Мьянмарын ерөнхийлөгч сонгогдлоо | News.MN - Мэдээллийн эх сурвалж

Мьянмарын ерөнхийлөгч сонгогдлоо

Хуучирсан мэдээ: 2016.03.15-нд нийтлэгдсэн

Мьянмарын ерөнхийлөгч сонгогдлоо

 

Мьянмарын парламентад мягмар гаригт /III.15/ ерөнхийлөгчийг сонгох санал хураалт болж, Ан Сан Су Чигийн ойрын холбоотон Тин Чо ялалт байгууллаа. Өдгөө 70 настай Тин Чо хагас зууны цэргийн дэглэмийн эцэслэсэн анхны ардчилсан ерөнхийлөгч болж байна. Тэрбээр парламентын 652 гишүүний 360-ынх нь саналаар ялалт байгуулжээ. Харин армийнхны нэр дэвшүүлсэн чөлөөнд гарсан дэслэгч генерал  Мьинт Све 213 саналаар дэд ерөнхийлөгч болж байна.

 

Мьянмарын парламентын доод танхим Ан Сан Су Чигийн Ардчиллын төлөөх үндэсний лиг намын гишүүн, зөвлөх Тин Чог нэр дэвшүүлсэн бол парламентын дээд танхим Чин угсаатны төлөөлөл Хенри Ван Тиог нэр дэвшүүлжээ. Харин армийн төлөөлөл чөлөөнд гарсан дэслэгч генерал  Мьинт Свег нэр дэвшүүлсэн аж.

 

 Мьянмарт өнгөрсөн арваннэгдүгээр сард болсон парламентын сонгуульд Ан Сан Су Чийн Ардчиллын төлөөх үндэсний лиг нам ялалт байгуулснаар парламентын хоёр танхимд олонх болж чадсан билээ. Харин Ан Сан Су Чи өөрөө Мьянмарын үндсэн хуулийн дагуу ерөнхийлөгч болох эрхгүй юм.

 

Оксфорд төгссөн Чо Тин маш даруу нэгэн бөгөөд үнэнч, шударга хүн гэж нөхөддөө хүндлэгддэг байна. Түүний эцэг зохиолч, яруу найрагч Мин Ту Вун 1990 оны сонгуулиар парламентад сонгогдож байжээ. Тин Чогийн эхнэр нь Ардчиллын төлөөх үндэсний лиг намыг үндэслэгчийн охин бөгөөд намын гишүүн юм байна. Тин Чо ирэх дөрөвдүгээр сарын 1-нд албан үүргээ хүлээн авах аж.

 

Б.АНХТУЯА

ЭХ СУРВАЛЖ: ASSOCIATED PRESS

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-03-15 103.57.94.47

Дэлхийг ажихад "Биеэ зассан, гэрээ зассан" хүнийг л төрөө засуулахаар шилж сонгодог байна. Харамсалтай нь манайх эсрэгээр нь явж, улсаа нураахад ойрхон болж байх шиг байна даа.

Зочин 2016-03-15 103.57.94.47

Ан Сан Су Чи Мьянмарыг алхам алхмаар ардчилсан замд шилжүүлж байна. Энэ аугаа бүсгүй манайд ирээд буцахдаа ДҮР ЭСГЭСЭН АРДЧИЛАЛ АЮУЛТАЙГ сануулаад явсан. Оройруу ортол хэлсэн шүү.

Зочин 2016-03-15 103.229.123.121

Харин тийм, одоо 5% 10%-ийн зээл өгөх гэж байгаа юм шиг царайлаад л байж байна. Зээлдүүлэх мөнгө нь ч хаа байгаа юмб, ёстой хулхины хамаг л мэхээ хийж байна даа. АН бол үнэхээр шавартай лагайтар хутгалаа, тэд одоо өөрсдөө тарах төлөвших хоёроо ч шийдэж чадаагүй л байж байна. АН дотор жинхэнэ ардчилагч одоо бараг үгүй боллоо

лүлр 2016-03-15 202.9.41.34

Ан Сан Су Монголд 13 онд ирээд маны амьдралыг нэг хараад л манай аваргуудад нүүрэн дээр нь ДҮР ЭСГЭСЭН Ардчлгчид гэж олны өмнө улайтал хэлээд явсан. Засардаггүй ээ

зочин 2016-03-15 103.57.93.200

Мьянмар ардчилсан улс юмаа. Манайх бол 60-тай хүнийг ч хөгшин зөнөг, тэтгэврийн өвгөн гэж хараагаад зайлуулна. Гэтэл энэ ерөнхийлөгч 70-тай. Болж бна.

Зочин 2016-03-15 202.21.106.125

За за МЬЯНМАРТ АНХНЫ АРДЧИЛСАН ЕРӨНХИЙЛӨГЧТЭЙ БОЛЖЭЭ.болждээ.