АСЕМ-ын бэлтгэл ажлын хүрээнд тохижилтын ажилтай танилцав | News.MN - Мэдээллийн эх сурвалж

АСЕМ-ын бэлтгэл ажлын хүрээнд тохижилтын ажилтай танилцав

Хуучирсан мэдээ: 2016.03.15-нд нийтлэгдсэн

АСЕМ-ын бэлтгэл ажлын хүрээнд тохижилтын ажилтай танилцав

АСЕМ-ын уулзалтын бэлтгэл ажлын хүрээнд Улаанбаатар хотод 2016 онд  хэрэгжүүлэх авто зам, хот тохижилт, ногоон байгууламж, инженерийн шугам сүлжээний засвар, арчлалт, хөрөнгө оруулалтын ажлуудыг хянах 21 ажлын хэсгийг байгуулсан бөгөөд ажлын хэсгүүд хуралдлаа.    

Хурлаар гудамж тус бүрийн тохижилтыг хянах ажлын хэсгийн дарга нарын нэрсийг зарлаж, ажлын хэсэг тус бүрийн хариуцах талбайг байршлаар нь танилцуулж, ямар ажлууд хийж хэрэгжүүлэх талаар ерөнхий зааварчилгаа өгөв.

Хурлын дараа Олимп, Гэндэн, Нийслэл хүрээ өргөн чөлөөг хариуцсан ажлын хэсгүүд гудамжныхаа зам дагуу зураг авалт хийж, аж ахуйн нэгжүүдтэй хамтран хэрэгжүүлэх ажлуудын талаар санал солилцлоо. Мөн гэрэлтүүлэг, цахилгаан, тохижилт, инженер хангамжийн чиглэлээр шинээр болон шинэчлэн засварлах шаардлагатай газруудын зургийг авч төв штабт саналаа хүргүүлсэн юм.

Цаг агаарын эрс тэс уур амьсгалтай Монгол орны хувьд тохижилтын ажилд дулаан өнгө буюу улаан хүрэн, ногоон өнгийг түлхүү ашиглах саналыг Гудамж төсөл, нийслэлийн Ерөнхий төлөвлөгөөний газраас оруулсан юм. Энэхүү санал дэмжигдэж нэгдсэн зурагт орж, явган хүний зам болон дугуйн замын хавтанг хэрхэн байршуулах талаар ажлын хэсгийн гишүүд энэ үеэр зөвлөлдлөө.

ЭХ СУРВАЛЖ: УЛААНБААТАР ХОТЫН ЗАХИРАГЧИЙН АЖЛЫН АЛБА

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-03-15 203.91.119.101

Яаж талхаа олж идэхээ мэдэхгүй байж үхсэний чинь Асеем вэ?

Зочин 2016-03-15 103.229.123.179

за тэгээд ноднин хийсэн явган замыг буцаагаад хуулаад шинээр тавиад эхлэв дээ!!! чадал л улсууд шүү!