"2,4 их наядын цалингийн санг 20 хувиар танах боломжтой" | News.MN

"2,4 их наядын цалингийн санг 20 хувиар танах боломжтой"

Live"2,4 их наядын цалингийн санг 20 хувиар танах боломжтой"

🔴 ШУУД | #NewsMN #NewsAgency

🔴 ШУУД | #NewsMN #NewsAgency

Posted by News.mn on Wednesday, December 2, 2020

14 : 49
2020-12-3

О.Цогтгэрэл: 2,4 их наядын цалингийн санг 20 хувиар танах боломжтой

УИХ-ын чуулганы үдээс хойших хуралдаан үргэлжилж байна. Хуралдаанаар Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах талаар чиглэл өгөх тухай Улсын Их Хурлын тогтоолын төслийг хэлэлцэж байна. Хэлэлцэж буй асуудалтай холбогдуулан гишүүд асуулт, тодруулга авч байна.

УИХ-ын гишүүн Х.Булгантуяа:

Нөхцөл байдал ийм хурдацтай үргэлжилж байхад тогтоолоо шуурхай баталж болоогүй юм уу. Онцгой нөхцлийн үед ес хоног гэдэг удаан байна. Тогтоолын төсөлд эрүүл мэнд, төрийн үйлчилгээг хэрхэн цахимжуулах, бизнес эрхлэгчид, эдийн засагт ямар арга хэмжээ авах гэдэг тодорхой зүйл алга байна, төрийн бус байгууллага, иргэд олон нийтэд чиглэсэн уриалга байх ёстой байх. Хэрэв бид долоо хоног бүр түр хороо мэдээлэл авч Улсын онцгой комисс, Засгийн газарт чиглэл өгөөд явсан бол илүү үр ашигтай байх байсан. Бид тогтоолд нэмж халдвар алдахгүй байвал 2-3 хоногт 4-5 чиглэлийн үйл ажиллагаа явуулахыг дэмжих, бэлтгэлээ хангах зэргийг тодорхой болгох ёстой болов уу. Бүх үйл ажиллагааг нэгэн зэрэг эхлүүлэхгүй ч тодорхой хүрээнд хэсэгчлэн үйл ажиллагааг эхлүүлэх чиглэлээр тогтоолд тусгавал илүү зөв байх.

УИХ-ын гишүүн Л.Энх-Амгалан:

Түр хороо байгуулагдсан нь зөв алхам. Түр хорооноос гарах тогтоол, шийдвэрийг гаргахад шуурхай хандах шаардлагатай гэдэгтэй санал нэг байна. Энэ тогтоол зөвхөн өнөөдөр эхний хэлэлцүүлэг явж байгаа үед хэлэлцүүлэг хойшлогдох, цаг алдах зүйл байна. Хэрэв энэ тогтоол ирэх долоо хоног руу орвол зарим заалт нь үр ашиггүй болж байна. Тиймээс ийм шуурхай асуудлыг шуурхай хэлэлцээд, шийдвэрээ гаргаад явах шаардлага үүсч байгаа юм.

УИХ-ын гишүүн Ж.Чинбүрэн:

Түр хорооны тогтоолыг дэмжиж байна. Гэхдээ тогтоолыг маш шуурхай гаргах ёстой. Энэ өвчин өөрөө цаг минутаар өөрчлөгдөж байна. Энэ цар тахал зөвхөн халдвар аюултай гэх талаас нь илүү нийгэм, эдийн засагт нөлөөлж байгааг нь анхаарч, шуурхай арга хэмжээ авах хэрэгтэй байна. Маск бол хамгаалалтын том зэвсэг, халдвар гарсан газар хязгаарлалт тавьж, зарим эдийн засгийн үйл ажиллагааг хатуу хөл хорио гэхгүй зөөлрүүлэх шаардлагатай байна. Вакцины шийдвэр гарч байгаа ч бид олон төрлийн вакциныг иргэн сонгох нь нээлттэй байх ёстой гэдгийг анхааруулмаар байна. Халдвар тархаахгүй байх хамгийн гол зэвсэг бол маск байна.

УИХ-ын гишүүн Л.Энх-Амгалан:

Хамгийн чухал нь цар тахлын үед Засгийн газрын тусгай сангууд буюу эрүүл мэндийн даатгалын санд байгаа 400-500 орчим тэрбум төгрөгийн үлдэгдэл байгаа учраас ганцхан Дэлхийн банкны зээл хүлээхгүйгээр шийдэх боломжтой. Юуны өмнө галын шугам дээр ажиллаж байгаа эмч, цагдаа, онцгойгийнхон зэрэг 20 мянга орчим төрийн албан хаагч нараа юуны түрүүнд вакцинжуулж, халдвар авахгүй байх арга хэмжээг төр яаралтай авч хэрэгжүүлэх ёстой. Тэр үүднээс вакцин гаргаж буй орнуудтай даруй хэлэлцээр хийж, эрсдэлийн голомтод байгаа, эрсдэлтэй хүмүүсээ вакцинжуулах шаардлага байгаа. Сангийн сайдаар ахлуулсан ажлын хэсэг гарсан, үүн дээр Түр хороо ч мөн идэвхтэй ажиллах ёстой.

УИХ-ын дарга Г.Занданшатар:

Шинэ Дэгийн тухай хуулиар УИХ шууд батлах боломжтой. Гэхдээ гишүүд боловсруулах шаардлагатай гэвэл хэлэлцүүлэгт бэлтгээд явах боломжтой.

