Эх хүүхдийн эрүүл мэндийн үндэсний төв /ЭХЭМҮТ/-д өчигдөр 37 хүүхэд мэндэлжээ. Яаралтай түргэн тусламжийн 103 дугаарт 1549 дуудлага бүртгэгдсэн байна. Үүний 585 нь яаралтай тусламж байсан бол 904 нь зөвлөгөө, мэдээлэл авахаар иргэд холбогджээ.

Яаралтай түргэн тусламж авахаар хандсан иргэдийн тухайд цусны даралт ихсэлт, осол гэмтэл, хүүхдийн өвчин зонхилсон байна. Тухайлбал, Гэмтэл согог судлалын үндэсний төв (ГССҮТ)-д өнгөрсөн хоногт 161 иргэн осол гэмтлийн шалтгаанаар хандаж, эмнэлгийн тусламж авчээ. Мөн ЭМЯ-ны харьяа 1800-119 утсанд 6079 иргэн холбогдож, зөвлөгөө мэдээлэл авсан байна.

Б.ЦЭЦЭГ