БЗД-ийн Иргэний хэргийн анхан шатны шүүхийн хурлуудыг хойшлуулжээ

Баянзүрх дүүргийн Иргэний хэргийн анхан шатны шүүхээс 2020 оны арваннэгдүгээр сарын 17-ны өдрөөс 20-ны өдрийг хүртэл товлогдсон шүүх хуралдааныг тодорхой бус хугацаагаар хойшлуулж байгааг мэдэгджээ. Монгол Улсын Засгийн газрын 2020 оны арваннэгдүгээр сарын 11-ний өдрийн “Бүх нийтийн бэлэн байдлын зэрэгт шилжүүлэх тухай” 178 дугаар тогтоол, Covid-19 халдварын цар тахлаас урьдчилан сэргийлэх, тэмцэх, эрсдлээс хамгаалах, үйл ажиллагааны бэлтгэлжилт, бэлэн байдлыг дахин төлөвлөхтэй холбогдуулан дээрх шийдвэрийг гаргажээ.

Цаашид цаг үеийн нөхцөл байдалтай холбоотойгоор гарсан аливаа шийдвэр, мэдээллийг цаг алдалгүй тухай бүрт нь мэдэгдэх болно. Мөн иргэд тус шүүхийн вэб сайт болон шүүхийн Facebook хуудсанд байгаа 2020 оны арваннэгдүгээр сарын 11-ний өдрийн “мэдэгдэл”-ийн дагуу гаргасан шүүхийн албан ёсны хаяг, байршил, холбоо барих мэдээлэлтэй танилцана уу.

Баянзүрх дүүргийн Иргэний хэргийн анхан шатны шүүхийн Гамшгаас хамгаалах орон тооны бус штаб