Баатрууд нь дарга нар биш эмч нар! | News.MN

Баатрууд нь дарга нар биш эмч нар!

Баатрууд нь дарга нар биш эмч нар!

Баатрууд нь дарга нар биш эмч нар!

“…..Манай шинжилгээний багийнхан халуун хүйтнийг үл ажран, битүү хувцастай, вирустэй орчинд, өдөржингөө хоол ундаа хасан 12 давхар руу ( лифтгүй) өөд уруугүй 5-25 кг хүнд ачааг үүрэн, өрөө өрөөнд нь орж гурван давхар бээлийгээ хүн тус бүр дээр байнга сольж өмсч, бие биендээ хатуу хяналт тавин, халдвар хамгаалалын дэглэм, журмаа сахин ажиллаж ирсэн. Зогсоогоороо олон хүний шинжилгээг авахдаа, хэл амаар доромжлуулан загинуулах бол энүүхэнд. Зарим нь шинжилгээгээ өгөхгүй гээд удна, намайг өвчтэй гэж санаа юу гээд эмч сувилагч нарын маань хувцасыг нь урах гэж дайрна. Хөлс урсч, дотор муухайран, толгой эргэж, өвдөх нь жирийн үзэгдэл. Нэг буудлын шинжилгээ дуусаад дараагийн буудал хүртэл хувцсаа тайлах л хамгийн их аз жаргал. Тухалж хоол идэх боломжгүй учир заримдаа өдөрт хоёр хуушуур дундаа нэг колагаар голоо зогооно. Хоол идэх боломжгүй үе их ээ. Авчирсан шинжилгээг лаборторийнхон маань шөнөжин нойргүй сууж хийнэ. Бүгд ар гэртээ халдвар тараачих вий гэсэн айдастай. Үр хүүхэд ач зээгээ ч тэвэрч үнсэхээс эмээнэ”. Халдварын голомтод ажиллаж буй нэгэн эмчийн бичсэн пост.  Халдварын голомтон дунд ажиллаж буй тэд ямар хүнд нөхцөл дунд байгааг үүнийг уншсан хэн бүхэнд ойлгогдоно. Тэр өнөөдөр ч гэртээ харих эрхгүй, голомтон дунд ажиллаж байж мэднэ. Тухайлбал, өчигдөр Дарханд илэрсэн халдварын тохиолдол эмнэлгийн ажилтан байсан бөгөөд амбулаториор үйлчлүүлсэн өвчтөнөөсөө халдвар авсан нь тогтоогджээ. Уг хүн нь Алтанбулаг боомтод ачаа зөөдөг хүн байжээ. Халдвар авснаа мэдэхгүй эмнэлгээр үйлчлүүлж явах үед Сэлэнгийн 74 настай эмээ болон Дарханы эмнэлгийн ажилтан халдвар авсан бололтой. Энэ мэтээр эмнэлгийн байгууллагынхан асар том эрсдэл дунд ажиллаж байхад 14 хоногийн хөл хориог тэвчих нь иргэн бүрийн үүрэг болж байна.

Монгол Улсад одоогийн байдлаар Covid-19-ийн батлагдсан тохиолдлын дийлэнх нь гаднаас зөөвөрлөгдөн орж ирсэн. Гэхдээ дотоодоосоо авсан халдвар хүмүүсийн тоо өдрөөс өдөрт нэмэгдэж байна. Тэдний дунд ажлаа хийж яваад халдвар авсан эрүүл мэндийн ажилтнууд бий. Дэлхий дээр халдварын эрсдэлд хамгийн ихээр өртөж амь насаа алдаж буй хүмүүс бол эрүүл мэндийн байгууллагынхан. Гэсэн ч тэд өргөсөн тангаргаасаа няцаагүй.

Өргөсөн тангарагтаа үнэнч үлдэхийн тулд тэд амь насаа гаргуунд тавьж, олон иргэнийг  өвчин зовлонгоос нь аварч байна. Одоогоор манай улсад covid-19-өөс болж амиа алдсан тохиолдол бүртгэгдээгүй нь ХӨСҮТ-ийн эмч, сувилагчдын гавъяа. Жинхэнэ баатрууд нь дарга нар биш эмч нар юм.  Цар тахлаар монгол хүн үхэхгүй гэсэн баталгаа үнэндээ байхгүй. Учир нь, дэлхий дээр нэг хоног олон мянган хүн цар тахлаар нас барж байна.

