АНУ-д нас барагсдын тоо 250 мянга давлаа | News.MN

АНУ-д нас барагсдын тоо 250 мянга давлаа

COVID-19

АНУ-д нас барагсдын тоо 250 мянга давлаа

АНУ-д нас барагсдын тоо 250 мянга давлаа

АНУ-д covid-19 цар тахал хяналтаас гарч, хоногт л 160 мянган тохиолдол шинээр бүртгэгдэж байна. Тус улсад цар тахал эхэлснээс хойш буюу нэг жил хүрэхгүй хугацаанд 256 мянган хүн уг халдварын улмаас хорвоог орхисон байна. Энэ нь тус улсад автомашины ослоор нас бардаг хүний тооноос даруй 10 дахин их байгааг мэргэжилтнүүд анхааруулжээ.

Тус улсад цар тахалд хамгийн их нэрвэгдэж буй газар бол Нью-Йорк. Нью-Йорк хот өнөөдөр /2020.11.19/-өөс бүх шатны сургуулиудаа түр хугацаанд хаах шийдвэр гаргажээ.

Ингэснээр 300 мянган сурагч хичээлдээ явах боломжгүй болж байна. Энэ хотод 35 мянган хүн covid-19 өвчний улмаас нас бараад байгаа бөгөөд одоо тахлын шинэ давалгаа хотыг нөмөрч байна гэж хотын удирдлагууд үзжээ. Өнгөрсөн долоо хоногт тус хотод баар, ресторануудыг 22.00 цаг хүртэл ажиллуулах, гэртээ 10-аас дээш хүн цуглуулахгүй байх шийддвэрийг гаргасан юм.

АНУ-д авто ослоор жилдээ дунджаар 24 мянган хүн нас бардаг бол томуу, томуу төст өвчнөөр жилд дунджаар 42 мянган хүн хорвоог орхидог байна. Мөн амиа хорлолт жилд 45 мянга орчим бүртгэгддэг бол зүрх судасны өвчнөөр жилд 650 мянга орчим хүн нас бардаг ажээ. Түүнчлэн хорт хавдар бол тус улсын хүн амын нас баралтын тэргүүлэх шалтгаануудын нэг бөгөөд жилд 612 мянга орчим хүн ийм шалтгаанаар нас бардаг. Харин өдгөө covid-19 өвчин тус улсын хүн амын нас баралтын тэргүүлэх шалтгаануудын нэг болоод байгаа нь энэ юм. АНУ-д covid-19-өөс үүдсэн нас баралт өдрөөс өдөрт нэмэгдэж, хоногт 1800 гаруй хүнээ энэ өвчнөөр алдаж байна.

Эх сурвалж: CNN

 

Энэ мэдээнд өгөх таны сэтгэгдэл?
6
ХарамсалтайХарамсалтай
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

irgen 2020-11-19 202.131.225.150

gadaad bgaa mongolchud yu geed blaa heviin ajlaa hiij bolod bna mongold yun surtei ged h*****d bsan. neg duurgiin hun amiin toond hurehgui 3 say huntei uls ih anhaarah n zuitei mungu ahiad oldono. ami nas hairtai humuus ahij oldohgui shuu. ulsiin hemjeend 10 myangan hun hurhed nas baralt nemegdene achaalal aa diilehgui bolno. 1 hunees 5 myangan huun hyanaltand blgaj bga gheer ersdel shuu. 1 sar guril budaa ideed gertee bhad olsoj uhehgui bh olsgood uls chin hunee alchihgui n oilgomjtoi

Avatar

Badarch taxar 2020-11-19 64.119.25.213

Stoohon bna amerkuud heneggvi duraaraa bas toohgvi yum chini ilvv olon hvn burhani orond ochnoo

Avatar

/*-*/ 2020-11-19 49.0.212.165

Чамд тэр хаа байсан Америк хүмүүс ямар гай тарив, танай эцэг эх чинь хүүхэд байхаас чинь л Америк бол дайсан, Орос бол бурхан гэж сургаж тархи угаасаар ийм болгоцон юм уу

NewsMN Гар утасны хувилбар Татах
NEWS.mn

Мэдээллийн эх сурвалж