Н.Жанцан 100 асуултад хариулжээ | News.MN - Мэдээллийн эх сурвалж

Н.Жанцан 100 асуултад хариулжээ

Хуучирсан мэдээ: 2016.03.11-нд нийтлэгдсэн

Н.Жанцан 100 асуултад хариулжээ

“Төрд зүтгэж яваа хүнд ачаа даах чадвар гэж нэг чухал зүйл байдаг. Тэр ачааг оюуны чадавх, сэтгэлийн бяраар давдаг. Өөрөөр хэлбэл, та өөрийнхөө эзэмшсэн мэргэжлийн чиглэлээр өөрийгөө тэр шаардлагыг хангах өндөр төвшинд бэлтгэх ёстой, хэрэв та үлгэн салган ажил гүйцэтгэх төвшинд өөрийгөө бэлтгэсэн бол юун өөр салбарт давхар хүчээ үзэх, төрийн ажлыг цалгардуулахгүй явахаа хичээх л үлдэнэ. Тийм болохоор өөрийнхөө авьяас билэг, боломж бололцоогоо мэдэрч ажлаа хуваарилаж сурах нь чухал” хэмээн Монгол Улсын Гавьяат хуульч, доктор, профессор Н.Жанцангийн “Төр дээдлэх соёл” номын Өмнөтгөлд тэмдэглэжээ.

Профессор Н.Жанцанд тавьсан 100 асуулт түүний хариултаас бүрдэж буй энэ номонд  “Миний хариулж чадах, тэгэхдээ асууж буй асуулт нь цагийн шалгуур даах, уг асуулт, хариултыг хэдэн жилийн дараа ч уншсан хүнд хэрэг болох талаас нь бодоорой гэсэн” тухайгаа тэрээр ний нуугүй өгүүлжээ. Сэтгүүлч, хуульчдын баг бэлтгэсэн 100 асуулт нь Наваанпэрэнлэйн Жанцан хэмээх энэ эрхэм хүний  амьдрал, ажил үйлс төдийгүй, бүтээл туурвил, хүсэл мөрөөдөл, санаа бодол, дурсамж зэрэг  өргөн хүрээг хамарчээ.

Н.Жанцан нь БНМАУ-ын Ардын Их Хурлын депутат,  Бага Хурлын гишүүн байсан, Үндсэн хуулийн Цэцийн анхны гишүүний нэг төдийгүй Монгол Улсын Үндсэн хуулийн Цэцийн дарга, орлогч дарга, гишүүний албыг 24 жил тасралтгүй хашиж яваа нэгэн билээ.

Ж.НЭРГҮЙ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-03-11 66.249.82.207

Олон зуун саяар үнэлэгдэх хуучны үнэтэй хөөрөгний цуглуулгыг насаараа төрийн ажил хийсэн хүн ямар эх үүсвэрээр авсан бэ гэдэг асуултанд хариулсан болов уу.

зочин 2016-03-11 59.153.115.112

Олж унший байз. Хаагуур байгаа юм бол