Монголбанк: Зээлийн эргэн төлөлтөө хойшлуулах боломжтой | News.MN

Монголбанк: Зээлийн эргэн төлөлтөө хойшлуулах боломжтой

Монголбанк: Зээлийн эргэн төлөлтөө хойшлуулах боломжтой

Монголбанк: Зээлийн эргэн төлөлтөө хойшлуулах боломжтой

Засгийн газраас бүх нийтийн өндөржүүлсэн бэлэн байдлыг 14 хоног сунгасантай холбогдуулан Төв банкнаас мэдэгдэл гаргалаа. Тус мэдэгдэлд,

“Эдийн засаг, санхүүгийн зах зээлд үүссэн нөхцөл байдалтай уялдуулан санхүүгийн хүндрэлийг зөөлрүүлэх үүднээс нарийвчилсан судалгаа, олон улсын сайн туршлагад суурилан мөнгөний бодлогын болон зохицуулалтын холбогдох шийдвэр (макро зохистой бодлогын болон бодлогын бусад хэрэгслүүд)-ийг Мөнгөний бодлогын хороогоор хэлэлцүүлж, ойрын хугацаанд шийдвэрлүүлэхээр ажиллаж байна. Эдгээр арга хэмжээ нь цар тахлаас үүдэлтэй бизнес эрхлэгчид, өрх гэр, санхүүгийн байгууллагуудад учирч буй хүндрэлийг даван туулах, эдийн засгийг тогтворжуулж, сэргээхэд чиглэнэ.

Монгол Улсын банкны салбарын бүтээгдэхүүн үйлчилгээ, төлбөр тооцоо цахим хэлбэрээр тасралтгүй, хэвийн үргэлжилж байна. Одоогоор дотоод төлбөр тооцоо саатсан, тасалдсан тохиолдол гараагүй. Тухайлбал, арваннэгдүгээр сарын 12-ноос 16-ны өдрийн хооронд хийгдсэн банк хоорондын гүйлгээний тоо хэмжээ 2, 3 дугаар улирлын өдрийн дундаж түвшнээс бага зэрэг буурсан хэдий ч нэгдүгээр улирлын түвшинд хадгалагдаж байна. Энэ нь иргэд, аж ахуйн нэгжүүд төлбөр тооцоогоо төлбөрийн карт, интернет, мобайл зэрэг цахим хэлбэрээр гүйцэтгэх боломжтойг харуулж байгаа бөгөөд цаашид ч улам түлхүү ашиглахыг нөхцөл байдал шаардаж байна.

Монголбанкнаас Covid-19 цар тахалд өртсөн иргэд, аж ахуйн нэгжүүд хэрэглээний болон бизнесийн зээлийн эргэн төлөлтөө банкуудтайгаа тохиролцон хойшлуулах боломжийг олгосон зохицуулалтыг энэ оныг дуустал үргэлжлүүлж байна. Тухайлбал, 3.7 их наяд төгрөгийн зээлд бүтцийн өөрчлөлт хийгдсэний 2.2 их наяд төгрөг нь бизнесийн зээл, 1.5 их наяд төгрөг нь иргэдийн зээл байна. Иймд, Covid-19 цар тахлаас үүдэн орлого, үйл ажиллагаанд хүндрэл үүссэн иргэд, аж ахуйн нэгжүүд харилцагч банкиндаа хандан, зээлдээ бүтцийн өөрчлөлт оруулах асуудал нээлттэй байгаа болно. Өнөөдрийн байдлаар нийт 125,206 зээлдэгчийн 5.3 их наяд төгрөгийн зээл Covid-19 цар тахалд өртсөн нь нийт зээлийн багцын 33 хувийг бүрдүүлж байна.

Түүнчлэн төрөөс хэрэгжүүлж буй хөнгөлөлттэй нөхцөлтэй ипотекийн зээлийн төлбөрийг түр хугацаанд хойшлуулах арга хэмжээ энэ оны 5-10 дугаар сарын хооронд зургаан сарын хугацаанд хэрэгжсэн. Энэ хугацаанд нийт 38,152 зээлдэгчийн 2.0 их наяд төгрөгийн зээлийн төлбөрийг зургаан сарын хугацаатайгаар хойшлуулсан билээ. Монголбанкны зүгээс Засгийн газартай зөвшилцөж, дэмжих тохиолдолд энэ арга хэмжээг үргэлжлүүлэх боломжтой гэж үзэж байна.

Бизнесийн, хэрэглээний болон хөнгөлөлттэй нөхцөлтэй ипотекийн зээлийн эргэн төлөлтийг хойшлуулах боломжийг олгосон зохицуулалтын арга хэмжээг цаашид үргэлжлүүлэх асуудлыг Санхүүгийн тогтвортой байдлын зөвлөлөөр хэлэлцүүлж шийдвэрлүүлнэ.

Монгол Улсын Засгийн газраас Гамшгаас хамгаалах хуулийн дагуу улсын хэмжээнд энэ оны арванхоёрдугаар сарын 1-ний өдрийн 06:00 цаг хүртэл хугацаанд гамшгаас хамгаалах бүх нийтийн бэлэн байдлын зэрэгт шилжих шийдвэр гаргаснаар арилжааны банкууд нийтийн эрүүл мэндийг хамгаалах, коронавируст цар тахлын халдвараас урьдчилан сэргийлэх зорилгоор салбар, нэгжүүдээ тодорхой хугацаанд ажиллуулахгүй байхаар шийдвэрлээд байна. Харин эрүүл ахуй, халдвар хамгааллын дэглэм, Улсын онцгой комиссын зөвшөөрлийн хүрээнд банкууд салбар, нэгжүүдээ тодорхой хэмжээнд нээн ажиллуулахад бэлэн болохыг мэдэгдсэн.

