УИХ Ерөнхийлөгчийн хоригийг хүлээж авсангүй | News.MN

УИХ Ерөнхийлөгчийн хоригийг хүлээж авсангүй

LiveУИХ Ерөнхийлөгчийн хоригийг хүлээж авсангүй

🔴 ШУУД | #NewsMN #NewsAgency

🔴 ШУУД | #NewsMN #NewsAgency

Posted by News.mn on Thursday, December 3, 2020

17 : 32
2020-12-4

Засаг захиргаа, нутаг дэвсгэрийн нэгжийн хуулийг дахин анхны хэлэлцүүлэгт буцаав

Баасан гаригийн чуулганы хуралдааны төгсгөлд Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн төслүүдийн анхны хэлэлцүүлгийг хэлэлцэхээр төлөвлөсөн боловч байнгын хорооны анхны хэлэлцүүлэгт дахин бэлтгүүлэхээр буцаалаа.

Учир нь Нутгийн удирдлагын дэд хорооноос ирэх долоо хоногт цахимаар шинээр сонгогдсон орон нутгийн удирдлагуудтай уг хуулийн төслийг хэлэлцүүлэх санал гаргажээ. Мөн нийслэлээс сонгогдсон гишүүдээс Хот тосгоны тухай хууль, Нийслэлийн эрхзүйн байдлын тухай хуулиудтай дээрх хуулийн төслийг уялдуулах шаардлагатай гэсэн саналуудыг тус тус гаргажээ. Тиймээс Үндсэн хуулийн нэмэлт, өөрчлөлтөд нийцүүлж гүйцээн боловсруулах чиглэлийг УИХ-ын дарга өгснөөр Засаг захиргаа, нутаг дэвсгэрийн нэгж, түүний удирдлагын тухай хуулийн төслийг дахин анхны хэлэлцүүлэгт шилжүүллээ.

Үүгээр өнөөдрийн чуулганы хуралдааныг хаалаа.

15 : 23
2020-12-4

Гаалийн болон НӨАТ-аас чөлөөлөх хуулийн төслийг баталлаа

цахим чуулган7

УИХ-ын чуулганы үдээс өмнөх хуралдаанаар Гаалийн болон НӨАТ-аас чөлөөлөх хуулийн төслийг баталлаа. Хүнсний хангамжийг тогтвортой байлгах зорилгоор бүх төрлийн будаа, ургамлын тосыг, өвлийг өнтэй давахад шаардлагатай бүх төрлийн мал, амьтны тэжээл, өвс тэжээлийн үр, хүнсний улаанбуудай, улаанбуудайн үр, тослог ургамал, ургамлын түүхий тосыг Гааль болон НӨАТ-аас чөлөөлөх хуулийн төслийг өнөөдрийн чуулганы нэгдсэн хуралдаанаар баталлаа.  Мөн малын бүх төрлийн өвс, тэжээл, тэжээлийн үр, хүнсний улаанбуудай, улаанбуудайн үр, тослог ургамал, ургамлын түүхий тосыг Гааль болон НӨАТ-аас чөлөөлөх хууль эрхзүйн орчин бүрдлээ.

Зам, тээврийн салбарт хэрэгжиж байгаа бүтээн байгуулалтын ажлын явцын талаарх мэдээллийг сонсож байна

УИХ-ын чуулганы өнөөдрийн хуралдаанаар, Зам, тээврийн салбарт хэрэгжиж байгаа бүтээн байгуулалтын ажлын явцын талаарх Ерөнхий сайдын мэдээллийг Шадар сайд Я.Содбаатар танилцууллаа. Түүний илтгэлийг бүрэн эхээр нь толилуулж байна.

УИХ-аас баталсан “Апсын хараа-2050” Монгол Улсын урт хугацааны хөгжлийн бодлогын баримт бичиг, Засгийн газрын 2020-2024 оны үйл ажиллагааны хөтөлбөрт тусгасан “Эдийн засгийн өсөлтийг хангахуйц, тээврийн ухаалаг системд суурилсан үндэсний тээвэр, логистикийн сүлжээг байгуулах” зорилтын хүрээнд зам, тээврийн салбарын бүтээн байгуулалтын ажлыг улсын төсөв, гадаадын зээл, тусламж, төр, хувийн хэвшлийн түншлэлийн хөрөнгө оруулалтаар хэрэгжүүлж байна.

Нэг.Авто замын салбарын бүтээн байгуулалтын ажлын талаар:

Монгол Улс нь нийт 112,414.2 км авто замын сүлжээтэйгээс 14918.7 км нь олон улс, улсын чанартай авто замын сүлжээнд хамаардаг бөгөөд үүний 48.5 хувь буюу нийт 7227.5 км нь хатуу хучилттай зам байна.

2020 оны 10 дугаар сард Баянхонгор-Алтай чиглэлийн 126.7 км хатуу хучилттай авто замыг ашиглалтад оруулснаар Говь-Алтай, Ховд, Баян-Өлгий аймаг нийслэл Улаанбаатар хоттой хатуу хучилттай авто замаар холбогдлоо.

Түүнчлэн БНХАУ-ын Засгийн газрын хөнгөлөлттэй зээлийн хөрөнгөөр Тосонцэнгэл-Улиастай чиглэлийн 67 км хатуу хучилттай авто замын барилгын ажлыг хэрэгжүүлж байгаа бөгөөд ажлын гүйцэтгэл 75.4 хувыай байна. Энэхүү авто замыг 2021 онд ашиглалтад оруулснаар бүх аймгийн төв Улаанбаатар хоттой хатуу хучилттай авто замаар бүрэн холбогдоно.

Авто замын салбарт улсын төсөв, гадаадын зээл, тусламж, төр, хувийн хэвшлийн хөрөнгө оруулалтаар 2020 онд нийт 123 чиглэлийн 1,902.7 км авто зам болон 27 байршилд 1376.6 у/м төмөрбетон гүүрийн барилгын ажлыг гүйцэтгэж байна.

2020 онд 703.21 км авто зам, 1000 у/м төмөрбетон гүүрийг ашиглалтад оруулахаар төлөвлөн ажиллаж, одоогийн байдлаар 185 км авто зам, 668 у/м төмөрбетон гүүрийг ашиглалтад оруулаад байна.

Авто замын салбарт 2020 онд хэрэгжүүлэхээр төлөвлөсөн зарим ажлын гүйцэтгэл дараах хувьтай байна. Үүнээс:

-улсын төсвийн хөрөнгө оруулалтаар хэрэгжиж буй нийт авто зам, гүүрийн барилга угсралтын ажил 90 хувь;

-гадаадын зээл, тусламжийн хөрөнгө оруулалтаар хэрэгжиж буй нийт авто замын барилгын ажил 62 хувь;

-төр, хувийн хэвшлийн хөрөнгө оруулалтаар хэрэгжиж буй нийт авто замын барилгын ажил 45 хувийн гүйцэтгэлтэй байна.

Энэ онд ашиглалтад оруулах томоохон төсөл, арга хэмжээнээс дурдвал:

-Улсын төсвийн хөрөнгөөр хэрэгжиж буй Цахир-Тосонцэнгэл чиглэлийн 127.1 км хатуу хучилттай авто зам, Ховдын Булган-Үенч чиглэлийн 60 км хатуу хучилттай авто зам, Орхон-Хишиг-Өндөр сум чиглэлийн 12.82 км, Баян-Өлгийн аймгийн төвийн 10.4 км хатуу хучилттай авто зам, Туул гол дээрх 205.1 у/м,

-Баянхонгор аймгийн Галуут сумын Мандалын голын 62 у/м, Хэнтий аймгийн Баян-Адарга сумын Онон голын 150 у/м, Хэнтий аймгийн Дадал сумын 238.9 у/м төмөр бетон гүүр;

-Азийн хөгжлийн банкны зээлийн хөрөнгөөр хэрэгжиж буй “Баруун бүсийн босоо тэнхлэгийн авто зам хөгжүүлэх төсөл”-ийн хүрээнд Баруун босоо тэнхлэгийн авто замаас Мөст сум хүртэлх 20.3 км хатуу хучилттай авто зам.

Монгол Улс 2004 онд “Азийн авто замын сүлжээний тухай Засгийн газар хоорондын хэлэлцээр”-т нэгдэн орж, уг хэлэлцээрээр хүлээсэн үүргээ үе шаттай биелүүлж байгаа боловч олон улсын авто тээврийн харилцааг хөгжүүлэх дэд бүтцийг бий болгох ажил удаашралтай байна.

Тухайлбал, Монгол-Орос-Хятадын эдийн засгийн коридор байгуулах хөтөлбөрт хамрагдаж буй авто замын сүлжээний ашиглалтын байдлыг авч үзэхэд Азийн авто замын сүлжээний ангилалаар БНХАУ-ын авто замын сүлжээ нь бүхэлдээ нэгдүгээр зэргийн, ОХУ-ын авто замын сүлжээ нь хоёрдугаар зэрэгт хамаарагдаж байна.

Харин манай улсын авто замын сүлжээ нь дээрх ангиллын 2-3 дугаар, зарим хэсэгтээ гуравдугаар зэрэгт ч хүрэхгүй байгаа нь коридороор үр ашигтай, аюулгүй тээвэрлэлт явуулахад сөргөөр нөлөөлөхөөр байна. Иймд авто замын сүлжээний ашиглалтын байдал, чанар, стандартыг сайжруулах, хөрш орнуудын жишигт хүргэх зайлшгүй шаардлагатай.

Энэ хүрээнд олон улсын авто замын сүлжээг олон улсын жишигт нийцүүлэн өргөтгөн хөгжүүлэх, тээвэрлэлтийн аюулгүй, үр ашигтай, тогтвортой үйлчилгээг бий болгох зорилгоор Азийн авто замын сүлжээний АН-4 чиглэлийн Улаанбайшинт- Ховд-Ярант чиглэлийн нийт 756 км авто замын сүлжээг 2021 онд бүрэн ашиглалтад оруулахаар төлөвлөн ажиллаж байна.

Мөн Азийн авто замын сүлжээний АН-3 чиглэлийн авто замын хамгийн ачаалалтай хэсэг болох Улаанбаатар-Дархан чиглэлийн авто замыг хоёр урсгалтай- дөрвөн эгнээ бүхий нэгдүгээр зэргийн авто зам болгон өргөтгөж, шинэчлэх бүтээн байгуулалтын ажлыг үе шаттайгаар хэрэгжүүлж байна.

