Их Британийн Засгийн газар өчигдөр /2020.11.26/ тус улстай аялал жуулчлалын коридор үүсгэх орнуудын жагсаалтыг шинэчлэн гаргасан байна.

Covid-19-ийн эрсдэл багатай орнуудын жагсаалтад Монгол, Аруба, Бутан, Зүүн Тимор болон Номхон далайн зарим арлын улсуудыг нэмжээ. Эдгээр улсын иргэд Их Британид очоод тусгаарлагдах шаардлагагүй болж байна.

Харин Эстони, Латви улсуудыг эрсдэл өндөр болсон гэж үзээд дээрх жагсаалтаас хассан байна. Мөн тус улс нь булганаас хүнд covid-19 халдах эрсдэл үүсээд байгаа Дани улсын иргэдийг хилээрээ огт нэвтрүүлэхгүй журам үйлчилж байсан бол тусгаарлах нөхцөлтэй нэвтрүүлэхээр болжээ.

Эрсдэл өндөртэй орнуудаас ирж буй иргэд 14 хоног тусгаарлагдаж байгаа ба оношилгооны зардлаа өөрөө төлж, халдваргүйгээ баталбал тусгаарлагдах хоногоо тав болгон бууруулах журам арванхоёрдугаар сарын 15-наас хэрэгжихээр болжээ.

 Эх сурвалж: BBC