Хөлбөмбөгийн домог Диего Марадона таалал төгсчээ | News.MN

Хөлбөмбөгийн домог Диего Марадона таалал төгсчээ

Хөлбөмбөгийн домог Диего Марадона таалал төгсчээ

Хөлбөмбөгийн домог Диего Марадона таалал төгсчээ

Аргентины шигшээ багийн тамирчин асан, домогт хөлбөмбөгч Диего Марадона арваннэгдүгээр сарын 25-ны өдөр 60 насандаа таалал төгссөн талаар "Clarin" сонин мэдээлжээ. Энэхүү мэдээллийг Марадонагийн хуульч Матиас Морла болон Аргентины хөлбөмбөгийн холбоо баталсан байна.

Домогт хөлбөмбөгч тархины мэс засал хийлгэснээсээ хойш хоёр долоо хоногийн дараа гэртээ зүрхний шигдээс болжээ.

Домогт хөлбөмбөгчний үхэлтэй холбогдуулан Аргентины ерөнхийлөгч Алберто Фернандез орон даяар гурав хоногийн гашуудал зарлан өөрийгөө твиттер хуудаснаа “Та биднийг дэлхийн оргилд аваачсан. Та бидний аз жаргалд умбуулсан. Та бол бүх цагийн үеийн хамгийн агуу хөлбөмбөгчин. Бидний хажууд байсанд баярлалаа” хэмээжээ.

Марадона бүх цаг үеийн хамгийн шилдэг тоглогчдоос хөлбөмбөгийн хаан Пелегийн дараа хоёрдугаарт бичигддэг гайхамшигтай тамирчин байв. Хөлбөмбөгийн ертөнцөд түүн шиг авьяаслаг, ур чадвартай, өвөрмөц, шуугиант од байгаагүй, цаашдаа ч гарахгүй гэж дэлхийн өнцөг булан бүрт буй шүтэн бишрэгчид нь дүгнэдэг.

Диего Марадона ердөө 22 насандаа Испанийн Каталонийн нэр төр Барселона клубт 7,6 сая ам.доллароор ирсэн нь тухайн үеийн хөлбөмбөгийн наймааны рекорд үнэ болжээ. Тэрээр Реал Мадридын эсрэг гайхалтай тоглолт үзүүлж, итгэмээргүй нэгэн гоол оруулсны дараагаар Сантьяго Бернабеуд цугласан хөгжөөн дэмжигчид түүнд алга ташин баяр хүргэсэн байна. Энэ нь түүхэнд Реал Мадридын фенүүд Барселонагийн тоглогчид хүндэтгэл үзүүлсэн анхны тохиолдол болж үлджээ.

Удалгүй тэрээр дасгалжуулагч, багийн удирдлагуудтай таарамжгүй харилцаатай байсны улмаас хоёр жилийн дараа Италийн Наполи клубт бас л рекорд үнэ болох 10,5 сая ам.доллараар нэгдсэн байдаг. Мөн энэ үеэс Диего Марадона хар тамхинд донтож эхэлсэн нь багийн удирдлагууд түүнийг явуулах шийдвэр гаргахад нөлөөлсөн гэдэг.

Түүх сөхвөл, 1986 онд Мексикт болсон хөлбөмбөгийн ДАШТ-ий үеэр Аргентины шигшээ багийн тоглогч Марадона шөвгийн наймын тоглолтонд англичуудын хаалганд гараараа бөмбөг оруулсан. Тухайн үед үүнийг анзаараагүй, оноонд тооцсон ч хожим "Бурханы гар хүрсэн гоол" хэмээн нэрлэжээ.

Хөлбөмбөгийн түүхэн дэх хамгийн алдартай гоол болох “Бурхны гар”-ыг оруулсан тэрбээр хөлбөмбөгийн тамирчны замналдаа нутгийнхаа Аргентинос Жуниорс, Боса Жуниорс, Ньюэллс Олд Бойз, Испанийн Барселона, Севилья, Италийн Наполи зэрэг багуудад хүчин зүтгэн 588 тоглолтонд 312 гоол оруулжээ. Харин дасгалжуулагчийн хувиар Аргентин улсын хөлбөмбөгийн шигшээ багаа дасгалжуулан 2010 оны Өмнөд Африкт зохион байгуулагдсан ДАШТ-д оролцсон нь түүний хамгийн том амжилт байлаа.

https://youtu.be/IIci4TEqAFw

Эх сурвалж: DAILYMAIL
Б.ЖАРГАЛ

Энэ мэдээнд өгөх таны сэтгэгдэл?
14
ХарамсалтайХарамсалтай
10
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