Энэхүү бүтээн байгуулалтын ажлын эхний ээлжийн ажил болох хоёр эгнээ авто замын өргөтгөл, шинэчлэлтийн барилгын ажлыг 2019 оны 6 дугаар сарын 21-ний өдөр таван багц хэсгээр эхлүүлсэн. Гэрээний дагуу барилгын ажлыг 2020 оны 6 дугаар сард багтаан дуусгах байсан боловч КОВИД-19 халдварын цар тахлын улмаас гадаад ажиллах хүч Монгол Улсад төлөвлөсөн хугацаанд орж ирж чадаагүй тул гурван багц хэсгийн гэрээг 2020 оны 12 дугаар сарын 31-ний өдөр хүртэл сунгасан.

Харин Багц-2, Багц-4 хэсгийн гүйцэтгэгч гэрээ цуцлах хүсэлтээ 2020 оны 8 дугаар сарын 16-ны өдөр ирүүлсэн тул гэрээ цуцлах арга хэмжээг авч хэрэгжүүлж байна. Энэ хоёр багц хэсгийн нийт 90.58 км авто замын өргөтгөл, шинэчлэлтийн ажлын үлдэгдэл ажлыг гүйцэтгэх гүйцэтгэгчийг сонгон шалгаруулах ажиллагааг энэ онд багтаан зохион байгуулж, ажлыг 2021 оны 3 дугаар сард эхлүүлэхээр төлөвлөн ажиллаж байна.

Одоогоор Багц-1 хэогийн ажлын гүйцэтгэл 85.43 хувь, Багц-3 хэсгийн ажлын гүйцэтгэл 69.75 хувь, Багц-5 хэсгийн ажлын гүйцэтгэл 70.46 хувьтай байгаа бөгөөд авто замын үндсэн трассаар 2020 оны 11 дүгээр сарын 6-ны өдрөөс эхлэн тээврийн хэрэгслийн хөдөлгөөнийг нээгээд байна. Нийт 204.11 км авто замын 135.19 км-т хатуу хучилттай авто замаар /үүнээс 65.03 км шинээр баригдсан, 70.16 км хуучин хучилтаар/, 68.92 км-т цементээр бэхжүүлсэн буталсан чулуун сууриар нээсэн болно.

Уул уурхайн бүтээгдэхүүний экспортыг нэмэгдүүлэх, улс орны эдийн засгийн өсөлтийг дэмжих, байгаль орчны бохирдлыг бууруулах зорилтын хүрээнд Тавантолгой-Гашуунсухайт чиглэлийн 250 км, Тавантолгой-Манлай-Ханги чиглэлийн 477 км, Тавантолгой-Цагаандэл-Уул хилийн боомт чиглэлийн 270 км тусгай зориулалтын авто замын төслийг төр, хувийн хэвшлийн түншлэлийн хүрээнд хэрэгжүүлэхээр шийдвэрлэж, концессын “зураг төсөл боловсруулах-барих- ашиглах-шилжүүлэх” гэрээ байгуулан хэрэгжүүлж байна.

Сүүлийн жилүүдэд авто замын салбарт зам барилгын ажил богино хугацаанд хурдтай хийгдэж, авто замын сүлжээн дэх хатуу хучилттай авто замын урт нэмэгдэж байгаа боловч авто замын сүлжээний ашиглалтын бэлэн байдлыг хангах, засвар арчлалтын ажлыг чанартай хийж гүйцэтгэхэд анхаарах шаардлагатай байна.

Энэ хүрээнд олон улсын болон улсын чанартай авто замын урсгал засвар арчлалтын ажилд 2020 оны улсын төсөвт батлагдсан 52.0 тэрбум төгрөгийн санхүүжилтэд багтаан авто замын засвар арчлалтын 32 байгууллага авто замын бэлэн байдлыг хангаж, засвар арчлалтыг зохион байгуулан ажиллаж байгаа бөгөөд нийт ажлын гүйцэтгэл 97.8 хувьтай байна.

2020 онд олон удаагийн давтамжтай орсон аадар борооны улмаас үер бууж, нийт 18 аймгийн нутаг дэвсгэрт хамаарах 46 байршилд улсын чанартай авто зам, замын байгууламжид гэнэтийн эвдрэл, гэмтэл үүссэн. Иймд 2020 оны төсвийн тодотголын хүрээнд нийт 5.8 тэрбум төгрөгийг шийдвэрлүүлж, үерийн улмаас звдэрсэн авто зам, замын байгууламжийг засварлахад шаардлагатай арга хэмжээг шуурхай авч, хөдөлгөөний аюулгүй байдлыг хангаж ажиллалаа.

Өвөлжилтийн бэлтгэл ажлын хүрээнд улсын чанартай авто замуудын засварын ажлыг бүрэн гүйцэтгүүлэх, халтиргаа, гулгаанаас хамгаалах хуурай элс, дайрга, давс, бодис нөөцлөх, машин механизм, хүн хүч бэлтгэх ажлыг хангуулж байна. Мөн өвлийн улиралд зам, даваа цасанд хаагдаж боогдох, халтиргаа гулгаа үүсэх үед шуурхай арга хэмжээ авч, тээврийн хэрэгслийн хөдөлгөөний саадгүй нэвтрүүлэх, авто замын байнгын бэлэн байдлыг хангах зорилгоор улсын хэмжээнд нийт 43 цэгт шуурхай ажлын хэсэг бэлэн байдалд ажиллаж байна.

Авто зам, гүүрийн арчлалт, урсгал засварын ажлын зардлын хэмжээг суурь нормын дагуу тооцож үзэхэд олон улсын болон улсын чанартай авто замын сүлжээний ашиглалтын түвшинг бууруулахгүйгээр байнгын бэлэн байдлыг хангаж ажиллахад урсгал засвар, арчлалтад жилд 113.0 тэрбум төгрөгийн санхүүжилт шаардлагатай гэсэн тооцоо гарсан бөгөөд цаашид хөрөнгө оруулалтыг үе шаттай нэмэгдүүлэх шаардлагатай байна.

Нөгөө талаар нийт хатуу хучилттай авто замын сүлжээний 55 хувь нь нормативт хугацаагаар ээлжит болон их засвар зайлшгүй хийгдэх шаардлагатай байгаа бөгөөд ээлжит засварын шаардлагатай хөрөнгө оруулалт жил бүр хангалттай хэмжээнд төлөвлөгддөггүйгээс дараагийн шатны буюу өртөг их шаарддаг их засвар, шинэчлэлтийн ажлыг хийх шаардлага бий болж байгааг анхаарах шаардлагатай байна.

Хоёр.Төмөр замын тээврийн салбарын бүтээн байгуулалтын ажлын талаар:
Монгол Улс нийт 1949.4 км төмөр замын сүлжээтэй бөгөөд эдгээр нь Булган, Орхон, Говь-Сүмбэр, Дархан-Уул, Дорноговь, Өмнөговь, Сэлэнгэ, Төв, Дорнод аймгийн нутгаар дамжин өнгөрч байна. Төмөр замын салбарт нийт ачааны 7380, зорчигчийн 334 вагон, зүтгүүр 205, өртөө, зөрлөг 86, нийт 16547 ажилчин ажиллаж байна.
 
2020 онд төмөр замын салбарт Тавантолгой-Зүүнбаян чиглэлийн 416.2 км, Тавантолгой-Гашуунсухайт чиглэлийн 258.4 км төмөр замын төслийн барилгын ажлыг эхлүүлсэн бол газрын тосны үйлдвэрийн 27 км төмөр замын барилгын ажлыг дуусган ашиглалтад хүлээж авлаа. Мөн Азийн хөгжлийн банкны хөрөнгө оруулалтаар Дорноговь аймгийн Замын-Үүд сумын нутаг дэвсгэрт бүс нутгийн логистикийн төвийг барьж, үйл ажиллагааг эхлүүлээд байна.
 
Томоохон төслүүдийн хэрэгжилт:
‘Тавантолгой-Гашуунсухайт чиглэлийн төмөр замын төслийг эрчимжүүлэх зарим арга хэмжээний тухай” Засгийн газрын 2019 оны 304 дүгээр тогтоолоор Тавантолгой-Гашуунсухайт чиглэлийн төмөр замын суурь бүтцийг барьж байгуулах, ашиглахад шаардагдах хөрөнгийн эх үүсвэрийг техник, эдийн засгийн үндэслэлд заасан дүнгээр нүүрс урьдчилан борлуулах замаар болон бусад эх үүсвэрээр санхүүжүүлж, 2019 оны 8 дугаар сарын 15-ны өдрөөс эхлэн барилгын ажлыг үргэлжлүүлэхээр шийдвэрлэсэн.
 
Одоогоор Тавантолгой-Гашуунсухайт чиглэлийн төмөр замын бүтээн байгуулалтын ажилд нийт 27 аж ахуйн нэгж, 1751 хүн хүч, 771 машин механизм ажиллаж байна.
 
Тавантолгой-Гашуунсухайт чиглэлийн төмөр зам нь Тавантолгой өртөөнөөс эхлэн Өмнөговь аймгийн Цогтцэций, Баян-Овоо, Ханбогд сумын нутаг дэвсгэрийг дайран хилийн Гашуунсухайт боомтод хүрэх бөгөөд бүтээн байгуулалтын ажлыг 2022 онд дуусгахаар төлөвлөж байна. Нийт барилгын ажлын /өмнөх гүйцэтгэсэн ажлуудыг тооцсоноор/ газар шорооны ажил 97.7 хувь, хоолойн ажил 98.3 хувь, гүүрийн ажил 76.11 хувь, замын дээд бүтэц 52.88 хувыай байна.
 
Тус төмөр замыг барьснаар жилд 30 сая тонн коксжих болон эрчим хүчний нүүрсийг тээвэрлэн экспортлох боломжтой болж, төмөр замын ашиглалтын үед 1300 орчим байнгын ажлын байрыг бий болгож, нүүрсний экспортыг дэмжиж, БНХАУ-ын нутаг дэвсгэр, түүний далайн боомт болон гуравдагч орны зах зээл рүү тээвэрлэлт хийх боломж бүрдэх юм.
 
“Төмөр замын шугамын чиг тогтоох тухай” Засгийн газрын 2019 оны 6 дугаар сарын 12-ны өдрийн 232 дугаар тогтоолоор Өмнөговь аймгийн Цогтцэций сумын нутаг дахь Тавантолгой уурхайгаас Дорноговь аймгийн Сайншанд сумын Зүүнбаян баг хүртэлх төмөр замын шугамын чигийг баталж, 2019 оны 6 дугаар сараас барилгын ажлыг эхлүүлсэн.
 
