. Учир нь бэлтгэл дээрээ зүүн шагайгаа гэмтээчихсэн. Хэдий боолт хийлгэсэн ч зовиуртай байлаа. Өчигдрийг хүртэл барилдах эсэхээ шийдэж чадахгүй хэцүү байлаа. Алхахад ч хүндрэлтэй байсан. Гэхдээ их сургуулийн Казүо Сайто багш маань ‘Чиний оюутан насны сүүлийн тэмцээн шүү дээ’ гэж хэлсэн учраас оролцохоор шийдсэн. Шагайныхаа бэртлийг түргэн эдгээгээд, сүмод амжилт гаргамаар байна” хэмээжээ.

Өнгөрсөн арваннэгдүгээр сард зохион байгуулагдсан бүх Японы оюутны сүмогийн аварга шалгаруулах тэмцээнд П.Дэлгэрбаяр түрүүлж, оюутны ёкозүна цол хүртсэн гурав дахь гадаад бөхөөр тодорсон билээ. Тэрбээр ирэх нэгдүгээр сарын хацү башёд макүшитагийн 15-д эрэмбэлэгдэж, мэргэжлийн сүмогийн анхны барилдаанаа хийнэ.

П.Дэлгэрбаяраас өмнө түүний их сургуулийн ах Б.Төрболд 2016 онд бүх Японы оюутны аваргаар тодорч, анхны оюутны ёкозүна цол хүртсэн Монгол бөхөөр тодорсон билээ. Миторюү Төрболд өдгөө мэргэжлийн сүмогийн жүрёо зиндаанд барилдаж байгаа. Түүнээс гадна Т.Бөхчулуун хэмээх ахлах сургуулийн сурагч хүүг Японы хэвлэлүүд онцолж байна. Тэрбээр чөлөөт бөхийн бүх Японы ахлах сургуулиудын аварга шалгаруулах тэмцээний -92 кг жинд алтан медаль хүртэж байсан юм. Багануур дүүргийн “Хөх эрчис” клубын дасгалжуулагч Х.Магвандорж, гавьяат тамирчин, дасгалжуулагч З.Дүвчин нарын удирдлага дор бэлтгэл хийдэг байсан, чөлөөт бөх суурьтай Т.Бөхчулуун ирэх жилээс Японы биеийн тамирын дээд сургуульд сүмо бөхийн чиглэлээр суралцах болно. Түүнийг 2018 онд алдарт Саори Ёшидагийн төрсөн ахын удирддаг "Ичиши" залуучуудын клубт багшилж буй Р.Баяраа Чиба мужийн Кашива Ниттай ахлах сургуульд авчирч байсан юм.

Сүүлийн хэдэн жилийн хугацаанд Япондоо сүмо бөхийн чиглэлээр алдартай их дээд, ахлах сургуулиудад Монгол болон гадаад нэрс ихээр дуурсагдах болсон. Монгол бөхчүүдээс гадна Ерсин Балтагулов хэмээх Казакстан хүү энэ жилийн зүүн Японы оюутны сүмо бөхийн аварга шалгаруулах тэмцээнд түрүүлсэн.

Энэ мэдээнд өгөх таны сэтгэгдэл?
20
ТэнэглэлТэнэглэл
15
ЗөвЗөв
5
ХөөрхөнХөөрхөн
5
ГайхмаарГайхмаар
4
ХахаХаха
3
ХарамсалтайХарамсалтай
3
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Лхагвасүрэн 2020-12-07 202.9.40.235

Ямарч хүчээ дайчилж барилдаж аварга болох хэрэгтэй. Дараа нь бэртэл гэмтэл нь зодуур ихтэй бол зодог тайлж. Дэвжээ нээж ажиллуулах хэрэгтэй юм

