Ө.Чагнаадорж залуучуудын улсын рекордыг шинэчиллээ

Ө.Чагнаадорж дасгалжуулагч Д.Чинзоригийн хамт.

Монголын Бүх ард түмний спортын XIV их наадмын хүндийн өргөлтийн аварга шалгаруулах тэмцээн Сүхбаатар аймгийн Баруун-Урт хотноо болж байна. Энэ удаагийн тэмцээнийг Эрүүл мэнд спортын яам, Биеийн тамир сургалт хөгжлийн төв, Монголын хүндийн өргөлтийн холбоо болон Сүхбаатар аймгийн ЗДТГ, аймгийн БТСГ болон дэмжигч байгууллагууд хамтран зохион байгуулж байгаа бөгөөд тэмцээнд 18 багийн 180 орчим тамирчид өрсөлдөж байна.

Тэмцээний эхний өдөр буюу өнөөдөр эрэгтэй 56 кг, 62 кг, 69 кг, 77 кг, эмэгтэй 48 кг, 53 кг, 58 кг, 63 кг-ын жингийн аваргууд тодорно.

Өнөөдөр явагдсан жингүүдээс эрэгтэй 62 кг-ын жинд ОУХМ Ө.Чагнаадорж огцом болон түлхэлттэй өргөлтөөр залуучуудын улсын рекордыг тус бүр 5 кг-аар шинэчлэн тогтоолоо. Тэрбээр огцомоор 111 кг, түлхэлтээр 140 кг-ыг өргөж, хоёрдугаар сард болсон залуучуудын УАШТ-ий үеэр өөрийн тогтоосон амжилтаа энэхүү тэмцээнд ахиуллаа.

Мөн өнөөдөр эмэгтэйчүүдийн 48 кг-д Ч.Нямзул, 53 кг-д Б.Золбоо нар ОУХМ, Б.Тунгалаг спортын мастер цолны болзлыг биелүүлэв.

Тэмцээн үргэлжлэн явагдаж байна.

ДҮН:

ЭРЭГТЭЙ

56 кг:

№	Тамирчдын нэрс	Байгууллага	Цол	Огцом кг	Түлхэлт кг	Нийлбэр жин
1.	Г.Өнөболд	Аврагч	с.д.м	90	106	196
2.	Г.Ууганбаатар	Хилчин		86	100	186
3.	З.Эрдэнэбаяр	Хүч	с.д.м	77	96	173

62 кг: 12 тамирчин

№	Тамирчдын нэрс	Байгууллага	Цол	Огцом кг	Түлхэлт кг	Нийлбэр жин
1.	Ө.Чагнаадорж	Аврагч	ОУХМ	111	140	251
2.	Ч.Март	Алдар	с.м	110	131	247
3.	Б.Баярням	Хүч		105	120	225

ЭМЭГТЭЙ

48 кг:

№	Тамирчдын нэрс	Байгууллага	Цол	Огцом кг	Түлхэлт кг	Нийлбэр жин
1.	Ч.Нямзул	Хөвсгөл	ОУХМ	90	106	196
2.	Б.Тунгалаг	Аврагч	с.м	86	100	186
3.	А.Энхбаяр	Өвөрхангай	с.д.м	77	96	173

53 кг:

№	Тамирчдын нэрс	Байгууллага	Цол	Огцом кг	Түлхэлт кг	Нийлбэр жин
1.	Б.Золбоо	Хилчин	ОУХМ	69	80	149
2.	Г.Баасанжаргал	Алдар	ОУХМ	70	75	145
3.	Т.Даваа	Сүхбаатар	ОУХМ	55	72	127