Засгийн газрын 2020 оны 9 дүгээр сарын 23-ны өдрийн 117 дугаар тогтоолоор “Монголын төмөр зам” ТӨХК, “Эрдэнэс-Тавантолгой” ХК-ийн хамтарсан “Зүүнбаян төмөр зам” ХХК-ийг байгуулж, Тавантолгой-Зүүнбаян чиглэлийн төмөр замын суурь бүтэц барих тусгай зөвшөөрлийг тус компанид 3 жилийн хугацаагаар олгоод байна.
 
Тавантолгой-Зүүнбаян чиглэлийн төмөр замын бүтээн байгуулалтын ажилд нийт 146 аж ахуйн нэгж, 6153 хүн хүч, 2871 машин механизм ажиллаж байна.
 
Тавантолгой-Зүүнбаян чиглэлийн 416.2 км төмөр замын барилгын ажлыг 2021 онд дуусгахаар төлөвлөж байна. Нийт барилгын газар шороо болон хоолойн ажил 100 хувь, гүүрийн ажил 88,21 хувь, замын дэд бүтцийн ажил 22 хувийн гүйцэтгэлтэй байна.
 
Уг төслийг хэрэгжүүлснээр Тавантолгойн ордын коксжих нүүрсийг гуравдагч орны зах зээлд хүргэж, Тавантолгойн нүүрсний өрсөлдөх чадварыг нэмэгдүүлэх ач холбогдолтой.
 
Мөн Улаанбаатар хотын авто замын хөдөлгөөний ачаалал, агаар орчны бохирдлыг бууруулахад ач холбогдол бүхий “Богдхан” төмөр замын төслийг Азийн хөгжлийн банкны санхүүжилтээр хэрэгжүүлэхээр санамж бичиг байгуулж, төмөр замын судалгааны ажлыг эхлүүлэхээр ажиллаж байна.
 
Гурав.Автотээврийн салбарын бүтээн байгуулалтын ажлын талаар:
Автотээврийн салбарын үйлчилгээг сайжруулах, хэрэглэгчдэд ая тухтай үйлчилгээг үзүүлэх үүднээс зорчигч тээврийн автобуудал, техникийн хяналтын үзлэгийн төвийн барилгыг Баян-Өлгий аймгийн Өлгий сум, Завхан аймгийн Улиастай, Төв аймгийн Зуунмод, Баянхонгор аймгийн Баянхонгор суманд барьж ашиглалтад орууллаа.
 
Мөн Өмнөговь аймгийн Ханбогд сумын нутаг дэвсгэр Гашуунсухайт боомтод авто зогсоолын барилга байгууламж, Цогтцэций суманд авто замын дагуух үйлчилгээний барилга байгууламжийн барилга угсралтын ажлыг тус тус эхлүүлж, 2021 онд ашиглалтад оруулахаар төлөвлөж байна.
 
Засгийн газар хоорондын автотээврийн хэлэлцээрийн хүрээнд Бичигт, Замын-Үүд, Гашуунсухайт, Ханги, Шивээхүрэн, Булган гэсэн авто замын зургаан боомтоор жилд дунджаар 32-34 сая тонн нүүрсийг БНХАУ руу тээвэрлэж байна. Автотээврээр экспортолсон нийт нүүрсний 50 орчим хувийг Гашуунсухайт боомтоор, 40 орчим хувийг Шивээхүрэн боомтоор тээвэрлэж байна. Нүүрс тээвэрлэлтэд нийт 337 аж ахуйн нэгж, байгууллагын 17746 жолооч ажиллаж байна.
 
Цаашид ачаа тээврийн үйл ажиллагааг сайжруулах үүднээс Өмнөговь аймгийн Цоггцэций, Гурван тэс суманд холимог тээврийн логистикийн төв, Орхон, Дархан-Уул, Ховд, Сэлэнгэ, Өвөрхангай аймагт хүнс, хөдөө аж ахуй, ургац, тариалан, барилгын материалын үйлдвэрлэлд түшиглэсэн орон нутгийн логистик төвүүдийг барьж байгуулахаар төлөвлөн ажиллаж байна.
 
Дөрөв.Агаарын тээврийн салбарын бүтээн байгуулалтын ажлын талаар:
Монгол Улс нийт 16 агаарын хаалгатай бөгөөд ОХУ-тай 10 агаарын хаалгаар, БНХАУ-тай 6 агаарын хаалгаар хиллэдэг. Монгол Улсын агаарын зайг доод болон дээд агаарын зай гэж ангилан зургаан секторт хуваан агаарын навигацийн үйлчилгээ үзүүлж байна.
 
Агаарын тээврийн салбарт нийт 13 агаарын тээврийн гэрчилгээ эзэмшигч аж ахуйн нэгж үйл ажиллагаа явуулж байна. Олон улсын 21, орон нутгийн 12, нийт 33 чиглэлд дотоод, гадаадын 12 агаарын тээвэрлэгч нислэг үйлддэг. Эдгээрээс гадаадын 8 агаарын тээвэрлэгч үйл ажиллагаа явуулж байна.
 
Агаарын тээврийн салбарт Япон улсын хөнгөлөлттэй зээлийн хөрөнгөөр хэрэгжүүлж байгаа ’’Улаанбаатар хотын Олон улсын нисэх онгоцны шинэ буудал төсөл"-ийн барилгын ажлыг дуусган улсын комисс хүлээн авч, ’’Улаанбаатар хотын Олон улсын нисэх онгоцны шинэ буудлын менежмент төсөл”-ийг хэрэгжүүлэхээр 2019 оны 7 дугаар сарын 5-ны өдөр концессын гэрээг байгуулсан бөгөөд үйл ажиллагааг эхлүүлэх бэлтгэл ажлыг хангаж байна.
 
Түүнчлэн орон нутгийн нислэгийн сүлжээг өргөжүүлэх, нисэх буудлын хүчин чадлыг нэмэгдүүлэх ажлын хүрээнд Хэнтий аймгийн “Өндөрхаан” нисэх буудлын барилгын ажлыг эхлүүллээ. Мөн Увс аймгийн “Дэглий цагаан”, Говь-Алтай аймгийн “Алтай”, Завхан аймгийн “Доной” нисэх буудлуудыг шинэчлэн сайжруулах ажил хийгдэж, ашиглалтад хүлээн авч байна.
 
Цаашид агаарын тээврийн салбарт орон нутгийн дэд бүтцийг хөгжүүлж, орон нутагт ажлын байр нэмэгдүүлэх, ерөнхий зориулалтын агаарын тээврийг хөгжүүлэхэд анхаарч, Дорнод, Ховд, Хөвсгөл, Увс аймгийн нисэх буудлын хүчин чадлыг нэмэгдүүлж 4С болгох, Баянхонгор, Хэнтий аймгийн нисэх буудлын хүчин чадлыг нэмэгдүүлж 3D болгох болон ерөнхий зориулалтын нисэхийг хөгжүүлэх дэд бүтцийг байгуулах чиглэлээр төсөл, арга хэмжээг хэрэгжүүлэхээр төлөвлөн ажиллаж байна.
14 : 04
2020-12-4

УИХ Ерөнхийлөгчийн хоригийг хүлээж авсангүй

УИХ-ын Баасан гаригийн хуралдаанаар 2021 оны төсөвт бүхэлд тавьсан Ерөнхийлөгчийн хоригийг хэлэлцэж дууслаа.

УИХ-ын Дэгийн тухай хуулийн дагуу санал хураалтыг гараа өргөж явуулах горимын саналыг УИХ дахь МАН-ын бүлгийн дарга Д.Тогтохсүрэн гаргасан тул хуралдаанд оролцсон гишүүдийн 86.4 хувиар уг саналыг дэмжив.

Ингээд төсөвт бүхэлд нь тавьсан Ерөнхийлөгчийн хоригийг хүлээж авах боломжгүй гэсэн байнгын хороодын дүгнэлтээр санал хураалт явууллаа. Хуралдаанд оролцсон гишүүдийн 82 хувийн саналаар Ерөнхийлөгчийн хоригийг хүлээж авсангүй.

Ерөнхийлөгчийн зүгээс 2021 оны улсын төсөв нь цаг үеийн шаардлагад нийцээгүй төдийгүй, төсвийн урсгал ба хөрөнгө оруулалтын зардалд  хатуу шалгуурыг тогтоон, үрэлгэн байдлыг бүрэн халж чадаагүй, улсын болон дэлхийн эдийн засагт үүсээд байгаа нөхцөл байдлыг олон талаас нь бодитойгоор дүгнэж, төсвийн бодлогод тусгаагүй байна хэмээн үзээд төсөвт бүхэлд нь хориг тавьсан боловч УИХ хүлээж авсангүй.

УИХ дахь АН-ын бүлгийн зүгээс 2021 оны төсвийн тухай болон дагалдан батлагдсан хуульд бүхэлд нь тавьсан Ерөнхийлөгчийн хоригийг дэмжсэн юм. МАН-ын олонх гишүүд хоригийг дэмжээгүй учраас АН-ын бүлэг санал хураалтанд оролцохгүйгээ илэрхийлээд хуралдааныг орхин гарав. 

АН-ын бүлгийн гишүүд ирэх оны төсөвт вакцин худалдаж авах мөнгийг зайлшгүй тусгах ёстойг хэлж, мөн ирэх оны төсвийн хөрөнгө оруулалтаас эмнэлэг, сургууль, цэцэрлэг, онцгой байдал, хил гаалийн байгууллагад хийх хөрөнгө оруулалтыг хэвээр үлдээж бусдыг нь ач холбогдлоор нь эрэмбэлж үзэхэд нэг их наяд 158 тэрбум төгрөгийн өртөгтэй 149 төслийг царцааж, 405 тэрбум 464 сая төгрөг хэмнэх боломжтой. Түүнчлэн уул уурхайгаас төсөвт ордог орлогын 20 хүртэлх хувь буюу нэг их наяд төгрөгийг ЖДҮ-ийн санд төвлөрүүлж, импортыг орлох ажлын байр бий болгож аж ахуйн нэгжийн үйл ажиллагааг дэмжих хэрэгтэй гэсэн байр суурийг илэрхийлсэн.

