Шинэ төрлийн коронавирус дэлхийн эдийн засагт хүчтэй цохилт учруулаад байгаа билээ. Тайвань маш амжилттай цар тахлаас урьдчилан сэргийлж байгаа ба АНУ-ын Стэнфорд болон Пеннсилвани зэрэг хоёр нэр хүндтэй их сургуулиудын хамтарсан тайланд Тайвань нь "Эдийн засгийн уналтын түвшин" -ийн сөрөг өсөлттэй цорын ганц орон болж, дахин олон улсын анхаарлыг татав.

Уг тайланд 30 гаруй улс оронд үнэлгээ хийж, тухайн улс орнуудын цар тахлын үеийн  нас баралтын хэмжээг эдийн загийн алдагдлын хэмжээтэй нь харьцуулсан байдлаас үзэхэд цар тахлаас урьдчилан сэргийлэх арга хэмжээ нь эдийн засгийн алдагдлыг хянах гол түлхүүр гэдэг нь илт харагдаж байна. Харин Тайваниас бусад улс орны Дотоодын нийт бүтээгдэхүүн нэгээс дээш хувиар буурсан бол Испани 7%-р буурсан үзүүлэлттэй гарсан.

Тайваниас Монгол Улсад суугаа төлөөлөгч Грэйс Ж.Р.Лүө "Тайваньд нэг сая хүнд ногдох нас баралтын тоо хамгийн бага (ердөө 0.29 хүн), Дотоодын нийт бүтээгдэхүүний алдагдал ч мөн адил хамгийн бага, тэр байтугай эерэг өсөлттэй байгаа цорын ганц орон болоод байна. Иймд тайланд дурдагдсан график дизайнд Тайванийг тусгай буланд байрлуулсан нь олон улсын хэрэглэгчдэд Тайванийг "зэрэгцээ ертөнцөд" байгаа мэт сэтгэгдэл төрүүлж,  цар тахлаас урьдчилан сэргийлэх өндөр үр дүнтэй арга хэмжээ авч хэрэгжүүлснийг илтгэх юм" хэмээв.

Түүнчлэн төлөөлөгч Грэйс Ж.Р.Лүө Тайванийн энэ оны гуравдугаар улирлын эдийн засгийн өсөлт 3.33% байсан нь Азийн дөрвөн бар (Өмнөд Солонгос -1.3%, Сингапур -7%, Хонконг -3.4%) -ын дунд хамгийн өндөр бөгөөд цорын ганц эерэг үзүүлэлттэй бүс нутаг гэдгийг онцолсон юм. Цар тахал, эдийн засаг зэрэг хоёр гол асуудалд амжилттай анхаарал хандуулж чадсан нь ард иргэд болоод засгийн газрын бүх нэгж хэлтсүүдийн хамтын хүчин чармайлтын үр дүн юм.