Зэс, алтны агуулга сайтай хэсгийн олборлолтоо үргэлжлүүлнэ | News.MN

Зэс, алтны агуулга сайтай хэсгийн олборлолтоо үргэлжлүүлнэ

Зэс, алтны агуулга сайтай хэсгийн олборлолтоо үргэлжлүүлнэ

Зэс, алтны агуулга сайтай хэсгийн олборлолтоо үргэлжлүүлнэ

Оюутолгой төслийн далд уурхай ашиглалтад орсноор зэсийн баяжмал үйлдвэрлэл 622 мянган тонноос 1,583 мянган тонн болж, 2.5 дахин нэмэгдэнэ гэж тооцоолж буй. 2020 оны эхний хагас жилийн байдлаар төсөл эхэлснээс хойш далд уурхайд 4.044.0 сая ам.долларын санхүүжилт хийгджээ. Ирэх 2021 оны долдугаар сараас далд уурхайн огтолгооны түвшний өрөмдлөг, тэсэлгээний ажил эхлэх юм байна.

Уул уурхай, хүнд үйлдвэрийн сайд Г.Ёндон “Оюутолгой төслийн далд уурхайн бүтээн байгуулалтын ажил ирэх онд эрчтэй урагшилна” гэж мэдээлсэн билээ.

“Оюутолгой” компанийн гуравдугаар улирлын тайланд дурдсанаар, 2020 онд ил уурхайн агуулга сайтай хэсэг рүү олборлолт шилжсэнтэй холбоотойгоор үйлдвэр улирал дараалан тогтвортой байдлаа хадгалсан байна. Энэ оны үлдсэн хугацаанд зэс, алтны агуулга сайтай хэсгийг үргэлжлүүлэн олборлох төлөвлөгөөтэй байгаа аж. Эдгээр хэсгийг анх 2021 оны эхний хагаст олборлохоор төлөвлөж байв.

Уулын ажил, үйлдвэрлэл эрчимжсэнээр 2019 оны мөн үетэй харьцуулахад ил уурхайгаас олборлосон зэсийн хэмжээ өнгөрсөн улиралд 28 хувиар өссөн аж.

Хатуулаг багатай хүдрийн хэмжээ ахиу байсан тул энэ оны гуравдугаар улирлын баяжуулах үйлдвэрийн гарц өмнөх оны гуравдугаар улирлын мөн үеийнхээс бага зэрэг илүү байжээ.

Баяжмал дахь зэс үйлдвэрлэлийн 2020 оны төлөвлөгөө буюу 140-170 мянган тонн, алтны үйлдвэрлэлийн төлөвлөгөө буюу 155-180 мянган унци үйлдвэрлэх зорилтоо биелүүлэхээр ажиллаж буй юм байна. Оны төгсгөлд алтны үйлдвэрлэлийн хэмжээ өсөх төлөвтэй байгаа ажээ.

Б.ЖАРГАЛ

Энэ мэдээнд өгөх таны сэтгэгдэл?
3
ТэнэглэлТэнэглэл
2
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-11-30 66.181.187.34

Хурдан тоглохоор яарч сорчилж өрмийн нь хамаарах шийдэж дээ уухүя сайд нь тэрнийг нь өөгжүүлж авилгал ава юу ингэж сорчилж болохгүй биз дээ

Avatar

Зочин 2020-11-30 43.228.129.229

Zugeer baylagaa luivarduulchihaad, yaj chadahgui bultreed suuh yu,.

Avatar

Зочин 2020-11-30 122.201.21.121

Улйм их хулгайлна гэсэн үг үү ???

Avatar

Зочин 2020-11-30 66.181.161.87

Гадны үндэстэн дамнасан лууварчид ,дотоодын олгиархууд нийлээд маш хурдан хугацаанд 3 сая ард түмний баялгыг ичих нүүргүй цуслах нь даа

Avatar

хэрэлдсээр байгаад хамаг хөрөнгөө алдлаа даа 2020-11-30 202.55.188.34

Оу толгой монголын хэдэн улс төрчдийг хахуулдсаар байгаад одоо хамаг алт , зэсээ авчихлаадаа

Avatar

Badarch taxar 2020-11-30 66.181.180.121

Eeljee hyrdan soliochee

NewsMN Гар утасны хувилбар Татах
NEWS.mn

Мэдээллийн эх сурвалж