БНХАУ шинэ оноос эхлэн бүх хогны импортоо зогсооно

Хуучирсан мэдээ: 2020.11.28-нд нийтлэгдсэн

БНХАУ шинэ оноос эхлэн бүх хогны импортоо зогсооно

БНХАУ шинэ оноос эхлэн бүх хогны импортоо зогсооно

БНХАУ шинэ оноос буюу 2021 оны нэгдүгээр сарын 1-нээс эхлэн бүх төрлийн хогны импортоо зогсоохоор болсон тухай тус улсын төрийн мэдээллийн агентлаг өчигдөр (2020.11.27) мэдээлжээ.

1980 оноос хойш Хятад олон улсаас хатуу хог импортлон, дотоодын компаниудаараа цэвэрлүүлэн бутлуулж, барилгын материалын түүхий эд бэлтгэдэг байсан юм. Олон жилийн турш дэлхийн хамгийн том хог импортлогч Хятадын хогны импорт улам өссөөр, сүүлдээ дотоодын компаниуд нь бүх импортын хогийг цэвэрлэж, дахин боловсруулж дийлэхээ байсан байна.

Тиймээс дэлхийн хамгийн том хогны сав болж дуусахгүйн тулд Хятадын засгийн газар 2018 оноос эхлэн хогны импортоо багасгасаар өдийг хүрчээ. Үүний улмаас Хятадад хог экспортлодог байсан орнууд өөрсдөө хогонд баригдах болсон аж.

Өнгөрсөн хугацаанд Хятад улс төрөл бүрийн хуванцар, машины эд анги, цаас, даавуу, мод, төмрийн хаягдлуудын импортыг нэг нэгээр нь ээлж дараалан хассаар ирсэн бөгөөд шинэ он гэхэд тус улсад бүх төрлийн хогны импорт бүрэн зогсох юм байна.

"Шинхуа" агентлагийн мэдээлснээр, Хятадын импортлосон хогны хэмжээ өнгөрсөн жил гэхэд 13.48 сая тонн болж, 2018 оны 22.63 тонноор багассан аж. Мөн энэ оны эхний арван сарын байдлаар импортолсон хогны хэмжээ өнгөрсөн оныхоос 42.7 хувиар буурчээ.

Эх сурвалж: AFP

Энэ мэдээнд өгөх таны сэтгэгдэл?
8
ТэнэглэлТэнэглэл
5
ХарамсалтайХарамсалтай
3
ЗөвЗөв
2
ХахаХаха
1
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж