Дуучин Ц.Даваажаргалын бүтээл дэлхийн хөгжмийн төсөлд багтжээ | News.MN

Дуучин Ц.Даваажаргалын бүтээл дэлхийн хөгжмийн төсөлд багтжээ

Дуучин Ц.Даваажаргалын бүтээл дэлхийн хөгжмийн төсөлд багтжээ

Дуучин Ц.Даваажаргалын бүтээл дэлхийн хөгжмийн төсөлд багтжээ

"Моханик" хамтлагийн дуучин, контемпорари уран бүтээлч Ц.Даваажаргалын  экпериментал дуу авиан бүтээл олон улсын хөгжмийн төсөлд багтжээ. Тодруулбал, АНУ-д төвтэй "577 RECS" лэйблээс дэлхий даяар экспериментал хөгжимчдийн "Walk My Way" төслийг хэрэгжүүлсэн байна. Уг төсөлд  зургаан тивийн 32 үндэстний 49 уран бүтээлч багтаж, цуврал таван альбом гаргах гэнэ.

Залуу уран бүтээлч Ц.Даваажаргалын "Ахин оршихуй"  цомогт багтсан ""Empty, but it doesn’t mean nothing…" дуу авиан бүтээл 2021 оны нэгдүгээр сарын 2-нд нээлтээ хийх эхний цомогт багтсан гэдгийг дуулгалаа.

Түүний "Ахин оршихуй" дижитал цомгийг Лондонд төвтэй "Chinabot" хөгжмийн платформ энэ оны гуравдугаар сард өөрийн сайтдаа байршуулж байсан удаатай. Уг цомогт түүний сүүлийн 4-5 жилийн туршид бүтээсэн дуу авиан ажлуудаас түүвэрлэн оруулсан бөгөөд дэлхийн нэртэй хөгжмийн сэтгүүлүүд цомгийг нь бөөлөг хэмнэлтэй, уламжлалт чанараа хадгалсан, онцгой бүтээл хэмээн тодотгож байв.

Тэрбээр манай сайтад өгсөн ярилцлагадаа “Би бүтээлүүдээрээ аливааг өгүүлэхээс илүүтэйгээр өөрийн туулж буй орон зай, цаг хугацаа дахь тэр агшнуудыг шигтгэх нь өөрийгөө чөлөөлж буй үзэгдэл гэж хардаг. Ингэж чөлөөлөгдөх нь дахин дараагийн хэмжээс рүү нэвтрэх боломж бий болгодог байх. Ийм ч утгаараа, ахин оршихуй, сэтгэлгээний орон зайн тухай гэж хэлбэл ойрхон байх болов уу” хэмээн ярьж байсан юм.

А.СҮРЭН

 

 

Энэ мэдээнд өгөх таны сэтгэгдэл?
13
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

/*-*/ 2020-12-03 49.0.212.165

Амжилт

Avatar

Зочин 2020-12-03 43.242.242.59

ok

Avatar

Зочин 2020-12-03 43.242.242.59

Шинэ шинэ сайхан уран бүтээл тууриарай. Дүүгийн уран бүтээлийг амтархан сонсох болноо. Амжилт хүсье.

Avatar

Зочин 2020-12-03 202.55.191.194

мундаг байна, залуу ч байна зөв байж чадвал их зүйлийг бүтээж туурвиж чадна

Avatar

Зочин 2020-12-03 202.21.115.82

mundag zaluu

NewsMN Гар утасны хувилбар Татах
NEWS.mn

Мэдээллийн эх сурвалж