УИХ-ын гишүүн Т.Доржханд:

УИХ хурдтай ажиллах хэрэгтэй. Түр хороонд дандаа байнгын хорооны дарга нар, бүх сөрөг хүчний төлөөлөл орсон учраас тэр түвшинд шийдвэрээ гаргаад, шаардлагатай бол шуурхай хуралдаанд явах ёстой. Энэ  тогтоолд орсон 13 заалт маш ерөнхий байна. Банкинд байгаа муу зээлүүдийг чанартай зээл болгох эрсдэл байна. Бодит салбарууд, зээлдэгч нар дээр очих мөнгө байхгүй болох гээд байна. Тиймээс УИХ-аас зөвлөмж байдлаар маш тодорхой гаргах хэрэгтэй байна. Төсвийн тодотгол хийх ёстой ч түүнээс их боломж нь Монголбанкин дээр хадгалагдаж буй 6 их наядын үнэт цаас. Ачааллыг Засгийн газар, банкууд, бизнес эрхлэгч гэх зэргээр хуваарилахгүй бол маш олон эрсдэл үүсэхээр байна. Судлаачид маш олон зөвлөмж гаргаж байгаа ч түүнийг тусгахгүй байна. Вакциныг олон улсын байгууллагуудын саналыг үндэслэж явуулах нь зүйтэй.

УИХ-ын гишүүн Л.Энх-Амгалан:

Тогтоолд цар тахлын үед иргэн хуулийн этгээд хоорондын гүйлгээг мөнгөн тэмдэгтээр хийх ёстой гэх мэт тодорхой заалтууд оруулж өгсөн. Ипотекийн зээл хүү хойшилсноос бусад зээлүүдийг хэрхэх вэ гэдэг нь тодорхойгүй, Монголбанк арилжааны банк, иргэн хоёрыг хоорондоо зохицохыг чиглэл болгоод орхисон. Төр оролцох чиглэл рүү тогтоолын төсөлд заалт оруулах нь зайлшгүй гэж бодож байгаа.

УИХ-ын гишүүн О.Цогтгэрэл:

13 заалттай тогтоолын төсөл шийдэлгүй харагдаж байна. Тооцоолоогүй хүндрэлд орж, ачааллыг хэн хэн үүрэх вэ. Нэг хэсэг нь төр гэж байгаа, нөгөө талдаа иргэд, бизнес эрхлэгчид бий. Ачааны хүндийг үүрэлцэж болох тэр хэсэг нь төрийн албан хаагч, төрийн өмчит компаниуд гэж бодож байна. Эдгээр байгууллагын 2,4 их наядын цалингийн сангийн 20 хувийг танах боломж бий юм бишүү. Ойролцоогоор 504 тэрбум төгрөг байна. Тодорхой зэрэглэлээс дээш албан тушаалтнууд илүү өндөр хувиар байх гэх мэт зохицуулалт хийх боломжтой юм шиг харагдаад байна. Тэгэхээр энэ ачааг тэнцүүлэх боломж байна. Мөн энэ тогтоол асуудлын хойноос явах бус covid-19-ийг түгжрэл, онлайн ажиллагаа гэх мэт дэд бүтцийг бий болгох боломж байгаа учраас асуудлыг хөөж биш маргаашийн дэвшилтэт зүйлийг бэлтгэх чиглэлээр тусгах нь зөв болов уу.

УИХ-ын гишүүн Л.Энх-Амгалан:

Таны санал их чухал санаа байна. Бид авдраа уудлаад үзвэл удирдаж, ашиглаж чадахгүй зүйл олон байна. Төрийн өмчит компаниуд гэхэд 30 их наядын өгөөжгүй хөрөнгө байгаа юм. Хямрал бол боломж гэж үг байдаг. Тиймээс бид төрийн өмчит компаниудын менежмент, цалин урамшууллыг эргэн харж, төсвийн боломж, нөөц гэж харах боломжтой юм. Үүнтэй холбоотойгоор УИХ-аас тогтоол гарч байгаа. Энэ тогтоолд төрийн өмчит компаниуд дээр байгаа боломжуудыг төсвийн эх үүсвэр болгон ашиглах боломжтой. Төрийн 800 орчим үйлчилгээг цахимжуулах бодитой алхам хийж эхэлсэн. Нийгмийн хамгааллын салбарын үйлчилгээнүүд иргэдэд цахимаар хүрч байна.

УИХ-ын гишүүн С.Ганбаатар:

МАН-ын эрх баригчид Сovid-19-ийн үед 770 мянган хувиараа хөдөлмөр эрхэлж байгаа, 60 мянган жижиг бизнес эрхлэгчдийн зээлийг тэглэх ёстой гэсэн саналуудыг оруулж ирэхгүйгээр хэрэггүй тогтоол гаргаж байна. Ингэхдээ олон соёлын төвөө танах боломж байгаа ч та бүхэн ашиглахгүй байна. Эрх баригчид банкуудын халаасанд орж, ашиг сонирхлын зөрчилтэй байгаа учраас Оюутолгой, Эрдэнэт үйлдвэрийн асуудалд хариуцлага ярих хэрэгтэй. Том компаниудад л чиглэсэн тогтоол, хууль баталж байна.  МАН хариуцлагагүй ажиллаж байна. Энэ тогтоолд хувиараа эрхлэгчид, жирийн иргэдийг хамгаалах чиглэлээр нэг ч заалт алга байна.

УИХ-ын гишүүн Л.Энх-Амгалан:

Бусдын зовлонгоор улс төр хийж болохгүй, тоглоом тоотой нь дээр шүү. Та өөрөө ажлын хэсэгт байгаа, хоёр удаа хуралдахад та зарчмын зөрүүтэй санал гаргах бүрэн эрхтэй. Ажлын хэсгийн гишүүд маш олон зарчмын зөрүүтэй санал гаргасныг дэмжээд явсан. С.Ганбаатар гишүүн та ярьж байгаа зүйлүүдээ хууль болгож, ажлын хэсгийн хуралдаа суу, зарчмын зөрүүтэй саналуудаа гарга. Камерын өмнө хэн нь ард түмэндээ хайртай вэ гэдэг жүжиг тоглохоо боль, та. Оюутолгойн асуудал дээр би таниас илүү хатуу байр суурьтай байгаа. Бидний хамгийн түрүүнд хийх ёстой ажил бол 150-180 мянган үйлчилгээний байгууллага такси эрхэлдэг, үсчинх гэх мэт ажлын байруудыг хадгалах, хамгаалах чиглэлээр арга хэмжээ авах ёстой.

