Шадар сайд бизнес эрхлэгчдийн төлөөлөлтэй цахим уулзалт хийв | News.MN

Шадар сайд бизнес эрхлэгчдийн төлөөлөлтэй цахим уулзалт хийв

Шадар сайд бизнес эрхлэгчдийн төлөөлөлтэй цахим уулзалт хийв

Шадар сайд бизнес эрхлэгчдийн төлөөлөлтэй цахим уулзалт хийв

Монгол Улсын Шадар сайд, Улсын онцгой комиссын дарга Я.Содбаатар МҮХАҮТ болон Бизнес эрхлэгчдийн төлөөлөлтэй цахимаар санал солилцлоо.

Цахим уулзалтад МҮХАҮТ-ын удирдлагууд болон Эм, Оёдлын холбоо, Тээвэрлэгчдийн үндэсний холбоо, Хүнс, Барилгачдын холбоо, Хүнсний бүтээгдэхүүн импортлогчдын холбоо, Сав баглаа боодлын үйлдвэрлэгчдийн холбоо, Тээвэр зуучлалын нэгдсэн холбоо, зарим томоохон аж ахуй нэгжийн 70 орчим байгууллагын төлөөлөл оролцсон юм.

Улсын онцгой комисс цаашид бизнесийн салбараа дэмжих чиглэлд ямар бодлого, төлөвлөгөөтэй байгааг бизнес эрхлэгчдийн төлөөлөл лавлав. Эмийн холбооноос эмийн импортын нөөц бүрдүүлэлт, татан авалтыг хөндсөн бол Хүнсний бүтээгдэхүүний импортлогчдын холбоо, Тээвэр зуучлалын холбооноос өмнөд болон хойд хилээр бараа бүтээгдэхүүн татах, тээврийн асуудалд анхаарч өгөхийг хүслээ.

Шадар сайд энэ үеэр бизнесийн “Зөвлөх баг”-ийг байгуулах саналыг МҮХАҮТ-ын удирдлагууд тавьж, Улсын онцгой комиссоос “Зөвлөх баг”-тай хамтран ажиллах боломжтой гэдгийг илэрхийлсэн юм.

Цахим уулзалтын дараа Шадар сайд Улсын онцгой комиссын “Шуурхай” ажлын хэсгийг хуралдуулж, бизнес эрхлэгчдээс ирүүлсэн зарим асуудалд анхаарч ажиллахыг холбогдох албан тушалтнуудад үүрэг, чиглэл болголоо.

Монгол Улсын Засгийн газар, Улсын онцгой комиссоос нөхцөл байдалтайгаа уялдуулан эдийн засгаа дэмжих зорилгоор бизнесийн байгууллагуудын үйл ажиллагааг үе шаттайгаар нээхээр төлөвлөж байгаа гэдгээ Монгол Улсын Шадар сайд, Улсын онцгой комиссын дарга онцоллоо гэж Монгол Улсын Шадар сайдын Ажлын албанаас мэдээллээ.

Энэ мэдээнд өгөх таны сэтгэгдэл?
3
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-04 66.181.161.62

Урьдчилан нийтэд зарлаад хийж болдоггүй юмуу. Ёстой л өөрсдийнхөө компаниудыг оруулчихдаг гэдэг л үнэн болж байх шиг.

Avatar

irgen 2020-12-04 202.9.46.113

ene hulgaichiig zailuulaach, yu ch hiihgui bna shd

Avatar

Зочин 2020-12-04 66.181.182.16

Бизнес эрхлэгчдийн төлөөлөл гэдэг "азтангууд"-ыг яаж шалгаруулдаг юм бол. Уулзалтаасаа өмнө зарлаад салбар салбараас гэх мэтээр сонгож болдоггүй юм уу? Дандаа уулзалт хийлээ гээд өнгөрсөн хойно нь мэдээлэл бичих юм. ЖДҮ-ийн "тусгай салаа"-ныхан ордог юм уу, н**ш гэж

NewsMN Гар утасны хувилбар Татах
NEWS.mn

Мэдээллийн эх сурвалж