 Манай улсын хувьд вакцины захиалга өгөхөөр Дэлхийн банкнаас 50.6 сая ам.долларын зээл хүссэн. Сангийн сайд Ч.Хүрэлбаатарын хэлснээр “Дэлхийн хөгжиж байгаа ядуу буурай орнуудад зориулсан вакциныг түрүүлж авах боломжоор хангаж байгаа цорын ганц хөтөлбөр бол Ковакс. Энэ хөтөлбөрийг дэлхийн дөрвөн байгууллага санаачилсан. Санаачилсан байгууллагын нэг нь Дэлхийн банк. Тиймээс бид дэлхийн банкинд хандаж байгаа. Хэн нь мөнгөө төлсөн нь вакцинаа түрүүлж авна. Том хөгжилтэй орнууд мөнгөө өгөөд захиалчихсан байгаа. Тэгэхээр манайх шиг орнууд захиалга өгөхөд хүндрэлтэй байдаг учраас бид Ковакс хөтөлбөрт орж, Дэлхийн банкаар дамжуулан авах хүсэлтээ өгсөн. Дэлхийн банк санаачлагчийн нэг учраас тус банкнаас мөнгө авбал худалдан авалт дотор Монгол ороод вакцин авчих боломж бүрдэж байгаа юм. Хоёр, гурван сарын өмнө бусдаас урьтаж, богино хугацаанд коронавирусийн эсрэг вакцин авах гээд бүх бололцоогоо дайчилж байна” гэсэн юм. Харин Төсвийн байнгын хорооны дарга Б.Жавхлан “Ковакс” хөтөлбөрт орсноор вакцин авах очер дарааллын урдуур орж байна гэж ойлгох хэрэгтэй хэмээн тайлбарлав.

Ерөнхийлөгч хоригтоо дараах дөрвөн саналыг тусгаад байсан юм.

  1. Төсвийн нийт зардлыг 20 хувиар хэмнэж, хүндрэл бэрхшээлийг даван туулахад зориулсан эрсдэлийн сан байгуулах,
  2. Өрх бүрд нэг сая төгрөгийн дэмжлэг үзүүлэх хөтөлбөрийг боловсруулж, дотоод нөөц бололцоогоо бүрэн ашиглан нэн даруй хэрэгжүүлэх, ингэхдээ 200,000 төгрөгийг бэлнээр олгож, үлдсэн 800,000 төгрөгийг зөвхөн үндэсний үйлдвэрлэгчээс архи, согтууруулах ундаа, тамхины төрлөөс бусад бараа, бүтээгдэхүүн худалдан авах эрхийн бичиг /ваучер/-ээр олгох,
  3. Төсвийн хэмнэлтээр бий болсон хөрөнгийн тодорхой хувийг коронавируст халдварын эсрэг вакцин худалдан авахад зарцуулж, иргэдийнхээ эрүүл мэндийг хамгаалах,
  4. Үйлдвэр, аж ахуйн нэгж, бизнесийг дэмжсэн мастер төлөвлөгөөг даруй гаргах, үүний хүрээнд жижиг дунд үйлдвэр эрхлэгчид болон өдрийн орлоготой, түүгээрээ амьдардаг үсчин, оёдолчин, дархан, мужаан, такси зэрэг ажил, үйлчилгээ эрхэлдэг иргэдийг онцгой анхаарч тэдэнд чиглэсэн бодлого хэрэгжүүлэх.
12 : 29
2020-12-4

Т.Доржханд: Ерөнхийлөгчийн хориг болгон алдаатай байх юм

УИХ-ын чуулганы хуралдаан үргэлжилж байна. 2021 оны төсөвт бүхэлд нь тавьсан Ерөнхийлөгчийн хоригийн талаар гишүүд байр сууриа илэрхийлж байна. Ерөнхийлөгч төсвийн хоригт дөрвөн саналыг тусгасан. Тухайлбал, Төсвийн нийт зардлыг 20 хувиар хэмнэж, хүндрэл бэрхшээлийг даван туулахад зориулсан эрсдэлийн сан байгуулах, Эрсдэлийн сангаас өрх бүрд нэг сая төгрөгийн дэмжлэг үзүүлэх хөтөлбөрийг боловсруулж, дотоод нөөц бололцоогоо бүрэн ашиглаж нэн даруй хэрэгжүүлэх, ингэхдээ 200,000 төгрөгийг бэлнээр олгож, үлдсэн 800,000 төгрөгийг зөвхөн үндэсний үйлдвэрлэгчээс архи, согтууруулах ундаа, тамхины төрлөөс бусад бараа, бүтээгдэхүүн худалдан авах эрхийн бичиг /ваучер/-ээр олгох, Төсвийн хэмнэлтээр бий болсон хөрөнгийн тодорхой хувийг коронавирусын эсрэг вакцин худалдаж авахад зарцуулах гэсэн саналуудыг тусгасан.

УИХ-ын гишүүн О.Цогтгэрэл:

Бодит эдийн засаг 7.4 хувиар уначихаад байхад сэргэлт ажиглагдаж эхэлж байна. Ийм учраас Ерөнхийлөгчийн төсөвт тавьж байгаа хоригийг боломж гэж үзэж хүлээж авах ёстой. Төсвийн хоригийг хүлээж авах өөр нэг үндэслэл нь энэ төсөвт шинээр хийх 457 ажил байгаа. Үүний 800 тэрбум төгрөгийн санхүүжилттай, үүний зөвхөн 384 тэрбум төгрөг нь 2021 онд гарахаар байгаа. Хэрвээ одоо энэ хоригийг хүлээж авахгүй бол он гараад гуравдугаар сард ч юм уу тодотгол хийхэд тэр үед энэ ажлууд аль хэдийн хөдөлчихсөн шал өөр ангилал руу орчихсон байх болно. Шинээр эхэлж байгаа ажлуудыг яг одоо шинэ байдалд нь зогсоох боломжууд байна.

УИХ-ын гишүүн Л.Энх-Амгалан:

Ерөнхийлөгчийн хоригт ажил хэрэгч саналууд байна лээ. Гэтэл зөвлөх Л.Болд сануулга гэх юм. Төсвийг дагаж гарах хоёр тогтоолын төсөлд Ерөнхийлөгчийн сануулгыг тусгах боломжтой. Шийдэл л яръя. Зовсон ард иргэдээ баярлуулан гомдоодог ийм л болчихлоо. Бөөн хүлээлт болдог. Тэгээд иргэд бухимддаг. Зөв тооцож байж төсөл хөтөлбөрүүдээ зарладаг баймаар байна. Дунд нь иргэд учраа олдоггүй. Төрийн сан хоосон сан. 2.1 их наяд төгрөгийн алдагдалтай төсөв бид баталдаг. Авдар нь хоосон, дээр нь цоорхой. Гэхдээ авдрын ёроолоос атга гурил гарна. Засгийн газрын тусгай сангууд бий. Эхний 10 сарын гүйцэтгэлээр үйлдвэрийн ослоос хамгаалах даатгалд 131 тэрбум төгрөг, Ажилгүйдлийн даатгалд 24 тэрбум төгрөг байна. Нийт бидэнд өнөөдөр 200 гаруй тэрбум төгрөг байна. 1 сая хүн өнөөдөр нийгмийн даатгалд мөнгө төлж байна. Энэ хүмүүс ажилгүй, орлогогүй болчихлоо. Даатгуулагчдын мөнгийг одоо л иргэддээ зарцуулах ёстой. Эрсдэлтэй нөхцөлд эгүүлэн авна гэж төлсөн шүү дээ. 48 мянган ажил олгогчдын төлж байгаа мөнгө бас бий. Эдгээр мөнгийг нэгтгээд ажлын байраа алдсан, орлогогүй болсон, эмзэг бүлгийн иргэддээ зориулсан арга хэмжээ авбал өргөс авсан мэт асуудал шийдэгдэгдэнэ. Бодит санаачлагыг иргэд хүсч байна.

УИХ-ын гишүүн Т.Доржханд:

Бэлэн мөнгө, ваучер өгсөн тохиолдолд эдийн засагт яаж нөлөөлөх вэ. Хэдэн компани дампуурахгүй үлдэх юм бэ. Хий дэмий ярих бус, тооцоо судалгаатай яримаар байна. Уг нь дэмжмээр байдаг, гэтэл Ерөнхийлөгчийн хориг өөрөө улстөржилт болоод байна. Өмнөх жилийн нэгдүгээр сард ахмадуудын тэтгэврийн зээлийг тэглэсэнтэй адил энэ удаад бас нэг сая төгрөг өгье гээд оруулаад ирлээ. Хажуугаар нь МАН-ынхан төсөвт баахан халамж чихдэг. Ийм бодлого оруулж ирмээргүй байна. Эсрэгээрээ хувийн хэвшлээ яаж дэмжих үү, ажлын байраа яаж хамгаалах уу гэдэг бодлого шаардлагатай. Олон улсад судалгаагаар нэг ажлын байрыг таван мянган ам.доллараар, харин нэг ажлын байрыг бий болгоход 10 мянган ам.доллар зарцуулж бий болгодог. Маш их зардал. Төсвийн зарлагын 90 хувь нь халамж байхад ийм тохиолдолд дахиад л мөнгө тараах гээд оруулаад ирлээ. Ерөнхийлөгчийн хориг болгон алдаатай байх юм. Өнгөрсөн жилүүдийн хориг нь мөн адил алдаатай байсан. Бүхэлд нь хориг тавих шаардлагагүй байсан юм. Хэсэгчлэн хориг тавьсан бол МАН-ынхан яаж ч чадахгүй. Ерөнхийлөгч нь мөн вакцин ярьж байна. Ковакс хөтөлбөр бол ядуу орнуудын голомтод ажиллаж байгаа хүмүүсийн 20 хувьд нь вакцин үнэгүй өгье гэсэн л онцлогтой. Хятадын Засгийн газартай хорио цээрийн яриа хийх гэхээр Монголыг тоодоггүй. Эсрэгээрээ Азийн хөгжлийн банкны платформ ашиглаад яривал ижил түвшинд ойлголцдог. Тиймээс вакцин авахад Дэлхийн банкыг ашиглах ёстой.

Ерөнхийлөгчийн Тамгын газрын дарга Ө.Шижир:

Ерөнхийлөгчийн хоригийг хамгийн эхэнд хүлээж авах гишүүний нэг нь Т.Доржханд гишүүн гэж харж байгаа. Та Сангийн яам мөн олон улсын байгууллагад ажиллаж байсан туршлагатай хүн. ДНБ-ний 39 хувийг үйлчилгээний салбар, боловсруулах үйлдвэр долоо хувь, бөөний болон жижиглэн 12 хувь гэсэн бүтэцтэй. 100 мянган ААН-ийн дийлэнх нь таг зогсчихлоо.

