Монголд Covid-19-ийн эмчилгээнд 8 сая төгрөг, бусад оронд хэд вэ? | News.MN

Монголд Covid-19-ийн эмчилгээнд 8 сая төгрөг, бусад оронд хэд вэ?

COVID-19

Монголд Covid-19-ийн эмчилгээнд 8 сая төгрөг, бусад оронд хэд вэ?

Монголд Covid-19-ийн эмчилгээнд 8 сая төгрөг, бусад оронд хэд вэ?

Монгол Улс Covid-19 халдварыг дотооддоо алдаж, энэхүү өвчний эмчилгээний зардлын асуудал иргэдийн анхаарлын төвд байна. Эрүүл мэндийн яамнаас нэг өвчтөнийг эмчлэхэд хүнд, хөнгөн өвчлөлөөс шалтгаалж 7.5-9 сая төгрөг зарцуулдаг гэсэн мэдээллийг өгсөн бөгөөд ард иргэдийн зүгээс энэ өртөгийг хэт өндөр байна хэмээн шүүмжилж байгаа юм. ХӨСҮТ-ээс Covid-19 халдварын зардлыг нарийвчлан тооцохдоо батлагдсан тохиолдлын 200 гаруй өвчтөний эмчилгээний түүхийг судалж, эмнэлгийн тусламж үйлчилгээ авч буй тооцоо, хүчин чадлыг тооцоолсны үндсэн дээр гаргасан гэж тайлбарласан. Тэгвэл бусад улс орнуудад Covid-19 халдвартай өвчтөнүүдийн хэдий хэмжээний зардлаар эмчилдэг талаар мэдээллийг хүргэе.


АНУ ХАЛДВАРТАЙ ХҮНИЙ НАСНААС ХАМААРЧ 51-78 МЯНГАН АМ.ДОЛЛАР

АНУ-д уушгины хатгалгаа, хүндрэлтэй өвчтөнүүдийг эмнэлэгт хэвтүүлэн эмчлүүлэх зардал дунджаар 11.5-24.2 мянган ам.долларын хооронд хэлбэлздэг. Covid-19 өвчний хувьд хөнгөн хэлбэрийн өвчлөлтэй, даатгалд даатгуулсан иргэдийн зардал 9.8 мянга, хүндэрсэн өвчтөнийг эмчлэхэд 20.3 мянган ам.доллар байгаа аж. Харин даатгалгүй иргэдийн хувьд эмчилгээний дундаж өртөг нь 21-40 насны өвчтөнүүдэд 51389 ам.доллар, 41-60 насны өвчтөнүүдэд 78569 ам.доллар болж байгаа аж. Мөн 20-иос доош насныхны эмчилгээний төлбөр дунджаар 68261 ам.доллар байгаа бол 60-аас дээш насны хүмүүсийн хувьд ойролцоогоор 77323 ам.доллар байгаа юм. Түүнчлэн дээрх дүн эмнэлэгт хэвтсэн хоногийн  тоогоор нэмэгддэг.

Дээрх тоо баримтаас харахад эмнэлэгт зургаан хоног эмчлүүлсэн, дундаж насны, даатгалгүй,  covid-19-тэй өвчтөн энэ хугацаанд нийт 73 мянган ам.долларыг төлөх нь. Дээрх төлбөрт шинжилгээ, эмчилгээ, зөвлөгөө зэрэг багтжээ. АНУ-д 27 сая хүн ямар нэгэн даатгалд хамрагдалгүй амьдарч байна. Иймд, тус улсын эмч мэргэжилтнүүд хүнд хэлбэрийн өвчлөлтэй биш бол гэртээ өөрийгөө тусгаарлаж, гэрээр өөрийгөө эмслэийг зөвлөж байна.

ХЯТАД УЛС COVID-19-ТЭЙ ИРГЭНИЙ ЭМЧИЛГЭЭНИЙ ЗАРДЛЫГ БҮРЭН ДААНА

Халдвар авсан иргэдийнхээ шинжилгээ болон эмчилгээний зардлыг Хятадын Засгийн газраас 100 хувь хариуцаж байгаа. Тус улсад нэг хүний шилжилгээний зардал ойролцоогоор 370-700 юань байдаг. Хэрэв иргэнээс вирусийн халдвар илрээгүй тохиолдолд шинжилгээний мөнгийг тухайн иргэн өөрөө төлөх ба илэрсэн тохиолдолд улсаас зардлыг даахаар шийдвэрлэжээ.

