Чадын энхийг сахиулагчид нэгнийгээ хөнөөжээ | News.MN - Мэдээллийн эх сурвалж

Чадын энхийг сахиулагчид нэгнийгээ хөнөөжээ

Хуучирсан мэдээ: 2016.03.14-нд нийтлэгдсэн

Чадын энхийг сахиулагчид нэгнийгээ хөнөөжээ

 

Мали улсын хойд хэсгийн Кидал хот дахь  НҮБ-ын энхийг сахиулагчдын баазад цэргүүд хоорондоо буудалцжээ. Маргаанаас үүдэлтэй буудалцааны улмаас хоёр энхийг сахиулагч амь үрэгдэж, нэг нь хөнгөн шархтсан бөгөөд өөр нэг цэргийг баривчилсан байна.  

 

Үүнээс өмнө өнгөрсөн хоёрдугаар сарын 25-нд Чадын энхийг сахиулагч цэрэг гал нээж, командлагч болон эмчийг хөнөөсөн хэрэг гарч байв. Халдлага үйлдсэн энхийг сахиулагч алба хааж буй нөхцөл байдалдаа сэтгэл дундуур байсан гэнэ.

 

Түүнчлэн өнгөрсөн жил Чадын хоёр энхийг сахиулагч цалингаа аваагүй гэдэг шалтгаанаар Малийн хойд хэсгийн баазыг орхин явсан хэрэг гарч байсан аж. Мали улс дахь НҮБ-ын энхийг сахиулах ажиллагааны гол орон нь Чад улс бөгөөд 2000 гэрээт цэрэг алба хаадаг байна. Чадын засгийн газраас Мали улс дахь тус улсын цэргүүдийг  хайхрахгүй байна хэмээн НҮБ-ыг шүүмжилж байжээ.

 

Исламын зэвсэгт хүчин Малийн хойд хэсгийн эзэлснээс хойш НҮБ тус улсад энхийг сахиулах ажиллагаа явуулах болсон юм. Гэвч өнгөрсөн жил Малид 28 цэрэг амь үрэгдэж, 80 гаруй нь гэмтэж шартсан нь НҮБ-ын хамгийн аюултай  энхийг сахиулах ажиллагаа болжээ.

 

Б.АНХТУЯА

ЭХ СУРВАЛЖ: AGENCE FRANCE-PRESSE

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-03-14 202.55.191.76

Дурак, манай хэд л нэгнийгээ төхөөрчихж дээ гээд уур хөдөлж байлаа. наад гарчиг нтрээ бодож өгөөч.

Зочин 2016-03-14 182.160.37.134

ямар улсын цэргүүд юм бэ?

ГАРЧИГАА гаргахдаа, зөв гаргамаар юмөө 2016-03-14 202.21.106.146

Чадын энхийг сахиулагчид нэгнийгээ хөнөөжээ