Ачаагаа ард түмэндээ үүрүүлэх арчаагүй алхам | News.MN

Ачаагаа ард түмэндээ үүрүүлэх арчаагүй алхам

Ачаагаа ард түмэндээ үүрүүлэх арчаагүй алхам

Ачаагаа ард түмэндээ үүрүүлэх арчаагүй алхам

Цар тахлыг дотооддоо алдсанаас үүдсэн хямралын зардлыг төр өөртөө авахыг хүсэхгүй байна. Хүсэхгүй байгааг илэрхийлэх хамгийн сүүлийн нотолгоо нь УИХ-ын Түр хороон дээр ярьсан иргэдийн хадгаламжийн хүүг тэглэх санаа байлаа. Цагаа тулахаар хариуцлагыг үүрэхээс бултаж, иргэдийнхээ хуримталсан хэдэн бор төгрөг руу гараа дүрэх нь эцсийн арга байсан юм байх даа хөөрхий.

Уг нь төр “Та нар ажлаа хий, хүүхдээ өсгөн хүмүүжүүлж, ахуй амьдралаа зохицуул. Төлсөн татвараар чинь бид бусад асуудлыг шийдье” гээд иргэдээс татвар авч, өөрсдөдөө онцгой эрх өгч, татварын мөнгөөр барьсан байшинд ажиллаж, цалин авч, унаа унаж, хоол идэж буй. Яг хямрал тулаад ирэхээр иргэддээ ачааг нь үүрүүлэх гэж зүтгэдэг юм байна. Сонгуулийн өмнө барьсан хэдэн шавар, цементийнх нь балаг арилаагүй байхад төсвөө тодотгохгүй гэж гүрийсээр эцэстээ ийм замыг сонгодог юм байна.

Дайны үед солонгосчууд алтан ээмгээ өгч улсаа авардаг байсан тухай үлгэр одоо явахгүй ээ. Иргэд зах зээлийн эдийн засагт шилжээд даруй 30 жил болсон тул өөрийн хөрөнгөө хар толгойгоороо бий болгож, өсгөн үржүүлж, хуримтлан хадгалах ёстойг мэддэг болсон. Байгаа хэдэн төгрөгөө ханшийн уналтад алдахгүйг ч хичээдэг болсныг дараах тоо баримтаар нотолъё.

Сүүлийн жилүүдэд угаасаа төгрөгийн ханш сайнгүй байлаа. Саарал жагсаалтад улсаа оруулсны дараа төгрөгийн ханш эрчтэй суларснаас хойш 2020 онд хадгаламжийн долларжилт огцом өссөн байдаг. ҮСХ-ны тоог харвал 50 гаруй хувийн өсөлттэй явж буй.

Энэ тоо бол төгрөгт итгэх итгэл, төрд итгэх итгэл ямар байсныг нотолно. Тэгвэл хадгаламжийн хүүг тэглэх шийдвэр төгрөгөөс татгалзаж ам.доллар руу хошуурах хөдөлгөөнийг улам нэмнэ. Улмаар хамгаалах гээд байгаа эдийн засаг чинь хамгаалах ч хэрэггүй болох эрсдэлтэй.

Бас нэг зүйл. Иргэд хуримтлуулсан мөнгөө хадгалахдаа гэрээ хийсэн. Хэрэв хүүг нь тэглэвэл иргэний банктай байгуулсан гэрээнд төр дундуур нь цавчиж орж ирээд өөрчлөлт оруулна гэсэн үг. Бид ингэж амьдрахгүй гэдгээ аль 30 жилийн өмнө сонгоод, "Чөлөөт", "Ардчилсан" гэдэг хоёр үгийг Үндсэн хуулиндаа цохчихсон биз дээ. Хэрэв ингэж болдог гэх жишгийг тогтоох юм бол цаашид хэн энэ улсад итгэж хөрөнгөө оруулж, хадгалж, капиталаа бий болгох юм бэ. Нэг л өдөр поп улс төрч гарч ирээд хураасан хэдийг маань үрэн таран болгоод хаячихаж магадгүй. Ийм айдсыг эдийн засагт бий болгох нь урт хугацаандаа эдийн засгийн буруу төлөвшлийг бий болгоно. Цар тахлын дараа ч бид амьдарна. Чөлөөт, зах зээлийн эдийн засаг зуу зуу жил оршин тогтнох учиртай. Энэ замыг сонгохын тулд 1990-ээд оноос хойш бүтэн үе ажил, амьдралаараа төлөөсийг нь төлснийг мартаж болохгүй.