Эмчилгээний хувьд хөнгөн хүнд өвчлөл, муж хотоосоо шалтгаалаад өөр үнэтэй. Тухайлбал, хамгийн чинээлэг Гуандун мужийн Шэньжэн хотод эмчилгээний дундаж өртөг өндөр настнуудын хувьд 23 мянган юань, харин насанд хүрээгүй хүүхдүүдэд 5600 юань байгаа юм.

Харин шинэ төрлийн Covid-19-ийн голомт гэгдэж буй Ухань хотод 10 гаруй хоног хотын төв эмнэлэгт хэвтэн эмчлүүлэхэд нийт 739 600 юанийг эмчилгээнд зарцуулсан талаар нэгэн өвчтөн хуваалцжээ. Тухайн өвчтөний хувьд өдрийн эмийн эмчилгээнд 5000 юань зарцуулдаг байсан ба альбумин гэх эмийг өдөрт хоёр шил, хүнд хэлбэрийн уушгины хатгалгааны үед хэрэглэх гамма альбумин эмийг найман шил хэрэглэдэг байжээ. Эмчилгээний үед ашигласан хамгийн чухал багаж хэрэгслийн нэг бол “ECMO” амьсгал дэмжих аппарат байв. Энэ аппаратны нэг өдрийн төлбөр 50 мянган юань байсан гэнэ.

Халдвар авсан хүмүүсийн эмчилгээний зардлыг Засгийн газраас нь хариуцаж байгаа юм. Харин гадаадаас ирж буй хүмүүсийн хувьд тусгаарлалт болон эмчилгээний зардлыг тухайн иргэн өөрөө хариуцах өөрчлөлтийг сүүлд оруулжээ. Эрүүл мэндийн даатгалтай бол даатгалын нөхцөлөөс шалтгаалан эмчилгээний төлбөрөөс 50-80 хувийн хөнгөлөлт үзүүлдэг байна.

ИСПАНИ ХҮНД ӨВЧТӨНД 43.4 МЯНГАН ЕВРОГ ЗАРЦУУЛЖ БАЙНА

Испанид PCR шинжилгээний өртөг 93 евро (109.4 ам.доллар) байдаг. Covid-19-тэй өвчтөнийг гурав хоног хүртэл эмнэлэгт хэвтүүлэх зардал 2.3 мянган евро (2.7 мянган ам.доллар), гурав хоногоос дээш хугацаанд таван мянган евро (5.9 мянган ам.доллар) байна. Харин эрчимт эмчилгээний тасагт хэвтэн эмчлүүлж буй буюу амьсгал дэмжих аппаратад орж буй өвчтөний хувьд 43.4 мянган еврог (51.1 мянган ам.доллар) эмчилгээнд зарцуулж байна.

ОХУ-Д ДУНДАЖ ЭМЧИЛГЭЭНИЙ ЗАРДАЛ 28000-255000 РУБЛЬ

ОХУ-д Covid-19 халдвартай өвчтөний эмчилгээний зардал дунджаар 28-255 мянган рубль байдаг. Улсын эмнэлгүүдийн эмчилгээний зардлын талаар нарийн мэдээлэл хараахан байхгүй байгаа юм. Одоогийн байдлаар Москвад “Отрадное”, “К + 31”,  “Медси” зэрэг хувийн эмнэлгүүд Covid-19-тай өвчтөнүүдийг хүлээн авч байна. “Медси” эмнэлгийн хувьд дунд болон хөнгөн шинж тэмдэгтэй нэг өвчтөнийг эмчлэхэд өдөрт дунджаар 28000 рубль зарцуулдаг байна. Харин уушиг орлуулах аппарат зэрэг эрчимт эмчилгээ шаардлагатай өвчтөнүүдэд эмчилгээний нийт өртөг нь хоёр сая орчим рубль хүрнэ. “К + 31” клиникт covid-19 халдвартай өвчтөнийг эмчлэх зардал 1.2 сая хүртэл байгаа юм. Гэхдээ энэ эмнэлэгт хэвтэхэд 500 мянган рублийн барьцаа шаардагдана.

