Төв банк үнэт металл хадгалах хугацааг нэг сараар сунгалаа | News.MN

Төв банк үнэт металл хадгалах хугацааг нэг сараар сунгалаа

Хуучирсан мэдээ: 2020.11.19-нд нийтлэгдсэн

Төв банк үнэт металл хадгалах хугацааг нэг сараар сунгалаа

Төв банк үнэт металл хадгалах хугацааг нэг сараар сунгалаа

Монголбанк 2020 оны арваннэгдүгээр сарын 19-ний өдрийн байдлаар нийт 20.5 тонн үнэт металл худалдан аваад байгаа ажээ. Аж ахуйн нэгж, иргэн, арилжааны банкууд үнэт металлаа Монголбанкинд худалдах хүртэл (сорьцын шинжилгээний хариу гарах болон бусад шалтгаанаар) ажлын гурван өдөр хадгалуулдаг байсан. Улсын хэмжээнд бүх нийтийн бэлэн байдлын зэрэгт шилжсэнтэй холбогдуулан харилцагчдын тавьсан хүсэлтийг харгалзан Төв банк дээрх хугацааг нэг сар болгон сунгаж, холбогдох журамд өөрчлөлт оруулсан байна.

Монголбанкны Эрдэнэсийн сан, Үнэт металлын сорьцын хяналтын газар нь хэвийн горимоор ажиллаж байгаа юм. Эрдэнэсийн сан нь нийслэлийн Шуурхай штабаас тогтоосон автомашин, нийтийн тээврийн зорчих цагийн хязгаарлалтын хүрээнд буюу ажлын өдрийн 8:00-10:00 цагийн хооронд харилцагчдаас үнэт металл хүлээн авч буй ажээ.

Шаардлагатай тохиолдолд харилцагчид Монголбанкны Эрдэнэсийн сангийн 329677 дугаарын утас болон Үнэт металлын сорьцын хяналтын газрын 75778430 дугаартай утсаар холбогдож, мэдээлэл, лавлагаа авах боломжтой юм.

Эх сурвалж: МОНГОЛБАНК

Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж