"Эмнэлгийн хамгаалах хэрэгслийн гурван сарын нөөцтэй" | News.MN

"Эмнэлгийн хамгаалах хэрэгслийн гурван сарын нөөцтэй"

"Эмнэлгийн хамгаалах хэрэгслийн гурван сарын нөөцтэй"

"Эмнэлгийн хамгаалах хэрэгслийн гурван сарын нөөцтэй"

 Засгийн газрын өнөөдрийн ээлжит хуралдаанаар гарсан шийдвэрүүдийн талаар Засгийн газрын гишүүд олон нийтэд мэдээллээ. Энэ үеэр Эрүүл мэндийн сайд Т.Мөнхсайхан дараах мэдээллийг өглөө.

Covid-19 халдварын цар тахлын үед Монгол Улсын Засгийн газар, УОК, Эрүүл мэндийн яамнаас үндсэн гурван чиглэлд анхаарал хандуулан ажиллаж байна. Нэгдүгээрт, тархалтыг хумих буюу барьж авч зогсоох, хоёрдугаарт, тандалт, хариу арга хэмжээ, гуравдугаарт, эмнэлгийн тусламж, үйлчилгээний чадавхыг нэмэгдүүлэх тал дээр төлөвлөгөөний дагуу хариу арга хэмжээг шуурхай авч ажиллаж байна.

Өнгөрсөн хугацаанд  Covid-19-ийн эсрэг бэлэн байдлыг хангаж, Цэргийн төв эмнэлэгт 440 ор, ХӨСҮТ-д 400 ор, Яармагийн шинэ төрөх эмнэлэгт 500 гээд нийт 1400 орчим орыг бэлдсэн. Шаардлагатай тохиолдолд эдгээрийн орны 10 хувийг эрчимт эмчилгээний зориулалтаар ашиглана.  Нөхцөл байдал хүндэрсэн үед эрчимт эмчилгээний тусламж чухал учраас энэ чиглэлийн орны тоог нэмэгдүүлж, шаардагдах тоног төхөөрөмжөөр хангаж байна. Бидний судалгаагаар хүн амын нэг хувь халдварт өртөхөд 2500-3000 ор шаардлагатай. Харин өнгөрсөн хугацаанд бид улсын хэмжээнд нийт 4500 орны төлөвлөлтийг гаргасан байгаа.
Цар тахлын үед эрүүл мэндийн байгууллагуудаа хангах хамгаалах нэг удаагийн хэрэгслийн гурван сарын нөөц бий. Хувийн хамгаалах хэрэгслийн нөөц бүрдүүлэхдээ бид аль болох үндэсний үйлдвэрлэлээ дэмжиж дотоодын компаниудаас авч байгаа.
Харин дотооддоо үйлдвэрлэх боломжгүй резинэн бээлий зэргийг гаднаас татан авч байна.
Covid-19 шинжилгээ хийж байгаа өрхийн эмнэлгүүд болон тохиолдол илэрсэн аймгийн нэгдсэн эмнэлгүүдийн хувийн хамгаалах хэрэгслийг ЭМЯ-аас хангаж байна.
Энэ хугацаанд нийт 341 хүн Covid-19 халдвараас эдгэрч эмнэлгээс гарсан. 28 нь дараагийн шатны тусгаарлах байранд байна. Эмнэлгээс гарахдаа таван төрлийн шинжилгээ өгдөг. Ямар нэгэн вирус илрэхгүй тохиолдолд эмнэлгээс гаргаж байна. Дараагийн шатны 14 хоногт нь хяналтыг сайн тавьж, дахин вирусийн шинжилгээнд хамруулж, вирус гарахгүй болтол нь тусгаарлах байранд байлгаж байна. Эмнэлгээс эдгэрч гарсан бүх иргэд хяналтад байгаа. Хамт байдаг гэр бүл ойр дотнын хүмүүст нь байнгын шинжилгээ авч, хяналтандаа байлгаж байна" гэлээ.
Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Х 2020-11-18 64.119.18.90

Өнгөрсөн хугацаанд коронотой тэмцэх, сэргийлэх үйл ажиллагаанд маш их хандив өгсөн байдаг. Гэтэл өнөөдөр 3 сарын нөөцтэй гэдэгт харамсаж байна. Шинжилгээний багаж авахад 1.5 сая доллар зарцуулсан гэж байх юм. Хэдэн багаж аваад ийм их мөнгө зарцуулж байнаа, задаргааны талаар тодорхой мэдээлэл өгөх хэрэгтэй байхаа, өвчнийг далимдуулж мөнгө олох гэсэн луйварчидтай хатуу тэмцмээр юм.

Avatar

/*-*/ 2020-11-18 49.0.212.165

3 сар гэдэг үнэн үү, нэг л итгэхгүй байна шүү, аягүй бол худлаа дөө худлаа дөө

Avatar

Эрүү Мэндийн Сайдыг огцруул!!! 2020-11-18 66.181.186.242

Коронаг дотооддоо алдчихаад байхад мэргэжлийн салбарын алдаа гаргасан сайдыг ажлаас нь халахгүй байгаа нь ямар учир байна? Зориуд Монгол улсыг дампууруулах бодлогыг явуулаад байгаа юм биш биз? Хамаг нөөцөө цаг нь болоогүй байхад дэмий шавхсан тул одоо хүмүүс дахиж карантинд тэсэж суух боломжгүй болсон.

Avatar

Zochin 2020-11-18 64.119.18.237

Ene manuuhaig zailuulaachee.

Avatar

ЯАНА ДАА САЙД МИНЬ 2020-11-18 139.5.216.194

3 САРААС ЦААШ ЯАХ УУ ??

NewsMN Гар утасны хувилбар Татах
NEWS.mn

Мэдээллийн эх сурвалж