УИХ-ын гишүүн Н.Ганибал:

Ерөнхийлөгчийн хоригийг дэмжиж байна. Ерөнхийлөгч яагаад төсөв дээр хориг тавих боломж байдаг вэ гэхээр өнөөдрийн үүсээд байгаа нөхцөл байдалд зориулагдсан, хуулийн боломж юм гэдгийг бид бүгд ойлгож байгаа. Харамсалтай нь асуудлыг улстөржүүлж байгаад харамсч байна. Дайны байдалтай цар тахлыг зүйрлэж байгаа. Ерөнхий сайд нь ч хэлсэн. Бодит байдлаа дүгнээд зөв арга хэмжээг авах боломжийг Ерөнхийлөгч олголоо. Тодотгох асуудал бол арай өөр хэлбэр. Төсвийн тодотголын цагийг хүлээхээс илүү хоригийн асуудлыг хийх ажил байна. Эдийн засгийг богино хугацаанд хэрхэн сэргээх хэрэгтэй вэ гэдэг бол энэ үндэсний ваучер гэж ойлгож байгаа. Эдийн засгаа сэргээх нь хамгийн чухал. Ингэхийн тулд үндэсний үйлдвэрүүдээ дэмжих ёстой.

УИХ-ын гишүүн Ц.Туваан:

Хоригийг дэмжиж байна. Улстөржих асуудал биш. Дайн байлдааны онцгой нөхцөл байдалд бид ирээд байна. Засгийн газарт онцгой эрх мэдэл өгсөн. 5.1 их наяд төгрөгийг зарцуулах дээр нь нэмээд хандивын 700-800 сая ам.долларыг зарцуулах эрхийг өгсөн. Одоо хүртэл тайлан нь алга. Гэтэл Дэлхийн банкнаас 50 сая ам.доллар зээлнэ гэж онигоо болж байхын оронд бусад улс орны вакцинд хүсэлтээ өгч эртхэн орох боломж байсан шүү. Иргэдийн амьдрал хэцүү байна. Ядуурал 30 хувь байсан бол өнөөдөр 50 хувь болж нэмэгдсэн. ААН-үүдийн 20хан хувь цалингаа тавьж байна. Энэ байдал удаан үргэлжлэвэл  430 мянган иргэн ажилгүй болно. Төв аймгаас иргэд ярьж байна. Өмнө нь 20-30 мянган төгрөгөөр авдаг байсан бараагаа авч чадахаа больчихлоо, тор дүүрэхгүй байна гээд ярьж байна. Бид үнийн өсөлтийг бодитоор нь харьцуулж үзэсгэлэн гаргахад та нар шоолоод л байсан.

11 : 15
2020-12-4

Б.Бат-Эрдэнэ: УИХ-ын гишүүдээсээ эхлээд зардлыг хэмнэх боломжтой

Бат-Эрдэнэ

Ерөнхийлөгч 2021 оны төсөвт бүхэлд нь хориг тавьсан. Уг асуудлыг УИХ дахь МАН-ын бүлэг болон УИХ-ын чуулганаар хэлэлцэж байна. Байнгын хороодоор Ерөнхийлөгчийн хоригийг хүлээн авах боломжгүй гэж үзсэн юм. Харин АН-ын бүлэг Ерөнхийлөгчийн хоригийг дэмжиж, тус саналын бүлгийн дарга Д.Ганбат танилцуулав.

Төсөвт тавьсан хоригийг Ерөнхийлөгчийн Тамгын газрын дарга Ө.Шижир танилцуулснаар гишүүд асуулт асууж эхэллээ.

УИХ-ын гишүүн С.Одонтуяа: 

Бүхэл бүтэн улсын төсөв алдаатай буруу бодлогоор явах юм бол бид маш том хохирол амсана. Тиймээс бид онцгой ач холбогдол өгөөд байгаа юм. Засгийн газрын гишүүд хямралын үед эдийн засгаа хумихгүй байх ёстой гэж байгаа. Би эдийн засагчийн хувиар дэмжиж байна. Гэхдээ энэ үед тэнцвэрийг хангах нь чухал байна.  Төсвийн нөөц хязгаарлагдмал энэ үед айл өрх, ААН-үүдээ дэмжиж байж тэнцвэрийг хангах хэрэгтэй. Түүнээс биш хэдэн жилийн дараачаас үр ашгаа өгөх нь тодорхойгүй далд уурхайн музейд хөрөнгө оруулалт хиймээргүй байна. Тендер авсан компаниудын үйл ажиллагаа нь жигдрээд явна гэж зарим хүмүүс хэлээд байгаа. 300 компанид тендер олгох уу, 30 мянган ААН-д дэмжлэг үзүүлэх үү гэдэг нь хүртээмжийн маш чухал асуудал юм.  ААН-үүдээс ваучер маягаар иргэд худалдаж авч ганцхан удаа дэмжлэг үзүүлье л гэж байгаа юм. Ингэснээр эдийн засаг эргэлтэд орно. ААН-үүдэд ваучер олгодоггүй юм гэхэд хөнгөлөлттэй зээл олгох хэрэгтэй. Иргэдийн амьдрал өнөөдөр маш хүнд байна. Бидэнд туслаач, зургаан хүүхэдтэй хоолны мөнгөгүй болчихлоо, зээлээ төлж чадахгүй байна  гэсэн мессеж утсаар дүүрч байна.

УИХ-ын гишүүн Ц.Даваасүрэн:

Хөрөнгө оруулалт гэдэг бол аймшигтай зүйл биш. Эдийн засгийн дахин хуваарилалт үүгээр дамжин явж байна. Төсвийн цалин аваад түүнийгээ хадгалаад байдаггүй худалдан авалт хийнэ, тэр компаниуд нь татвараа төлөөд буцаад төрдөө ирнэ. Энэ мөнгө төрөөс зайлахгүй. Аж ахуй нэгж дээр очоод татвар болоод буцаад төрдөө ороод ирнэ гэсэн ойлголтыг нийгэмдээ зөв өгч байх хэрэгтэй. Улс орон эдийн засгаа зогсоох тухай асуудал ярьвал дараа нь маш гүнзгий эдийн засгийн хямралд өртөж магадгүй. Тэр тусмаа өрийн дефолтод орж, гадаад өрөө буцааж төлж чадахгүй асуудал үүснэ. Харин сайн мэдээ нь экспортын чиглэлийн үйлдвэрүүдээ явуулах арга хэмжээ авч эхэлсэн байна. Эдийн засгаа хөдөлгөөнд оруулах, бизнесээ сэргээх ийм чиглэлийн үед явуулж байгаа нь зөв. Энэ өвчин бүх хүнд тусахаараа амь насыг нь аваад явчихдаггүй. Тиймээс залуучуудаа хөдөлмөр эрхлэх боломжийг нь олгох хэрэгтэй. Тэр эрсдэлд өртөж болзошгүй суурь өвчтэй иргэдийн дэглэмийг маш сайн сахиулах. Амны хаалт бол вакцины дараа орох хамгаалалт мөн гэж хэлээд байгаа. Бэлнээр мөнгө өгвөл мөнгөний нийлүүлэлт нэмэгдэнэ, мөнгөний нийлүүлэлтээс үнэ өснө, үнэ өсөхөөр ядуу иргэдийн тоо өсөх болно. Мөнгө олгоно гэдэг нь нийгмээ улам ядуу орлогогүй иргэдийг улам зовлонтой болгоно. Харин өдрийн орлогоор амьдардаг иргэдээ яах вэ гэдгээ анхаарах хэрэгтэй.

УИХ-ын гишүүн Ж.Сүхбаатар: 

Ерөнхийлөгчийн хоригийг арванхоёрдугаар сарын 4-ний өдөр хэлэлцэж байна. Хуулиараа арванхоёрдугаар сарын 5-ны дотор орон нутгийн төсвийг батлах ёстой. Ерөнхийлөгч хоригоо бүхэлд нь тавихаар улс төрийн зорилготой болж хувирч байна. Бүхэлд нь хориг тавихаар хууль зүйн хувьд асуудалтай. Төсвийн  хэрэгжих хугацаатай давхцаад байна. Төсвийн цаг хугацааны цагалбар гэж бий. Ерөнхийлөгчийн саналуудыг учир дутагдалтай гэж үзэж байгаа. Хоёрдугаарт, бид Венесуэлийн жишээг бодох хэрэгтэй. Ерөнхийлөгчийн иргэн бүрт нэг сая төгрөг өгөх гэсэн  санал нь бодит байдал дээр боломж байхгүй. Иргэдээ, ААН-ээ аварч байна гээд улсаа алж болохгүй. Эдийн засгийн эрүүл мэнд гэдэг нь маш нарийн зүйл. Улс төрийн болон сэтгэлийн хөдлөл байж болохгүй. Вакцин авах мөнгийг төсөвт тусга гэж байна. Яагаад Дэлхийн банкаар дамжуулж вакцин авах нь ач холбогдолтой гэж үзэж байгаа юм бэ. Манай улсын төсвийн хүчин чадал вакцинаа худалдаж авч чадна шүү дээ. Төсвийн орлого гадны зээл тусламжууд, вакцины тооцооллыг яаж хийсэн юм бэ. Ерөнхийлөгч төсөвт бүхэлд нь хориг тавьж ядмаг улс төр хийж байна. Бидэнд өнөөдөр цар тахалтай тэмцэх нь чухал. Яарвал даарна гэдгийн адил мөнгө хэвлээд тараачихвал эдийн засгийн хямрал үүснэ шүү.

Төсвийн байнгын хорооны дарга Б.Жавхлан:

Вакцин худалдаж авахын тулд манай улс Дэлхийн банкны төсөлд хамрагдаж байгаа.  Дэлхийн ядуу буурай орнуудад вакцин түрүүлж авах боломжийг хангах цорын ганц хөтөлбөр бол Ковакс юм. Үүнийг хэд хэдэн байгууллага санаачлан байгуулсны нэг нь Дэлхийн банк. Үүнд хамрагдснаар вакцин худалдаж авахад оочер дарааллыг дайрч байгаа гэж ойлгох хэрэгтэй. Хоёр сая хүний вакцин авна гэдэг үйлдвэрлэгч талаасаа ч тэр, бизнес талаасаа ч тэр бага  хэмжээний худалдан авалт болно. Хэрэв бид энэ төсөлд хамрагдахгүй бол магадгүй хамгийн сүүлд вакцин авах орны тоонд орж болзошгүй. Хоёрт хүн амынхаа 20 хувьд үнэгүй худалдан авалт хийх боломжтой гэдгээрээ онцлог. Үлдсэн 80 хувийг нь худалдаж авна.

