Вакцин тариулаагүй хүмүүст бар, ресторан, кино театр үйлчлэхгүй | News.MN

Вакцин тариулаагүй хүмүүст бар, ресторан, кино театр үйлчлэхгүй

Вакцин тариулаагүй хүмүүст бар, ресторан, кино театр үйлчлэхгүй

Вакцин тариулаагүй хүмүүст бар, ресторан, кино театр үйлчлэхгүй

Их Британийн шинэ худалдаа, аж үйлдвэрийн сайд Надим Захави олон нийтийг Covid-19-ийн эсрэг вакцинжуулалтад идэвхтэй хамруулахын тулд шинэ санал дэвшүүлжээ.

Их британичууд вакцин тариулах эсэхээ өөрсдөө шийдэж, сайн дураар тариулах эрхтэй боловч Надим Захавигийн хэлснээр зарим бар, ресторан, кино театр, спортын байгууллагуудаар үйлчлүүлэхийн тулд вакцин тариулснаа нотлох шаардлагатай болж магадгүй аж. Тэрбээр “Хүмүүс өөрсдөө вакцин тариулах эсэхээ шийдэх эрхтэй хэдий ч вакцин хийлгэх нь гэр бүл, нийгэм, улс орныхоо төлөө хийж буй сайн зүйл гэдгийг ухамсарлах хэрэгтэй” хэмээн ярьжээ.

Түүнээс гадна иргэний агаарын тээврийн компаниуд эрх баригчдын шийдвэрээс үл хамааран вакцин тариулаагүй хүнд үйлчлэхгүй байх талаар хэлэлцэж эхэлсэн аж. Гэвч зарим мэргэжилтнүүд энэ мэт хязгаарлалт нь хүний эрхийг зөрчиж буй явдал хэмээн үзэж буй юм байна.

Их Британи эхний ээлжинд долоон өөр вакцины нийт 357 сая тун захиалсан бөгөөд Ерөнхий сайд Борис Жонсоны мэдээлснээр вакцинуудын нэг нь ойрын хэдэн долоо хоногийн дотор бэлэн болох аж. Хууль тогтоогчид Захавигийн саналыг ойрын хугацаанд хэлэлцэх бөгөөд олонх нь дэмжих бололтой. Ингэснээр вакцин тариулахаас татгалзсан хүмүүс нэг хэсэгтээ тариулсан хүмүүсээс бага эрх чөлөө эдлэх юм.

Эх сурвалж: DAILYMAIL

Энэ мэдээнд өгөх таны сэтгэгдэл?
14
БурууБуруу
7
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

MOGEUH 2020-12-02 202.9.46.140

Mongolin Ontsgoi gamshgin ersdel unlegchdin holboo ard irged ta buhen gaduur baga yavaj garaa saitar ugaaj gertee agaar solij maska zuuj hevshih MOGEUH

NewsMN Гар утасны хувилбар Татах
NEWS.mn

Мэдээллийн эх сурвалж