Хувийн PCR шинжилгээний 35 цэгийг ашиглах уу? | News.MN

Хувийн PCR шинжилгээний 35 цэгийг ашиглах уу?

COVID-19

Хувийн PCR шинжилгээний 35 цэгийг ашиглах уу?

Хувийн PCR шинжилгээний 35 цэгийг ашиглах уу?

Монгол Улсад дотоодоосоо Covid-19-ийн халдвар авсан хүний тоо өдрөөс өдөрт нэмэгдэж байна. Долоо хоногийн өмнө батлагдсан тохиолдол долоо байсан бол сүүлийн 2-3 хоногт 20, 30-аар огцом нэмэгдэж, дотоодын батлагдсан халдвар 85 болж, нийт тохиолдол 518 боллоо.

Нийт батлагдсан тохиолдлын тоо нэмэгдэхийн хэрээр тэдний ойрын болон хоёрдогч хавьтлыг илрүүлэх, тандалт судалгаа хийх шаардлагатай болж байна. Түргэвчилсэн оношилгооны шинжилгээг нийслэлийн 18 цэг болон өрхийн эрүүл мэндийн 84 төв, нийт 102 цэгт авч байна. Үүнээс гадна орон нутгийн нэгдсэн эмнэлгүүдэд түргэвчилсэн оношлуураар шинжилгээ авч байгаа билээ.

Харин Covid-19-ийн нарийвчилсан шинжилгээ буюу PCR шинжилгээг тодорхой цөөн тооны аймаг, нийслэл хотод хийж буй. Ихэнхдээ орон нутагт илэрсэн сэжигтэй тохиолдлын сорьцыг ХӨСҮТ рүү тээвэрлэж, хугацаа алдаж байгаа нь үнэн.

Өнөөдрийн байдлаар ХӨСҮТ-ийн Вирус судлалын хоёр лаборатори, ЗӨСҮТ-ийн лаборатори, Дорнод, Дархан-Уул, Сэлэнгэ аймгийн салбар лабораторид PCR шинжилгээ хийж, эцсийн хариуг гаргаж байна. Цаашид дотоодод халдвар авсан хүний тоо хот, хөдөөгүй нэмэгдэх эрсдэлтэй энэ нөхцөлд PCR шинжилгээ хийх лабораторийн тоог нэмэх шаардлага үүсээд байна.

Энэ талаар Эрүүл мэндийн сайд Т.Мөнхсайханаас тодруулахад “Бид улсын хэмжээнд ажиллаж буй хувийн лабораториудын судалгаа, тооцоог гаргасан. Эдгээр лабораторид сайн дурын шинжилгээ авахгүйгээр зөвхөн шаардлагатай хүмүүсийн PCR шинжилгээг зохион байгуулалттайгаар авна. Улсын хэмжээнд хувийн хэвшлийн нийт 35 PCR шинжилгээний цэг бий” гэлээ.

Улсдаа томоохонд тооцогдох “УБ-Сонгдо” эмнэлгийн дарга, эмч Б.Болдсайхан өнгөрсөн дөрөвдүгээр сард хэвлэлд хандахдаа “Манай эмнэлэгт PCR-ын аппаратын нэг төрөл бий. Тийм болохоор PCR шинжилгээ хийх эрхийг нь өгөөсэй" хэмээн хэлж байсан удаатай.

Одоогийн байдлаар нийслэл хотоос гадна Сэлэнгэ, Дархан-Уул, Орхон, Дорноговь, Говьсүмбэр гэсэн таван аймагт халдварын голомт бүртгэгдээд байна. Улсын хэмжээнд түргэн оношилгооны цэгүүдээр 19.915 хүн шинжилгээнд хамрагдсан талаар Эрүүл мэндийн яамнаас мэдээлсэн.

Эрсдэлийн үнэлгээний багийн гаргасан урьдчилсан судалгаанд дотоодод халдвар тархвал нийт хүн амын нэг хувь буюу 32 мянган хүн Сovid-19-өөр өвчлөх, үүнээс 4.9 мянган хүний биеийн байдал хүндэрч, 1.6 мянган хүн эрчимт эмчилгээнд хамрагдаж, 1.4 мянган хүн нас барах магадлалтай гэж дүгнэжээ. Энэ бол аюул ойрхон байгаагийн дохио. "Бидний гаргасан судалгаагаар нэг хүн 26 хүнд, хамгийн дээд тал нь 117 хүнд халдвар тараах эрсдэл байна. Бид яаралтай арга хэмжээ авч халдварын тархалтыг 60-70 хувь бууруулсан" хэмээн ХӨСҮТ-ийн захирал Д.Нямхүү яриандаа онцлон хэлсэн.

