“Их 20”-ийн бүлэг вакцины тэгш хуваарилалтыг санхүүжүүлнэ | News.MN

“Их 20”-ийн бүлэг вакцины тэгш хуваарилалтыг санхүүжүүлнэ

COVID-19

“Их 20”-ийн бүлэг вакцины тэгш хуваарилалтыг санхүүжүүлнэ

“Их 20”-ийн бүлэг вакцины тэгш хуваарилалтыг санхүүжүүлнэ

Дэлхийд эдийн засгаар тэргүүлэгч орнуудын “Их 20” бүлэг энэ жил цар тахлын улмаас цахимаар дээд хэмжээний уулзалтаа зохион байгуулж байгаа билээ. Энэ жилийн уулзалтыг Саудын Арабын хаан Салман бен Абдел Азиз аль Сауд даргалж байгаа юм.

Цахим уулзалт үргэлжилсээр байгаа ба өнөөдрийн /2020.11.22/  уулзалтын үеэр талууд covid-19 цар тахлын эсрэг эм бэлдмэл, оношлуурыг дэлхий даяар тэгш хуваарилах үйлийг санхүүжүүлэх асуудлыг хэлэлцэж байгаа аж. Мөн “Их 20”-ийн улсууд дэлхий нийтээр цар тахалд бэлэн байдлыг хангахад дэмжлэг үзүүлэх, урьдчилан сэрэмжлүүлэх, илрүүлэх, хариу арга хэмжээ авах механизмыг хөгжүүлэхийн зэрэгцээ чухал холбогдолтой мэдээ мэдээллийг тасралтгүй хуваалцахаа мэдэгджээ.

ОХУ-ын Ерөнхийлөгч Владимир Путин өөрийн улс вакцинаа "хүмүүнлэгийн үүднээс" бусад улс орнуудад хуваалцахад бэлэн байна гэдгээ мэдэгдээд цар тахал дэлхийн эдийн засгийг доройтуулж, олон нийтийг хамарсан, урт хугацааны ажилгүйдэл, ядуурлыг бий болгож байгааг онцолсон байна. БНХАУ-ын дарга Ши Жиньпин ч мөн тус улс нь вакцины боловсруулалт, түгээлтийг хурдасгахын тулд бусад улстай хамтын ажиллагаагаа бэхжүүлэхэд бэлэн байгаагаа мэдэгдээд, бусад хөгжиж буй орнуудад тусламж дэмжлэг үзүүлж, вакциныг бүх орны иргэд хүртэхүйц үнэтэй байлгахын тулд хичээн ажиллахаа амлажээ.

Энэ жил “Их 20”-ийн орнууд цар тахлын үр дагавартай тэмцэх хэд хэдэн арга хэмжээг авч хэрэгжүүлсэн билээ. тухайлбал, covid-19-ийн вакцины үйлдвэрлэл, түгээлтийг дэмжих зорилгоор эрүүл мэндийн байгууллагуудад 21 тэрбум ам.долларын хөрөнгө оруулж, дэлхийн эдийн засгийг сэргээхэд 11 их наяд ам.доллар гаргаад байна.

Эх сурвалж: Washington Post

Энэ мэдээнд өгөх таны сэтгэгдэл?
9
ЗөвЗөв
1
ХахаХаха
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Уул нь маргаан ашигтай 2020-11-22 98.33.93.32

Их 20 – ын бүлэг гэж хэлэх нь уламжлал талаасаа ч,утга талаасаа ч зөв юм. Англиар G20 гэж товчлоод,бичихдээ " top 20 industrial and emerging -market countries гэж бичээд явдаг,оросууд болохоор " Большая двадцатка гэж бичих нь хэвшил болсон. Энд G үсэг нь Great гэсэн англи үгний эхний үсэг биш ч гэсэн яалтачгүй Их 20 гэж монголоор бичих нь зөв юм. Таалал төгссөн том том орчуулагчид ингэж бичиж ирсэн уламжлалтай

Avatar

Зочин 2020-11-22 98.33.93.32

Харин цахим хуралдааны тухайд Их20- ын удирдагчид буурай орнуудыг вакцинжуулахад туслах зорилгоор 4,5 тэрбум $ босгох шийд гаргасан. Ангела Меркель бараг 593 сая доллар бэлнээр өгөх санал гаргасан бол,оросын Путин өөрийн улсын бүтээсэн "Спутник V" вакцинаа санал болгосон. Харин хятад вакцин бүтээхэд хамтран ажиллахаа илэрхийлсэн… Харин Трамп Дамп гуай,манай сонгууль луйврын сонгууль болсон гэж нэг орж ирж хашгирчаад гарсан,хэвлэлд бичиж буйгаар гольф тоглоод явж буй сурагтай

Avatar

хэ хэ хэ 2020-11-22 49.0.212.165

За тар битгий хий хоосон цэцэрхэлдээд бай, дэлхийн үйлдвэр худалдааны 80 хувийг эзэлж байгаа тэдгээр 20 улс орон та хэдэн хоцрогдсон улаантнаар дутахгүй

Avatar

Хотын уугуул иргэн 2020-11-22 103.229.122.88

"Их 20" бүлэг гэж сэтгүүлчид буруу хэлж бичээд байна. "G20" буюу "Group 20" гэсэн товчлол нь Монголоор "20-ын бүлэг" гэсэн үг. Түүнээс биш зарим орны "их", зарим орныг "бага" гэж ялгаварлан гадуурхаж болохгуй. Мөн "Дэлхийд эдийн засгаар тэргүүлэгч орнууд" гэсэн нэр томьёоог хүртэл гадны ХМХ хэрэглэхгүй байгаа. Учир нь, "20-ын бүлэг"-т ямар орнууд ордыг хүмүүс ойлгож буй. Манайхны юмны нарийн учир мэддэггүй, англи хэлний мэдлэг сул сэтгүүлчид бие биенээ дуриаж хэрэглээд байгаа нь хачиралтай.

Avatar

Зочин 2020-11-22 202.21.108.129

ХАХА

Avatar

onom 2020-11-22 66.181.161.5

Ер нь эдийн засгийн хэмжээгээр хамгийн том 20 улс л даа. Тэгээд их 20 гэсэн ч яахавдээ. G7-г их 7 гэдэг. хөгжсөн хамгийн том 7 эдийн засаг ордог. G7-г ямар нэг хэмжээгээр сөргүүлж байна гэж ойлгож болно. Тэр утгаар бол их 20 гэхэд болно. үгүй бол Том 20 ч гэсэн болно ш д. Яг цаад утгаа илэрхийлнэ. Групп 20 гэдэг бол ямар ч утга илэрхийлэхгүй байна.

Avatar

G7 bol odoo hudalaa daa. 2020-11-22 64.119.23.110

G 7 bol odoo vvregui ee. tend odoo ih doloo baihaa bolson doo. yagaad gevel hyatad enhtheg oros gurav ali hediin zarim ulsaas ih tom ediin zasagtai bolson ch dee.hyatadiin 2-r bairand ehtheguud 4 -r orood irsen dee. udahgui bas oros braziluud 6-7 bairand orj irenee.

Avatar

Хотын хүүхэд 2020-11-22 66.181.184.153

Зөв орчуулга гэдэг бол үгийг нь биш мөн чанарыг нь өөр хэл дээр буулгах гэсэн билээ сэтгүүлч дээ

Avatar

Зочин 2020-11-22 202.9.46.252

Битгий гэж л***р аа

NewsMN Гар утасны хувилбар Татах
NEWS.mn

Мэдээллийн эх сурвалж