ОХУ-ын Боловсролын яамнаас хийсэн судалгаагаар сурагчдын идэх дуртай хоол нь борщ, пицца, котлет гэсэн хариу гарчээ.

Оросын 64 муж нутгийн 3500 сурагчийн дунд судалгааг олон нийтийн сүлжээнд тулгуурлан хийсэн болохыг Боловсролын яамны Хэвлэлийн алба мэдээллээ.

"Судалгаагаар сурагчдын хамгийн их идэх дуртай хоол нь борщ, пицца, котлет байлаа. Мөн макарон, зайдас, жигнэсэн байцаа идэх дуртай гэсэн дүр зураг гарлаа. Харин хамгийн дургүй хоол нь нь загасны шөл байлаа” хэмээн Хэвлэлийн алба онцолжээ.

Оросын Сурагчдын хөдөлгөөн ТББ өмнө нь мөн ийм чиглэлээр судалгаа хийж байсан аж. Тус ТББ-ын гүйцэтгэх захирал Ирина Плещевагийн хэлснээр уг судалгаагаар сурагчдын хамгийн идэх дургүй хоол нь загасны котлет, вандуйн нухаш, шарсан элэг байжээ.