ЭМЯ: Батлагдсан тохиолдлуудаас 3 хүний бие маш хүнд байна | News.MN

ЭМЯ: Батлагдсан тохиолдлуудаас 3 хүний бие маш хүнд байна

ЭМЯ: Батлагдсан тохиолдлуудаас 3 хүний бие маш хүнд байна

ЭМЯ 11.00 цагийн мэдээлэл

ЭМЯ-аас коронавирусийн нөхцөл байдлын талаар ээлжит мэдээллээ хийж байна

Posted by News.mn on Tuesday, December 1, 2020

Эрүүл мэндийн яамнаас Covid-19 халдварын нөхцөл байдлын талаар цаг үеийн ээлжит мэдээллээ хийлээ. Өчигдөр буюу арванхоёрдугаар сарын 1-нд нийт 12.015  хүнд шинжилгээ хийсэн. Үүнд 259 хүний хавьтлын шинжилгээ орсноос 11 хүнд Covid-19 илэрсэн. Улаанбаатар хотод шинээр зургаан тохиолдол нэмэгдэж, ойрын гэр бүл, хамт ажилладаг, нэг байранд байсан хүмүүс өвчилсөн. Улаанбаатар хотод ойрын хавьтлын 1063 хүн байгаагаас 386-д нь гурван удаа шинжилгээ, 827 хүнд хоёр удаа шинжилгээ хийсэн. Батлагдсан тохиолдлын илрүүлэг хийхэд эхний шинжилгээгээр 71 хувьд вирус илэрч байгаа бол 26 хувь нь хоёр дахь, гурван хувь нь гурав дахь шинжилгээгээр онош нь батлагдаж байна.

ХӨСҮТ-ийн Тандалт, судалгааны албаны дарга А.АМБАСЭЛМАА:

-Улаанбаатар хот, зургаан аймагт тандалт судалгаа үргэлжилж байна. Улсын хэмжээнд Covid-19-ийн 812 тохиолдол батлагдсанаас дотоодын халдвар 429 болж байна. Эдгэрсэн 358, гэрийн ажиглалтад байгаа нэг, сувиллын ажиглалтад 35, ажиглалт тандалтын хугацаа дууссан 322 хүн байна. Нутаг буцсан есөн хүн байна. ХӨСҮТ болон Цэргийн төв эмнэлэгт нийт 445 хүн эмчлүүлж байна. Батлагдсан тохиолдлуудаас биеийн байдал нь маш хүнд гурав, хүнд тав, хүндэвтэр 77, хөнгөн 360 хүн байна.

Улаанбаатарт өвчлөл бүртгэгдсэн дүүрэг, хороод:

  • Баянгол дүүргийн 9 хороонд 23 тохиолдол,
  • Баянзүрх дүүргийн 5 хороонд 25 тохиолдол,
  • Сүхбаатар дүүргийн -4 хороонд 12 тохиолдол,
  • Сонгинохайрхан дүүргийн 3 хороонд 13 тохиолдол,
  • Хан-Уул дүүргийн 4 хороонд 15 тохиолдол,
  • Чингэлтэй дүүргийн 1 хороонд 1 тохиолдол,
  • Багануур дүүргийн 4 хороонд 1 тохиолдол тус тус бүртгэгджээ. Ингэснээр Улаанбаатарын дотоодын халдвар 90 боллоо.

Өнгөрсөн 24 цагт Дархан-Уул, Архангай, Дорноговь, Говьсүмбэр аймагт халдварын шинэ тохиолдол бүртгэгдээгүй байна. Харин Сэлэнгэ, Орхон аймагт шинэ тохиолдол бүртгэгджээ. Тодруулбал,

  • Сэлэнгэд шинээр 3, нийт 183 тохиолдол,
  • Орхон аймагт 2 тохиолдол шинээр, нийт 24 тохиолдол боллоо.