Биднийг диван дээрээ хэвтээд, утсаа маажиж суухад тэд амрах завгүй, хоолоо амтархан идэж чадахгүй нөхцөл дунд цар тахалтай байлдаж явна. Хэрэвзээ covid-19-ийг дайн гэвэл дайны галын шугаман дээр “байлдаж” яваа хүмүүс бол эмч, сувилагчид. Тэдэнд ч хайртай хүмүүс, хамгаалах ёстой гэр бүл гэж бий. Тэд амьд явах эрхтэй.

Тиймээс галын шугаман дээр ажиллаж буй олон мянган хүний хичээл зүтгэлийг талаар болгочихгүйн тулд та гэртээ “тайван” сууж, УОК, ЭМЯ-наас өгсөн зөвлөмжийг дагаж хэрэгжүүлэх нь нэн чухал байна.  Тэнд хүмүүс таны амь насыг хамгаалахын тулд өдөр, шөнөгүй, нойр хоолгүй ажиллаж байхад бид өөрөө, өөрсдийнхөө амь насыг яагаад эрсдэл оруулах ёстой вэ.

Дэлхийд цар тахлыг дотооддоо алдаагүй улс орон өнөөдөр алга. Эрүүл мэндийн салбар нь хөгжсөн их гүрнүүд энэ өвчинд өвдөг сөгдөж байхад монголчуудын ажил амьдрал 10 сар тайван үргэлжилсэн.

Өнөөдөр улстөржиж, талцаж, хуваагддаг цаг биш. Хэрэлдэж, муудалцаж, хэн нэгнээс буруутгал хайж суух нь өвчнийг ялахгүй. Эсрэгээрээ өвдсөн нэгэндээ урам өгч, ядарсан нэгэндээ дэмжлэг үзүүлж, эв нэгдэл, хамтын зүтгэлээр энэ өвчнийг ялах ёстой юм.

Тэгээд ч Монгол муудаа цар тахлыг дотооддоо алдаагүй. Хэзээ нэгэн цагт цар тахал зөөвөрлөгдөн орж ирэх нь ойлгомжтой байсан, бусад орны гашуун туршлагыг харахад. Харин одоо монголчууд “хүчээ нэгтгээд” цар тахлыг давцгаая. Монголчууд эвтэй байхдаа хүчтэй гэдэг.

Б.БАТ

Энэ мэдээнд өгөх таны сэтгэгдэл?
36
ЗөвЗөв
3
ТэнэглэлТэнэглэл
1
ХахаХаха
1
ХөөрхөнХөөрхөн
1
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

47 сэтгэгдэл

News.mn сайтад сэтгэгдэл оруулахад анхаарах зүйлс

Avatar

хэ хэ хэ 2020-11-18 49.0.212.165

Жинхэнэ баатрууд нь Хүрэлсүх, Содбаатар, Сумьяабазар нар

Avatar

Захиалгаар бичихгүй л байя 2020-11-18 66.181.160.73

Мэдээж баатрууд нь ЭМЧ, СУВИЛАГЧИД. Гэхдээ өөрсдийн алдааг ухамсарладаггүй эрх баригчдын захиалгаар бичсэн гэдэг нь илт байна. "Хүчээ нэгтгээд" ч гэх шиг!

Avatar

Зочин 2020-11-18 59.153.114.80

Баатрууд эмч сувилагч нар мөөн. Гэхдээ тэдэнд хувцас хэрэгсэл, цалин пүнлүү ажиллах бололцоог нь олгож байгаа төр засгийн дэмжлэггүйгээр тэд ганц сэтгэлээрээ зүтгээд байгаа гэж бодохгүй байна. Энэ үед ийм зүйл шал тэнэг санагдаж байна. Тэнэг улсууд ч олон л доо. Удирдлага хамгий чухал. Сая Америк юу болов. Ерөнхийлөгч нь маск битгий зүү гэж хэлээд 300 мянган америкийг нөгөө ертөнц рүү ковидаар илгээсний эцэст өөрөө сонгуульд ялагдлаа. тэгэхээр энэ нь баатар тэр нь барлаг гэж хэлж болохгүй

Avatar

Зочин 2020-11-18 202.126.90.62

Баатар юмуу Бурхны шийтгэл шүүлт юмуу ??????????????

Avatar

уу 2020-11-18 103.26.194.153

нэг их диван дээрээ жаргаад байгаа юм биз дээ бид. за яахав яахав.