Төгсгөлийн оронд. Энэ буруу бодлогыг хэрэгжүүлэхийн оронд хийж болох хамгийн сайн үйлийг улс төрчдөд хэлж өгье. Та нарын хэрэгжүүлэх эрх нь бүрэн нээлттэй буюу ард түмэндээ өгөөжөө өгөх бодлого бол Сангийн бодлого юм. Хямралын үед эдийн засгийг дэмжихэд төсвийн тэлэх бодлогыг дэлхийн улс орнуудын “ухаалаг” удирдагчид оновчтой ашиглаж буй. Тэд ачааг төр нь үүрэхийг эрхэм болгож байна. Өмнөх санхүүгийн хямралаар ч энэ замыг сонгосны хүчинд гэтэлгэж чадсан. Тэгэхээр одоогоор дэлхийн улс орнууд ДНБ-ий талдаа хүртэл хэмжээтэй төсвийн дэмжлэгийн багц арга хэмжээнүүд хэрэгжүүлээд байгаа. Ингэхдээ борлуулалт нь зогссон ААН-үүдийн цалингийн зардлыг төлөх, хямд санхүүжилт олгох, хэрэглээ талаас нь иргэдийн орлогыг дэмжих, бага орлоготой өрхүүдэд халамжийн мөнгө олгох, татвараас хөнгөлөх, чөлөөлөх зэрэг иргэн, ААН-ийн дэмжлэгийг хүлээсэн, хамгийн гол нь байгаа оносон бодлогуудыг авч хэрэгжүүллээ. Энэ дунд хөрөнгө рүү нь шууд халдсан, орлогоос нь хумсалсан ямар ч арга хэмжээ байхгүй.
Харин манай Засгийн газар 23 арга хэмжээндээ алданги, торгууль тооцохгүй байхаас өөр дорвитой зүйл зарлаагүй. Тиймээс одоо улстөрчдийг иргэдийн хуримтлалд гар дүрэхээс нь өмнө У.Хүрэлсүх, Ч.Хүрэлбаатар нар толгойгоо сайн ажиллуулж, төсвийн нэмэлт багцаа төлөвлөх нь зүйтэй. Тэгэхгүй бол УИХ-ын гишүүд буруу юм яриад байна.

М.БАТНАСАН

Энэ мэдээнд өгөх таны сэтгэгдэл?
14
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-11-25 66.181.178.96

Хадгаламжийн хүү гэдэг бол иргэний мөнгөн хөрөнгийг банк ашигласан (зээл олгож орлого олдог)-ы төлөө төлж буй "түрээсийн" төлбөр юм! Тэгвэл хүүг цуцална гэвэл хувь хүний өмч хөрөнгийг үнэ төлбөргүй хэрэглэнэ гэсэн үг болно! Тийм эрх хэнд ч байхгүй, тэр тусмаа Төр засагт!!! Энэ нь МАН-ын болон бусад бүх байгууллага, хувь хүмүүсийн түрээслэж буй байшин барилгын бүх түрээсийн төлбөрийг цуцалсантай яг адил! Байраа үнэгүй түрээслэх хүн гэж байх уу, та минь ээ??? Ийм л тэнэг юм яриад байгаа юм шдээ!!

Avatar

Зочин 2020-11-25 202.55.188.105

Тесевтее тодотгол хийгээд аймаг сумуудад тесевлесен соёлын тев, клубууд барих засварлах херенгийг багасгаж танахад л энэ коронагын хунд уеийг елхен даваад гарах хангалттай херенге гарч ирэх юм билээ. Даанч УИХ-н гишууд маань далимдуулж цохидог сайхан идшээ тэгж амар хасуулахгуй биз. Уг нь одоо бол соёлын тевеес илуу энэ хунд цагыг гарз хохирол багатай давах нь чухал шуу дээ. Энэ тухай нийтлэл ganaa.mn дээр байгаа