Covid-19-тэй өвчтөнийг хүлээн авч буй өөр нэг эмнэлэг бол “Лапино”. Энэ эмнэлэгт хэвтэхэд мөн 400 мянган рублийн урьдчилгаа төлбөрийг төлөх ёстой. Нэг ортой өрөөний нэг хоногийн төлбөр 75 мянган рубль, хоёр ортой өрөөнд хэвтвэл 40 мянган рубль төлнө. Шаардлагатай тохиолдолд амьсгалын аппарат ороход цаг тутамд 4800 рублийн зардал гардаг байна.

ОХУ-д covid-19-ийн эмчилгээнд авифавир, арепливир, коронавир гэсэн гурван төрлийн эмийг ашиглаж байгаа. Есдүгээр сарын сүүлээр эмийн сангууд сүүлийн хоёр эмийг зарж эхэлсэн бөгөөд арепливир эмийг таван өдөр уухад жижиглэнгийн үнэ 12320 рубль (160 доллар), коронавир 11550 рубль (150 доллар) болдог. Аравдугаар сард авифавир эм худалдаанд гарсан. Энэ эмийн тав хоног уух тун найман мянган рубль (105 доллар) болдог. Гэхдээ эмчилгээний хугацаа 10 хоног буюу вирус бие махбодоос алга болох хүртэл үргэлжилнэ. Өөрөөр хэлбэл, бүрэн эмчилгээ хийлгэхийн тулд хоёр багц эм худалдаж авах хэрэгтэй гэсэн үг юм. ОХУ-д хөдөлмөрийн хөлсний доод хэмжээ 12 мянга орчим рубль байдаг.

ГЕРМАНД ӨВЧНИЙ ХҮНД ХӨНГӨНӨӨС ХАМААРЧ 10,700-85,000 ЕВРО

Германд PCR шинжилгээний төлбөр 123-240 евро байна. Covid-19-тэй өвчтөн хэвтүүлэн эмчлэхэд дунджаар 10.7 мянган евро зарцуулдаг гэж Германы эрүүл мэндийн даатгалын “AOK” компани мэдээлжээ. Тус компани нь 26.5 сая үйлчлүүлэгчтэй бөгөөд даатгуулагчдын мэдээлэлд дүн шинжилгээ хийж эмчилгээний дундаж зардлыг тооцсон байна. Харин амьсгалын аппарат шаардлагатай өвчтөнүүдэд дунджаар 38.5 мянган еврогийн эмчилгээ хийгдэж байгаа гэнэ. Берлиний их сургууль, Лейбницийн эдийн засгийн судалгааны хүрээлэнгийн судлаачдын үзэж байгаагаар эмнэлэгт хэвтэн эмчлүүлж буй нийт өвчтөнүүдийн 14 хувьд нь уушиг орлуулагч төхөөрөмж буюу амьсгал дэмжих аппаратад орох шаардлага бий болдог аж.

ӨМНӨД СОЛОНГОСТ ДУНДЖААР 70 САЯ ВОН БУЮУ 57 МЯНГАН АМ.ДОЛЛАР

Үндэсний эрүүл мэндийн даатгалын газар (NHIS) -аас гаргасан тайланд дурдсанаар хүнд хэлбэрийн covid-19 өвчтэй хүнийг эмчлэхэд шаардагдах эмнэлгийн төлбөрийн дундаж хэмжээ 70 сая вон (57562 ам.доллар), дунд болон хөнгөн шинж тэмдэгтэй өвчтөнд 4.78 сая вон зарцуулж байна. Бага зэргийн шинж тэмдэгтэй хүмүүст нэмэлт эмчилгээ шаарддаггүй бол хүнд гэсэн оноштой өвчтөнүүдэд нэмэлт хүчилтөрөгчийн эмчилгээ, биеийн байдал нь маш муу байгаа хүмүүст амьсгал дэмжих “ECMO” аппаратны эмчилгээ шаардагддаг байна. Хүнд хэлбэрийн өвчлөлтэй өвчтөнүүдийн эмчилгээний зардал өдөрт дунджаар 650 мянган вон байсан бол хөнгөн хэлбэрийн өвчтөнүүд 260-180 мянган вон байгаа юм. Гэхдээ covid-19 халдвар авсан өвчтөнүүдийн зардлыг тус улсын Халдварт өвчнийг хянах, урьдчилан сэргийлэх тухай хуульд үндэслэн Эрүүл мэндийн даатгалын сангаас эмчилгээний зардлын 80 орчим хувийг даадаг бол үлдсэн 20 хувийг орон нутгийн засаг захиргаа хариуцдаг байна.