Avatar

Зочин 2020-11-18 192.82.69.89

өргөсөн тангарагтай эмч нар ажлаа л хийж байна. би ч гэсэн эмч байсан бол ингээд л ажиллах бсан

Avatar

Удирдлагагүй нэг хонож чадах уу 2020-11-18 192.82.69.185

Хэт туйлширч нэгнээ үгүйсгэхээ болицгооё. Төрийг ард түмэнтэй нь ажилчидыг удирдлагуудтай нь аав ээжийг үр хүүхдүүдтэй нт талцуулж муудалцуулах х***а санаа нийтлэлүүдээ боливол яасан юм. Нийтлэл мэдээлэлдээ анхаарна уу http://www.news.mn сайтынхан

Avatar

Иргэн 2020-11-18 64.119.26.193

баатрууд нь дарга нар байхгүй юу. Өөрсдийгөө магтаад шагнаад байсан бус уу. Дарга нэртэй новшнуудаас болж ард түмэн хохирч байна

Avatar

zochin 2020-11-18 192.82.74.217

Baga tushaaliin ajiltnuud urgelj chimeegui baatruud baidag.ted urgelj galiin shugamand baidag.nikulinii dainii dursamj nomiig unsh.ahlah turuuch nikulin.rjev

Avatar

Иргэн 2020-11-18 64.119.20.190

Ажлаа лхийж байгаа Цагдаа онцгой мэргэжлийн няналтынханажлаа хийж байгаа Ажлаа хий гэж татвар.төлөгчиз тэжээдэгтэдэийг Хариэ улстжрчид үүнийг нь гажуулуулж элдэв нэр цол төмөр өгч өөрсдөө хулгайгаа ард нь хийдэг

Avatar

монгол 2020-11-18 202.55.191.194

иргэн чи тэр татвар авдагүй улсад очиж амьдар да

Avatar

АРДУУД 2020-11-18 192.82.75.49

НЯМХҮҮ МӨНХСАЙХАН САРАНГЭРЭЛ мэт баатарын дүрд тоглогчид их шүү

Avatar

Зочин 2020-11-18 202.131.236.170

Муу бүхэн Монголоос холуур байх болтугай. Хүн бүрт эрүүлийг хүсье.

Avatar

ЭМЧ, СУВИЛАГЧ, АСРАГЧ нартаа талархая 2020-11-18 66.181.178.165

Галын фронтод ажиллаж байгаа хүмүүс бол ЭМЧ нар. Эмч нараас гадна СУВИЛАГЧ, АСРАГЧ нар бол хамгийн эрсдэлтэй хэцүү хатууг хийдэг хүмүүс. бүү март… Дарга нар бол үнэндээ халуун цэгт орох ч үгүй…
Иймээс ЭМЧ, СУВИЛАГЧ, АСРАГЧ нартаа талархах хэрэгтэй….

Avatar

Зочин 2020-11-18 192.82.73.4

Битгий нэг тал барьж бичиж бай. Дайны цагт жанжингүй цэрэг хамгийн түрүүнд ялагдаж тардагийм . Удирдлагагүй бол хэн юуг яаж хийхээ нэгдэж мэдэх үү. Нэг их ларгыг үзэн ядсан царай гаргадгаа больдоо та гуай. Улс үндэстэн ямарч үед төр засгаараа удирдуулж ажилладгиын. Юмыг олон талаас нь харж бичиж бай бяцхан сэтгэгч минь.

Avatar

хүннү 2020-11-18 202.179.24.26

Яасан юм ойлгодогүй юм. Заавал нэг хэсгээ энэ вирусээр үхүүлж байж санаа нь амарч гэртэй хорионд ормоор байна уу? УОК ЭМЯ-с байнга анхааруулж байна. Бид нөгөөл тэнэгдүү хувиа хичээсэн зангаасаа болж гадуур хэссээр байна. Наадхаа болчих !!! Үхэх чинь дутаа юу? Төр 3,2 сач хүний эрүүл мэндийн төлөө хатуу арга хэмжээ ав, зөөлдөөд байна, даврааж байна. Цаг алдалгүй “0” зогсолтонд шилжүүл. Энэ янзаараа 14 хоног багадана дахин 60 хоног ч болж мэднэ.

Avatar

Зочин 2020-11-18 64.119.24.182

Галын шугаманд эмч сувилагч нар л ажиллаж байгаа шуу. Зурагтаар мэдээлэл уншдаг Нямхуу мэтийн улс бол хуний бичиж огсон цаасыг л уншиж байгаа хумуус.