Avatar

Хадгаламжийн хүү бол түрээсийн төлбөр 2020-11-25 196.53.0.33

Банкинд мөнгөө хадгаламж хэлбэрээр түрээслүүлэн ашиглуулж хүү хэлбэрээр түрээсийн төлбөрөө авдаг ядарсан иргэдээсээ хүүг нь тэглэх нэрээр түрээсийн орлогыг нь дээрэмдэж тэглэх гэж байгаа бол банкны хадгаламж эзэмшигчдийн амьдардаг байрны түрээсийн төлбөр бас ажлын байрных нь түрээсийн төлбөрийг нь тэглэж өгөөд хадгаламжаа барьцаалаад хүүгүй, шимтгэлгүй зээл авах эрхийг өгөх хэрэгтэй. Угаасаа хадгаламжийн хүүг тэглэх нь зээлийг хүүгүй болгох гэсэн санал биз дээ. Хадгаламж эзэмшигчид бас зээл авна

Avatar

Зочин 2020-11-25 64.119.19.180

Hadgalamjiin huugeer amidardag yasan bayan yum be burhan min tiiim bolhiison

Avatar

Зочин 2020-11-25 103.57.95.170

ulsturchidiin avligaliin munguur hyamralaas hurdan garna shuu, ard tumnee bitgii shulaad bai

Avatar

Зочин 2020-11-25 124.158.109.232

ард иргэд зээлээр л амьдарч байна зээлийн хүүгээ бууруулъя

Avatar

irgen 2020-11-25 58.109.221.157

Ganbaatariig chini huviin hevshil gej orilood baidag bolohoor no gaigui yum gej bodson Getel setgelgee ni bol mash yaduu yum zailuul Dund angia dandaa zolios bolgoh yum daa Teheer uls undiihgui dee

Avatar

Зочин 2020-11-25 66.181.177.141

zuv l shiidver bna. Hadgalamj, zeeliin khuugee hamtad ni buulgah heregtei. Hadgalamjiin huugeer amdirdag bj bolohgui. EZd surug uzegdliig devreegeed bj bolohgui.

Avatar

Хүүлэгч 2020-11-25 66.181.190.64

Банкууд чинь хадгаламжийн хүүн дээр амьдардаг.Хэрвээ хадгаламжийн хүүг тэглэвэл хүмүүс хадгаламжаа аваад гудсандороо хийчэхнэ.Тэгвэл банк ч байхгүй зээл ч байхгүй э/засаг ч байхгүй улс орон хөмөрнө.Тийм болохоор мунхаг дүү минь хад/ эзэмшигчдийг бүү хялай!!!

Avatar

Зочин 2020-11-25 64.119.16.123

Чааваас банканд хадгаламтай хэдэн хүн байгаа юм бэ дээ өртөй хүмүүс л их байгаа байх

Avatar

Зочин 2020-11-25 192.82.74.56

МОНГОЛЫН БАНКНЫ СИСТЕМ ДАМПУУРВАЛ Ж.ГАНБААТАР, Б.ДЭЛГЭРЖАРГАЛ ТЭРГҮҮТЭЙ УИХ-ЫН НОХОЙ ГИШҮҮДИЙГ ЭРГҮҮЛЖ ТАТВАЛ ТААРНА.

Avatar

Зочин 2020-11-25 66.181.190.64

Яг үнэн. Улс орны эрх ашгаас илүү өөрсдиин хувийн амбицаа бодож эргүү юм ярьж явдаг мунхгуудыг эргүүлэн татах хэрэгтэй.

Avatar

Зочин 2020-11-25 202.126.92.99

мөнгөтэй хүн хадгаламжийн хүүгээр биш улс орноо хөгжүүлэх ажил хөдөлмөр эрхэлж байж мөнгөө өсгөх бодлоготой байвал улс орон маань хөгжинө, банкны бодлогоо өөрчилмөөр юм даа

Avatar

хүн 2020-11-25 150.129.143.210

монгол гайгүй хэдийгээ шоронд суулгачихсан биз дээ. амаржаргалаас санаа гарах болов уу. уул нь ч цаг алдалгүй хэвийн горимд шилжүүлчихэд л болчихно доо. өвдсөн хүнээ төр нүүрсний мөнгөөрөө эмчилд дөнгөх байлгзй дээ.

