Улаан бурхны халдвар дахин дэгдлээ | News.MN - Мэдээллийн эх сурвалж

Улаан бурхны халдвар дахин дэгдлээ

Хуучирсан мэдээ: 2016.03.09-нд нийтлэгдсэн

Улаан бурхны халдвар дахин дэгдлээ

Улаан бурхан өвчлөл нэмэгджээ. Халдварт өвчин судлалын үндэсний төвд хэвтэн эмчлүүлэгсдийн 70 хувь нь буюу 290 хүүхэд Улаан бурхан өвчнөөр оношлогдон  эмчлүүлж байна. Сэхээний эрчим эмчилгээний тасагт 19 хүүхэд Улаан бурхны оноштойгоор хэвтэж байгаа юм. Намжаад байсан Улаан бурхны дэгдэлт өнгөрсөн 11 дүгээр сараас эхлэн дахин сэргэж, бага сартай буюу 0-8 сартай эсвэл 15-28 насны залуучууд энэ халдвараар өвдөх нь нэмэгджээ. Иймээс улаан бурхан өвчлөлөөс урьдчилан сэргийлэх вакциныг уг халдвараар өвчилсөн хүний дэргэд байсан буюу голомтод байгаа иргэд заавал хийлгэх шаардлагатайг Халдварт өвчлөл судлалын үндэсний төвөөс санууллаа. Улсын хэмжээнд 70 мянган дооз вакцин байна. Үүнээс 40 гаруй мянгыг нь орон нутагт буюу аймгуудад тараажээ. Халдварын голомт Улаанбаатар хотод хамгийн их. Мөн хүн ихээр зорчдог зам дагуух Сэлэнгэ, Дорноговь зэрэг аймгуудад өвчлөл их гарч буйг ХӨСҮТ-өөс мэдээллээ.

Улаан бурхнаар өвдсөн хүний эргэн тойрны хүмүүст халдварын эсрэг вакцин хийж чадвал уг өвчлөлийн халдварыг устгах боломжтойг Ч.Уртнасан дарга тодотголоо. Иймээс өрх, багийн эмч нар өвчний голомтод буй иргэнийг олж яаралтай вакцин тарих. Эсвэл дэргэдэх хүн нь буюу цэцэрлэг, сургуулийн аль нэг анги, бүлгийн хүүхэд улаан бурхнаар өвдсөн бол тухайн сургууль, цэцэрлэгийн эмч нар өрх, сумын эмнэлэгтээ яаралтай хандаж урьдчилан сэргийлэх вакциныг бүх хүүхдүүддээ хийлгэх ёстой болжээ.

Хэсэг хугацаанд чимээгүй байсан улаан бурхны халдвар яагаад дахин дэгдэв гэдэгт эмч нар хүн амын дархлаа суларсантай холбоотой гэсэн хариултыг өгч байна. Нэг удаа халдварын эсрэг вакцин хийлгэсэн хүнд улаан бурхны өвчлөл хөнгөвтөр, хоёр удаа вакцин тариулсан иргэнд хөнгөн, огт хийлгэж байгаагүй хүмүүст хүнд тусаж байгаа юм. Иймээс дархлаа нь суларсан болон өмнө нь огт халдварын эсрэг вакцинд хамрагдаж байгаагүй иргэн бүр улаан бурхны эсрэг тариаг хийлгэх шаардлага тулгарчээ.

Д.УЛАМБАЯР

Зураглаач Н.БАТМӨНХ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

irgen 2016-03-09 103.57.93.17

Yo yo dahiad Nyamhuu ireed, mungu neheed, deerees ugsun heden tugrugiig ni Surenhandtaigaa huvaaj ideed, zaluu Huuhnuudiig buzarlaad l suuh yum baina daa. yamar huvi tawilan be

Зочин 2016-03-09 43.242.243.190

Анх улаанбурхан эхэлж гарахад сүрэнханд авгай зурагтаар цэцэрхээд байсан сайд шилэгдамба нь улаан бурхан байтугай тэнгэр бурхан байдгийг ч мартаад мөнгө мөнгө бас дахин мөнгө гэсээр төрийн нарийн хэмээх бүдүүн авгайг чирээд шоронд орсон . Халдвар судлаач нямдаваа гэдэг сайдын хийж байсан бодлого инерцээр явсаар одоо ягтаа тулж байна даа .яана даа

Зочин 2016-03-09 103.57.94.63

ЭЦЭГ ЭХЧҮҮД БИД ХҮҮХДҮҮДЭЭ УЛААН БУРХАНЫ ТАРИЛГАД ҮР ХҮҮХҮҮДЭЭ 100 % ХАМРУУЛЦГААЯ

зочин 2016-03-09 202.179.26.4

вакцинт халдварт халдварт өвчин тархсан нь ХӨСҮТ-ийн захиралын чадваргүйн шинж Үүнд архичин Нямхүү, Сүрэнханд нар худал хуурмаг ажилсны тод илрэл юм. Эрүүл мэнд спортын яам үүнийг мэдэх туршлага чадамжгүй байна уу,бид илүү цагаа ч авч чадахгүй л байна