Avatar

Зочин 2020-11-18 66.181.161.80

Нямхүү эмчид дургүй хүмүүс цэвэр атаархагчид Тэр хүн бас нойр хоолгүй ажиллаж байгаа удирдагч хүн

Avatar

Зочин 2020-11-18 202.179.24.26

Чи ингэж хуцаж болохгүй

Avatar

Зочин 2020-11-18 64.119.19.64

Yag unen. Jinhene baatruud bol ed nar. Hurelsuh, oyunerdene nyamkhuu ed nar bish shuu. Ted nar bol zugeer popuud

Avatar

хүннү 2020-11-18 202.179.24.26

Маш хэрэгтэй зүйл бичсэн байна. Бидний төлөө гэр орон ахуй амьдарлаа орхин өдөр шөнөгүй нрйр хоолгүй ажиллаж байгаа эмч ажилчидаа нэн түрүүн хайрлах үе ирээд байна. УОК, НОК зоригтой шиыдвэр гаргаж “О” зогсолт хий. Төрийн алан хаагчид 15-20 хувь нь ажиллах шийдвэр маш буруу. Одоо хар гудамжаар түүрэн машин, хүн!!! Ийм “0” зогсолт байх уу? Ямарч үр дүнгүй баахан цэрэг цагдааг гудамаар зогсоож яах юм. Иргэд дур зоргоороо явж байна. Нөгөө нэг автобусанд 12 хүн зорчино гэсэн хаана байна. 20, 30-аа

Avatar

Зочин 2020-11-18 192.82.69.89

ажлаа л хийж байгаа хүмүүс ш дээ, оркоо

Avatar

Зочин 2020-11-18 64.119.17.212

gundalai gantsaaraa baatar shuu dee

Avatar

Төмөр 2020-11-18 103.10.21.42

Монголчуудаа ах дүү нар минь, цар тахалын аюул дэргэд чинь байна. Ухаалаг тэвчээртэй байх хэрэгтэй байна. Өөрийгөө гэр бүлээ хайртай хүмүүсээ эрсдэлд оруулахгүй байгаарай. улс орноо ард иргэдээ аюулд оруулахгүйн төлөө тэмцэж буй эмч сувилагч асрагч лаборант эмнэлгийн ажилчидаа бусад байгууллагын ажилчидаа хүндэтгэж цар тахалын үеийн эрүүл ахуй, аюулгүйн дүрмийг ягштал мөрдөөрэй!!!

Avatar

Зочин 2020-11-18 203.98.77.101

ЭМНЭЛГИЙН ХУВЬД ДАРГА НАР НЬ ХЭЗЭЭ Ч АЖИЛЧИДЫНХАА ГАВЬЯАГ БУЛААДАГГҮЙ Л ДЭЭ. УЧИР НЬ ТЭД ӨӨРСДӨӨ ЭМЧ НАР…. ХАРИН ХЭТЭРХИЙ ДУУГҮЙ ХҮЛЦЭНГҮЙ ХАНДДАГ НЬ Л БУРУУ… ЗАРИМДАА АЖИЛЧИДЫНХАА ТӨЛӨӨ ДУУГАРЧ Л БАЙХ ХЭРЭГТЭЙ. ТЭРНЭЭС ХЭН ЭМЧИЛЖ, СУВИЛЖ АСРААД ЗӨӨГӨӨД ТОСЧ АВААД БАЙГАА НЬ АРД ТҮМНИЙ НҮДЭНД ИЛ. МЭДЭЭ УНШИЖ ТАЙЛАГНАХ НЬ ДАРГА НАРЫН ҮҮРЭГ.

Avatar

Зочин 2020-11-18 139.5.219.225

Нээх цаасан малгай өмсгөө, хоосон магтаад хэрэггүй. Ядаж дарга цэргээр нь ялгаварлаж сайн муугаар хэлж, бүү доромжил. Зөвлөсөн заасныг нь биелүү . Ажилд нь мөнгө төгрөгөөр тусла. Улсаас боломжоороо урамшуул. Энэ хүнд үед , аюултай нөхцлийг үл хайхран, эх орон түмний төлөө сэтгэл гарган ажиллаж байгаа хүн бүр баатар гэдэг нь үнэн.

Avatar

Зочин 2020-11-18 202.55.191.130

Эх оронд сэтгэл гаргасан хүн бүр баатрууд шүү дээ ард олон минь.

