Л.Гансүхийн шүүх хурал тодорхойгүй байна | News.MN - Мэдээллийн эх сурвалж

Л.Гансүхийн шүүх хурал тодорхойгүй байна

Хуучирсан мэдээ: 2016.03.07-нд нийтлэгдсэн

Л.Гансүхийн шүүх хурал тодорхойгүй байна

Ерөнхий сайд асан Н.Алтанхуягийн ахлах зөвлөх Л.Гансүх нарт холбогдох хэргийг энэ сарын 10-ны өдөр Улсын дээд шүүх хянан хэлэлцэнэ гэсэн мэдээлэл тарсан ч Улсын дээд шүүхээс "Л.Гансүх нарт холбогдох шүүх хурлын товыг албан ёсоор товлоогүй байгаа " гэдгийг мэдэгдлээ. 

Анхан болон давж заалдах шатны шүүхийн шийдвэрийг эсэргүүцсэн учраас шүүгдэгчид болон өмгөөлөгчийн хүсэлтээр Дээд шүүхэд хандсан юм. Баянзүрх, Сүхбаатар, Чингэлтэй дүүргийн шүүх хэргийг хэлэлцээд Л.Гансүхэд дөрвөн жил зургаан сар хорих ял оноож, улс төрийн алба хаах эрхийг дөрвөн жилээр хасч, Н.Даваахүүгийн мэргэжлийн ажил хийх эрхийг хоёр жилээр хасч, хөдөлмөрийн хөлсний доод хэмжээг 100 дахин нэмэгдүүлсэн буюу 19 сая 200 мянган төгрөгөөр торгох, Б.Мөнгөнтуяад мэргэжлийн ажил хийх эрхийг хоёр жилээр хасч, хөдөлмөрийн хөлсний доод хэмжээг 100 дахин нэмэгдүүлсэн буюу 19 сая 200 мянгөн төгрөгөөр торгох ял оногдуулсан. Анхан шатны шүүхээс ял шийтгүүлсэн дээрх гурван иргэнээс хоёр тэрбум 539 сая 730 мянга 860 төгрөгийг хувь тэнцүүлэн гаргуулж, “Багануур” ТӨХК-д олгох шийдвэрийг шүүх гаргасан. Давж заалдах шатны шүүхэд гомдол гаргасан ч анхан шатны шүүхийн шийдвэрт өөрчлөлт оруулалгүйгээр хэвээр үлдээхээр шийдвэрлэсэн байдаг. Одоо болох шүүх хурал эдгээртэй холбоотой хэргийг дахин шүүн хэлэлцэх юм.

Т.НОМИН

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-03-07 203.91.117.4

gem zemgui humuusiig uls tyuriin zahilgaar shiitgesen. 2 aj ahui negjin hoorondhi biznesiin margaanyg uls tur bolgoson. bid bugd Tv eer harsan sh dee. uls triin helmegduuleltee zogssogooroi

Зочин 2016-03-07 112.138.35.55

TA NAR MEDDEG YM SHIH BITGII HUDLAA SHAAJ BGAACH SETGYYLCHDEE

Зочин 2016-03-07 103.57.95.183

МУУ ШҮҮ