УИХ-ын гишүүн Ж.Батжаргал:

Тогтоол гаргахыг дэмжиж байна. Бидэнд анхаарах зүйл байна. Энэ өвчин биднийг тодорхой хэмжээнд харж үзлээ л гэж үзэхээр байна. Биднийг бэлтгэлээ хангах, дэлхийн бусад орнууд яаж тэмцэв гэдэг туршлага, сургамжуудыг өглөө, эдийн засгийн олон салбарын ажил цэгцэрцэн байдаг үед хатуу хөл хориог тогтоолоо. Одоо бид энэ асуудалд бодитой үнэлэлт хийж, авч хэрэгжүүлэх арга хэмжээгээ тодорхой болгох ёстой. Бодлого үйл ажиллагааг шуурхай хэрэгжүүлэх чиглэлээр анхаарах, авч хэрэгжүүлж буй арга хэмжээнд гүйцэтгэл, сахилгыг сайжруулах чиглэлээр онцгой анхаарах хэрэгтэй. Энэ олон ярьж байгаа зүйлүүдийг яг одоо авч хэрэгжүүлэх аминд тулсан асуудал, өвчнөөс иргэдээ хамгаалах, эдийн засгийг нураахгүй байх чиглэлээр бэлтгэлээ хангаж, авч хэрэгжүүлэх чиглэл гэсэн хоёр түвшинд авч хэрэгжүүлэх ёстой. Тухайлбал, дотоодын махны нөөц хангах, мах экспортлох, тариаланчдад олгох хөнгөлөлттэй зээлийн асуудал зэрэг олон асуудлууд бий шүү. Хөгжлийн банк болон бусад тусгай сангуудаас бодлогын эх үүсвэр гаргаж, жижиг үйлдвэр, бизнес эрхлэгчдэд нэг удаагийн дэмжлэг үзүүлэх чиглэлийн арга хэмжээ авч хэрэгжүүлэх нь зөв санагдаж байна.

УИХ-ын гишүүн Л.Энх-Амгалан:

Засгийн газрын тусгай сангуудыг бид одоо л ашиглах хэрэгтэй. Иргэд эрүүл мэндийн эрсдэлтэй нөхцөлд орсон энэ үед эрүүл мэндийн даатгалын сангийн мөнгө, ажилгүйдлийн сан зэрэг мөнгөнүүд аж ахуй нэгж, иргэдийн төлж байгаа мөнгө учраас буцаагаад зарцуулах чиглэлээр тодорхой ажил хийх хэрэгтэй байгаа юм.

УИХ-ын гишүүн Н.Энхболд:

Ажлын хэсэг Сovid-19-тэй холбоотой хууль биелж байгаа эсэх, Засгийн газрын хийж чадахгүй ажлаас УИХ юу хийх вэ гэдгийг тодорхой болгож байгаа гэж ойлгож байна. Гэхдээ хуульд өөрчлөлт оруулах эсэх, эрүүл мэндийн даатгалын эрсдэлийн сангийн мөнгийг хэрэглэх, зээлийн хүү бууруулах зэрэг зайлшгүй байх саналууд байна. Өнөөдрийн энэ тогтоолд жижиг дунд үйлдвэрлэл, үйлчилгээ эрхэлж байгаа хүмүүст чиглэсэн ямар тодорхой ажил хийж боломж юу байна гэдгийг Засгийн газарт чиглэл болгож, яаралтай оруулж ирэх чиглэлээр санал тусгах нь зөв болов уу.

УИХ-ын гишүүн Г.Тэмүүлэн:

Аж ахуй нэгж, бизнес эрхлэгчдийн 85 орчим хувь нь эрсдэлд орсон байна. Бизнесийг дэмжих санал санаачлагыг УИХ-аас тогтоолд тусгах санал санаачлага гаргах хэрэгтэй байна. Бизнесийн үйл ажиллагаанд татварын хөнгөлөлт, тодорхой хугацаанд хөнгөлөх, чөлөөлөхийг Засгийн газарт чиглэл болгох нь зөв болов уу. Татварын хөнгөлөлт, чөлөөлөлтөөс гадна эрчим хүч, дулааны зардал аж ахуй нэгжид дарамт болж байгаа учраас Засгийн газраас бодитой арга хэмжээ авах ёстой гэсэн чиглэлийг УИХ-аас өгөх ёстой.

Ийн гишүүд асуулт, тодруулга авч дууссаны дараа  Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах талаар чиглэл өгөх тухай УИХ-ын тогтоолыг хэлэлцэхийг хуралдаанд оролцсон гишүүдийн олонх дэмжив.

Чуулганы хуралдаан үргэлжилж байгаа бөгөөд хуралдаанаар Үндсэн хуулийн Цэцийн дүгнэлттэй холбогдуулан УИХ, аймаг, нийслэлийн иргэдийн төлөөлөгчдийн хурлын сонгуультай холбоотой төслүүдийг хэлэлцэж, баталсан юм. Үүний дараа чуулганы хуралдаанаар Хүний эрхийн дэд хорооны бүрэлдэхүүнд өөрчлөлт оруулах тогтоолын төслийг хэлэлцлээ. УИХ-ын гишүүн Н.Алтанхуяг тус Хүний эрхийн дэд хорооны гишүүн болох хүсэлт гаргасныг хэлэлцэж, хуралдаанд оролцсон гишүүдийн олонх дэмжив.

Ингэснээр Пүрэв гаригийн чуулганы хуралдаан өндөрлөв. Маргааш чуулганы хуралдаанд гишүүд Төрийн ордонд бүгд ирж оролцож, 4-5 танхимд хуваагдаж, чуулганы хуралдаанд оролцоно гэдгийг УИХ-ын дарга онцлов.

