Цар тахлын бэлэн байдалд 1368 резидент эмч дайчлагдана | News.MN

Цар тахлын бэлэн байдалд 1368 резидент эмч дайчлагдана

Цар тахлын бэлэн байдалд 1368 резидент эмч дайчлагдана

Цар тахлын бэлэн байдалд 1368 резидент эмч дайчлагдана

Монгол Улс Covid-19-ийн халдварыг дотооддоо алдаж халдвар авсан хүний тоо 48 болж, нийт батлагдсан тохиолдол 473 болсныг Эрүүл мэндийн яамнаас мэдээлсэн. Өдрөөс өдөрт халдварын тоо нэмэгдэж буй энэ үед хэчнээн резидент эмч ажиллах бэлэн байдлыг хангаж байгаа талаар Эрүүл мэндийн хөгжлийн төвийн Хүний нөөцийн бодлого зохицуулалтын ахлах мэргэжилтэн П.Эрхэмбаяраас тодрууллаа.


-Одоогийн байдлаар хэчнээн резидент эмч тусгаарлан ажиглах байранд ажиллаж байна. Цаашид дотоодын халдвар нэмэгдэж, нөхцөл байдал хүндэрвэл хэчнээн эмч дайчлагдахад бэлэн байна вэ?

-Резидент эмч нар зөвхөн тусгаарлан ажиглах байранд ажиллаж байгаа. Резидент эмч нар маань үндсэн мэргэжлээ эзэмшээгүй, суралцаж байгаа ч мэргэжлийн үйл ажиллагаа эрхлэх зөвшөөрөлтэй, анагаахын сургуулийг зургаан жил сурч төгссөн хүний их эмч нар юм. Одоогийн байдлаар нийт 30 тусгаарлан ажиглах байранд 56 резидент эмч ажиллаж байна.

Улсын хэмжээнд Анагаахын шинжлэх ухааны үндэсний их сургууль /АШУҮИС / болон Эрүүл мэндийн хөгжлийн төвд бүртгэлтэй нийт 2022 резидент эмчийн судалгаа бий. Эдгээрээс өчигдрийн байдлаар /2020.11.17/ халдварын голомтод дайчлагдах боломжтой 1368 эмч байна. Бусад резидент эмч нь сургуулиасаа жилийн чөлөө авсан, жирэмсэн, бага насны хүүхэдтэй гэх мэт шалтгаантай байгаа.

-Цар тахлын нөхцөлд халдвараас хэрхэн хамгаалах, урьдчилан сэргийлэх сургалтад хамрагдаж байгаа юу?

-Бид дэлхий даяар цар тахал гарсан цагаас л резидент эмч нарын судалгааг хийж, голомтод дайчилж байгаа. Өнгөрсөн аравдугаар сард нэгдүгээр дамжааны оюутнуудын элсэлтийг хийсэн. Одоо Эрүүл мэндийн хөгжлийн төвөөс бүх резидент эмч нартаа зориулж, таван чиглэлийн цахим хичээлийг бэлтгэж, вэб сайтдаа байршуулсан. Үүний дагуу эмч оюутнууд маань цар тахлаас урьдчилан сэргийлэх халдвар хамгааллын сургалтад хамрагдаж, багш нарыг урилгаар авч, ирж заалгаж байгаа.

Цахим хичээлд цар тахлын шинж тэмдэг, эмнэл зүйн шинж тэмдэг ямар байх вэ, халдвар хамгааллын дэглэмийг хэрхэн сахих вэ, тусгай хамгаалалтын хувцсаа яаж тайлж, өөрийгөө хамгаалах вэ, сэтгэл зүйгээ хэрхэн бэлдэх вэ, хүүхдийн эрэмбэлэн ангилалт гэж юу вэ гэсэн шаардлагатай таван хичээлийг Эх хүүхдийн эрүүл мэндийн үндэсний төвтэй хамтран цахим хичээл зааж байгаа.

