Оксфордын вакцин 70 хувийн үр дүн үзүүллээ

Хуучирсан мэдээ: 2020.11.23-нд нийтлэгдсэн

COVID-19

Оксфордын вакцин 70 хувийн үр дүн үзүүллээ

Оксфордын вакцин 70 хувийн үр дүн үзүүллээ

Их Британийн Оксфордын их сургууль болон “AstraZeneca” компанийн хамтран бүтээж буй covid-19-ийн эсрэг вакцин 70 хувийн үр дүн үзүүлсэн талаар BBC мэдээллээ.

Энэ нь “Pfizer” болон “Moderna”-ийн вакцинууд 95 хувийн дархлаа тогтоосон амжилттай харьцуулшгүй үр дүн ч гэлээ Оксфордын вакцин нь дээрх хоёр вакциныг бодвол хамаагүй хямд бөгөөд хадгалалт, тээвэрлэлтийн горим нь маш энгийн, хялбар билээ. Тиймээс энэ вакцинд мэргэжлийн байгууллагууд зөвшөөрөл олговол цар тахлын эсрэг тэмцлийн гол тоглогч хэвээр байх болно гэдгийг судлаачид онцолжээ.

Оксфордын судлаачид энгийн үед 10 жил зарцуулж бүтээдэг вакциныг ердөө 10 сарын хугацаанд хийснээ муугүй амжилт гэж харж байна. Их Британийн Засгийн газар Оксфордын вакцинаас 100 сая тунг урьдчилан захиалаад байгаа ба энэ нь 50 сая хүнийг дархлаажуулах хэмжээ юм.

Тус сургууль 20 мянга гаруй сайн дурынхныг туршилтад оролцуулсан ба тал хувь нь Их Британийн иргэд байгаа бол үлдсэн нь Бразилын иргэд ажээ. Эдгээр хүмүүсийн зарим нь хоёр удаа өндөр тунгаар тарихад 62 хувийн үр дүн үзүүлсэн бол заримд нь эхлээд өндөр тунгаар, дараа нь бага тунгаар тарихад 90 хувийн үр дүн үзүүлсэн байна. Энэ хоёр туршилтын дунджаар 70 хувийн дархлаа тогтоож байна гэж үзжээ. Гэхдээ яагаад ийм ялгаатай үр дүн гарсныг эрдэмтэд тодорхойлж чадаагүй байна.

Хэрэв холбогдох байгууллагаас зөвшөөрөл өгвөл Их Британийн эрх баригчид эхний ээлжинд ахмад настны асрамжийн газрын ахмадууд болон ажилчид, эрүүл мэндийн байгууллагын эмч, ажилтнууд, 85-аас дээш насныхан гэсэн эрэмбээр вакциныг хийж эхэлнэ гэжээ. Одоогоор дөрвөн сая тун вакцин бэлэн байгаа ба үлдсэн 96 саяыг зөвшөөрөл гармагц үйлдвэрлэж эхлэхэд бэлэн гэж албаны хүмүүс мэдээлж байна.

Эх сурвалж: BBC

Энэ мэдээнд өгөх таны сэтгэгдэл?
8
ХарамсалтайХарамсалтай
4
ХөөрхөнХөөрхөн
1
ХахаХаха
1
БурууБуруу
0
ЗөвЗөв
0
ГайхмаарГайхмаар
0
ТэнэглэлТэнэглэл
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж