Монголд Covid-19 нэмэгдэж, Хятад хилийн хяналтаа чангатгав | News.MN

Монголд Covid-19 нэмэгдэж, Хятад хилийн хяналтаа чангатгав

COVID-19

Монголд Covid-19 нэмэгдэж, Хятад хилийн хяналтаа чангатгав

Монголд Covid-19 нэмэгдэж, Хятад хилийн хяналтаа чангатгав

Монголд Covid-19-ийн тохиолдол нэмэгдэж буйтай холбоотойгоор Хятадын тал хилийн шалган нэвтрүүлэлтээ чангатгаж, нүүрсний тээврийн монгол жолооч нараас PCR шинжилгээний бичиг шаардан, шинжилгээ хийлгээгүй бол хилээр нэвтрүүлэхгүй байгаа аж. Үүний улмаас жолооч нарт маш их хүндрэл үүсч буй юм байна.

Албаны эх сурвалжийн мэдээлснээр, Хятадын тал арваннэгдүгээр сарын 20-ноос Ганцмод боомтоор нэвтрэх манай жолооч нараас PCR шинжилгээний бичиг шаардаж эхэлжээ. Үүнтэй холбоотойгоор арваннэгдүгээр сарын 22-ны өдөр Уул уурхай, хүнд үйлдвэрийн дэд сайдаар ахлуулсан ажлын хэсэг Гашуунсухайт боомтод ажиллаж эхэлсэн бөгөөд хоёр цэг (хоёр машинтай)-т жолооч нараас шинжилгээ авч буй юм байна.

Ажлын хэсэг Өмнөговь аймгийн Оюутолгой, Тавантолгой, Нарийнсухайтын ордод үйл ажиллагаа явуулж буй уул уурхайн компаниуд болон Гашуунсухайт, Шивээхүрэнгийн боомт, хилийн хяналтын бүсэд ажиллаж буй иргэдийг цар тахлаас урьдчилан сэргийлэх, компаниудын хэвийн үйл ажиллагааг хангах, шаардлагатай арга хэмжээг тодорхойлж, нэгдсэн удирдлагаар хангах зорилготой аж.

Энэ сарын 23-ны өдрийн байдлаар Гашуунсухайт боомтоор 211 нүүрс тээврийн, 95 зэсийн баяжмалын тээвэр, Шивээхүрэн боомтоор 216 нүүрсний тээврийн хэрэгсэл хилээр нэвтэрсэн байна. Түүнээс хэдхэн хоногийн дараа Гашуунсухайт-Ганцмод боомтоор нүүрс тээвэрлэн гаргаж буй автомашины тоо 10 хүрэхгүй болж буурчээ.

Нүүрсний жолооч нарын мэдээлж буйгаар, өнөөдөр хил хааль дээр нэгдсэн зохион байгуулалт байхгүй. Улсын онцгой комисс, Уул уурхай, хүнд үйлдвэрийн яам, Эрүүл мэндийн яам, Өмнөговь аймгийн засаг захиргаа, гааль, мэргэжлийн хяналт, Гашуунсухайт боомт гээд төрийн олон нэгжийн уялдаагүй шийдвэрүүд нөхцөл байдлыг улам хүндрүүлж байгааг шүүмжлэв.

Үүний уршгаар зарим жолооч шинжилгээний бичгийг хуурамчаар үйлдсэн тохиолдол гарч, Хятадын тал хяналтаа улам чангатгасны улмаас гаалийн бүрдүүлэлт хийх үйл явц ч удааширчээ.

Нүүрсний зах зээлийн "SXCoal” цахим хуудаст мэдээлснээр, Тавантолгой-Цагаан хад чиглэлд тээвэр хэвийн үргэлжилж буй бол Цагаан хад-Гашуунсухайт чиглэлийн богинын тээвэрт саатал үүссэн байна.

Арваннэгдүгээр сарын 25-ны Лхагва гаригийн байдлаар “Fenwei Energy”-ийн тооцон гаргадаг Монголын угаасан коксжих нүүрсний үнийн индекс тонн тутамдаа долоо хоногийн өмнөхөөс 20 юаниар өсч, 1080 юань болсон байна. Харин түүхий нүүрсний үнэ 20 юаниар өсч, 880 юань болжээ.

Улсын онцгой комиссын дарга, Шадар сайд Я.Содбаатарын мэдээлснээр, уул уурхайн компаниудын 4200 гаруй хүн ээлж солих шаардлагатай байгаа бөгөөд тэдгээрт зориулж тусад нь шинжилгээ авах цэг байгуулж буй аж. Дээрх жолооч нарыг бүгдийг нь PCR шинжилгээнд хамруулах юм байна.

Мөн одоо явах хүмүүсийн ээлжийг 21 хоног болгосон аж. Уул уурхайн компаниуд дэмжлэг үзүүлж, PCR шинжилгээний аппарат, шинжилгээний урвалж, түргэвчилсэн шинжилгээний оношлуур авахад хамтран ажиллаж байгаа ажээ.

Covid-19-өөс гадна Хятадын тал битүү агуулахгүй учраас нүүрсний импортыг хязгаарлах гэж буй нь нөлөөлсөн гэж “SXCoal”-ийн шинжээчид таамагласан байна.

Гаалийн ерөнхий газраас мэдээлснээр, 2020 оны эхнээс арваннэгдүгээр сарын 17-ны өдрийг хүртэлх хугацаанд Монгол Улс 26 сая тонн чулуун нүүрс экспортлосноос 53 хувийг Гашуунсухайт боомтоор гаргажээ. Мөн энэ онд нийт 25 сая тонн нүүрс экспортлох төлөвлөгөөнөөсөө давсан байна.

Б.ЖАРГАЛ

Энэ мэдээнд өгөх таны сэтгэгдэл?
3
ЗөвЗөв
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-11-30 150.129.143.81

Эхлээд Хятадад гарахад бид хилээ хаасан. Одоо биднийгээ чангалах ээлж нь л дээ

Avatar

Зочин 2020-11-30 202.55.188.46

Chanar ni tanigdaj baina daa. Chinag busad ulsuud uzen yadaad baihad ni mongolchuud "zovoh tsagt nuhriin chanar tanigdana" geed l erunhiilugch ni hurtel ochood 30000 honi belegleed l baisan. Odoo yamar baigaag ni har daa

Avatar

зочин 2020-11-30 202.9.46.209

Аль 10 аад жилийн өмнө төмөр замаа тавьчих байлаа !!. Женко ч том хорлосон байна шүү!.

Avatar

Зочин 2020-11-30 66.181.186.123

Дэд сайд гэж нэг бацаан авилга авч 9 компанийг ялгаж тээвэр хийлгэх гэж үзээд алуулах шахаад Өмнөговьд буудалд хэвтэж байгаа.

Avatar

Unshigch 2020-11-30 133.62.186.54

Temer zamiin asuudaliig nuraasan Battulga bolon tednii hamsaatniig yagaad yarihgyi baina aa. Mongol-iin ediin zasagiig chederlesen aimshigtai tom aldaa, hohirol. Yneheer gutamshig, mashinaar nyyrsee zeedeg gej bodohoor ichmeer l sanagdna. Tiim baidald oruulsan erenhiilegchtei baij yaj ulsiig hegjyylne gej bodno ve?
Ter talaar yarisan ulsuudiig shorond hiisen, aimshigtai haragdna.

Avatar

Zochin 2020-11-30 66.181.184.18

дандаа л бутэлгуй байдалтай байх юм мэдээж хятад улс шаардах нь ойлгомжтой ш дээ хурдтай зохион байгуулаад нуурсээ гаргамаар бна

Avatar

Зочин 2020-11-30 103.26.195.72

…TUMUR ZAMTAI BAISAN CH BOLOOSOI…
gejuugaa

Avatar

Зочин 2020-11-30 43.242.243.74

Тэр хэдэн жолоочдоо PCR хийж байхгүй юугаа хийж байсиин. Тэгээд дэд сайд хочтой нөхөр очиж сувилагч хийж байгаа юм уу?

Avatar

Зочин 2020-11-30 202.21.109.69

ХАХА

Avatar

Зочин 2020-11-30 202.126.90.159

2 цэгт PCR шинжилгээ авахын тулд тэнд дэд сайд нь ажиллах ёстой юу.дэд сайд нь шинжилгээ авахад нь хамжилцаад байна уу.

Avatar

Иргэн 2020-11-30 139.5.219.202

Төмөр замаа тавихгүй юугаа хийж байсан юм бэ

Avatar

Зочин 2020-11-30 202.131.227.30

Төмөр замаа тавьсан бол аль хэдийн 70 сая тонн нүүрс гаргачихсан айл бүрт 1000 USD өгөөд яви байх байлаа

Avatar

зо 2020-11-30 202.9.40.71

төмөр замаа тавьчихсан бол ийм юм болохгүй байсан Монгол улс маш их алдагдалд орсон Энэ бол монголд учируулсан хамгийн том хохирол

NewsMN Гар утасны хувилбар Татах
NEWS.mn

Мэдээллийн эх сурвалж