УИХ-ын гишүүн Ж.Чинбүрэн “Эрүүл мэндийн сайд Т.Мөнхсайхан улсын хэмжээнд 90 гаруй PCR шинжилгээ хийх боломжтой цэг бий. Үүнээс улсын 60, хувийн хэвшлийн 30 гаруй цэг байна гэж хэлсэн. Цар тахлын онцгой нөхцөл байдалд дотоодын халдвар нэмэгдэж байна. Хатуу хөл хорионы хугацаанд шаардлагатай олон хүнийг шинжилгээнд хамруулж, халдварын хүрээг тогтоон барих нь чухал.

Гадуур шинж тэмдэг илрээгүй хүмүүс хөдөлгөөнд оролцоод явж байхыг ч үгүйсгэхгүй. Ойролцоогоор PCR шинжилгээний өртөг 160 мянган төгрөг байна. Энэ зардлыг Эрүүл мэндийн даатгалын сангийн эрсдэлийн сангаа ашиглан, гаргах боломжтой” гэсэн байр суурь илэрхийлсэн юм.

А.СҮРЭН

Энэ мэдээнд өгөх таны сэтгэгдэл?
6
ЗөвЗөв
2
ТэнэглэлТэнэглэл
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Эрүү Мэндийн Сайдыг огцруул!!! 2020-11-20 66.181.178.84

Коронаг дотооддоо алдчихаад байхад мэргэжлийн салбарын алдаа гаргасан сайдыг ажлаас нь халахгүй байгаа нь ямар учир байна? Зориуд Монгол улсыг дампууруулах бодлогыг явуулаад байгаа юм биш биз? 2020 оны 1 сард Монголд корона орж ирээгүй байхад сонгуульд зориулж, хий худлаа сүржигнэж хувийн хэвшлийн олон компаниудыг дампууруулах бодлого явуулсан. Өөрөр хэлбэл, хамаг нөөцөө цаг нь болоогүй байхад дэмий шавхсан. Яг үнэндээ дотооддоо халдвар алдсан яг өдийд л сургууль цэцэрлэгийг хаах байсан юм.

Avatar

Hh 2020-11-20 198.50.138.19

Battai shinjilj chadahgui bgaan bishvv

Avatar

Зочин 2020-11-20 66.181.161.39

энэ зүгээр ханиад бишүү хаявал таарна ханиад хүрч халуурч байгаад аарц эмээ уугаад л дараад болоод л байсан хэт сүрчигнээд байгаан бишүү гадныхан манайхан шиг сэтгэж өөрийгөө эмчилж чадахгүй сэтгэхүйтэй хүмүүс байдаг

Avatar

Малд 2020-11-20 202.21.107.86

Эргүүтсэн төлөгөө тэр дорхноо эмчилдэг байсан бол дэлхий нийтийн цар тахал болохгүй байсан. Аргагүй тархины тураал юмаа

Avatar

иргэн 2020-11-20 202.179.27.138

хий Сүржигнэцгээж байхаар тэр PCR шинжилгээ хийх боломжтой Лабортиртой Эмнэлэгүүдэд нь Зөвшөөрлийн өгөөд хийлгэж боломоор юм Яагаад зөвшөөрч болдоггүй юм вэ

Avatar

Mongol 2020-11-20 66.181.161.42

PCR gej yag Virus bgaa, uguig gargaj chaddagui gej unen uu? Virusnii uldeesen uldegdel bgaa esehiig l gargaj chaddag gew uu? Tegeed hir ih uldegdel hog bgaagaas n shaltgaalaad neg bol virus bn, ugui bol virus alga gej taadag gej unen uu?

Avatar

Зочин 2020-11-20 64.119.17.201

Uneheer ajillah bolovson huchin her ve? Zuv ur dun gargaj chahahuu 1 shinjilgee yu gj 160k baihavdee onshluuriig ni Koregaas buunuur ni awch bga bzde? kit bol 200 udagiin shiljilgee hiiheer onshluuar awch bga bh primer entr ni ugaasaaa belen bga bzdee ??? yag tootsoolvol 1 hunees 15k aas hetrehgu bh shuu bitgii humuusiin tolgoig erguuleed bai

Avatar

Эмч 2020-11-20 202.126.89.114

УОК, эрүүл мэндийн салбар маш сайн ажилласан. Бэлдэх хугацааг хангалттай өгсөн. Бүхэл бүтэн 10 сар…
Тоног төхөөрөмж, оношлуурын үнэ янз бүр..
Зохион байгуулалтанд оруулж, тоног төхөөрөмж, оношлуурын зохицол, ажиллах мэргэжилтний ур чадварыг маш сайн хангахгүй бол хуурамч сөрөг, эерэг хариу өгч бөөн асуудал үүснэ. Маш хурдан хугацаанд бэлтгэлээ хангах хэрэгтэй бол уу.