Энэ мэдээнд өгөх таны сэтгэгдэл?
9
ХарамсалтайХарамсалтай
3
ТэнэглэлТэнэглэл
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

29 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2020-11-30 202.9.40.4

Хүний өөрийн бүгд л Сэлэм Тогмидын хамаатан садан болж дээ

Avatar

зочин 2020-11-30 122.201.31.3

Том бизнес том луйвар явагдаж байгаа байлгүй ард нь одоо вакцин гээд том бизнес эхлэх гээд улс орон бүр уралдаж байгаа биз

Avatar

Зочин 2020-11-30 64.119.25.84

Монголд төрсөндөө баярлацгаа. Та нарт энгэж халамж анхаарал тавьж бөөцийлөх ганц ч орон байхгүй. Нээх л идэж уусан тухай хардсан, новшийн хар санаа гаргаж, бусдыг харлуулахаа бол.

Avatar

Зочин 2020-11-30 192.82.71.209

Та нарын тэр Америк Европын үнэгүй эмч эмчилгээ шинжилгээний чинь цаана ялгаагүй өртөг бодогдож л байгаа. Үнэгүй юм гэж хаана ч байхгүй. Өөрсдийн иргэдэдээ төлсөн татвар даатгалын системийн давуу талаараа хөнгөлөлттэй, үнэгүй хийгддэг байж магадгүй. Мөн та нар шиг гуйлагчин цагаач нарыг өрөвдөж хөнгөлж үнэгүй үзсэн байж магад. Тэдгээр улстай нийгмийн ядуу тогтолцоотой хөөрхий улс орноо жишиж мяалахаа больцгоо.

Avatar

Зочин 2020-11-30 98.33.93.32

Монголын нэг өвчтөний зураглал,зардлын задаргааг нэг бүрчлэн бичээд өгвөл ч үнэхээр үнэмшихээр. Яаж ийм хямдхан зардлаар эмчилж эдгээгээд байаа,өвчтөндөө байна уу,эмчдээ байна уу,эсвэл монголын нөхцөлд тохирсон "өвчиндөө" байна уу

Avatar

Зочин 2020-11-30 37.172.190.77

Hudlaa medeelel bn. Europt daatgaliin sistemtei.yamarch zoos karmanaas garahgui. hervee covid 19 positive garsan bol gertee 14honog bn. Er n bol jims sain id . 14 honog duusaad test dahin ogood négative garsan bol ajilaa hj bgaa

Avatar

Зочин 2020-11-30 192.82.71.209

Эмнэлэгт эмчлүүлэх шаардлага гарсан тохиолдолд гэсэн жишээ татсан байна, Түүнээс шаардлагагүй бол жимсээ идэхээс яахав. Юмыг гүйцэд уншчихаад хэрүүл хийж сур 37.172.190.77

Avatar

Evtei bna shuu !!! Hezuu tsag ireh geed bna shuu ! 2020-11-30 202.9.40.45

Evtei baina shuu ! Yag odoo l Evtei Mongolchuudaa hezuu tsag ireh geed bna . Shuu Echm Nar Emlegiin ajiltan bolon alban haagchdiig eldev busaar helehgui baih !

Eldev yaz yaziin yum bichehgui baih ! ! !

Avatar

ИХ БӨӨ 2020-11-30 202.137.135.125

ХЯТАД ААВТАЙ ӨВӨТЭЙ ХҮМҮҮС ХАВЧИГДААД ЭБИ МИ ЭНХБОЛД НАР ШАХАГДААД МАШ ХЭЦҮҮ БАДАЛД ОРООД МОНГОЛЫГ ЯАЖ ИЙЖ БАЙГААД ДАМПУУРУУЛЧИХ САНААТАЙ ӨРГӨН ХҮРЭЭГЭЭР ХАРЛУУЛАХ АЖИЛ ХИЙЖ БАЙГАА, ЭМНЭЛЭГ ТОГ ЦАХИЛГААН ЦЭВЭР БОХИР УС ЦЭВЭРЛЭГЭЭ АРИУТГАГЧ СПИРТ, МАНААЧ ЦЭВЭРЛЭГЧ ЖОЛООЧ ЭМЧ СУВИЛАГ ЦАГПАА БҮГД ЦАЛИН АВЧ БАЙГАА ШИНЖИЛГЭЭНИЙ ТЕСТ ЭМ ТАРИА ЛО ХӨНЖИЛ БҮГД МӨНГӨ ХАРИН Ч БУСАД УЛС ШИГ ХУВИАС ТӨЛҮҮЛЭХГҮЙ БАЙГАА