хэ хэ хэ 2020-11-26 49.0.212.165

Тэр диего марадонна гэж олигтой амьтан байгаагүй юмөө, архиг хар тамхичин, дээр нь ойворгон сагсуу хар юм байсын, ямар сайндаа сэтгүүлчдэд яриа өгөхгүй гэж сурвалжлагчдын өөдөөс шувууны дарвинкаар буудаж байхав дээ

Avatar

ЦЕГ 2020-11-26 49.0.212.165

Архаг хар тамхичин

Avatar

Зочин 2020-11-26 126.116.60.63

Хөлбөмбөг мөртлөө гараар гоол хийж болдог юмуу, гар бөмбөг биш хөлбөмбөг биз дээ?🤔

Avatar

Зочин 2020-11-26 192.82.71.14

Дэлхийн спорт, олимпизмийн үзэл санаанд хир суулган, дэлхийн хөл бөмбөгийн цомыг гутааснаараа энэ гар бөмбөгчин бурханы гэсгээл хүлээв, толгойгоороо гоол хийх бсан гж толгойд нь тог хийлгэсэн буюу.

Avatar

zochin 2020-11-26 49.0.212.165

Зөв

Avatar

Зочин 2020-11-26 202.9.46.89

Хорвоо дэлхий нэгэн агуу хүүгээ үдэж явуулжээ. Бидэнд агуу гайхамшигт дурсамжаа үлдээгээд явлаа. Ум сайн амгалан болтугай.

Avatar

Фэн 2020-11-26 66.181.185.201

Агуу хөл бөмбөгчин
Ум маана бадмихум

Avatar

Зочин 2020-11-26 202.55.188.106

Мара номер 1 шүү.

Avatar

Зочин 2020-11-26 202.126.90.137

anh udaa tv eer football uzsen toglolt maani Shadivlingiin zuslan deer Dolgor bagshiind har tsaagaan jijighen zuragt deer 1986 onii delhiin avargiin shigshee toglolt bailaa. Football gedeg chini iim goy sport baidgiimuu gej bishirch baisnaa ochigdor yum shig sanaj bna. Ternees hoish 1994 ond bairaa solih hurtel jijig oroonii hananii tal ni Mara giin plakat zurgaar duursen baidag bailaa. Uneheer haramsaj bna. RIP my idol

Avatar

Зочин 2020-11-26 124.158.126.106

Аугаа Марадона жинхэнэ олныг баясгагч байлаа. УМ ма ни бад ми хум

Avatar

Зочин 2020-11-26 98.33.93.32

Эйсибо,Гарринча,Зико ,Круифф гээд алдарт хөл бөмбөгчид Пелегийн сүүдэрт дарагдаж байсан бол Марадонагийн сүүдэрт Ван Бастен,Руминиге,Рональдо,Рональдино гээд алдарт хөл бөмбөгчид Марадонагийн сүүдэрт дарагдаж байлаа. Одоогийн алдарт Месси,Рональду нар ч түүнтэй зэрэгцэж чадахгүй. Хөл бөмбөгийн хаан Пеле гээд дараа нь Марадона гэж бичигдэнэ

Avatar

Өвгөн Балдан 2020-11-26 122.201.31.167

Ум ма ни бад ми хум. Сайн төрлийг олох болтугай.

Avatar

Зочин 2020-11-26 98.33.93.32

Хөл бөмбөгийн хаан Пеле " ….Бид тэнгэрт бөмбөгөө хамтдаа хөөнө гэдэгт итгэлтэй байна,анд минь " гэж хэлсэн байна лээ…

Avatar

Зочин 2020-11-26 64.119.23.101

Хөл бөмбөгийн спортод "домог" болсон агуу тамирчин. Баярлаллаа…..Танд. Ум мааний бадним хум ……

Avatar

Иргэн 2020-11-26 49.0.212.241

Фолклэндийн дайнд ялагдсан Аргентий ард түмний гутралыг Марадона л баяр цэнгэлээр сольсон юм даа.

Avatar

Зочин 2020-11-26 192.82.75.70

Bieiin tamir sport hunii naslaltad neg ih nuluugui

Avatar

Халх 2020-11-26 202.131.236.170

Ум мааний бадмэ хум.

Avatar

Халх 2020-11-26 202.131.236.170

Диего Марадонад эмэгнэл илэрхийлэе.

Avatar

Биширдэг хөл бөмбөгчин минь байлаа 2020-11-26 139.5.218.90

Агуу хөл бөмбөгчин .Залуугаараа явлаа. Харамсалтай.

Avatar

Лорд 2020-11-26 122.201.24.112

Домогт Марадонад эмгэнэл илэрхийлье. Эцэг хүү ариун сүнс ивээж Гэгээн Мария энгэртээ авах болтугай. Амен.

Avatar

Зочин 2020-11-26 64.119.27.202

Um sain amgalan orshig

NewsMN Гар утасны хувилбар Татах
NEWS.mn

Мэдээллийн эх сурвалж