Эрүүл мэнд, Нийгмийн хамгаалал, Биеийн тамир спортын зөвлөх С.Ламбаа:

Олон улсын байгууллагаар дамжуулж бүх вакцинаа авчихна гэж байгаа бол үүн шиг худлаа юм байхгүй. ДЭМБ 192 орондоо бүгдэд нь нэг юм амсуулахаа бодно. Бид энэ зовлонг үзсэн хүмүүс шүү дээ. Ихдээ 10-20 хувийг л өгнө. Бусдыг нь дандаа бид төсвийнхөө мөнгөөр авдаг. Вакцины зарлагдаж байгаа үнэ нь 25-37 ам.доллар байна. Хоёр тун хийлгэхээр 400 орчим тэрбум төгрөг болно. Маш өндөр үнээр тээврийн зардал төлдөг. Тиймээс улсын төсөвт тодорхой хэмжээний мөнгө суулгаад аль хэзээ захиалгаа өгсөн байх ёстой. Covid-19-ийн вакцин жил бүр хэрэг болно.  Төгс эмчилгээний ганц арга вакцин.

УИХ-ын гишүүн С.Чинзориг:

Засгийн газар 2021 оны төсвийг зохицуулалт хийгээд үйл ажиллагааг хэвийн явуулах боломж нь байгаа. 2021 оны төсөв дээр тодотгол хийх нь цаг хугацааны асуудал байх болно. Төсвийн хууль хэрэгжээд эхэлсний дараа тодотгол хийх нөхцөл үүснэ гэж бодож байна. Бид Covid-19 цар тахлын үед эдийн засгаа хумиж хүндрэлийг давах уу, эсвэл тэлж үү гэдэг сонголтын өмнө  байна. 2021 оны төсөвт суусан хөрөнгө оруулалтуудыг гишүүд хас гэж хэлж байгаатай би санал нийлэхгүй, харин ч хасах нь буруу эдийн засгаа дэмжих ач холбогдолтой. Ажлын байрыг хадгална. 2020 оны дөрөвдүгээр сарын 1-нээс аравдугаар сарын 1-ний хооронд цар тахлын дэгдэлттэй холбоотой хэд хэд арга хэмжээг Засгийн газраас авсан. Тухайлбал, хүн амын орлогын албан татварыг зургаан сарын хугацаанд тэглэсэн. Аравдугаар сарын 1-нээс ХАОТ-ыг тэглэсэн хуулийн үйлчлэл зогсоод эргээд татварыг хуулийн дагуу авч байгаа. Цаашид цар тахлын дэгдэлт намжихгүй бол 2021 оны төсөвт тодотгол хийхээр болбол хүн амын орлогын албан татварыг тэглэх асуудлыг авч үзэх нь зүйтэй. 2021 оноос ажил олгогч болон ажилтны төлөх НДШ  тус бүр нэг нэг хувиар буюу  нийтдээ хоёр хувиар нэмэгдэх хууль хэрэгжинэ. Цар тахлын дэгдэлт арилаагүй байгаа үед НДШ-ийг хоёр хувиар нэмэгдэх асуудлын хугацааг сунгах уу эсвэл  эргэж харах уу гэдгийг эргэж харах шаардлагатай.  Төсвийн тодотголд Засгийн газар дээрх асуудалд анхаараарай.

УИХ-ын гишүүн Б.Бат-Эрдэнэ:

Ерөнхийлөгчийн хоригийг хүлээж авах цаг хугацааны боломж байхгүй байна. Шаардлага цаг хугацаа, нөхцөл бүрдмэгц төсвийн тодотголыг хийнэ. Төрийн албаны даргалах бүрэлдэхүүний хэрэглээ, цалин, урсгал зардлыг хэмнэх тал дээр төлөвлөж байгаа зүйл байна уу? Шаардлагатай бол УИХ-ын гишүүдээсээ эхлээд, зөвлөх, туслахуудын орон тоо, хууль боловсруулах, орон нутагт ажиллах зардалуудаас хэмнээд явах боломж байна. Төрийн өмчит аж ахуй нэгжүүд 32 их наяд төгрөгийн хөрөнгөтэй үр өгөөж байхгүй байна гэж байгаа. Тэгэхээр төрийн өмчит компаниудын хэл ам татлаад байгаа асуудлуудыг нэг мөр болгоод захирал удирдаж байгаа менежерүүдийнх нь ажлын үр дүнтэй нь холбоод цалин урамшуулал зэрэг нь тодорхой байдаг чиглэлээр бодож үзэж байгаа юм байна уу?

Төсвийн байнгын хорооны дарга Б.Жавхлан:

Хөрөнгө оруулалт, үйлдвэрлэлийн өргөжилт, ийм нэрээр төсвөөс гадуур маш их хөрөнгө оруулалтууд хийдэг болсон нь нэгэнт ил болсон. Үүнийг цаашид томоохон хэмжээний бүтцийн ажлыг энэ дөрвөн жил Засгийн газар, УИХ-аар эрчимтэйгээр эхлүүлэх шаардлагатайн.

10 : 06
2020-12-4

Чуулган: Ерөнхийлөгчийн хоригийг хэлэлцэж эхэллээ

Баасан гаригийн чуулганы хуралдаан эхэллээ. Хуралдаанаар дараах асуудлуудыг хэлэлцэнэ.

1.Монгол Улсын 2021 оны төсвийн тухай болон түүнийг дагалдан батлагдсан хуулиудад бүхэлд нь тавьсан Монгол Улсын Ерөнхийлөгчийн хориг,

2.Гаалийн албан татвараас чөлөөлөх тухай хуулийн төсал /эцсийн хэлэлцүүлэг/,

3.Нэмэгдсэн өртгийн албан татвараас чөлөөлөх тухай хуулийн төсөл /эцсийн хэлэлцүүлэг/,

4.Монгол Улсын Их Хурлын сонгуулийн тухай хуульд өөрчлөлт оруулах тухай хуулийн төсөл болон Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуульд нэмэлт, өөрчлөлт оруулах тухай хуулийн төсөл /эцэслэн батлах/,

5.”Монгол Улсын 2021 оны төсвийн тухай хууль баталсантай холбогдуулан авах арга хэмжээний тухай” Улсын Их Хурлын тогтоолын төсөл /эцсийн хэлэлцүүлэг/,

6.Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хууль, Улсын Их Хурлын тогтоолын төслүүд /анхны хэлэлцүүлэг/.

Үдээс хойших хуралдаан:

7.Монгол Улсын Ерөнхий сайдын мэдээлэл: Зам тээврийн салбарт хэрэгжиж байгаа бүтээн байгуулалтын ажлын явцын талаар.

Энэ мэдээнд өгөх таны сэтгэгдэл?
16
ТэнэглэлТэнэглэл
7
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

67 сэтгэгдэл

News.mn сайтад сэтгэгдэл оруулахад анхаарах зүйлс

Avatar

МОНГОЛ УЛСЫНХАА ТӨЛӨӨХ СЭТГЭЛТЭН 2020-12-04 202.55.191.130

СОНГОГЧДЫН Л ХОХЬ, ИЙМ МАН-ГАРУУДЫГ СОНГОСОН БОЛОХООР…

Avatar

ИРГЭН 2020-12-04 150.129.142.31

ИРГЭДЭЭ ЗӨНД НЬ ХАЯХГҮЙ ЮУ ДАА. ХЭЗЭЭ БАЙХАД АРД ИРГЭДЭЭ БОДОЖ БАЙЛАА ХУДЛААШ ДЭЭ. УЛС ТӨРЧИД АРД ИРГЭДЭЭ БОДДОГСОН БОЛ ГАЙГҮЙ АМЬДРАЛТАЙ БОЛОХООР ХУГАЦАА ӨНГӨРСӨН ШҮҮ ДЭЭ НАЙЗ НАРАА..АРД ИРГЭДЭЭРЭЭ ДУРААРАА ТОГЛОХ ЮМАА…..

Avatar

Зочин 2020-12-04 46.125.249.31

Жанку ирэх жил Хүкийг өөртэй нь ерөнхийлөгчөд өрсөлдөнө гэж тооцоолоод одоогийн ЗГыг аль болох муухай харагдуулах л зорилготой. Өнөөх нь ч олиггүй. Одоо дөнгөж эхэлж бна. Өдөр ирэх тусам Хүкийг сайхан харлуулах бх

Avatar

санал 2020-12-04 202.179.26.33

уг нь энэ өвлийг л давахад тэр өрх бүрт сая төгрөг гэдэг нь тун цагаа олсон санаа байгаа юм. Oлон айлын амьжиргаанд нэмэр болохоос гадна хүмүүс стресс багатай эрүүл өнтэй өвлийг давна.Yндэсний үйлдвэрээ ч дэмжинэ үлдсэн мөнгөөр нь цахилгаан дулаанаа ч төлнө.Xавраас найдвартай вакцин ч гараад дулаараад нөхцөл байдал гайгүй болоод ирнэ.

Avatar

Amar 2020-12-04 124.158.67.52

Ямар ч судалгаа хийлгүй хоосон попрогч Женко далдаганан баясагч АН гэгдэх Авилгачдын Намынхан сайхан юм ярьж улсаа хорлогсод гэдэг нь батлагдсаар л байна даа.

Avatar

Amar 2020-12-04 124.158.67.52

Ямар ч судалгаагүй хоосон попрогч Женко далдаганан баясагч АН гэгдэх Авилгачдын Намынхан сайхан юм ярьж улсаа хорлогсод гэдэг нь батлагдсаар л байна даа.

Avatar

zochin 2020-12-04 122.201.31.111

Herev ulsiin udirdagch nar ni idej uugaad huvia hicheegeed ulsad mungu baihgui uursduu uchraa ol geed baival ene ard irged chini muu sain buh l yamiig hiij ehlene shuu kommunistuudaa chono boroonoor gegcheer kovid19 g dalimduulj idej uuj baigaa chini herees heterch bn shuu ta nar irgediin ami nas chuhal gej ih yarij bn getel hun zuvhun kovid19 gedgeer uvduj uhdeg yam uu ulsuj bas hool hunsgui ,uvduj daarsnaasaa boloh geh meteer mash olon uur shaltgaan bn uundee hurvel humuust yamar songolt bn

Avatar

зочин 2020-12-04 66.181.161.99

МАНаар салаавчч өгүүлж байгаа цаад эзэн нь Хүрэлсүх . Хүрэлийг ЕС боход нь хамгын их зүтгэсэн хүн нь Женко . .. Мань хоёр тангараг тасаржээ… Хоёр нохой юугаа булаацалдсан юм болдоо .

Avatar

Amar 2020-12-04 124.158.67.52

Ямар ч судалгаагүй хоосон попрогч Женко дагадлан баясагч АН гэгдэх Авилгачдын Намынхан сайхан юм ярьж улсаа хорлогсод гэдэг нь батлагдсаар л байна даа.