Ш.ЧИМЭГ

13 : 22
2020-12-3

Япон улсаас 233 сая долларын зээл авахыг дэмжив

🔴 ШУУД | #NewsMN #NewsAgency

🔴 ШУУД | #NewsMN #NewsAgency

Posted by News.mn on Wednesday, December 2, 2020

УИХ-ын чуулганы нэгдсэн хуралдаанаар Монгол Улсын Засгийн газар, Японы олон улсын хамтын ажиллагааны байгууллага хоорондын Covid-19 цар тахлын эсрэг хариу арга хэмжээний яаралтай тусламжийн зээлий хэлэлцээрийг соёрхон батлах тухай хуулийн төслийг хэлэлцэхэд гишүүдийн 63.8 хувь нь дэмжин, баталлаа.

Энэхүү яаралтай тусламжийн зээл нь Covid-19 халдварын цар тахлын үед эдийн засгийг идэвхжүүлэх, нийгмийн эрүүл мэндийг хамгаалах, иргэдийн амьжиргааг дэмжих, орлогыг хамгаалах, нийгмийн хамгааллын арга хэмжээнүүдийг хэрэгжүүлэхэд дэмжлэг үзүүлж, төсвийн зарлагыг санхүүжүүлэхэд зарцуулагдах юм. Нийт 25.0 тэрбум иенийн /ойролцоогоор 233.0 сая ам.доллар/ яаралтай тусламжийн санхүүжилт олгох ба зээлийн эргэн төлөгдөх хугацаа 15 жил, үндсэн төлбөрөөс чөлөөлөгдөх хугацаа 4 жил, зээлийн хүү жилийн 0.01 хувь, урьдчилгаа  шимтгэл 0.1 хувь, санхүүжилтийг ашиглах хугацаа нэг жил байх юм.

Зээлийн хэлэлцээртэй холбогдуулж, УИХ-ын гишүүд асуулт тавьж, хариулт авсан юм. 

УИХ-ын гишүүн Б.Жавхлан: 

Энэ зээл Олон улсын валютын сан /ОУВС/-тай хэрэгжүүлсэн хөтөлбөрийн үргэлжлэл мөн үү. Хөтөлбөрийг хэрэгжүүлж байх үед Монгол Улс гадаад өрүүдээ гадаад зээлийн эх үүсвэрээр төлөх болохоор цааргалдаг байсан. Одоо хөтөлбөр дууссан учраас ирэх онуудад гадаад өрүүдээсээ төлж эхлэх боломжтой юу. Энэ гэрээн дээр хориглосон зүйл байхгүй биз дээ. 

Хоёрдугаарт, зээлийг иениэр хийнэ гэж ойлгосон. Ханшийн эрсдлээс хамгаалсан ямар зохицуулалт хийж байгаа вэ?

Сангийн сайд Ч.Хүрэлбаатар: 

ОУВС-тай хамтран хэрэгжүүлж байсан тэр хөтөлбөртэй энэ зээл хамаарахгүй. Нийтдээ 800 орчим сая ам.долларын зээл авахаар ОУВС-тай тохирсон байсан. Үүнээсээ өмнө Японтой тохирсон байсан. ОУВС-гаас 280-аад сая ам.доллар авсан. Үлдсэнийг нь аваагүй байгаа. 

Энэ зээлийг зөвхөн Covid-19 халдвартай холбоотой асуудалд л зарцуулна. 2020 оны дөрөвдүгээр сараас аравдугаар сарын сарын хооронд авч хэрэгжүүлсэн аж ахуй нэгжүүдийг нийгмийн даатгалын шимтгэлээс чөлөөлөх, 1.5 тэрбум төгрөг хүртэлх борлуулалтын орлоготой аж ахуй нэгжийг орлогын албан татвараас чөлөөлөх, хувийн хэвшилд ажиллаж буй иргэдээс хувь хүний орлогын албан татварыг авахгүй чөлөөлөх, хүүхдийн мөнгө олгох зэрэгтэй холбоотой арга хэмжээнүүдийг санхүүжүүлэхэд хэрэглэнэ. 

Ханшийн эрсдлийг зохицуулна, Монголбанктай гэрээ байгуулан ажиллаж байна.

УИХ-ын гишүүн Ц.Туваан: 

Энэ бол сайн зээл. Гэхдээ зарцуулалт нь төсвийн алдагдал нөхнө. 233 сая ам.доллар нь ойролцоогоор 700 тэрбум төгрөг болно. Үүнийг иргэдэд тараавал ойролцоогоор 800 мянга гаруй төгрөг оногдох юм. Энэ нь иргэдийн орлогыг дэмжихээс гадна үндэсний үйлдвэрлэлийг давхар дэмжинэ. Эсвэл тус зээлийг эрүүл мэндийн салбар, хөдөө аж ахуйн салбарт зарцуулмаар байна. Төсвийн алдагдалыг нөхөж зээлийг үрэн таран хиймээргүй байна. Ерөнхий сайд мөнгө байвал хамаагүй иргэддээ тараана гэж хэлсэн. Хэлсэндээ хүрэх хэрэгтэй. Өмнө нь Засгийн газраас авч хэрэгжүүлсэн арга хэмжээнүүдийн үеэр дотооддоо халдвар алдаагүй байсан. Одоо иргэд бараг нэг сар гаруйн хугацаанд орлогогүй гэртээ сууж байна.

Эл асуудлыг хэлэлцэн шийдвэрлэснээр УИХ-ын чуулганы үдээс өмнөх хуралдааныг завсарлуулав. Чуулганы үдээс хойших хуралдаан 14.00 цагаас үргэлжилнэ. 