Монголбанкны зүгээс санхүүгийн зуучлалыг хэвийн үргэлжлүүлэх үүднээс банкны салбарын үйл ажиллагааг тогтвортой байлгахад үйл ажиллагаагаа чиглүүлж байна. Санхүүгийн салбарын зээлдэгч болон харилцах, хадгаламж эзэмшигчийн аль алины эрх, хууль ёсны ашиг сонирхлыг хамгаалах ёстой болно. Тухайлбал, банкны салбарт нийт 9.2 сая харилцах, хугацаагүй болон хугацаатай хадгаламжийн дансанд нийт 21.7 их наяд төгрөгийн эх үүсвэр байршиж байна. Энэ оны аравдугаар сарын дүнгээр банкны салбараас эх үүсвэрт төлж буй нэг сарын хүүний зардал 184.7 тэрбум төгрөг байгаа нь банкны хүүний орлогыг хязгаарлах тохиолдолд томоохон алдагдал үүсэхийг харуулж байна. Иймд, аливаа бодлого, шийдвэр нь санхүүгийн зуучлал, санхүүгийн тогтвортой байдалд сөрөг нөлөө үзүүлэхгүй байх ёстой гэсэн зарчим баримталж байна.

Нийгмийн эмзэг бүлэгт дэмжлэг үзүүлэх, орлого багатай иргэдийг ядуурлаас хамгаалах, ажлын байрыг хадгалахад чиглэсэн Засгийн газрын хөтөлбөр, арга хэмжээг санхүүжилт (зээл олгох, бондыг худалдан авах)-ээр дэмжиж ажиллахад бэлэн байна.

Цар тахлыг хязгаарлах, тэмцэх, нийгэм, эдийн засагт үзүүлэх сөрөг нөлөөг бууруулах чиглэлээр авч хэрэгжүүлж буй арга хэмжээнд зориулан Засгийн газар болон банкуудад санхүүжилт олгох бэлтгэл ажлыг ханган ажиллаж байна” гэжээ.

Эх сурвалж: МОНГОЛБАНК

Энэ мэдээнд өгөх таны сэтгэгдэл?
5
ТэнэглэлТэнэглэл
1
ХөөрхөнХөөрхөн
0
ЗөвЗөв
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ГОМДОЛТОЙ ИРГЭН 2020-11-18 122.201.22.229

ЭНЭ ШИЙДВЭРТ ЧИНЬ БИЗНЕССИЙН ЗЭЭЛ ХАМААГҮЙ ЮМ УУ?ХХБ, ТӨРИЙН БАНК БИЗНЕССИЙН ЗЭЭЛ ХОЙШЛУУДАХ БОЛОМЖГҮЙ ГЭЖ БАЙНА.АДИЛХАН Л ОРЛОГОГҮЙ О БОЛЖ БАЙНА ШҮҮ ДЭЭ.АНХААРАЛДАА АВНА УУ?

Avatar

хэ хэ хэ 2020-11-18 49.0.212.165

Болно ч гэсэн юм алга, болохгүй ч гэсэн юм алга, Боломжтой гэнээ, аргагүй л бөөрөнхийлж нохойтсон манж үг мөн. Арилжааны банкин дээр явж очоод асуухлаар манай дээр тийм шийдвэр гараагүй, Төв банкнаас тийм тушаал ирээгүй гээд ам таглана.

Avatar

йыба 2020-11-18 103.11.195.34

Яг болно гэсэн үг өгүүлбэр байхгүй байх юм ЗГ-тай зөвшилцөнө гэсэн байш дээ

Avatar

Зочин 2020-11-18 202.55.188.104

Хумуусээ зээлтэй зээлгуйгээр нь битгий ялгаад байгаачээ яг тэтвэрийн ер тэглэсэн шиг. Банкны шаардлага хангаж чадаагуй учраас зээл аваагуй хумуус олон байгаа, тэр зээлгуй хумууст тэгвэл турээсний тусламж ч юмуу, менге ч юмуу, хоолны талон ч юмуу егех хэрэгтэй.

Avatar

тупой топор 2020-11-18 66.181.161.114

сонгуулиин өмнө хүрэлсүх худалчиин амалсан ААН д амалсан 200000 төг сонгууль эх орноо худалддаг гэр хорооллын залхуусд очсон одоо ерөнхиилөгчиин амлалт зөв мөнгө алдагдсан бол хүрэлсүхииг огцруулах ч багадна энэ тэнэг хурдан яваасай болдогсон бол доржхандыг тавьчихвал амьдрал анхим даргад гайгүй болно шүү худалдаа үйлдвэриин танхимыг ус асгаж сэрээмээр байна дарга нь ардчилсан намын дарга болж

Avatar

Зочин 2020-11-18 103.26.195.248

МАНЖ ҮГ

Avatar

Төмөр 2020-11-18 66.181.185.165

Хаалттай банкинд хэрхэн яаж хүсэлтээ гаргаж өгдгийн бол. Банкин дээр очих битгий хэл гэрээс нь гарч алхахыг хүртэл өнөөдрөөс хориглочихоод. Энэ төв банк зүгээр ядарч байгаа ард түмнээрээ наадаж байна, бага доромжлоорой.

NewsMN Гар утасны хувилбар Татах
NEWS.mn

Мэдээллийн эх сурвалж