Avatar

Зочин 2020-11-30 66.181.161.94

тэнэг малуу чи

Avatar

Зочин 2020-11-30 66.181.161.107

Манайд ч харьцангуй хямд л даа. Чухам яг эцэслэгдэж бүрэн эмчлэгдэж байгаа эсэх нь ерөөсөө эргэлзээтэй. Дээр нь манай хэдэн эмч сувилагчид коронагаар л нэг амь хийж байгаа юм шиг харьцангуй өндөр цалин авах юм. Тэр нь жаахан сонин санагдсан. Мэргэжлийн ёс зүй гэж уг нь нэг юм байдаг. Бусдаар бол хэлэх юм алга.

Avatar

Америкаас 2020-11-30 73.42.213.129

Худлаа мэдээлэл байна. Америк европд монголчууд тусаад аяндаа эдгэж байна. Коронагаар бизнес хийхээ боль. Америкт шинжилгээ үнэгүй, эмчилгээ өрхийн эмчдээ нэг удаа үзүүлээд эм бичүүлж аваад гэртээ 14 хоног. Зөвхөн хүндэрсэн хүн л эмнэлэгт хэвтэнэ. Даатгалгүй хүн өрхийн эмчид үзүүлэхэд 100-150 доллар. Энд эмчийн үзлэгийн үнэ эмчийн ангилалаас хамаарна. Харин төрөлжсөн мэргэжлийн эмчийн үзлэг даатгалгүй бол 400-500 доллар. Одоо интернет хөгжсөн. Хүмүүс нэт рүү ороод өөрсдөө үз.

Avatar

Зочин 2020-11-30 192.82.71.209

Хөөе чи тэр Америк Европтоо очиж коронотоод эмнэлэгт хэвтэж эмчлүүлээд үзчихээч

Avatar

mongold bugd toriin alban haachid shuu dee 2020-11-30 66.181.189.238

mongold 1 tsagiin zalin 600 togrog manaihaas busad orond 1 tsagt 40000 togrogoos deesh avdag harizuulj bodoj toozoo hiigeech dee

Avatar

Зочин 2020-11-30 203.91.115.49

Монгол төр удирдаж ажиллаж байгаа эрхэм малнууд

Avatar

Энэ зөв үү 2020-11-30 64.119.25.163

Ямар эм тариагаар эмчилж бгаагаа зарлаж ард иргэдэд мэдэгдээд. Тэр эм тариагаа сайн татаж нөөцлөөд хөл хориогоо больвол таарна. Ард иргэддээ дэмжлэг үзүүлж чадахгүй бж баахан худал үнэн мэдэгдэхгүй өндөр зардал ярьж суухаа боль. Ард иргэд өвчин тусахгүй бол өлсөж үх гэсэн сонголтл өгч бна тийм үү? Өвчин тусаад эмчлэгдсэн иргэд буцаад тусдаггүй юм бол энэ нь дээр шүү. Улс оронд хэцүү бхад идэж ууухаа давхар боддог ийм улсуудыг л зайлуулж чадахгүй юм даа

Avatar

Зочин 2020-11-30 98.33.93.32

Энэ тоо үнэн байж болно. Гэхдээ америкийн тоог монголтой жиших нь зааныг шумуултай зүйрэлсэнтэй адил. Хөгжлийн түвшин,нэг хүнд оногдох ДНБ- ийг долларт шилжүүлсэн үзүүлэлтээрээ монголтой ойролцоо ядуу,хөгжиж буй орнуудтай зүйрэлвэл үнэнд нийцнэ

Avatar

бөабөа 2020-11-30 139.5.219.12

энэ мэдээний тоог хаанаас авснаа эх сурвалжтай нь бичиж тавибал үнэмших гээд байна??? тэрнээс биш улс төрийн үзэл сурталдсан тархи угаалт л гэж ойлгох гээд байнааа…..