“ХАЛДВАР АВСАН ХӨСҮТ-ИЙН ЭМЧ НАРААС ДОЛОО НЬ ЭДГЭСЭН”

-Covid-19-ийн эсрэг вакциныг хэрхэн зөөвөрлөж авчрах болон хадгалалтын горимын талаар төлөвлөгөө гаргасан уу?

Д.НАРАНГЭРЭЛ: Монгол Улс, Засгийн газар Дархлаажуулалтын тухай хуультай. Энэ хуулийн дагуу бүх арга хэмжээг зохион байгуулдаг. Covid-19-ийн эсрэг вакцин авахын тулд бид өнгөрөгч долдугаар сараас эхлэн холбогдох шатны байгууллагуудад саналаа хэлж, бэлэн байдлаа хангаж байна. Одоогоор Covid-19-ийн эсрэг вакциныг хадгалах, түгээх, дархлаажуулах төлөвлөгөө гаргаж, дархлаажуулалтын зөвлөх хорооны хурлаар хэлэлцүүлэн, Шадар сайдаар батлуулахаар Улсын онцгой комисст албан бичгээр хүргүүлээд байна. Монгол Улс дархлаажуулалтыг товлолын дагуу хийхээс гадна H1N1 өвчний вакциныг ч ДЭМБ-ын шугамаар хамгийн түрүүнд авч хийсэн туршлагатай орон. Энэ туршлага дээрээ үндэслэн бүх төлөвлөгөөгөө бэлдсэн.

-ХӨСҮТ-ийн халдвар авсан эмч нарын биеийн байдал ямар байна вэ?

А.АМБАСЭЛМАА: Өнөөдрийн байдлаар ХӨСҮТ болон Цэргийн төв эмнэлэгт нийтдээ 445 батлагдсан тохиолдол эмчлэгдэж байна. Тэдгээр хүмүүсээс 70 гаруй нь зөөвөрлөгдөн ирж, халдвартын клиникт эмчлэгдэж байгаа тохиолдол юм. Харин эмнэлгийн эмч, ажилчид эхнээсээ эдгэрээд зургаа, долоон хүн дараагийн шатны ажиглалтад шилжсэн. Үлдсэн эмч, сувилагчийн эмчилгээ үргэлжилж буй бөгөөд биеийн байдал нь сайн байна.

“COVID-19-ИЙН ЭСРЭГ ВАКЦИНЫГ ЖИЛ БҮР ХИЙХ ШААРДЛАГАТАЙ БОЛЖ МАГАДГҮЙ”

-Covid-19-ийн дархлаа маш богино хугацаатай тогтдог. Иймд цаашид Covid-19-ийн эсрэг вакцин орж ирвэл жил бүр хийлгэх шаардлагатай болох уу?

Д.НАРАНГЭРЭЛ: Covid-19 шинэ учраас энэ вирусээр өвдсөн хүмүүст дархлаа хэчнээн хугацаанд тогтож байгаа талаарх судалгааг дэлхийн 20 гаруй орон хийсэн. Хамгийн сүүлчийн судалгаагаар, Covid-19-өөр өвчилж эдгэрсэн хүмүүст зургаан сараас жилийн хугацаанд дархлаа тогтож байсан гэсэн. Ер нь вирусийн дархлаа тогтох нь харьцангүй богинохон байдаг. Та бүхний мэдэх томуугийн хувьд жил бүр өвчлөх хүрээ нь өөр өөр гардаг учраас жил бүр улирлын томуугийн эсрэг вакцин хийдэг. Иймд урьдчилсан байдлаар үзэхэд, Covid-19-ийн эсрэг вакциныг жил бүр хийх шаардлагатай болж магадгүй. Халдвар авсан хүмүүсийн 80 хувь нь хөнгөн байдлаар өвчилж байна. Одоогийн нөхцөлд багц болон алаг цоог хэлбэрээр тархалтыг тогтоож, хавьтлуудыг илрүүлж байна.

