Ойрын өдрүүдэд дулаарна | News.MN - Мэдээллийн эх сурвалж

Ойрын өдрүүдэд дулаарна

Хуучирсан мэдээ: 2016.03.10-нд нийтлэгдсэн

Ойрын өдрүүдэд дулаарна

Ойрын өдрүүдэд цаг агаар дулаарч, хүйтний эрч сулрах төлөвтэй хэмээн Ус, цаг уур, орчны судалгаа мэдээллийн хүрээлэнгээс мэдээлж байна. Ойрын өдрүүдэд, ялангуяа энэ сарын 14, 15-наас бүх нутгаар нэмэх хэмд хүрч, дулаарах  төлөвтэй байгаа аж.

Нийслэлд маргааш -5 хэмийн дулаантай. Харин 13-ны өдрөөс 2-4 хэмд хүрч дулаарах юм байна. Ойрын өдрүүдэд хаврын урь орсон, дулаан цаг уур зонхилох юм байна.

Мөн иргэдийн дунд ойрын өдрүүдэд нэмж хүйтрэх мэдээлэл бий. тэгвэл энэ нь ташаа мэдээлэл, ямартай ч 15-ныг хүртэл урин дулаан орж, хүйтний эрч суларна гэдгийг албаныхан мэдээллээ.

Маргааш нөгөөдөр төвийн нутгийн хойд хэсгээр бага зэргийн цас орж, явган шуурга шуурна. Говь талын нутгаар 12-14 м секунд хүрч салхилна. Завханы Цэцэн Уул, Отгон зэрэг сумдад энэ өвөл -58 хэм хүрч хүйтэрсэн. Тэгвэл эдгээр нутагт ойрын өдрүүдэд цаг агаар дулаарах төлөвтэй байгаа юм байна. Шөнөдөө -30-35 хэм, өдөртөө -10-15 хэмийн дулаан байна. Мөн Туул, Тэрэлж, Хэрлэн гол зэрэг их нууруудын хотгорт шөнөдөө -20-25, өдөртөө -6-18 хэм байна.

Мөн Дорноговь, Өмнөговь зэрэг хамгийн дулаан нутгуудад шөнөдөө -5-10, өдөртөө 5-10 хэм дулаан байх төлөвтэй. Гэхдээ ойрын өдрүүдэд 10 орчим хэмийн дулаантай, энэ сарын 15-наас хойш 10 хэм давж дулаарах төлөвтэй байгаа аж.

Б.ЗАЯА

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

d 2016-03-10 59.153.113.107

Бидний магтаад байдаг Монгол хэл чинь угаасаа ийм л баялагтай шүү дээ. Ямар ч ШУ техникийн хэл байхгүй. Ядаж байхад яруу найрагч гэсэн хэдэн нөхдөөс болоод худлаа утга уянга зонхилуулаад бүүр балай болгоод байгаа. Товчхон яриад ойлголцоод болоод байдаг байсныг худлаа баахан үг дүрэм гаргаад лай болгосон. Эзэн Чингэс хааны үед бол ингэж их яриад дэлхийг эзлэж чадахгүй байсан биз. Хэт дэлгэрэнгүй үгсийн сангаасаа болоод хөгжлийн хурдыг тушчихсан. Би ч бас адилхан.

ахахаха 2016-03-10 202.179.10.150

ОЙРЫН ӨДРҮҮДЭД ДУЛААРНА гэсэн энэ мэдээг ямар амьтан бичдэг байнаа,арай дэндүү юмаа,хэвлэл мэдээллийхэнд хууль ёс,хүн хүнээ хүндлэх,наад захын соёл гэж алга уу?ичэх зовох ч гэж алга,энэ мэдээг бичсэн хүн бол сэтгэл мэдрэлийн хувьд лав эрүүл биш,эсвэл саяын баяраар зад архидаад өчигдөр өнөөдөр дотор зассан согтуу ***** байх.

ghghg 2016-03-10 202.179.10.150

Олон түмний унших мэдээг сэтгэл мэдрэл нь хэвийн,хэтэртлээ архи ууж согтоогүй улсаар бичүүлэж болдгүй юм уу?Заяа мэтийн гажиг амьтадаар ийм балай юм битгий бичүүлээчээ.

Зочин 2016-03-10 202.21.106.147

-58 gev uu

Зочин 2016-03-10 202.179.24.59

Мэдээ бичих гэж ***** юм аа энэ нөхдүүд. Зөвхөн өөрсдөө л ойлгодог "цаг агаарын мэдээ" бичих хэрэг байна уу та нарт. ойрын өдрүүдэд, ойрын өдрүүдэд... гээд л нэг үгээ тоть шиг давтсан мөртөө утга нь өөр өөр баахан ойлгомжгүй, давхцал бичих юм.

Зочин 2016-03-10 103.26.193.202

Нийслэлд маргааш -5 хэмийн дулаантай........Тэгвэл эдгээр нутагт ойрын өдрүүдэд цаг агаар дулаарах төлөвтэй байгаа юм байна. Шөнөдөө -30-35 хэм, өдөртөө -10-15 хэмийн дулаан байна. Сонин юм. Хасах градустай байхад дулаан гэж хэлээд байдаг. Орчин үеийн эрдэмтэд ээ гэж? Хуучин 0 градуст ус хөлддөг гэдэг байсан. Одоо -35 градуст мөс хайлах нь? Сонин юм.