10 : 52
2020-12-3

Гаалийн албан татвараас чөлөөлөх тухай төслийг дэмжив

УИХ-ын чуулганы нэгдсэн хуралдаанаар Засгийн газраас өргөн мэдүүлсэн Гаалийн албан татвараас чөлөөлөх тухай хуулийн төслийн анхны хэлэлцүүлгийг хийж дуусган, эцсийн хэлэлцүүлэгт бэлтгүүлэхээр холбогдох байнгын хороонд шилжүүллээ. 

Covid-19 цар тахалтай холбоотойгоор хүнсний гол нэрийн бүтээгдэхүүний хангамж нийлүүлэлтэд хомсдол үүсэх, үнэ өсөхөөс сэргийлэхийн тулд бүх төрлийн хүнсний будаа, ургамлын тос, бүх төрлийн малын тэжээл, түүхий тосыг Гаалийн албан татвараас чөлөөлөхөөр төсөлд тусгасан юм. Ингэхдээ 2021 оны тавдугаар сарын 1-ний өдрийг хүртэлх хугацаанд дээрх нэр төрлийн бүтээгдэхүүнийг Гаалийн албан татвараас чөлөөлөхөөр тусгасан байдаг.

Хэлэлцүүлгийн шатанд  УИХ-ын гишүүд хуулийн төсөлтэй холбогдуулан асуулт тавьж, хариулт авлаа. 

УИХ-ын гишүүн Ж.Бат-Эрдэнэ:

Жилээс жилд ургац хураалт багасч байна. Цааш цаашид ямар арга хэмжээ авах вэ. Хөдөө аж ахуйн үйлдвэрлэлийг сэргээхэд ямар бодлого баримтлах вэ. Хивэг тэжээлийн хэдэн үйлдвэр байгаа вэ. Хивэг тэжээлийн үнэ нэмэгдэж байна. Энэ асуудал дээр ямар бодлого баримтлах вэ?

Хүнс хөдөө аж ахуй, хөнгөн үйлдвэрийн сайд З.Мэндсайхан:

Сүүлийн 10 гаруй жил улаан буудайг дотоодоосоо хангадаг гэсэн ойлголттой байсан. Би ажлаа авснаасаа хойш сүүлийн 5 жил улаан буудайг дотоодоосоо хангаж чадахгүй байгааг ойлгосон. Газар тариалан мал аж ахуй хоёр зөрчилдөж эхэлж байна. Бэлчээрийн аж ахуй газар тариалангаа татаж унагаахад бэлэн болчихлоо. Иймээс энэ асуудлыг ялгаж салгаж шийдвэрлэх хэрэгтэй байна. Хивэг тэжээлийн дөрвөн үйлдвэр бий.

УИХ-ын гишүүн Ж.Батжаргал: 

Гаалийн татвараас чөлөөлөх тухай хуулийг долдугаар сарын 1-н болтол өөрчилснөөр төсөвт дарамт ирэхгүй. Дотоодоосоо өвс, тэжээлийг хангана гэсэн. Гэтэл төсөлд санал тусгасангүй. 

УИХ-ын гишүүн Д.Ганбат:

Баянхонгор аймаг нэн эрсдэлтэй аймаг. Ган, зуд, корона давхцаад гарлаа. Баянбулаг, Баян-Өндөр суманд өвс, тэжээл хэдэн төгрөгөөр хэдэнд очих вэ. Яаж тооцох вэ. Улсын онцгой комисс Хүнс хөдөө аж ахуйн яамны өвсний фондод байгаа өвсөө үнэгүй өгчиж болохгүй юу. Манай Улаанбаатарынхан махаа хямдхан идэх дуртай мөртлөө малчдад туслахгүй дургүй.

Хүнс хөдөө аж ахуй, хөнгөн үйлдвэрийн сайд З.Мэндсайхан:

Гааль, НӨАТ-аас чөлөөлөх хууль гарсан ч гадаад зах зээл дээр үнэ өсөөд байна. Улаанбуудайн үнэ ОХУ-д өсч, квот тогтоосон. Бид дутагдал, үнийн өсөлт, нийлүүлэлтийн хомсдлоос сэргийлж, арга хэмжээ авч байгаа. Нийлүүлэлт, үйлдвэрлэлийн тоо хэмжээ  нэмэгдээд ирэхээр үнэ буурдаг зах зээлийн зарчмаар явна. Өнжсөн өвсийг малчдад үнэгүй өгнө гэдэг шийдвэрийг Улсын онцгой комиссын дарга гаргасан гэв.

Үүний дараа Засгийн газраас өргөн мэдүүлсэн Нэмэгдсэн өртгийн албан татвараас чөлөөлөх тухай хуулийн төслийн анхны хэлэлцүүлгийг хийв. Энэхүү хуулийн төсөлд бүх төрлийн хүнсний будаа, ургамлын тос, бүх төрлийн малын тэжээл, түүхий тосыг Нэмэгдсэн өртгийн албан татвараас чөлөөлөхөөр тусгасан юм.

Хуулийн төслийг хэлэлцэх шатанд УИХ-ын гишүүд өвс, тэжээлийг малчдад зээлээр олгох боломж бий эсэхийг тодруулсан юм. Улсын онцгой комисс аймгуудын нөөцөд байгаа өнжмөл өвсийг үнэгүй, ингэхдээ шинэ өвстэй холиод малчдад өгөх шийдвэр гарсан бөгөөд аймгуудын удирдлагуудад чиглэл хүргүүлсэн байна. Харин өвс, тэжээлийг зээлээр олгох асуудлыг малчид болон аж ахуйн нэгжүүд хоорондоо тохиролцоод, шийдвэрлэх боломжтой гэж үзэж байгаа аж.

Салбарын яамны зүгээс үйлдвэрлэгчидтэй санал солилцон, энэ чиглэлээр бодлогын арга хэмжээ авч ажиллана гэв. Өвөлжилт, хаваржилт нэгэнт хүндрэх нь тодорхой байгаа тохиолдолд боломжоороо малаа эдийн засгийн эргэлтэд оруулах, үүнд төр зохих хэмжээний оролцоотой байж арга хэмжээ авч хэрэгжүүлэх саналыг мөн гишүүд гаргасан юм.

