Монгол бөхөнгийн тоо толгой 8500 гаруй болж өсчээ | News.MN

Монгол бөхөнгийн тоо толгой 8500 гаруй болж өсчээ

Монгол бөхөнгийн тоо толгой 8500 гаруй болж өсчээ

Монгол бөхөнгийн тоо толгой 8500 гаруй болж өсчээ

Зөвхөн Монголд байдаг монгол бөхөнгийн тоо толгой өсч 8500 орчим болсон сайхан мэдээг Дэлхийн байгаль хамгаалах сан (WWF)-гаас мэдээллээ. Тус сангийн Монгол дахь хөтөлбөрийн газрын мэргэжилтнүүд, Говь-Алтай аймгийн Байгаль орчны газар, “Бөхөн хамгаалах сүлжээ” багийнхан хамтарч хийсэн тооллогоор ийнхүү монгол бөхөнгийн тоо толгой өссөн нь тодорхой болжээ. Өнгөрөгч 2017 оны эхээр 3000 гаруй бөхөнгийн тоо толгой үлдээд байсан юм.

Судалгааг олон улсад хүлээн зөвшөөрөгдсөн шугаман замналын аргаар бөхөнгийн тархац нутаг болох Шаргын говь, Хүйсийн говь, Дөргөний хүрэн тал, Ховдын Манхан, Увсын Завхан сум, Завханы Дөрвөлжин сумын нутагт хийсэн байна.

Дэлхийн байгаль хамгаалах сан (WWF)-гийн Монгол дахь хөтөлбөрийн газрын зүйлийн асуудал хариуцсан мэргэжилтэн Б.Гантулга “Бөхөнгийн тархац нутагт энэ зун зуншлага сайн байсан нь бөхөнд эергээр нөлөөллөө. Гэхдээ ийм байдал жил болгон тохиогоод байхгүй тул хамгааллын ажилд талууд анхаарлаа сулруулахгүй байх шаардлагатай. Ялангуяа энэ өвөл цас их орж өвөлжилт хүндэрч магадгүй байгаа тул онцгой анхаарах хэрэгтэй” гэж ярилаа.

Одоогоос зургаан жилийн өмнө 2014 оны байдлаар 15 мянган монгол бөхөнтэй байв. Харамсалтай нь, 2017 онд дэгдсэн бог малын мялзан өвчин, зудны улмаас монгол бөхөн нэг дор олон мянгаараа хорогдож ердөө 3000 гаруй болж байсан гашуун түүх бий. Тиймээс бөхөнг түүхэн тархац нутагт нь сэргээн нутагшуулах, хэд хэдэн тусгаар бие даасан популяци үүсгэх нь ган, зуд, халдварт өвчний эрсдэлийг бууруулах боломжтой юм. Түүнчлэн бөхөнгийн үржил, төллөлт явагддаг бүс нутгийг улсын тусгай хамгаалалтад авах, хууль бус агнуурыг бууруулах ажлыг хийх нь энэ нэн ховор амьтныг мөхлөөс аврах арга зам юм гэж судлаачид онцлон ярьж байна.

А.СҮРЭН             

Энэ мэдээнд өгөх таны сэтгэгдэл?
11
ЗөвЗөв
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-12-01 103.26.195.4

МАЛЫН БЭЛЧЭЭР ДАВХЦАХГҮЙ БАЙХААР АРГА ХЭМЖЭЭ БОДОЖ ОЛОХГҮЙ БОЛ АХИАД ХАЛДВАРТ ӨВЧИН ТАРХВАЛ Ч ДУУСЧ МЭДЭХ ЮМ БАЙНА . ХАР СҮҮЛТ БАС ӨСӨӨ БАЙЛГҮЙ .

Avatar

Тэрбиш 2020-12-01 203.169.50.109

Бөхөнг хамгаалахын төлөө ихээхэн оюун ухаан, хүч, хөдөлмөр, хөрөнгө мөнгө зарцуулсан эрдэмтэн судлаачид, ДБХС-ийн хамт олон, байгаль хамгаалагчдын хичээл зүтгэл бодит үр дүнд хүрч байгаа нь сайшаалтай. Эдгээр хүмүүс Монголын байгаль орчин, ан амьтдыг хамгаалах, унаган төрхөөр нь хадгалан үлдээх талаар маш их зүйлийг хийж, хэрэгжүүлж байгаа ш дээ. Та бүхэнд ажлын улам өндөр амжилт хүсье.

Avatar

Зочин 2020-12-01 192.82.76.8

Нутаг сэлгэсэн оторчидоос яаж хамгаалж онд оруулахаа сай ар бодох хэрэгтэй шүү, нэрлээд байгаа аутаг орноор чинь өвөрхангай баянхонгор аймгаас ч олон мянган мал бүхий өрхүүд отор хийгээд царцааны нүүдэл аятай бууж нүүж явна, ну гийн иргэд нь бол нэг их шахаж буугаад байдаггүй бөхөнгийн бэлчээрт оторчид их буусан байна шүү

Avatar

mongol 2020-12-01 64.119.27.148

good news.

Avatar

Зочин 2020-12-01 139.5.216.101

Saihan medee bna.

NewsMN Гар утасны хувилбар Татах
NEWS.mn

Мэдээллийн эх сурвалж