-Батлагдсан тохиолдлын хавьтлуудыг хэр хугацаанд илрүүлж байгаа вэ?

А.АМБАСЭЛМАА: Бид батлагдсан тохиолдол илэрмэгч 24-48 цагийн дотор хавьтлуудыг олж тусгаарлаж байна. Сүүлчийн гарсан тохиолдлууд дээр ойрын хавьтлуудаа хэлэхгүй байх тохиолдол гарсан. Вирус илрүүлэх хугацаа хувь хүний биеийн онцлогтой холбоотой.

-2021 оны төсөвт вакцинд тодорхой хэмжээний хөрөнгө тусгасан. Тэр дундаа Эрүүл мэндийн сайдын багцад вакцинд 20 тэрбум төгрөг төсөвлөсөн гэсэн мэдээлэл байна. Энэ нь Covid-19-ийн эсрэг вакцинд тусгасан төсөв мөн үү?

А.АМБАСЭЛМАА: Эрүүл мэндийн сайдын багцад жил бүр товлолын вакцин худалдан авах, хүйтэн хэлхээний тоног төхөөрөмж, орон нутагт тээвэрлэх зардал байнга тусгагддаг. Өөрөөр хэлбэл, товлолын дархлаажуулалтын хөрөнгийг Эрүүл мэндийн сайдын багцад тусгасан.

“ИРГЭД ГАР УТСАНД ИРСЭН МЕССЭЖ БОЛОН ИРГЭНИЙ ҮНЭМЛЭХЭЭ ЗААВАЛ БИЕДЭЭ АВЧ ЗОРЧИНО”

ЭМЯ-ны Төрийн нарийн бичгийн дарга Я.АМАРЖАРГАЛ:

-Хот, орон нутагт байгаа иргэдийг буцаах үйл ажиллагааг зохион байгуулах ажлын хэсгийг Шадар сайдын 2020 оны 33 дугаар тушаалаар байгуулсан. Ажлын хэсгийг Зам, тээвэр хөгжлийн яамны Төрийн нарийн бичгийн дарга ахалж байна. Улаанбаатар хотод хязгаарлалтын дэглэмд байгаа иргэдийг орон нутагт нь буцаах ажлын хүрээнд 300 гаруй эмнэлгийн эмч, ажилчид 20 цэгт 20 баг болж, PCR шинжилгээний сорьц цуглуулах үйл ажиллагааг эхлүүлээд байна. Мөн цагдаа, онцгой байдлын байгууллагын алба хаагчид нийт 700 гаруй хүн энэ ажиллагаанд оролцож байна.

Энэ үйл ажиллагааны хүрээнд нийтдээ 27.228 хүний шинжилгээг ХӨСҮТ-ийн Вирус судлалын лабораторид хийсэн. Өчигдрийн байдлаар шинжилгээ өгсөн иргэдээс ямар нэг халдвар илрээгүй тул орон нутагтаа зорчих эрхтэй болсон. Бүртгэлийн 119.mn сайт өчигдөр гацсан учраас түр хугацаагаар хаасан. Энэ сайт ажиллахгүй болсон учраас Шадар сайдын дэргэдэх ажлын хэсэг хуралдаж, үүрэн телефоны компаниудтай хамтран гар утсаар нь мессэж ирүүлдэг болсон. Иргэдэд энэ мессэж болон иргэний үнэмлэхээ заавал биедээ авч зорчихыг сануулж байна.

Хот хооронд нийтийн тээвэр болон хувийн унаагаар гаргаж байгаа бөгөөд нийтийн тээврээр зорчих иргэдийн тасалбарыг цахимаар захиалсан. Өчигдрийн байдлаар нийт 14 чиглэлд 74 автобусаар 2531 иргэнийг Улаанбаатар хотоос орон нутаг руу тээвэрлэжээ. Харин орон нутгийн долоон чиглэлийн автобусаар 204 зорчигч нийслэл рүү тээвэрлэсэн байна. Ингээд нийтдээ 88 автобус 2735 иргэнийг хот хооронд тээвэрлэн хүргэжээ. Түүнээс гадна 301 хувийн тээврийн хэрэгслээр 921 зорчигч Улаанбаатараас орон нутаг руу зорчоод байна.