Салбарын яам төрөөс ийм төрлийн ажлыг гардан гүйцэтгэх боломж байхгүй, малчин, аж ахуйн нэгж хоорондоо ийм төрлийн тохиролцоо хийх замаар малыг эдийн засгийн эргэлтэд оруулах боломжтой, харин төр бодлогын дэмжлэг үзүүлэх байдлаар оролцож, холбогдох арга хэмжээг авч ажиллаж байгаа гэлээ.

    Ингээд Байнгын хороогоор хэлэлцэн шийдвэрлэсэн зарчмын зөрүүтэй 4 саналын томъёоллоор тус бүр санал хураалт явуулан шийдвэрлээд, төслийг эцсийн хэлэлцүүлэгт бэлтгүүлэхээр Төсвийн байнгын хороонд шилжүүлсэн юм.

 

10 : 22
2020-12-3

УИХ-ын чуулган эхэллээ

УИХ-ын чуулганы пүрэв гаригийн нэгдсэн хуралдаан эхлээд байна.

Улаанбаатар хотын хэмжээнд хатуу хөл хорионы дэглэм үргэлжилж байгаа тул УИХ-ын гишүүд зарим нь чуулганы танхимаас зарим нь ZOOM программ ашиглан гэрээсээ хуралдаанд оролцож байна.

Чуулганы нэгдсэн хуралдаанаар дараах асуудлыг хэлэлцэхээр төлөвлөжээ.

Гаалийн албан татвараас чөлөөлөх тухай хуулийн төсөл /Засгийн газар 2020.11.20-ны өдөр өргөн мэдүүлсэн, анхны хэлэлцүүлэг/;

Нэмэгдсэн өртгийн албан татвараас чөлөөлөх тухай хуулийн төсөл /Засгийн газар 2020.11.20-ны өдөр өргөн мэдүүлсэн, анхны хэлэлцүүлэг/;

Монгол Улсын Засгийн газар, Японы олон улсын хамтын ажиллагааны байгууллага хоорондын “Ковид-19 цар тахлын эсрэг хариу арга хэмжээний яаралтай тусламжийн зээл”-ийн Зээлийн хэлэлцээрийг  соёрхон батлах тухай хуулийн төсөл  /Засгийн газар 2020.11.23-ны өдөр өргөн мэдүүлсэн, соёрхон батлах/;

Монгол Улсын 2021 оны төсвийн тухай хууль болон түүнийг дагалдан батлагдсан хуулиудад бүхэлд нь тавьсан Монгол Улсын Ерөнхийлөгчийн хориг;

Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах талаар чиглэл өгөх тухай Улсын Их Хурлын тогтоолын төсөл;

Монгол Улсын Их Хурлын сонгуулийн тухай хуульд өөрчлөлт оруулах тухай, Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуульд өөрчлөлт оруулах тухай хуулийн төслүүд /Үндсэн хуулийн цэцийн 2020 оны 09 дүгээр дүгнэлтийг хүлээн зөвшөөрсөнтэй холбогдуулан боловсруулсан/;

Монгол Улсын Их Хурлын сонгуулийн 28 дугаар тойрогт нөхөн сонгууль товлон зарлах, санал авах өдрийг тогтоох тухай Улсын Их Хурлын тогтоолын төсөл;

Монгол Улсын Их Хурлын сонгуулийн 28 дугаар тойргийн нөхөн сонгуульд техник хэрэгсэл хэрэглэх тухай Улсын Их Хурлын тогтоолын төсөл;

Хүний эрхийн дэд хорооны бүрэлдэхүүнд өөрчлөлт оруулах тухай” Улсын Их Хурлын тогтоолын төсөл.

Г.ХОРОЛ

Энэ мэдээнд өгөх таны сэтгэгдэл?
7
ЗөвЗөв
3
ТэнэглэлТэнэглэл
2
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

35 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-03 66.181.161.88

Baigaa vymaa hywaaj idne shvv turiin albniihaan!!

Avatar

Зочин 2020-12-03 103.9.90.100

яаж ийм болчимгүй үг хэлж чадаж байнаа. Төрийн алба хаагч бид энэ төрийн үйл ажиллагааг хэвийн явуулахын тулд цаг хязгаарлахгүйгээр ажилладаг. Илүү цаг ажилласандаа хэзээ гомдоллож байгаагүй, цалин хөлс бага гэж дуугарч байгаагүй. Яаж бидний цалинг хасья гэдэг санал гаргаж чадаж байна. Бид өнөөдрийн хүнд хэцүү цагт татвараа төлөөд л ар гэр үр хүүхэд эцэг эхдээ тус дэм болж, төрийн ачааг үүрэлцэж явна. Бид ч татвар төлөгч шүү

Avatar

Зочин 2020-12-03 202.131.235.74

tatwaraa sain tol tsotgerelee

Avatar

ХУД-ийн иргэн Ш.Раднаа:ТӨЛБӨР ХИЙХЭЭ ТҮР АЗНАЖ БАЙНА 2020-12-03 103.26.195.13

Манайх ХУД-ийн 19 хороо, 61 дүгээр байранд амьдардаг. Сүүлийн 3 сарын дунджаар цахилгааны төлбөрт 32000 орчим төгрөг төлжээ. Гэтэл энэ сард 45511 төгрөг бичжээ.Цар тахлаар далимдуулаад иргэдээс МӨНГӨ авъя гэж бодоогүй байлтай. Манайх сүүлийн 10 жил сар бүр төлбөрөө төлж ирсэн. Одоо УБТЦТС-ээс энэ зөрүүг нь дараа сард суутгаж тооцох талаар нийтэд зарлах хэрэгтэй. Тэгэхгүй бол иргэд хохирно. Манайх гэхэд 13500 төгрөгөөр хохирох юм байна. ИЙМЭЭС МАНАЙХ ТӨЛБӨР ХИЙХЭЭ ТҮР АЗНАЖ БАЙНА.