Өөрөөр хэлбэл, резидент эмч нар 2020 оны эхнээс л цар тахлын сургалтад хамрагдаж, тусгаарлан ажиглах байранд ажиллах болгонд арга зүйгээр хангаж, цахим хичээл, мэргэжлийн байгууллагатай хамтран сургалтад хамруулдаг. Одоо тусгаарлан ажиглах байранд ажиллаж буй резидент эмч нар хамгийн багадаа хоёр, хамгийн ихдээ дөрвөн удаа ажиллаад байна.

-Голомтод буюу ХӨСҮТ-д ажиллаж буй эмч, сувилагч нарт хэдэн удаагийн сургалтыг хийсэн бэ?

-ХӨСҮТ-өөс энэ талаарх мэдээллээ Эрүүл мэндийн яам руу шууд өгдөг. Мэргэжлийн байгууллагын зарим мэдээ мэдээлэл нууцлалын зэрэглэлтэй байдаг юм. Манай төв дээр энэ талаарх мэдээлэл ирдэггүй.

-Тусгаарлан ажиглах байранд ажиллаж байгаа резидент эмч нарын цалинг хэрхэн олгож байгаа вэ?

-Орон нутгийн Эрүүл мэндийн байгууллагуудын захиалгаар эмч мэргэжлээр суралцаж буй оюутны сургалтын төлбөрийг 2015 онд батлагдсан Эрүүл мэндийн сайд, Сангийн сайдын хамтарсан тушаалаар төрөөс дааж, сард 300 мянган  төгрөгийн тэтгэлэг олгодог. Өөрөөр хэлбэл, орон нутгийн хүний нөөцийг хангахын тулд сургадаг журамтай. Хувийн зардлаар сурч байгаа оюутнууд сургалтын төлбөрөө өөрөө төлж, тэтгэлэг авдаггүй. Одоо Эрүүл мэндийн тухай хуульд заасны дагуу резидент эмч нарыг цалингийн жишигт оруулж, цалинжуулах хууль 2021 оны нэгдүгээр сарын 1-нээс эхлэн хэрэгжинэ.

Одоо цар тахлын нөхцөл байдалд ажиллаж буй резидент эмч нарт Шуурхай штаб, Эрүүл мэндийн яамнаас хуваарилсан ажиллах хугацааны 500 мянган төгрөгийг Эрүүл мэндийн хөгжлийн төв хуваарилалт хийж байгаа. Манай төвөөс сар бүр данс руу шилжүүлдэг.

2200 ЭМЧ БЭЛТГЭСНИЙ 800 ОРЧИМ НЬ СУВИЛАГЧ МЭРГЭЖЛЭЭР ТӨГСДӨГ

Эрүүл мэндийн сайд Т.Мөнхсайхан “Эмнэлгийн хамгаалах хэрэгслийн гурван сарын нөөцтэй” гэдгийг өчигдөр мэдээлсэн. Мөн тэрбээр “Бидний судалгаагаар хүн амын нэг хувь халдварт өртөхөд 2500-3000 ор шаардлагатай. Харин өнгөрсөн хугацаанд бид улсын хэмжээнд нийт 4500 орны төлөвлөлтийг гаргасан” гэсэн юм.

Манай улсад Анагаах ухааны боловсрол олгодог 10 их, дээд сургууль 2200 орчим эмч бэлтгэн гаргаж байна. Үүний 800 орчим сувилагч мэргэжлээр төгсөж байна. Өнөөдөр сувилагчийн орон тоо бүх салбарт дутагдалтай байна. Гэтэл лицензтэй 18504 эмч нар байгаагаас 11788 нь хувийн болон улсын эрүүл мэндийн байгууллагад ажиллаж, 6716 нь эмч мэргэжлээрээ ажиллахгүй буюу илүүдэлтэй байна гэсэн судалгаа гарчээ.

Эрүүл мэндийн хөгжлийн төвөөс сувилагчийн орон тоо улсын хэмжээнд хэчнээн байдгийг тодруулах гэсэн боловч тус төвөөс явуулдаг нарийн мэргэжлийн сургалтад одоогийн байдлаар улсын хэмжээнд 624 сувилагч хамрагдсан. Сувилагчийн орон тоо угаасаа дутагдалтай байгаа гэдгийг холбогдох мэргэжилтэн нь хэлсэн юм.   