Avatar

Зочин 2020-11-20 202.179.24.223

ТЭР НӨГӨӨ ОНОШЛУУР ХИЙСЭН ШЭЭД БАЙГАА МОНГОЛ НӨХРИЙН ЯРИА ЧИХНИЙ ХАЖУУГААР ХАЛЬТ СОНСОГДСОН. МАНАЙ ЭМЯ-ЫНХАН МАШ ИХ ҮРГҮЙ ЗАРДАЛ ГАРГАЖ БАЙНА ГЭЭЛ. ЮУ ГЭХЭЭР УЛСЫН ХЭМЖЭЭНД ХЭДЭН Ч ГЭНЭЭ PCR АВАХАД ЕРДӨӨ Л 900-ХАН МЯНГАН ДОЛЛАР. ТЭГЭЭЛ НАЙДВАРТАЙ НАМ ДАРААД АВНА ГЭЭД ЯРИХ ШИГ БОЛСОН. ХУДАЛ ОНОШЛУУРАНД ХАМАГ МӨНГӨӨ СЭГСЭРЛЭЭ ГЭЭЛ ХАЛАГЛААД БАЙГАА БОЛОЛТОЙ. 900 Д ХЭДЭН PCR АВАХ БОЛМЖТОЙ ВЭ

Avatar

Зочин 2020-11-20 66.181.161.58

PCR Монголд хаа сайгүй л байгаа, харин яг зөв ажилладаг нь хэд бол, зөв ажиллуулах, үр дүнг нь зөв унших боловсон хүчин хэр хангалттай бэ гэдэг л асуудал.

Avatar

Зсс 2020-11-20 202.9.40.58

Олон зуун саяаар 90 ш PCR техееремж авч чадахгуй 10 сар болчихоод 90 боломжтой цэг бий гэж солиороод байгааг ойлгохгуй байна. Аавын Ээжийн цээж бегснуудийг арай л эрт ажилд авчдээ Хуукээ.

Avatar

Чааваас 2020-11-20 66.181.161.122

Хаха зардал нь 160,000… хумуус ийм хулгайч сэтгэлгээтэй байхад улс яаж оодлох вэ дээ чааваас гэж…

Avatar

Зочин 2020-11-20 202.21.107.86

Харин ч хямдхан байна. Гадны оронд RT-PCR шинжилгээ хийхэд 200$ буюу 500000 төгрөг болно.

Avatar

PCR -г хувийн хэвшлээс авч нэг дор төвлөрүүл 2020-11-20 64.119.24.178

Тэрнээс PCR-тай бүхэн коронаг шинжилж чадахгүй.

Эмнэлгүүд дээр төвлөрүүлж шинжилгээ хийвэл хяналт тогтооход тустай л байх даа

Avatar

Зочин 2020-11-20 192.82.74.158

Tur. Tur. Tur. Turd bvhniig av. Av. Av. Av. Turii ni tuvd jonhuu udirddag.

Avatar

Зочин 2020-11-20 66.181.161.58

Энэ бол хувийн өмчийг төрд хураан авч байгаа хэрэг биш шүү, нэг газар төвлөрүүлж хяналтанд хэрэглээд буцаагаад өгөх тухай асуудал. Тодорхой хэмжээний түрээсийн ч юм уу зардал төлөхөд асуудал байхгүй байх. Тэр байгууллагадаа ашиглагдахгүй хэвтэж байгаа юммыг. Зарим нь зөв ашиглаад эвдэлж хэмхлэхгүй анхны байдлаар нь буцаагаад өгөх бол үнэгүй хэрэглээрэй гэх ч хувь хүн, байгууллага бий л байх

Avatar

Zochin 2020-11-20 59.153.113.39

1 сорьцд шинжилгээ хийх зардал 15К-аас хэтрэхгүй шдээ. Урвалж, праймэр зэрэг нь. 10 дахин үнэтэй бна шдээ. Анхаарал хандуулаач, үүнд.

Avatar

Зочин 2020-11-20 202.21.107.86

Хамаагүй ингэж мэдэмхийрэхгүй ээ. Энгийн PCR -ийн урвалж кит, энзимүүд хямдхан байдаг. RT-PCR (Real time-PCR)-ийн урвалж бодисууд илүү үнэтэй байдаг.

Avatar

Zuv 2020-11-20 66.181.161.58

PCR багаж хэрэгтэй бол манай лабораторит ч байна,аваачаад өгье,халдвар хамгааллын дэглэм сахих эмнэлгүүд дээр төвлөрүүлээд шинжилгээг өргөн хүрээнд хийх нь зөв шүү

Avatar

Зочин 2020-11-20 202.21.107.86

RT-PCR бол болж байна. Худлаа попрохгүй бол ш дээ. Хаана байдаг лаборатори вэ?

Avatar

Badarch taxar 2020-11-20 64.119.25.213

Aimag bvrt dvvreg bvrt negiig baiguulaad boloo shv de yaundaa ergvvteed bga yum

NewsMN Гар утасны хувилбар Татах
NEWS.mn

Мэдээллийн эх сурвалж