ЭМЯ-ны хэлтсийн дарга Д.НАРАНГЭРЭЛ:

-Улсын хэмжээнд есөн багц халдвар илэрч, ойрын 4196 хүнийг тогтоож, хяналтад авсан. Монголд ойрын хавьтлаас өвчлөх тохиолдол өндөр буюу 5-8 хувь байна. Тиймээс гэртээ зочин урихгүй, арга хэмжээнд өндөр настан, бага насны хүүхэд оролцуулахгүй байхыг анхааруулъя. Өнгөрсөн 24 цагт түргэвчилсэн оношлогооны цэгээр 193.608 хүн шинжилгээ хийлгэж, 137.125 хүнээс вирус илрээгүй. Бусад шинжилгээг үргэлжлүүлэн хийж байна. Нийт дөрвөн тусгай утасны дугаарт 10 мянга гаруй хүн хандсан.

“ЧАРТЕР НИСЛЭГЭЭР ТАТАН АВСАН ИРГЭДИЙН ТУСГААРЛАЛТЫН ХУГАЦАА ДУУСЧ БАЙНА”

ОБЕГ-ын дэд дарга, хурандаа Б.УУГАНБАЯР:

-Сүүлийн 24 цагийн байдлаар нийслэлийн дөрвөн тусгаарлах байрнаас 55 иргэн, орон нутагт 120 иргэн, улсын хэмжээнд нийт 175 иргэн тусгаарлан ажиглах байрнаас гэрийн ажиглалтад шилжлээ. Өчигдөр “Сүнжин Гранд” зочид буудлаас гарсан 42 хүүхдийг нэгдсэн байдлаар автобусаар гэрт нь хүргэж өгсөн.

Өнөөдөр “Корпорейт”, “Новотел”, “Кемпинский”, “Вен Зөү” буудалд тусгаарлалтад байсан иргэдийг гэрийн ажиглалтад шилжүүлнэ. Гэрийн ажиглалтад шилжиж байгаа иргэдэд ХӨСҮТ-өөс ирүүлсэн албан бичгийг үндэслэж, 14 хоног гэртээ байж, халдвар хамгааллын дэглэм сахих үүрэг чиглэл өгч, гарын үсэг зуруулж, баталгаажуулж байна.

Нийслэлийн хэмжээнд гэрийн ажиглалтад 1273 хүн байгаа бол орон нутагт 7210 хүн байна. Улсын хэмжээнд 68 тусгаарлан ажиглах байр байгаагаас хотод 20, орон нутагт 48 байр бий. Үүнээс нийслэлд 1297 хүн, орон нутагт 889 хүн нийтдээ 2186 иргэн тусгаарлагдаж буй. Чартер нислэгээр татан авсан иргэдийн тусгаарлалтын хугацаа үндсэндээ дуусч байгаа. Сая танилцуулсан тоон мэдээг хавьтал болсон иргэдийн тоо гэж ойлгож болно.

Тусгаарлалтад байгаа болон тугаарлалтын хугацаа нь дууссан хавдрын эмчилгээ хийлгэх, мэс засалд орох шаардлагатай иргэдийг эмнэлгүүдтэй холбож өгч байна. Мөн тусгаарлалтад байсан жирэмсэн эмэгтэйг ХӨСҮТ рүү шилжүүлсэн. Архангай аймгийн Батцэнгэл суманд байгаа долоон хүүхдэд сэтгэл зүйн зөвлөгөө өгч байна. Сэлэнгэ аймагт эцэг, эх нь хөл хорионд орсон 47 хүүхдэд хүнс болон бусад дэмжлэг үзүүлж байна.