Avatar

zochin 2020-12-04 122.201.31.111

cham shig daldganasan kommunist avilgalaa avaad chimeegui suuj baisan ni deer shuu busdiig shuumjleh erhi chamd baihgui erguu mal

Avatar

зочин 2020-12-04 66.181.177.173

Монгол улс яагаад хөгжихгүй байгаа вэ. Улс яагаад 30 гаруй тэрбум долларын өртэй вэ, Улсын төсөв яагаад алдагдалтай баталдаг вэ. Вакцин авах мөнгө гаргаж чадахгүй дандаа гуйлга гуйдаг вэ. Монголд болж бүтэхгүй байгаа бүх юмны үндэс нь АВИЛГА, Албан тушаалын хэнээрхэл, дарга болох өвчин юм. Ерөнхийлөгч яагаад улсын төсөвт хориг тавиад байгаагийн гол шалтгаан нь АВИЛГА нь улсын төсөв дотор байгаа учраас тавиад байна шүү дээ. Энэ АВИЛГАЛыг бий болгож байгаа нь ХҮҮкийн ЗГ, сангийн сайд

Avatar

Zochin 2020-12-04 202.126.88.32

Сонгуулийн өмнө бол та нар 2 саяыг өгнө гэнэ дээ. Сонгууль өнгөрсөн учраас өгөхгүй гэлээ.

Avatar

Зочин 2020-12-04 66.181.177.59

ҮХНӨ-өөр Ерөнхий сайдыг хэт эрх мэдэлтэй болгосны горыг одоо амсаж эхэллээ дээ!!! УИХ-ын гишүүд нь 1-рт, намын даргаасаа айгаад, 2-рт, сонгуульд зарцуулсан мөнгөө 2021 оны төсвөөс "олж авах" зорилготой учраас улс орон, ард түмнийг бодох боломжгүй байна л даа, хөөрхий!!! Ард түмэн "Ишиг Ухнын зовлонг ойлгохгүй" гэгч л болж байна дөө.

Avatar

Зочин 2020-12-04 66.181.177.59

Эдүгээ ямарваа том асуудлыг УИХ-аар хэлэлцүүлсэн дүр үзүүлж цаг алдаж байхын оронд шууд л Хүрэлсүхэд хандсан нь шулуухан болжээ. Ерөнхий сайд л зөвшөөрвөл МАН-ын УИХ дахь 65 гишүүн үг дуугүй ярс хийтэл гар өргөөд л гүйцээ!!! Ёстой цэргийн дэг ёсоор гялс манс!!!

Avatar

Зочин 2020-12-04 202.9.40.6

Ийм л новшнуудшдээ.Ерөнхийлөгчид УИХ-ыг тараах эрх нь байгаашдээ.одоо сүүлийн сумаа тавь.наад мэдлэггүй,хөлдүү төмснүүдээ тараа

Avatar

Зочин 2020-12-04 202.126.88.32

Ард иргэд 1 сая төгрөг авч чадсангүй

Avatar

иргэн 2020-12-04 202.179.27.138

Иргэд сонгогчид Дэмжигчидынхээ Итгэл сэтгэл рүү ямагт Ус цацдаг МАН ЗГ Тарж огцор, МАН ЗГ Билний төлөө юу ч хийхгүй нь ойлгомжтой болсон, Еранхийлөгчийн Хоригийг Дэмжиж байна, Худлаа амлаж хуурдаг Хүрэлсүх Огцор,

Avatar

Зочин 2020-12-04 202.179.26.10

МАН-Ы л******д КОВИД ТУС. ЗАЙЛАА МОНГОЛООС

Avatar

Занданшатар 2020-12-04 202.9.46.5

Пийвээ зарая. Харангадаад бишээ Эрхээ хасуулмааргүй байна.

Avatar

Зочин 2020-12-04 185.220.100.241

болж болж тийм тэнэг юмныг санааг өмнөөс нь салаавч зураад явуулах хэрэгтэй

Avatar

Зочин 2020-12-04 202.179.26.10

МАН-ы бичсэн л***р өөрөө ковид тусч үхээрэй чи. Ард түмэнд мөнгө хэрэгтэй байна.

Avatar

Зочин 2020-12-04 98.33.93.32

Яаж байгаан бэ,хөөрхий амьтныг,82 хувиараа нийлээд л балбачих юмаа,алмасууд чинь. Гэхдээ ерөнхийлөгч АН болон,эвссэн бусад намын тэрбумтангуудыг уриалаад,өөрөө ч гэсэн гаргахад монголын зорилтот өрхүүдэд 1 сая төгрөг бэлнээр өгөх мөнгө цуглуулна даа,. Ингэцэн байхад МАН – ыхны чих их зөөлөрнө,ард түмэнч ерөнхийлөгчийгөө өндөрөөр үнэлж хойтон жил улируулан сонгоно

Avatar

Зочин 2020-12-04 185.220.100.241

Тэгэх сэтгэл байхгүй ээ. ажил хийдэг хүмүүсийн цуглуулсан мөнгийг нийт ажилгүйчүүдэд тарж үрэх арга сэтгэж яваа юм.

Avatar

Зочин 2020-12-04 202.179.26.10

Юундаа ард иргэдээ доромжлоод байгаа муу лаалаар вэ. Чи ковид тусч удахгүй үхнэ ээ.

Avatar

Зочин 2020-12-04 64.119.16.227

МАНын гишүүд дотор хувь хүн талаасаа дэмжих хүн зөндөө байсан байх аа Даан ч нам гэдэг утгаараа хандчихлаа.Ерөөсөө намын хатуу гишүүнчлэлийг болих хэрэгтэй Монголчуудын энэ улс төр.арай арай

Avatar

Зочин 2020-12-04 103.229.123.80

ХУЛГАЙЧУУД ХУЛГАЙ ХИЙХ МӨНГӨӨ ТӨСӨВТӨӨ СУУЛГАСАН УЧРААС АМЬ ШИГЭЭ ХАМГААЛЖ БАЙГААГ ХАРААРАЙ

Avatar

Зочин 2020-12-04 202.126.90.77

Дон Карлеоны нэр хүнд ийм л бна даа

Avatar

Зочин 2020-12-04 66.181.184.207

** malnuud shig l bn neg garaa orgohoor dagaj orgoor boli boli iim sabal huraalt ch gj yu baihw bvgd hvnii tolgoigor ywj bn

Avatar

Zochin1 2020-12-04 202.126.89.186

ЕРӨНХИЙЛӨГЧИЙН ХОРИГИЙГ ХҮЛЭЭЖ АВНА УУ…
МОНГОЛ УЛСЫГ ДЭЛХИЙ ХАР БАЙНА…

Avatar

Qwrty 2020-12-04 103.212.118.81

Ugaasaa todorhoi bsan mongolchuudiin zaya yumdaa hotiin dargaa 1 harchih haluun hemjigchiig ni shuumjilhed gargaj bgaa aviriig ni

Avatar

mgl 2020-12-04 64.119.25.1

Erunhiilugch bol songuulia l bodson ajil hiij baih shig baina.

Avatar

Зочин 2020-12-04 202.126.89.97

Намдаа барьцаалагдан гищүүдэд Комент бичээд ч нэмэргүй д дээ. Уг нь хөрөнга оруулалт нэртэй 300 ААН-д шахаа хийхэд 10000 хүнд л хүрнн30 мян ААН-ыг дэмжвэл 1 сая хүнд хүрнэ гээд бичвэл их л юм бна

Avatar

Х 2020-12-04 66.181.185.139

Төсвийн тодотголоо хийх хэрэгтэй, хэрэггүй баахан байшин барилга, хөшөөгөө хасах хэрэгтэй. Бидэнд өнөөдөр үндэсний үйлдвэрлэл хэрэгтэй байна.

Avatar

zochin 2020-12-04 122.201.31.111

JInhneesee uls turjiltiig MAN iin gishuud hiij bn tusuv todotgohgui geed baigaa ni ed hedhen tom kompaniudiig demjeed hedhen het ih bayachuudiig bii bolgoj ted naraaraa damjuulaad mongol tur,ard tumniig udirdahiig husej bn uuniig ni Hurelbaatar terguutei heseg nuhud tolgoilj namaaraa turee barij yavuulaad bn barilga baishin tusviin munguur barihad heden kompaniig demjdeg yam gariin 10 huruund bagtana jijig dund uildverlel,ard irgedee demjihed hichneen huniig demjih vee niit irgedee

Avatar

Зочин 2020-12-04 64.119.22.17

Доржханд гэж гөлөг үг хөөцөлдөж байхаар үхэр хариулж явбал таарна. Ерөнхийлөгч Баттулга хар багаасаа арилжаа наймаа аж ахуй эрхэлж явсан хүний хувьд чамаас хамаагүй холыг харж сэтгэж байна. Чам шиг хэдэн ном урд хойноос нь уншсан болсон муу гөлөг улс орнЫ хувь заяа хутганы ирэн дээр ирсихээд байхад нэг их мэдэмхийрж солиорох хэрэггүй дуугай амаа хамхиад алаа чимхээд сууж байвал таарна.

Avatar

Зочин 2020-12-04 64.119.16.215

ха ха. ёстой донгослоо шд

Avatar

Занданшатар 2020-12-04 202.9.46.5

Доржханд чиний л төлөө байгаа юм л да уг нь

Avatar

Зочин 2020-12-04 192.82.71.209

64.119.22.17 том тэнэгтээрэй. Манай 100 айл Нарантуул Дэнжийн мянгын бизнесэрчүүд, бизнесэгч нар ч эдийн засагтаа ингэж хорлон хандаж, хөндлөн сэтгэхээ больсон цаг шдээ.

Avatar

Зочин 2020-12-04 66.181.161.15

Доржхандын зөв одоо хүнс эмнэлэг ажилын байрд түрүүнд мөнгө хэрэгтэй байна хасах зардал дэндүү олон шүү

Avatar

Зочин 2020-12-04 202.126.88.32

Хоригийг үг дуугүй хүлээж авах нь зөвдөө. Ард түмэн дэижиж байна.

Avatar

Л 2020-12-04 66.181.185.139

Төсөв нэртэйгээр хувааж иддэг тендэр, төсөлөө болимоор байна. Янз бүрийн барилга гэх мэт хэрэггүй идэж уух гэсэн хулгай, луйвраа зогсоож улс орон, ард түмэнд хэрэгтэй үйлдвэрлэлийг хөгжүүлмээр байна.

Avatar

Зочин 2020-12-04 66.181.161.92

Энэ 76 -д банкинд шинэчлэл хийх, хууг бууруулах ямарч сонирхол, зорилго угуй нь тодорхойшдээ!!! Яагаад гэвэл бугд хадгаламжтай, эрх ашиг нь хохирно, засгийн газартаа барьцаалагдсан нухуд!!!