Avatar

Төрийн албаны ахмад ажилтан Ш.Раднаа:УИХ-ын гишүүн ямар ч санал гаргаж болох ч жаахан баримжаатай ярих хэрэгтэй 2020-12-03 103.26.195.13

Цогтгэрэл олон арван төрийн албан хаагчийг өвлийн хүйтэнд ажлаас нь халах санал гаргажээ. Төрийн албан хаагчдынх нь нэлээд нь хуулиар аж ахуй эрхлэх эрхгүй 25 жил болж байна. Төр энэ эрхийг нь хассаныгаа нөхөж тэтгэвэрт гарахад нь 36 сарын цалинтай тэнцэх тусламж өгдөг юм. Цогтгэрэл шиг бизнес эрхлээд зоорьтой болоогүй гэсэн үг.Төрийн албаны удирдах тушаалд бизнесээс орсон зоорьтой хүмүүс бий нь бий УИХ-ын гишүүн ямар ч санал гаргаж болох ч жаахан баримжаатай юм ярихгүй бол болдоггүй юм шүү дээ.

Avatar

Иргэн 2020-12-03 66.181.177.241

Бодлогогүй, ядмаг санал.

Avatar

А 2020-12-03 202.9.40.65

Яагаад заавал рэмнэлт хийхдээ ирэгдийн цалинг танах бодлого явуулах ёстой вэ өөр танаж болох зүйл зөндөө баймаар юм

Avatar

зочин 2020-12-03 66.181.186.195

Та нар тэр төсөвт суулгасан хэрэггүй байшин барилгуудаа болио. 3 их наяд төгрөг тийм хэрэггүй юманд эдийн засаг ийм байх үед зарцуцлах нь буруу гэж үзэж байна.

Avatar

ЗОЧИН 2020-12-03 202.9.46.112

2,4 их наядын цалингийн сангийн 20 хувийг танах боломж бий юм бишүү. Ойролцоогоор 504 тэрбум төгрөг байна. Тодорхой зэрэглэлээс дээш албан тушаалтнууд илүү өндөр хувиар байх гэх мэт зохицуулалт хийх боломжтой юм шиг харагдаад байна гэсэн маш зөв зүйтэй санал байна шүү.

Avatar

Тм биз 2020-12-03 103.57.94.155

УИХ гишүүд энэ хүнд үед бүгдээрээ цалингаасаа татгалзчих л даа. Тэртэй тэргүй цалин авсан аваагүй амьдрлын баталгаатай хүмүүс юм чинь, Тийм биз дээ…..

Avatar

иргэн 2020-12-03 192.82.69.171

Юм л бол тулсан бэрхшээл, тулгарсан аюулын өөдөөс хамгийн түрүүнд тавьж оруулдаг төрийн албан хаагчдаа нохойд барьдаг мод шиг цалингаас өөр орлогогүй тэдний цаланг хасах тухай яриа дэндүү шударга бус байна. Төр засгийн дарга нар ч, УИХ-ын гишүүд ч загнаж зандраад, төрийн бус байгууллагынхан, хувийн эзэд ч доромжилж давшилдаг ганц зүйл нь төрийн албан хаагчид болжээ. Өнөөдөр тэд л өвчний өөдөөс орж, тэмцэж, хууль хэрэгжүүлж, ард иргэдээ өдөр шөнөгүй хамлгаалж явна. Тэдэнд урам өгч дэмжицгээе

Avatar

Зочин 2020-12-03 66.181.181.136

Ерөнхийлөгч, Засгийн газрын гишүүд, УИХ-ын гишүүдийн цалинг таньяа!

Avatar

/*-*/ 2020-12-03 49.0.212.165

Тэглээ гээд хэдэн төгрөг хэмнэх билээ дээ чааваас, ийм олгойтой юм байж дуугүй цагираглаад хэвтэж бай орк минь

Avatar

иргэн 2020-12-03 192.82.69.171

Төр ч бай, төрийн өмчит компани ч бай, иргэдийнхээ цалинг 20 хувь танаж асуудлын ард гарна гэж бодож, хэлж байгаа гишүүд хэлсэн үгээ дахин дахин тунгааж байх хэрэгтэй. Хувь хүний орлогыг хасахаас өөр эдийн засаг, зохион байгуулалтын үр ашигтай арга хэлбэрийг олж харж хэрэглэх нь хүмүүнлэг шийдэл болно. Юм л бол цалинг хасах, орлогыг нь үгүй хийх тухай ярьж болохгүй. Төрийн албан хаагчид чинь иргэд шүү дээ, Тэд бас хамгийн түрүүнд цар тахалтай амь өрсөж тэмцэж байгаа шүү.

Avatar

z 2020-12-03 202.9.46.76

zeel olohl ajil geed bodchihson hulgaachuuud tergeee vrj huwaaj ideh gej booon zambaraagui toslvvvd mongolchuuudad yg taaarsan ard tvmen yrisan hulgaachuuud

Avatar

Зочин 2020-12-03 139.5.216.161

Төрийн албан хаагч хэдэн хүн байдаг юм бол. Хэрэгтэй орон тоо бдаг мэдээж. Хааяа нэг төрийн үйлчилгээ хүртэх гээд (олон жилийн урд) явж бхад яам захиргааны байранд юу хийдэг нь мэдэхгүй гиюүрсэн амьтас их бсан одоо хэвээрээ л бхдаа

Avatar

Зочин 2020-12-03 64.119.19.243

НЭГ АЙЛ ГЭСЭН ҮГ ШҮҮ ДЭЭЦАЛИНГАА БУУХААР ИНГЭНЭ ТЭГНЭ ГЭЭД ТӨЛӨВЛӨДӨГТӨЙ Л АДИЛХАН ЖААХАН ЯДУУ ЗАЛХУУ ХҮҮХДҮҮДТЭЙ АЙЛ Л ГЭХ ЮМУУ