Avatar

Зочин 2020-12-07 103.26.195.142

Сумо ч одоо дэмий байхаа . Япончууд ад үзээд дарамтлаад эхэлчихсэн шүү дээ . Япончуудад дэлбэ шидүүлээд л бэртэж гэмтээд л тэднийг баясгаж хөгжөөгөөд байж байх ёстой юм болов уу даа Япончуудын бодлоор бол

Avatar

Зочин 2020-12-07 66.181.161.3

Казахстан хүү ч гэх шиг эргүү сэтгүүлч

Avatar

Өвгөн 2020-12-07 49.0.212.165

Одоо наад юмаа хая цааш нь, нутагтаа ирж хөдөө хэдэн мал маллаж амьдарвал Монгол хүний дээдийн жаргал юм шүү дээ хүүхдүүд минь

Avatar

Сумо бөх биш 2020-12-07 66.181.184.153

Сумо барилдаад японы иргэн болцгоодог юм биш үү

Avatar

Зочин 2020-12-07 43.242.242.59

Монголд чамтай адилхан ажилгүй хүнээс мөнгө гуйгаад явж байснаас ядаж л жүрёо зиндаанд 2-3 жил барилдаад насаараа идэх мөнгөтэй болоод ирсэн нь дээр

Avatar

Зочин 2020-12-07 43.242.242.59

Сумо бол зарим монголчуудын амьдралаа сайжруулах алтан боломж юм. Монголчууд бөхийн суурьтай учир амархан жүрёо болон дээд зиндаанд гарна. тэгээд сард 20-45 сая төгрөгийн цалин авна. Тэтгэвэрт гарах үед 700-1,0 сая долларын тэтгэмж авна гээд их юм бий.. Тийм учраас байгалиас заяасан энэ боломж монголчууд бүү алд. Хүсэхгүй нэг нь өөр спортоор хичээллээд амжилт гаргаж амьдралынхаа баталгаат хөрөнгөтэй болох эсэхээ харахгүй юу даа. Зарим хүн боль ч гэх шиг бусдын амьдралд бүү оролц

Avatar

зочин 2020-12-07 64.119.18.150

Одоо сумо гэж солиорохоо боль доо, хэтэрхий ингэж хүчээр албадах чинь бас нэг талаараа хүнийг залхаах муу үр дагавартай байдаг юм шүү дээ

Avatar

/*-*/ 2020-12-07 49.0.212.165

Одоо орио, Монголдоо ирж барилга дээр ажил хийж амьдарцгаа

Avatar

Зочин 2020-12-07 59.153.113.41

Odoo bolnodoo. Sumog n taivan orhi. Japanuud hurtel zalhaad baina

Avatar

Зочин 2020-12-07 202.126.88.129

Бусдын хийж бий болгосон аль өнгөтэй өөдтэй юм бүгдийг шүтэж өөртөө хамаатуулж эзэн шиг нь авирлаж явдаг нэг зан Монголчуудад байх…..тэгээд тэрнийгээ гадаадаас зогсоо зайгүй импортолно……..

Монголчууд ep нь хэзээ өөрсдийн нутаг дээрээ ажилсаг хичээнгүй; бүтээлч; цэвэрч нямбай өөрийн гэсэн бахархах зүйлтэй амьдрах болоо ???? Бидэнд засч залруулаад өөр өөрсдийн хүчээр аливааг бий болгож бүтээгээд амьдрах боломж бий дээ уг нь….

Avatar

Зочин 2020-12-07 202.21.100.210

Ирээдүйн япон улс иргэн

Avatar

Зочин 2020-12-07 64.119.24.253

Бөхчулуундаа амжилт хүсэе, сумогоор хичээллэж аварга болоорой, тун ирээдүйтэй залуу гэж хардаг шүү, бэлтгэлээ сайн хийж бэртэл гэмтэл шоу цэнгээнээс хол байх хэрэгтэй шүү

NewsMN Гар утасны хувилбар Татах
NEWS.mn

Мэдээллийн эх сурвалж