Avatar

Зочин 2020-12-04 66.181.161.92

76 Гинуун болон засгийн газрын гишууд, бух сайд дарга нар ичих хэрэгтэй. Ард иргэд нь байдалд ороод бхад жужиг тоглоод! Тэд хурэлсух, хурэлбаатар нараасаа авахуулаад бугд хадгаламжтай, дээр нь татвар тулугчдийн татвараар цалингаа бутэн аваад ямарч хямралгуй, санаа зовох юмгуй!!! Гэтэл иргэд хоолноосоо хасч хандив цуглуулж бн. Тэдэнд цалигэнгаа 20% хэмнэх, хадгаламжийн хуугээ 1-3 сар тэглэх хурэлсухийнх хэлснээр дайны уед иргэддээ туслах сэтгэл, зурх угуй. Эдгээр нухуд хэзээд худалч ноход шуу!!

Avatar

Зочин 2020-12-04 202.21.108.50

МАН-ГАРУУДЫН БУУНЫ НОХОЙ ГЭРЭЛ ЦОХЬЧИХСОНУУ? НЭЭГ Л ИХ МЭДЭМХИЙРЭЭД ДАЛЧИГНААД БАЙСАН ЧИНЬ ЖҮЖИГ БАЙЖ ТААРЛАА.

Avatar

Зочин 2020-12-04 64.119.19.156

xvn amaas deeguur ediin zasag gej bxgui shuu turiin tusheed mineeee yaagad mungu ediin zasag geed bgaan

Avatar

зочин 2020-12-04 66.181.191.119

Төрийн болон арт түмний татварыг тендер нэрээр энэ 76 өөрсдөө баяждаг асуудлаа зогсоочих. АТГ болон мэргэжлийн хяналтын газар төрийн тендер нэрээр авсан тоног төхөөрөмжүүдийн хэдэн хувь нь ажиллаж байгаа эсэхийг тодорхой гаргаад ирвэл яасан юм вэ? Энэ бол авлигачдыг тодруулаад гаргаад ирэх нэг алхам шүү дээ. Төмөр зам, Барилгын хөгжлийн төв, шүүх шинжилээний төв, гаалийн ерөнхий газар, эрдэнэт үйлдвэр, газрын тосны газар, мэргэжлийн хяналтын газар , мал эмнэлгийн лаборатори, бүх эрдэм шинжилгээ

Avatar

Зочин 2020-12-04 103.229.120.33

Одонтуяагаас бусад нь зөв ярьж бна,бэлэн мөнгө болон барааны ваучер тарааж болохгүй,амьдралын гачигдалтай хүмүүсээ харж хандаж бгаа шүү дээ,цаасан мөнгө хэвлэж тарааж бүр болохгүй,Монгол төгрөг үнэгүйдэнэ,юмны үнэ өснө,алсдаа амьдрал улам доройтно гэсэн үг,Монголын буян заяа их шүү,ард иргэд минь боломжоороо болгоорой..

Avatar

Зочин 2020-12-04 202.55.188.88

Mash zuv, UIH-n gishuudees ehleed tanalt hemneltee hiiye. Gishuuded huvaariladag munguu boli, tsalingaasaa tatgalz, toirguudad ni huvaariladag munguu boli, … , …

Avatar

zochin 2020-12-04 202.179.26.141

olsood bna, mongogui zovj bna.

Avatar

зочин 2020-12-04 66.181.191.119

Тендер нэрээр ард түмний татварыг хувьдаа завьшиж суудаг асуудлаа энэ 76 гишүүн өөрсдөөсөө эхэлвэл яаасан юм вэ? Төрөөс гарсан тэрбумтангууд төрдөө авч өгвөл яасан юм вэ?

Avatar

Зочин 2020-12-04 66.181.161.2

ЕРӨНХИЙЛӨГЧ БАТТУЛГЫН РЕЙТИНГ ӨСЧИХНӨ ГЭЖ МАН ҮХТЛЭЭ АЙХДАА АРД ТҮМЭН ТА НАРЫН ЭСРЭГ БОСЧ ТЭМЦЭН ТА НАР ШАЛАН ДЭЭР УНАНА ГЭДГИЙГ ТООЦОХГҮЙ Л БАЙНА ДАА. ТА НАР КОРОНА-ГААР ӨМНӨХ СОНГУУЛЬД ГАРДАГ ШИГЭЭ БАРИНА ГЭЖ БОДОЖ БАЙГАА БОЛ ГОРЬД

Avatar

Зочин 2020-12-04 192.82.78.124

Сүхбаатар браво, Еөкийн өөдөөс ганц дуугарч байгаа нь байна шүү дээ.

Avatar

зочин 2020-12-04 66.181.191.119

Занданшатараа. Шудрага ёсыг өөрөөсөө эхлээчээ. Төрсөн Эгч Батцэцэгийгээ мэргэжлийн бус ажилд албан тушаалаа ашиглаж томилуулж төрийн ажлыг замхруулж байгаа ажлаа таслан тогтоо. Эгч дүү хоёр ард түмнээс ичээч. Ядахдаа эгч чинь Иргэний нисэхийн дүрэм гэж юу байдгыг судлаач. Юу ч мэдэхгүй түмний шившиг болоод яваад байх юм. АТГ үүний хаагуур явж байна . Шудрага ажлаачээ.

Avatar

Зочин 2020-12-04 66.181.177.183

Завханы баярсайхан бас их попорч байнаа, чи ардчилалын буяныг хүртэж наанаа сууж байгаагаа мэдэж байгаа биз, З0 жилд соёлын өв, театрууд байхгүй болсныг Танай МАН л хийсэн шүү дээ, Сүүлийн 30 жилийн 22 жилд нь танай ах нар дүү чинь Засаг Төр барьсныг чи одоо хүртэл мэддэггүй юм уу, тэнэг авгай

Avatar

Зочин 2020-12-04 103.212.118.215

Яг үнэн

Avatar

Зочин 2020-12-04 66.181.185.169

Урвагч Сүхбаатар өөрөө улс төр хийгээд сэхчихсэн байнаш дээ гам нам дамжаад алигаа алдаж байснаа хүн мартчих юм даа

Avatar

Зочин 2020-12-04 66.181.178.229

Улс төр гэдэг чинь энэ шүү дээ. Урвана, шарвана, хуурна, хулгайлна, олон нийтэд бол аймаар эх оронч юм ярина. Ард түмэн хэдийгээр хамаг муухайг нь харж, мэдэж байгаа боловч зохион байгуулалт үгүй тул яаж ч чадахгүй.

Avatar

Зочин 2020-12-04 150.129.142.207

СҮХБААТАР УРВАГЧ ДҮЛЗЭН ШУЛАГА ҮГЛЭЭ ЧАГВАНЦ

Avatar

zochin 2020-12-04 122.201.31.111

Ene suhbaatar gedeg nuhur eruul uu uur namd elsej namaasaa garlaa geed l baisan butsaad MAN d orloo l gesen er ni MAN d orj garsan urvagchdaar duurch bn shuu erunhiilugch uuriin erih medliin hureend horig tavij bn ugaasaa meregjliin humuus ch ene udaagiin tusuv tsar tahliin ued tohirohgui bn geed baigaa getel ene nuhur uuruu arga yadsan uls tur hiij erunhiilugchiig uls tur hiilee geh yam

Avatar

иргзн 2020-12-04 202.179.27.138

МАН ЗГ Чингисийн музей Андлалын хөшөөгөөр Улс төр хийгүй шүү, Ард түмнээ бодсон Төсөв батлах хэрэгтэй Ерөнхийлөгчийн Санаачилгыг Дэмжиж байна

Avatar

зочин 2020-12-04 203.98.77.4

гэр бүл үрс хагас өлсгөлөнд байна.Яг энэ үёд л төрийн туслалцаа хэрэгтэй байгаа шүү

Avatar

Зочин 2020-12-04 66.181.177.59

ҮХНӨ-өөр Ерөнхий сайдыг хэт их эрх мэдэлтэй болгосны гай одоо илэрч эхлэв: МАН-ын дарга нь гишүүддээ "Та нар төсөв тодотгохгүй шүү" гэсэн хатуу үүрэг өгсөн учраас УИХ дахь МАН-ын гишүүд нь шахаанд орчихоод "Намын дарга үүрэг өгсөн" гэж хэлчих шахаад л утгагүй юм яриад сууж байх юм! Нэг хүний боол шиг ийм гишүүд ард түмнээ бодохгүй нь ойлгомжтой!! Эд нар Ерөнхийлөгчийн хоригийг хүлээж авахгүй нь мэдээж!! Харин Хүрэлсүх зөвшөөрвөл хүлээж авна! Гүйцээ!!!

Avatar

Зочин 2020-12-04 66.181.178.229

Батлагдаад, хэрэгжиж эхлээгүй төсвийг тодотгож болдог юм уу? Батлагдан, хуульчлагдсан төсвийг бол тодотгож блох байх.

Avatar

hichneen terbumaar ni kovidod zartsuulna gedeg yag yund ni zartsuulj bgaa ni todorhoi bish burheg bna tegeheer irgeddee ugsun ni deer boditoi boloh bishuu 2020-12-04 192.82.64.217

zochin

Avatar

МОНГОЛ УЛСЫН ИРГЭН 2020-12-04 202.131.225.197

АРД ТҮМНИЙ ТАТВАРЫН МӨНГИЙГ ЛУЙВАРДАХ ГЭЭГҮЙ ЮМ БОЛ ЭНЭ ЦАГ ҮЕД АРД ТҮМЭНДЭЭ ЗОРИУЛ…

Avatar

Зочин 2020-12-04 202.9.46.59

Яг үнэн. Эд ямар өөрсдөөсөө өгөх гэж байгаа биш. Эднийг хувийнхаа мөнгөнөөсөө өг гээгүй, өөрсдийнхөө мөнгийг л ард түмэн хүнд хэцүү цагт нэхэж байна. МАН эрх мэдлээ ашиглаад мөнгөгүй гэж гүрийж байгаад хувааж идээд үлдсэн жоохныг нь ард түмнийг бүр модоо бариад ирэхээр ерөнхийлөгчийн сонгуулийн өмнөхөн тарааж улс төрийн оноо авах тактик яваад байна. Хүн ардаа биш улс төрийн ашиг хонжоогоо бодоод байгаа УИХ-ыг тараа.

Avatar

Зочин 2020-12-04 64.119.22.17

Хулгайлж хувааж идэх мөнгөгүй болчих гээд сандраад байна уу гэж…

NewsMN Гар утасны хувилбар Татах
NEWS.mn

Мэдээллийн эх сурвалж