Энэ мэдээнд өгөх таны сэтгэгдэл?
6
ТэнэглэлТэнэглэл
1
ХахаХаха
1
ХөөрхөнХөөрхөн
1
ХарамсалтайХарамсалтай
0
ЗөвЗөв
0
ГайхмаарГайхмаар
0
БурууБуруу
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-11-19 202.9.40.176

Eruul mendiin said too medeeg zuv oilgoj, zuv yarij bmaar yum. 2200 emch beltgedeg. Uunees 800 ni suvilagchaar tugsdug bhdaa yahav dee. Heterhii shine bna daa.

Avatar

ЗОЧИН 2020-11-19 202.179.24.18

ОЛОН ЭМЧ,СУВИЛАГЧ,,ЭМ ЗҮЙЧ БЭЛТГЭХ СУРГУУЛЬ БАЙНА.ЧАНАРТАЙ СУРГАЛТТАЙ ЭСЭХИЙГ ТОДОРУУЛАХ ХЭРЭТЭЙ.ЗӨВХӨН ДИПЛОМ АВАХ ХЭМЖЭЭНД ТӨГСӨЖ БУЙ ХАРИУЦЛАГАГҮЙ ОЮУТНУУД ИХ БАЙНА. ТЭД АЖИЛ ХИЙХГҮЙ. ХИЙХ ГЭЖ ЗАХЫН ЗҮЙЛ МЭДЭХГҮЙ ЭМЧ НАРТ ГОЛОГДОНО. ТИЙМЭЭС ТЭД РЕЗИНТУР ,МАГИСТР СУРГАЛТ ГЭЭД АЛГА БОЛНО .ЧАДВАРТАЙ БОЛОХГҮЙ ОЛОН ҮНЭМЛЭХТЭЙ БАЙХААР ХӨӨЦӨЛДӨНӨ.

Avatar

Зочин 2020-11-19 66.181.161.29

Резидент эмч гэж ямар эмчийг хэлдэг юм бэ

Avatar

хэ хэ хэ 2020-11-19 49.0.212.165

Резинэн хувцас өмссөн "хүний бага эмч"-ийг Резидент эмч гэнэ.

Avatar

Irgen 2020-11-19 202.9.40.176

End tend zaraald guij yavdag, tsagaan halaadtai humuusiig helne. Tedniig gudamj talbain uzleg, shinjilgee, eruul mendiin baiguullagiin uzesgelen, hurlin ugtagch, udegch, thai zuugch, achaa zuugch, uilchlegch, haldvart uvchnii golomtod hargalzagch, hyanagch, hool zuugch, uilchlegch geed l.., zaraaliin mori, ter b** hel chuhal uulzalt, hurling tanhimiig giiuulegch emch bish resident.

Avatar

Зочин 2020-11-19 202.9.40.176

Ed chin hun bish tsereg gedeg shig emch bish resident bhgui yu

Avatar

зочин 2020-11-19 202.131.240.194

монгол улс эмч сувилагч нараа шүүгчээс дорд үзэн цалинжуулж байгаа энэ бол шудрага бус гэж боддог

Avatar

9911 2020-11-19 202.21.107.113

цалин өгвөл сайн л бна хөөрхий 1 удаа хувцас хэрэгсэлээр хангана уу

Avatar

Зочин 2020-11-19 202.9.40.176

1 bish nileediig ugnu uu

Avatar

зочин 2020-11-19 122.201.19.99

Унаа, хоолны мөнгийг нь өгөөрэй

Avatar

Зочин 2020-11-19 103.229.122.39

Энэ оюутнуудад ядаж унааны мөнгө өгөх хэрэгтэй. Дарга нар өөрсдийгөө сая саяаар шагнаж байхын оронд ядарсан резидент эмч нараа харж үзээч ээ!!!

Avatar

Зочин 2020-11-19 202.21.100.210

Сувилагчийн цалин 400-600 мянган төгрөг маш бага дэндүү өрөвдөлтэй яаж ч бодсон ажиллах хүчин дутагдсаар байх болно

NewsMN Гар утасны хувилбар Татах
NEWS.mn

Мэдээллийн эх сурвалж