Нийт 446.4 мянган тэтгэвэр авагчид 185 тэрбум төгрөг олгожээ | News.MN

Нийт 446.4 мянган тэтгэвэр авагчид 185 тэрбум төгрөг олгожээ

Нийт 446.4 мянган тэтгэвэр авагчид 185 тэрбум төгрөг олгожээ

Нийт 446.4 мянган тэтгэвэр авагчид 185 тэрбум төгрөг олгожээ

Тэтгэврийг арилжааны зургаан банкаар дамжуулан өчигдөр (2020.12.01)-өөс эхлэн олгож эхэлсэн билээ. Тодруулбал, өчигдрийн байдлаар 446.4 мянган тэтгэвэр авагчид 185 тэрбум төгрөгийн тэтгэвэр олгожээ. Харин 353.5 мянган даатгуулагчид өндөр насны, 71.9 мянган даатгуулагчид тахир дутуугийн, 21.0 мянган иргэнд тэжээгчээ алдсаны тэтгэвэр олгох юм.

Covid-19 нь ахимаг насны, архаг хууч өвчтэй хүмүүст өндөр эрсдэлтэй тул Хөдөлмөр, нийгмийн хамгааллын яам, Нийгмийн даатгалын байгууллагаас онцгой анхаарал хандуулж, тэтгэвэр авагчдыг халдвараас хамгаалж, сэргийлэх чиглэлд хэд хэдэн арга хэмжээ авч хэрэгжүүлж байна.

  1. Нэн түрүүнд банкин дээр дараалал үүсгэхгүйн тулд картгүй тэтгэвэр авагчдыг картжуулах ажлыг арилжааны банкуудтай хамтран арваннэгдүгээр сарын 14-нөөс эхлүүлсэн бөгөөд улсын хэмжээнд 32.159 тэтгэвэр авагчийн картыг хэвлэн, банкны тооцооны төвүүд болон шуудангийн үйлчилгээгээр дамжуулан түгээх ажлыг зохион байгуулж байна.
  2. Улаанбаатар хот, Сэлэнгэ, Дархан-Уул, Орхон, Дорноговь, Говьсүмбэр, Архангай аймаг зэрэг Covid-19-ийн халдвар бүртгэгдсэн бүс нутгийн тэтгэвэр авагчидтай нэг бүрчлэн утсаар холбогдож, нийт 14911 хүнд зөвлөгөө, мэдээлэл хүргээд байна.
  3. Тэтгэвэр олгох өдөр яам, агентлагийн албан хаагчид хяналт тавьж, асуудал гарсан тохиолдолд шийдвэрлэж, газар дээр нь ажиллана.

Тэтгэвэр хугацаандаа олгогдож, санхүүжилт дуусах зэрэг асуудал гарахгүй тул тэтгэвэр олгох эхний өдрүүдэд очиж төвлөрөл үүсгэхээс зайлсхийх, цахим үйлчилгээг сонгож, АТМ, интернэт банк ашиглах, зайлшгүй банкаар үйлчлүүлэх тохиолдолд халдвар хамгааллын дэглэмийг сахиж, өөрийн эрүүл мэндээ хамгаалахыг нийт тэтгэвэр авагчдадаа зөвлөж байна.

Э.БУРАМ

Энэ мэдээнд өгөх таны сэтгэгдэл?
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-02 202.21.109.102

хийдэг юмаа л хийсэн байна

NewsMN Гар утасны хувилбар Татах
NEWS.mn

Мэдээллийн эх сурвалж