Avatar

малчин 2020-11-25 203.91.115.50

ХЭРВЭЭ ИНГЭЖ ШИЙДВЭЛ БАНКНД БАЙГАА ХЭДЭН БОР ЮМАА ОЙРООР НЬ ЭРЭЭН , УЛААН ҮД ХОТЫН БАНК РУУ ЗӨӨХӨӨС ДӨӨ

Avatar

Зочин 2020-11-25 66.181.190.64

Хэдэн бор юмаа банкнаас аваад доллар болгоод гудсан дороо хийхээс сайхан юм алга дөө

Avatar

Зочин 2020-11-25 103.57.95.206

Төрийн өөрийн чадамж маш муу байналдаа. Тэнд think tank алга. Иргэн бүрээ мэддэг онцгой нөхцөл үүсэнгүүт дундаж давхаргаа аврах бодлого оновчтой авч хэрэгжүүлдэг энэ нь аль нам байхаас үл хамаарч байнга байж байдаг тийм систем бүрдүүлмээр байна. Бодлогын хариу арга хэмжээ гэдэг хоосон тунхаглал твиттерийн жиргээ байж болохгүй.

Avatar

Zochin 2020-11-25 192.82.66.101

Ам долларын хадгаламжийн хүүг тэглэе.

Avatar

Зочин 2020-11-25 139.5.217.70

Хадгаламжийн хүүг (тэр нь төгрөгийн хадгаламж байна уу, долларын хадгаламж байна уу хамаагүй) тэглэхээр ерөөс хадгаламж гэдэг юм байхгүй болно. Бүх хадгаламжууд доллар болж хувираад гудсан доор хадгалагдана.

Avatar

Зочин 2020-11-25 66.181.189.158

Баахан шавар хөшөө дурсгал, театр музейд 3 их наяд төгрөг төсөвлөсөн байна лээ, энийгээ ганц жилээр хойшлуулчаач, ядаж байхад 330 суманд барина гэсэн ш дээ

Avatar

Зочин 2020-11-25 202.9.40.248

Цөмөөрөө бэлэн мөнгө халамж нэхэхээр дор бүрнээ хөдөлмөрлий. Тэр хоол хүнсгүй хүнсний талон авдаг нөхдүүд хавар гэрээ тойруулаад ногоо тарь л даа. Тэр хоол унд түлшийг нь зөөдөг хамт зургаа татуулдаг нөхдүүд хүрз зээтүү, үрийг нь өг л дөө. Бүгд л бэлэн хоол нэхээд хэвтэцгэээх юм.

Avatar

Хадгалуулагч 2020-11-25 66.181.190.64

битгий х** чи.Хуримтлуулсан хөдөлмөрийнхөө үр шимээр амьдрахад юу нь болохгүй байгаан. Яагаад хад.эзэмшигчдийг илүү хараад байгаан.Эд байхгүй бол тэр зээл авдаг банк чинь ч оршин тогтнохгүй гэдгийг ойлго мунхаг минь

Avatar

зочин 2020-11-25 66.181.186.121

Жижиг хадгаламж эзэмшигчдийг ингэж хохироож болохгүй. Хувь иргэн саналаараа хүүгээ тэглүүлье. Том баячууд, улс төрчид нь өөрсдөө саналаараа хүүгээ тэглүүлэг.

Avatar

Зочин 2020-11-25 192.82.74.216

ЯмАРЧ ЭДИЙН ЗАСГИЙН БОЛОВСРОЛГҮЙ ЯДАХДАА БИЗНЕС Ч ХИЙЖ ҮЗЭЭГҮЙ ПОП-ЫН ХААНААР ЕРӨНХИЙ САЙД ХИЙЛГЭДЭГ УЛС МОНГОЛООС ӨӨР АЛГА

Avatar

Зочин 2020-11-25 66.181.189.81

Өндөр орлоготой баячуудаас авах татварын хувь хэмжээг нэмэх хуулийг Путин сая баталжээ. Энэ аргыг хэрэглээч. Жилийн 100 саяаас илүү орлоготой баячуудаас авах ХАОАТ-ыг 20% болгоё.

NewsMN Гар утасны хувилбар Татах
NEWS.mn

Мэдээллийн эх сурвалж