Avatar

монгол хүн 2020-11-18 192.82.71.231

ХҮН ЗОНЫХОО ТӨЛӨӨ,ЭХ ОРНЫХОО ТӨЛӨӨ ӨӨРСДИЙН АМЬ НАС ҮНЭТЭЙ БҮХНЭЭРЭЭ ДЭНЧИН ТАВИН ТЭМЦЭЖ ЯВАА БҮХ БААТРУУДДАА БАЯРЛАЖ БАЙНА. ТИЙМ ЭЭ! БИДНИЙГ ДИВАН ДЭЭРЭЭ БУСДЫГ ӨӨНТӨГЛӨН ТАРВАЛЗАЖ БАЙХАД ТА ВИРУСТАЙ СОРЬЦ АВААД 12 ДАВХАР ӨӨД МАЦАЖ БАЙНА,БИДНИЙГ ТӨР ЗАСГАА МУУЛАН ТАВАГТАЙ ХООЛНЫХОО ЦААНА ЯРВАЛЗАЖ БАЙХАД ТА ЦАЙ УУЖ ,БИЕЭ ЗАСАЖ ,ХӨЛСӨӨ АРЧИХ СӨХӨӨГҮЙ АЖИЛАЖ БАЙНА. САЙХАН ЦАГ ИРЖ ТА НАРЫГ МИНЬ АМС ХИЙЛГЭЭСЭЙ,МУУХАЙ ӨВЧИН ДАРАГДАЖ ТА НАРЫН МИНЬ ГАВЬЯА ГЭРЭЛТЭЭСЭЭ. МУУ САНААТАНГУУД ЦӨӨРӨӨСЭЙ!

Avatar

Талархах ёстой 2020-11-18 202.9.40.85

Сайхан, гэгээлэг нийтлэл болсон байна. Галын шугаман дээр ажиллаж буй эмч, сувилагч нартаа сэтгэлийн дэм, урмын үг харамгүй хайрлаж сурцгаая.

Avatar

Зочин 2020-11-18 64.119.18.137

тийм. Гэхдээ гарчиг бол шал буруу. муу үр дагавартай.

Avatar

Зочин 2020-11-18 202.55.188.104

Гадаадын эмч сувилагч нар шиг volunteer хийж байгаа бол ёстой шутэхсэн, манай эмч сувилагчид бол ендер цалин урамшуулал аваад аваад ажиллаж байгаам чинь тэрэндээ таарсан ажлаа харин улам сайн хийх ёстойшд, гэтэл хариуцлагагуй хайнга хандсанаас болж дотроо алдчихлаа

Avatar

Зочин 2020-11-18 59.153.115.207

Chi muu bitgii h***. Yamar ondor tsalin avsan yum be. Cham shig gertee yalhaital hevtchiheed utas uhaad hutsaagyi. Ooroo bsan bol ali ert aliigaa aldana sh dee muu l***r

Avatar

ААК 2020-11-18 202.131.249.14

НЯМХҮҮ ЗЭРЭГ ЭМЧ НАРЫГ МОНГОЛ ТӨР ТОМХОН ҮНСЭЭД УРАМ ӨГӨӨЧ ЭЭ, МАШ ИХ ЭРСДЭЛ ДУНД АЖИЛЛАЖ , 300 ГАРУЙ ХҮНИЙГ АЮУЛТ ТАХЛААС ӨВЧИЛСНИЙХ НЬ ТӨЛӨӨ МОНГОЛ УЛСЫН АРДЫН ЭМЧ, ГАВЬЯАТ ЭМЧ, ЭРҮҮЛИЙГ ХАМГААЛАХЫН ТЭРГҮҮНИЙ АЖИЛТАН ЦОЛ ТЭМДГЭЭР ХАРАМГҮЙ ШАГНААЧ ЭЭ, ЮУГ НЬ ХҮЛЭЭГЭЭД БАЙНА АА, ЭНХ ЦАГИЙН БААТРУУД Ш ДЭЭ, УРИАЛЖ БАЙНА.

Avatar

Зочин 2020-11-18 202.21.108.4

Баатрууд бол хөл хорионд иргэний үүргээ биелүүлж гэртээ сууж байгаа жирийн иргэд.