Энэ мэдээнд өгөх таны сэтгэгдэл?
19
ХарамсалтайХарамсалтай
5
ХахаХаха
4
ТэнэглэлТэнэглэл
3
ЗөвЗөв
3
БурууБуруу
2
ГайхмаарГайхмаар
0
ХөөрхөнХөөрхөн
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Бэрс 2020-12-02 66.181.177.173

короног ямарч байсан давах байх. Ойрын хугацаанд Эрүүл мэндийн яамны системд бүтэцийн маш том өөрчлөлт хийхгүй бол болохооо байжээ. Энэ яаманд мөнгө хөрөнгөндөө барьцаалагдсан улс төр бизнесийн мафи цугларсан байна.

Avatar

Зочин 2020-12-02 192.82.71.116

Манай ЭМЯ худлаа талдаа байх ард иргэдийг яаж бол яаж Угааж магад байдалтай болсон юм шиг сандарсан засгийг гайгүй сайн угааж дэлэнгээс нь зүгээр л мөнгийг цадахаа мэдрэхгүй саагаад байх шиг чадвар тааруу эмч нартай яаманд нь бөөн хорчингууд байдаг юм биш үү

Avatar

Мөнгө олоорой 2020-12-02 202.9.46.171

https://ref.moneyguru.co/Ganaa098765 линкээр бүртгүүлэн 10$ аваарай. Мөнгө олох бүрэн боломжтой сайт байна шүү. Карщнтиний үед зүгээр утсаа ухаж суухаар мөнгө олоорой

Avatar

иргэн 2020-12-02 202.21.109.37

Батлан хамгаалахын сайд нь Сэлэнгэд "Хатуу биетээр хүэлцэж дамжин халдлаа" гэх маягийн юм… ЭМЯ-ны Нарангэрэл нь "нэг гэрийн халуун хөнжлийнхөн халдварлаж байна".. гэх мэтээр хачин хачин юм ярих юм.. ийм юм ТВ -ээр ярьж байгаа хүмүүс…эсвэл цаана ньүнэхээр ингэж хийж байгаа бол эднийг шалгаж арга хэмжээ аваач ээ…..Юу ярьж ..байгаа ..юу ярих вэ гэдэг ээ мэддэг..хянадаг хүмүүсээр яриулаач ээ…..

Avatar

зочин 2020-12-02 139.5.217.147

Баянгол дүүргийн 9 хороонд халдвар тархсанаас харвал хамгийн олон хороодод нь
өвчин гарчээ. Архидалт ихтэй, архи зардаг үйлчилдэг газар элбэгтэй дүүрэг дээ.
Тэр Дүүхээ гэдэг дэлгүүрийн орчим бас автобусны буудал хавиар жирийн үед бол
архичид сүрэглээд л байцгааж байдгийн. Дээр үед шар дэлгүүрийн хавьд ийм архичид
байж байдагсан гэж нэг хөгшин ярьж байхыг сонссон юм бна.

Avatar

Зочин 2020-12-02 202.21.98.238

Khan Uul duurgiin 4 horoond 15 tohioldol, "Baganuur duurgiin 4 horoond 1 tohioldol…"??? Bichih gej ***h yumaa… tsk tsk tsk…

Avatar

Зочин 2020-12-02 64.119.25.64

Монгол коронавирусийг даван гарч чадна

Avatar

хэ хэ хэ 2020-12-02 49.0.212.165

Орос коронагаа дийлэхгүй сөхөрч байхад үхэр ооркууд дачахгүй

Avatar

Х дагвасамбуу .гаа 2020-12-02 202.55.188.106

covld 19 Хангалтай барьж хумж байгаа уок болон тэнд ажиллаж байгаа эмд.ийн салбарынхан цагдаагийхан тэнд ажиллаж байгаа бүх хүмүүст баярлалаа ажлын өндөр амжилт . Эрүүл энх .аз жаргал хүсье

