5000 сонгогч бүртгэлээ баталгаажуулжээ | News.MN - Мэдээллийн эх сурвалж

5000 сонгогч бүртгэлээ баталгаажуулжээ

Хуучирсан мэдээ: 2016.03.11-нд нийтлэгдсэн

5000 сонгогч бүртгэлээ баталгаажуулжээ

Монгол Улсын сонгогчдын нэрийн жагсаалтыг www.burtgel.gov.mn цахим хуудаст байршуулсан байгаа. Урьдчилсан байдлаар санал өгөх насны хоёр сая 4 мянга 48 иргэний мэдээллийг байрлуулжээ. Гуравдугаар сарын 1-ний өдрөөс өнөөг хүртэл тус сайт руу 5000 орчим сонгогч өөрийн мэдээллийг нягталж, бүртгэлээ баталгаажуулаад байгаа талаар Бүртгэл статистикийн ерөнхий газраас мэдээлж байна.

Иргэдийн хувьд зургадугаар сарын 29-ныг хүртэл Бүртгэл статистикийн ерөнхий газрын www.burtgel.gov.mn сайтад орж өөрийн бүртгэлийн мэдээллээ баталгаажуулна. Хэрэв зөрүүтэй мэдээлэл байвал оршин суугаа газрынхаа харьяа бүртгэл статистикийн хэлтэст хандаж зөрчлөө арилгуулна. Мөн Бүртгэл статистикийн ерөнхий газрын лавлах утас 1800 1890 дугаарт хандах юм.

Мөн сонгуультай холбогдуулан шилжилт хөдөлгөөнийг санал авахаас 60 хоногийн өмнө буюу дөрөвдүгээр сарын 30-наас зогсооно. Тиймээс иргэд өөр аймаг сум, засаг захиргааны нэгж рүү шилжсэн бол бүртгэлээ дөрөвдүгээр сарын 30-наас өмнө хийлгэх шаардлагатай. Одоогоор шилжилт хөдөлгөөн хийсэн ч тухайн газартаа бүртгэлээ хийлгээгүй 11 мянган иргэн байгаа юм.

Ямартай ч одоогоор Сонгуулийн хэсгийн хувьд 2091 хэсэг 21 аймаг 9 дүүрэг 332 суманд байгуулагджээ.

Үүнээс гадна гадаадад байгаа Монгол Улсын иргэд зургадугаар сарын 17, 18, 19-ны өдрүүдэд саналаа өгнө. Саналаа өгөхдөө 40 хоногийн өмнө тухайн газрынхаа дипломат төлөөлөгчийн газарт өөрийн биеэр болон интернетээр мэдүүлэх шаардлагатай.

Б.ЗАЯА

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-03-11 103.229.121.12

Энэ сайт руу нэвтэрч болохгүй байна, худлаа шааахаа боль

Зочин 2016-03-11 103.9.91.34

Сүүлийн хоёр сонгуулиар СХД-ийн нэг тойргийн хорооны жагсаалт дээр одоо айл амьдарч байгаа айлын хаяг дээр, энэ хаягаар урьд нь амьдарч байсан юм гээд баахан хүний нэр жагсаачихаад байгаа. Тийм иргэд Монгол улсад байдаг эсэхийг бүү мэд, гэнэт л гаргаад ирсэн. Сонгуулийн хороо, УБЕГ-т өргөдөл өгч ийм хүмүүс байхгүй, жагсаалтаас хасаач гэхээр иргэд өөрсдөө хасуулахгүй бол боломжгүй гэдэг. Уул нь манай улс чинь регистрийн дугаар энэ тэр гээд иргэнээ олоод учрыг нь тодруулчих боломжтой. Сонгуулийн булхай хийх арга юм байлгүй. Энэ сонгуулиар дахиад л давтагдах байх.

zochin 2016-03-11 59.153.113.113

Наадах чинь МАН-ыхны ганц сонгууульд ялдаг ганц арга нь. Тэгээл машингүй сонгуульдана гээл элдэв асуудал гаргаад байгаа нь ийм учиртай. Хорооны засаг дарга нарыг мөнгөөр угжиж хийлгэдэг шалгарсан хор нь юм байгаан. Заримд нь мэдэгдчээд байдгаас биш айл болгон дээр хүн нэмж бичдэг юм байна лээ.