Хубэй муж, ӨМӨЗО-ноос 4 сая юанийн тоног төхөөрөмж хандивлана | News.MN

Хубэй муж, ӨМӨЗО-ноос 4 сая юанийн тоног төхөөрөмж хандивлана

Хубэй муж, ӨМӨЗО-ноос 4 сая юанийн тоног төхөөрөмж хандивлана


Худалдаа, эдийн засаг, шинжлэх ухаан, техникийн хамтын ажиллагааны Монгол, Хятадын Засгийн газар хоорондын комиссын XVI хуралдааныг 2020 оны 11 дүгээр сарын 23-ны өдөр цахим хэлбэрээр зохион байгуулав. Хуралдааныг Монгол Улсын Шадар сайд Я.Содбаатар, БНХАУ-ын Худалдааны сайд Жун Шань нар хамтран даргалж, хоёр улсын холбогдох яам, байгууллагуудын төлөөлөл оролцов.
Хуралдааны үеэр Комиссын XV хуралдаанаас хойш хоёр улсын худалдаа, эдийн засгийн хамтын ажиллагааны явцад гарсан ололт амжилт, өндөр, дээд түвшний айлчлалын үеэр тохирсон худалдаа, эдийн засгийн хамтын ажиллагааны талаарх тохиролцооны хэрэгжилтийг дүгнэж, ойрын хоёр жилийн хугацаанд хэрэгжүүлэх гол зорилт, томоохон арга хэмжээ, хамтын ажиллагааны тэргүүлэх чиглэлүүдийн талаар санал солилцож, тодорхой тохиролцоонд хүрлээ.
“Талын зам” болон “Бүс ба зам” санаачилгын бүтээн байгуулалтыг урагшлуулах тухай Засгийн газар хоорондын хамтын ажиллагааны төлөвлөгөөг шинэ агуулгаар баяжуулан хэрэгжүүлэх, “Монгол, Хятадын худалдаа, эдийн засгийн хамтын ажиллагааны дунд хугацааны хөтөлбөр”-ийг шинэчлэн байгуулахаар Талууд тохиролцов.
Хоёр улсын худалдааны эргэлтийг 10 тэрбум ам.долларт хүргэх зорилтод эрт хүрэхийн төлөө идэвхтэй хамтран ажиллахаа илэрхийлэв. Цар тахлын нөхцөл байдалд хоёр талын худалдаа, эдийн засгийн хамтын ажиллагааг аль болох хэвийн явуулахын төлөө нягт хамтран ажиллаж, Монгол, Хятадын хилийн боомтын “Ногоон гарц” түр журам зэрэг арга хэмжээг цаашид ч тогтвортой хэрэгжүүлэхээ илэрхийлэв.
Уул уурхайн бүтээгдэхүүний худалдааг тогтвортой явуулахын зэрэгцээ уул уурхайн бус салбар, түүний дотор хөнгөн үйлдвэр, хөдөө аж ахуйн салбарын хамтын ажиллагаа, мах, махан бүтээгдэхүүн, хөх тариа, улаан буудайн гурил зэрэг бүтээгдэхүүний худалдааг дэмжих үйл ажиллагааг эрчимжүүлэхээ талууд илэрхийлэв.