Avatar

Зочин 2020-12-03 64.119.21.163

Засаг төрд байгаа хүмүүс монголын хөрөнгө мөнгийг маш их шаардлагагүй зүйлд зарцуулж хогийн гаруудын халаасанд хийж өгч байгаа бодит үнэн гэвэл юу чухал шаардлагатай юу шаардлагагүй гэдгээ ч ялгаж салгаж чадахгүй чадваргүй байдалтай л байна даа

Avatar

xvrel svx mungugvi get delxiid ard tvmnee do doromjiloloo chi bvxniig tanaad ugux estonioi bsan bid xemjeelshgvi oxin bayalagtai archaagvi urnaa svx 2020-12-03 202.9.40.58

xvrel svx ard tvmendee mongol mungugvi gulagchin gej doromjiloo bid bayan xvmvvs uxna svxee chi ingej bodi bbal man mongol uls sunuluu

Avatar

Зочин 2020-12-03 64.119.26.188

Цар тахлын үеэр гаргасан УИХ,ЗГ ын цалин нэмсэн тогтоолуудаа хүчингүй болгоо,ард иргэд орлого байхгүй хэцүү байна

Avatar

Зочин 2020-12-03 124.158.67.206

Төрийн албанд 20 жил ажиллаа. Өлсөхгүй цадахгүй л амьдарч ирсэн. Хувцас нтр олигтой юм хэрэглэж чаддаггүй цалин бага шүү дээ. Ажил дээрээ өдрийн хоол аваад идчих юм бол цалин унаа өдрийн хоолондоо л зарцуулагдана. Угаасаа хүрэлцэхгүй цалингийн юугийн хасах гээд байгаа юм. Олон дарга нараа цөөлсөн нь зөв байхаа

Avatar

Арчаагүй төр засагтай Монгол улс 2020-12-03 66.181.189.251

Арчаагүй худалчууд.

Avatar

Зочин 2020-12-03 66.181.187.228

ашигтай санлаа бичээч чадахгүй бол дуугуй л бай

Avatar

Зочин 2020-12-03 202.21.108.3

ТЭГЭХЭЭР ХУДАЛДАН АВАЛТ ЧИНЬ 20 ХУВЬ БУУРААД ҮЙЛДВЭРЛЭЛ, БИЗНЕС ЧИНЬ АГШИДАГГҮЙ ЮМУУ

Avatar

Зочин 2020-12-03 103.212.118.91

Худлаа амлатуудаа боливол яасан юм бэ? Бизнес эрхлэгчдээ дэмжинэ гэж мөн ч удаан ярилаа одоо болсон. Дорвитой ажил хийгээч Өөрсдөөсөө эхэл зардалуудаа тана

Avatar

Зочин 2020-12-03 202.126.88.46

Хөндий шавар бүү санхүүжүүл

Avatar

zochin 2020-12-03 122.201.31.111

Ih hurliin teneguud sain zeel saihan zeel geed l heden zuun sayaar ni avaad baidag naad mungiig chini mongoliin ard tumen l tulnu shuu dee altanhuyagiin zasgiin gazriig ih zeel avsan aa yaa geed baisan hurelbaatar tuunees hed dahin ih ur tulburiig avaad bid bidnii ur huuhduud ch davj diileheergui urund oruulj bn daraa ni hugatsaa ni duusanguut MAN iinhan hayaad yavaad ugnu daraagiin zasag ni garch ireed uruu tuluh gej uilee uzene MAN iinhan bid yamar saihan bailaa edniig harj bn uu geed l baalan

Avatar

Зочин 2020-12-03 202.9.40.75

Тэртээ тэргүй хүрэхгүй байгаа цалинг хасаад ядуурлаа бүүр л нэмнэ. Хүмүүс одоо тэсэхгүй шүү. Та нар өөрсдөө тансаглалаа зогсоо. Илүү дутуу машинаа зар. Туслах зөвлөх нэртэй сул цалин авагсдаа цөөл. Тэр өрөөнийхөө үүдэнд том төхөөрөмж тавьдаг тэнэгээсээ эхэл

Avatar

Зочин 2020-12-03 64.119.21.163

НЯНГАРууд торд байгаа цагт улс монготэй байна гэж байхгуй дээ монго байсан ч нянгарууд оорсдодоо л зориулна

Avatar

Зочин 2020-12-03 64.119.27.250

Зээл авлаа төсвийн цоорхойгоо нөхнө.

Avatar

Зочин 2020-12-03 150.129.142.23

Ene muu novshnuud zeelehees uur id shid bn uu? Faaak

Avatar

Зочин 2020-12-03 202.179.21.229

Dahiad zeell!!!!!!!!!!!!!!!

Avatar

Зочин 2020-12-03 103.20.152.50

ЭНЭ дарга нар "байгаа" байгаа" байгаа" ГЭДЭГ ҮГИЙГ ЦӨӨХӨН ХЭЛЖ МОНГОЛ ХЭЛЭЭРЭЭ САЙХАН ЯРИХ ХЭРЭГТЭЙ ШҮҮ ДЭЭ ….

Avatar

Зочин 2020-12-03 66.181.186.37

Эохэм гишүүдэд шилэн хаалт хийгээд байсан биз дээ. Цахимаар хуралдах байсан юм бол яах гэж тийм юм хийсэн юм бэ. Хайран мөнгө..

Avatar

Зочин 2020-12-03 66.181.183.146

Сэлэнгийн тойрогт ор гарчаад байгаа Ж. Эрдэнэбат шүүхдэж дуусаагүй юу

NewsMN Гар утасны хувилбар Татах
NEWS.mn

Мэдээллийн эх сурвалж