Монголбанкны Мөнгөний бодлогын хороо 2020 оны есдүгээр сарын 14-ний өдрийн 5 дугаар тогтоол, арваннэгдүгээр сарын 23-ны өдрийн 6 дугаар тогтоолоор уул уурхайн бус экспортын болон жижиг, дунд үйлдвэрлэлийн салбарыг дэмжихэд зориулсан урт хугацаат санхүүжилт олгох зорилгоор хоёр жилийн хугацаатай репо арилжааг зарлахаар шийдвэрлэсэн.
Улмаар 2020 оны дөрөвдүгээр улиралд нийт 230 тэрбум төгрөгийн санхүүжилт олгохоор шийдвэрлэсэн бөгөөд Монголбанк 2020 оны арваннэгдүгээр сарын 30-ны өдөр эхний урт хугацаатай репо арилжааг зарлаж, банкуудаас ирүүлсэн хүсэлтийн дагуу 175 тэрбум төгрөгийн санхүүжилтийг Хаан, Хас, Капитрон, Төрийн, Тээвэр хөгжил, Богд банкуудад олгожээ.
Банкууд тус санхүүжилтийг Монголбанкны Ерөнхийлөгчийн 2020 оны арваннэгдүгээр сарын 25-ны өдрийн А-426 дугаар тушаалаар баталсан зээлийн шалгуурыг хангаж буй уул уурхайн бус экспортын салбар болон жижиг, дунд үйлдвэрлэлийн салбарт төгрөгөөр олгосон хэвийн зээлийг дахин санхүүжүүлэх, шинээр зээл олгоход зориулах юм байна.
Ингэснээр шалгуур хангаж буй уул уурхайн бус экспортын салбар болон жижиг, дунд үйлдвэрлэлийн салбарт үйл ажиллагаа явуулж буй аж ахуйн нэгжүүд дээр дурдсан харилцагч банкиндаа хүсэлт гарган зээлийн хүүг 10.5 хувиас хэтрэхгүй байхаар бууруулах, үндсэн төлбөрөөс 6 сараас багагүй хугацаанд чөлөөлөгдөх боломжтой болов.
Эх сурвалж: МОНГОЛБАНК
Б.ЖАРГАЛ
Зочин 2020-12-04 66.181.182.148
Монгол банк үхэр тэрэг шиг удаан байна. Ийм арга хэмжээг аль эрт 3-4 сард л эхлүүлэх ёстой байсан юм. Гэхдээ Сангийн яамнаас хамаагүй дээр ажиллаж байгаа.
Зочин 2020-12-04 66.181.182.116
Монгол банк маш үөв бодлого барьж байна, арилжааны бакуудыг дампууралаас аварч байна
Хри 2020-12-04 150.129.142.36
Уул уурхайн бус том ААНүүд хамгийн олон ажилчидтай тэднийг маань засаг төр банкууд хаяхгүй байлгүүдээ
Зочин 2020-12-04 66.181.189.46
Сэфэндээ хадгалаад гүйлгээнд оруулахгүй татвараа төлөхгүй болох вий. Эхлээд татвараас чөлөөлж мөнгө олгох нь зөв