Х

Avatar

bat 2020-12-02 192.82.68.250

hynaltand bgaa humuusee shinjilj duusdaggui umuu oor shine humuust shinjilgeehiigeech er n negel bish ajillaad bn daa

Avatar

Зочин 2020-12-02 103.212.118.48

Хумьсан гээд байгаа хэсгээ л шинжлээд байх юм. Гадуур эсрэг биет үүссэн хэд байна вэ?, мөн хумьж чадаагүй тархсан нь зөндөө байна ш дээ. Эдгээрийгээ яах юм бэ? Ямарч бэлтгэлгүй судалгаа тооцоогүй ЭМЯ-ны Нарангэрэл нь амандаа орсныг л бурах юм. Яг үнэндээ тэр дэлхий дахины судалгаа, хэвлэгдэж гарсан артикл материалуудын үр дүнг хэн ашиглаж ямар шийдвэртээ хэрэглээд байгаам бэ юу ч байхгүй. Дэлхийд туршигдаж буй хамгийн муухан үр дүнтэй вакциныг захиал гэсэн гээд Моносынхон хэлсэн биз дээ.

Avatar

Зочин 2020-12-02 64.119.25.84

Боломжитой бүхий л арга хэмжээ авч, тархалт хумигдаад байна шүү дээ. Гадуур их тархсан бол 20 хоногт мэдэгдэнэ илрэнэ биз дээ. Бүү бүх юмыг мушгиж, гуйвуулж,харлуулж,гүтгэж бай. Улс төр хийдэг цаг биш.

Avatar

Зочин 2020-12-02 66.181.189.45

Улаан балаар тэр Наранбаатарын хэлж бгаагаар бол ЭМЯ ямарч бэлтгэлгүй бсан Учраа олохгүй шахааны хэдэн ажилдаггүй оношлуураа ашигласан болгож дуусгах нь л чухал бгаа юм бхчүлэй

Avatar

зочин 2020-12-02 66.181.183.131

Тусгаарлагдсан хүмүүсээс илрэх нь аргагүй ээ. Халуурсан, ханиалгасан зовиуртай хүн бүр Өрхийн болон бусад эмнэлэгт оч, өөрөө очихгүйг нь явуул, ирсэн бүрийг шинжил ээ. Вирусаас бүү ай, шинжлүүлж эмчлүүлээд л эдгэчихнэ. Шинжлүүлэхгүй бол Та өвдсөн эсэхээ мэдэхгүй, өвдсөн бол эдгэхгүй, өөрөө сүйрнэ, өрөөл олныг сүйрүүлнэ.

Avatar

Зочин 2020-12-02 66.181.189.45

Энэ янзаар бүтэн жил хорио тогтоогоод ч худлаа Аль хэдийн тараагаад алдчихсан юм бна Өлсөж бга шүү Дарга нар төрийнхөн нэг сарын цаингаа хувийнханд өг

Avatar

Зочин 2020-12-02 64.119.25.64

Coronavirus🦠

Avatar

Үнэн үү 2020-12-02 150.129.142.55

Алдаад байна одоо өөр арга байж болдоггүй юмуу

Avatar

Зочин 2020-12-02 202.126.90.124

Хөөх яасан муухай халддаг өвчин бэ? Ийм ратуу хөл хорио гаргаад л байхад халдаад байхйнмаа харамсалтай 🙁

Avatar

Зочин 2020-12-02 192.82.69.36

Тусгаарлах байрнаас гадуур буюу нийтийн дунд корона илрээгүй нь үнэн бол бас ч яах вэ, энэ янзаар явбал хумиж чадах найдвар байнаа.

NewsMN Гар утасны хувилбар Татах
NEWS.mn

Мэдээллийн эх сурвалж