Халдварт өвчин судлалын үндэсний төв (ХӨСҮТ)-ийн Ерөнхий захирал Д.Нямхүү болон Монгол Улсын Их сургууль (МУИС)-ийн захирал Б.Очирхуяг нар MУИС-ийн санаачилгаар өчигдөр (2020.12.01) Covid-19 цар тахалтай тэмцэх хамтын ажиллагааны санамж бичигт гарын үсэг зуржээ.

Covid-19 цар тахал дотооддоо тархсантай холбогдуулан оношилгооны хүчин чадлыг нэмэгдүүлэх зайлшгүй шаардлага үүссэн учраас МУИС өөрсдийн судалгаа, шинжилгээний зорилгоор хэрэглэдэг ПГУ (PikoTeal Real Time-PCR) аппаратыг цар тахал намжтал ХӨСҮТ-ийн нэгдсэн лабораторид хэрэглүүлэхээр хүлээлгэн өгчээ.

Энэхүү PCR нь нэг удаад 96 сорьцод шинжилгээ хийх боломжтой, хоногт дөрвөн удаагийн шинжилгээ хийдэг өндөр хүчин чадалтай аппарат аж.

Э.БУРАМ