Хоёр улсын хоорондын барааны худалдаа болон дамжин өнгөрөх тээвэрлэлтийг дэмжих зорилгоор төмөр замын хамтын ажиллагааг гүнзгийрүүлэхээр тохиролцож, Гашуунсухайт-Ганцмод боомтын төмөр замын улсын хил нэвтрэх цэгийг тохиролцох, “Монгол-Хятадын хилийн төмөр замын хэлэлцээр”-ийг шинэчлэн байгуулах, төмөр замын Ханги-Мандал боомт нээх зэрэг асуудлаар санал солилцов.
БНХАУ-аас Монгол Улсад олгосон хөнгөлөлттэй зээл, буцалтгүй тусламжийн төслүүдийн хэрэгжилтийг түргэтгэх чиглэлээр хоёр талын холбогдох байгууллагууд идэвхтэй хамтран ажиллахаар тохиролцов.
“Ковид 19” цар тахалтай тэмцэх чиглэлээр хоёр улс өндөр хариуцлагатай хамтран ажиллаж, харилцан дэмжлэг туслалцаа үзүүлж, мэдээллээ шуурхай үр дүнтэй солилцсоноор хоёр улсын хооронд халдвар зөөвөрлөгдсөн тохиолдол гараагүйг цохон тэмдэглэж, халдварын тархалтыг хумих, урьдчилан сэргийлэх чиглэлээр цаашид ч идэвхтэй хамтран ажиллахаар санал нэгдэв.
Монголын ард түмнээс 30 мянган хонь бэлэглэсэн зэргээр Хятадын ард түмний “Ковид 19” цар тахалтай хийж буй тэмцэлд сэтгэл санаа, эд материалын дэмжлэг үзүүлсэнд хятадын тал талархал илэрхийлэв. Монгол Улсын Засгийн газар, ард түмний цар тахалтай тэмцэх үйл ажиллагаанд цаашид ч дэмжлэг үзүүлэх үүднээс БНХАУ-ын Хубэй муж болон ӨМӨЗО-ноос 4 сая юанийн үнийн дүн бүхий эрүүл мэндийн тоног төхөөрөмж, хэрэгслийг хандивлахаар болсныг хятадын тал хуралдааны үеэр мэдээлэв. Хуралдааны дүнгээр Протокол байгуулав.
Монгол Улсын Шадар сайдын Ажлын алба

 

Энэ мэдээнд өгөх таны сэтгэгдэл?
6
ЗөвЗөв
5
ТэнэглэлТэнэглэл
2
ГайхмаарГайхмаар
1
ХөөрхөнХөөрхөн
1
ХарамсалтайХарамсалтай
1
БурууБуруу
0
ХахаХаха
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2020-11-23 202.9.46.160

өмнөд хөршийнхөндөө баярлалаа.

Avatar

ZOCHIN 2020-11-23 180.150.83.201

IH TUSLAMJ ZEEL ZUGEER IRDEGGUI GEJ OROSUUD HELEED L BGAASHDEE….NEG L UDUR GAZAR NUTGAASAA TASLAAD URUU TULJ BH VIIDEE….

Avatar

Зочин 2020-11-23 103.229.122.88

Нөгөө мундаг гуравдахь хөрш АНУ-ын тусламж хэзээ ирэх вэ…

Avatar

Заагч 2020-11-23 202.179.31.254

Зочи нэрт х***а минь бүү хуцаа Австралитай харилцаа муудсандаа болохоос мөн Монголын нүүрсийг хямд авч байгаадаа за юу хог луухаанаа дэлхийг вирусээр утсан өмхий вирусууд үхээсэй.

Avatar

Зочин 2020-11-23 202.126.90.128

hund ued hyataduud hamgiin ih tus bolj bna. dan gants tuslamj geltgui, australias nuurs avahaa horigloj mgloos nuurs avj bga ni mash tom tus bolj bna

Avatar

................ 2020-11-23 202.9.46.33

хо хо хо

Avatar

Зочин 2020-11-23 103.229.122.78

ОРОСЫН ХҮРГЭН ТӨМӨР ЗАМЫГ САМАРЧИХГҮЙ БОЛ ХЭРЭГТЭЙ Л АЖИЛ БНА.

Avatar

Зочин 2020-11-23 202.9.40.117

БНХАУ-тай хийж байгаа худалдаа наймаагаа зогсоож хэрхэвч болохгүй. Ялангуяа уул уурхайн бүтээгдэхүүнээ аль болох ихээр БНХАУ-д экспортлох тал дээр манай улс санаачлагтай бас зоригтой ажиллавал тэр хэрээр манай улсад мөнгө орж ирнээ. Энэ ажлыг улс төржүүлж болохгүй юмаа

Avatar

Зочин 2020-11-23 66.181.184.187

чи амаа тат мэдэж байгаа

NewsMN Гар утасны хувилбар Татах
NEWS.mn

Мэдээллийн эх сурвалж