Avatar

Зочин 2020-11-30 202.9.40.167

Лав АНУ-д бол юун 9.8 бэ. гэртээ 7 хоноод л ажилдаа орж байгаа. Угаасаа ихэнх нь ямар ч шинж тэмдэггүй болохоор сайндаа л дархлаа дэмжих хоол унд, хөнгөн тусвал ханиадны эм л ууна. Худлаа тархи угаахдаа үнэхээр сайн юмаа. Карантин 10 хоног сунгасан болохоор ингэж худлаа бич гэсэн заавар авдаг байх

Avatar

Зочин 2020-11-30 73.42.213.129

Тийм шүү. Америкийн тоо худлаа байна. Шинжилгээ үнэгүй. Эмчилгээ өрхийн эмч дээрээ. 500 ч хүрэхгүй. Энэ бол тархи угаалт.

Avatar

Зочин 2020-11-30 64.119.22.15

худлаа мэдээ

Avatar

Zochin 2020-11-30 202.131.225.197

Ene niitlel yag henii zahialgaar bichegdsen be??? Yadaj ene niitleliig bichej bg Н.АМГАЛАНТУУЛ нь uuruu hel ustai bdagch boloosoi!!!! ihenh niitlel n Orsiin site-s zugeerl orchuulsan bdag tegehdee bas orchuulaga n bas bishee arail bdag shuu!!!
Yrun OHOM sangiinhanii heldeg unun shuu!!! Manaid yag iim uyed amidral ahui huviin erh ashigaa iluud uzdeg chono boroonoor gechiin nuhduud zunduu baidag shuudee. ATG ajlaa hiij shalgamaar bn mun iimerhui niitlel oruulaad bg humuusiig shalgah n zuutei.

Avatar

Иргэн 2020-11-30 202.9.40.90

Бидний монголчдууд нотолгоойгүй мэдээлэлд автаж, халуун цэгт ажиллаж байгаа хүмүүсээ дэндүү хэмэлж бна. Тэд чин бас хүн. Та, бид бүгдийн төлөө яваад элдвэрээр хэлүүлж, хэмлүүлэх өр зөөлөн улс цөөн байх шүү.
Би мэднэ, би хардах эрхтэй гсн сэтгэлээр халуун сэтгэл рүү ус цацах нь цар тахлын эсрэг ажлыг сулруулна уу гэхээс сайн зүйл авчрахгүй. УОК, ЭМЯ-ын зааврыг дагаад бид өөрсдийгөө тусгаарлавал вирусын халдвар авсан ч 10-14 хоногийн дараа эдгэрнэ. ЗҮГЭЭР Л ГЭРТЭЭ БАЙ, ХҮНТЭЙ БАГА ХАРЬЦ!!!

Avatar

Зочин 2020-11-30 192.82.70.70

Тийм шүү, зарим оронд эмч, сувилагч нар өөрийн болон гэр бүлийнхнийхээ аюулгүй байдлыг бодоод ажлаа хаяад явж байна

Avatar

Зочин 2020-11-30 100.15.102.120

Шал худал мэдээ .АНУ-д Траммпыг 3 хоногт шуурхай эмчлэхдээ 102700$ Л зарцуулсан шүү .Google-с үз

Avatar

Зочин 2020-11-30 202.126.89.19

Тийм шүү, зарим оронд эмч, сувилагч нар өөрийн болон гэр бүлийнхнийхээ аюулгүй байдлыг бодоод ажлаа хаяад явж байна

Avatar

Зочин 2020-11-30 202.9.40.11

За нөгөө ОНОМ сангийн яриад байсан ПИАР баг нь бидний тархийг УГААЖ эхэллээ. Айхтар байна шүү.

Avatar

Зочин 2020-11-30 66.181.164.175

Даатгал өндөртэй улсын баримт хөнгөн хүнд зөвхөн халуун бууруулах эм хэрэглэнэ

Avatar

Иргэн 2020-11-30 192.82.70.70

Тэнэгтээрэй, хүнийн тайлбарласаныг ойлгодоггүй дебил юмуу, тэр хүн дээр эмч, сувилагч нар орох болгондоо бүрэн хамгаалалтын хувцастай орно тэрний үнэ, хэд хоноод pcr шинжилгээ авна тэр 150000, нэг удаа авахад эерэг гарвал хэд хоноод дахиж авна, сөрөг гарвал 5 төрлийн pcr, нэг нь эерэг гарвал хэд хоногийн дараа ахиад л 5pcr, хоолны мөнгө, хэвтэн эмчлүүлсний талбөр, үйлчл

NewsMN Гар утасны хувилбар Татах
NEWS.mn

Мэдээллийн эх сурвалж