Трамп цаазын ял гүйцэтгэх аргыг нэмэгдүүлэв | News.MN

Трамп цаазын ял гүйцэтгэх аргыг нэмэгдүүлэв

Трамп цаазын ял гүйцэтгэх аргыг нэмэгдүүлэв

Трамп цаазын ял гүйцэтгэх аргыг нэмэгдүүлэв

АНУ-ын хууль зүйн яам Эрүүгийн хуулиндаа өөрчлөлт оруулж, цаазын ял гүйцэтгэх аргуудыг дөрвөөр нэмлээ. Тухайлбал, цэргүүдээр буудуулах, цахилгаан сандалд суулгах, хорт хийгээр утах, дүүжлэх аргуудыг албан ёсоор зөвшөөрсөн байна. АНУ-ын Ерөнхийлөгч Дональд Трамп ирэх нэгдүгээр сард Жо Байден тангараг өргөхөөс өмнө амжиж хүн амины онц ноцтой гэмт хэрэг үйлдсэн таван хүнийг цаазаар авахаар төлөвлөсөн юм.

Дээрх нэмэлт өөрчлөлтийг өнгөрсөн долоо хоногт холбооны хуулинд оруулсан бөгөөд эрх баригчид үүнийгээ засгийн газарт ялтны үйлдсэн гэмт хэрэгт тохирсон ялыг илүү олон аргаар гүйцэтгэх уян хатан боломж олгосон зохицуулалт хэмээн тодорхойлжээ.

Өмнө нь цаазын ялыг зөвхөн үхлийн тариа тарих аргаар гүйцэтгэдэг байсан бөгөөд цаашид ч уг арга нь хамгийн нийтлэг арга хэвээр үлдэх гэнэ. Ирэх нэгдүгээр сарын 20-нд Жо Байден тангараг өргөж, албан ёсоор Ерөнхийлөгч болохоос өмнө Дональд Трамп таван хүн цаазаар авахаар төлөвлөсөн. Гэхдээ дээрх өөрчлөлт тэдний цаазын ялд нөлөөлөхгүй гэнэ. Учир нь таван хоригдолд үхлийн тариа тарих шүүхийн шийдвэр гарсан аж.

Трамп Ерөнхийлөгч болохоос өмнө хамгийн сүүлд 2003 онд хүн хулгайлсан, хөнөөсөн хэрэгтэн Луйз Жонесийг цаазаар авсан билээ. Тэр цагаас хойш АНУ нэг ч цаазын ял гүйцэтгээгүй байсан бол энэ жил, тэр дундаа сүүлийн зургаан сарын дотор ийнхүү нийт 13 хүнийг цаазаар авч байна.

Жо Байден Ерөнхийлөгч болмогцоо цаазын ялыг хална хэмээн амласан билээ. Тиймдээ ч Трамп бүрэн эрхийнхээ сүүлийн хэдэн долоо хоногт амжин аль болох олон төлөвлөгөөт цаазын ялыг гүйцэтгэхээр улайрч байж магадгүй хэмээн ажиглагчид үзэж байгаа юм. Гэхдээ Байдены амлалтаас үзэхэд дээрх өөрчлөлт хэзээ ч бодитоор хэрэгжихгүй бололтой.

Эх сурвалж: RT.COM

Энэ мэдээнд өгөх таны сэтгэгдэл?
7
ЗөвЗөв
4
ХарамсалтайХарамсалтай
3
ТэнэглэлТэнэглэл
2
ГайхмаарГайхмаар
1
ХөөрхөнХөөрхөн
0
ХахаХаха
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

бөбөөчин 2020-11-30 49.0.212.165

Ядаж пиав зараачээ

Avatar

Зочин 2020-11-30 202.126.90.27

Манай монголыг дуурайж цаазгүй боловол баларна шүү.

Avatar

Америк хүн 2020-11-30 202.126.88.141

Энэ нэг нусан бурантаг сэтгүүлч ухаантай нѳхѳр юу олж бичээд байдаг юмбэ? АНУ гэмт хэрэгтнүүдээ цаазална уу яана уу маньд ямар хамаа байна? Хамгийн гол нь АНУд цаазын ялыг халах гээд байгаа юм байх ч үгүй.

Avatar

Зочин 2020-11-30 103.10.22.40

Зөвхөн чамд хамаатай юм бичих болж байна уу хө 😂

Avatar

Зочин 2020-11-30 124.158.66.135

тэгээд чамд хамаатай юм уу, чиний хэн цаазлуулах гэж байгаа юм, эсвэл чи юм уу хаха

NewsMN Гар утасны хувилбар Татах
NEWS.mn

Мэдээллийн эх сурвалж