Avatar

Сэтгүүлч нараа 2020-11-18 64.119.18.137

Ажил сайн байхын урьдчилсан нөхцөл бол зөв удирдлага шүү. Сэтгүүлчид минь юмныхаа учрыг олж бичээчдээ. Мэдлэгээ жоохон дээшлүүлээч. Сенсаци хөөцөлдөөд, буруу дутуу мэдээлэл өгч, хүмүүсийг самраад байх юм. Арай илүү ухаалаг юм олж бичээч. Бусад оронд ямар сайн туршлага байна. Ард түмэн яаж хамтарч ажиллаж байна – өөрийнхөө төлөө шүү. Засгийн газрын төлөө биш, ЭМЯ, МХЕГ, УОК гэх мэт биш- өөрөө амьд үлдэхийн төлөө, арай илүү жирийн амьдралд орохын төлөө…..

Avatar

иргэн 2020-11-18 202.179.27.138

Эмч сувилагч нарын Гавьяаг Өөртөө наачихаад л алга болсон доо хөөрхий, жинхэнэ Баатарууд чинь Эмч сувилагч асрагч нар шүү дээ, Тэдний Гавьяаг Дарга нар нь Булааадаг нь муухай,

Avatar

Бурханч 2020-11-18 122.201.24.46

Ажил хийж байгаа хүмүүсийг шалтгаангүйгээр доромжлох нь сэтгэцийн гажигтайн илрэл шүү. Гэхдээ тэгж байж сэтгэл амардаг, аз жаргалтай болдог бол бахаа ханатал хүмүүсийг харааж зүхэх нь зөв. Харин бурхны сургаальд үйлийн үр гэж нэг юм байдаг гэсэн бий. Хүн юу хийнэ тэр нь хэд дахин үржээд эргэж тусдаг гэдэг. Тэгэхээр хүн хараагаад байвал эргээд өөрөө аймшигтай хараагдах болно. Ойлгоорой. Ум маани бад ми хум….

Avatar

Ухамсартай иргэн 2020-11-18 122.201.24.46

Засгийн газар, сайд нар ч , эмч сувилагч, асрагч, шинжилгээнийхэн, хууль цагдаа, онцгойгийнхон бүгд л дор бүрнээ сайн ажиллаж байна. "Галын шугам"-ан дээр ажиллаж буй хүмүүс бусдаас илүү эрсдэлтэй, хүнд ачааг үүрч байгаа баатрууд мөн. Биелүүлэх ёстой үүрэг нь өөр болохоос сайд дарга хийж буй хүмүүс ч адилхан өвчтөнүүдтэй тэгж л ажиллана ш дээ. Тэгээд ч зөв удирдлагагүй, удирдлагын шийдвэрийг биелүүлдэггүй байсансан бол ямар ч ажил урагшаа явахгүй гэдэг нь ойлгомжтой.

Avatar

Сэтгүүлч нараа 2020-11-18 64.119.18.137

Яг үнэн. Ажил сайн байхын урьдчилсан нөхцөл бол зөв удирдлага шүү. Сэтгүүлчид минь юмныхаа учрыг олж бичээчдээ. Мэдлэгээ жоохон дээшлүүлээч. Сенсаци хөөцөлдөөд, буруу дутуу мэдээлэл өгч, хүмүүсийг самраад байх юм. Арай илүү ухаалаг юм олж бичээч. Бусад оронд ямар сайн туршлага байна. Ард түмэн яаж хамтарч ажиллаж байна – өөрийнхөө төлөө шүү. Засгийн газрын төлөө биш, ЭМЯ, МХЕГ, УОК гэх мэт биш- өөрөө амьд үлдэхийн төлөө, арай илүү жирийн амьдралд орохын төлөө…..

Avatar

Новшнууд 2020-11-18 103.229.122.39

Эмч нарын гавъяаг нэг шулга авгай өөр дээрээ нааж аваад сайд болчихсон штэ. Жинхэнэ баатрууд бол эмч, эмнэлгийн сувилагч, асрагч нар шүү!!! Дарга нар огт падлий байхгүй. Хотын дарга нар өөрсдийгөө сая сая ₮-өөр шагнаж өвчигнөсөн, мөнгүүдээ буцааж төлөөрэй новшнууд аа.

Avatar

ахмад настан 2020-11-18 64.119.20.23

Ард түмэн минээ бидний төлөө өргөсөн тангарагтаа үнэнч байгаа халуун цэгт ажиллаж буй эмч сувилагч,онцгойгийн ажилтануудын зөвлөмж шаардлагийг дор бүрэнээ биелүүлж , халдвар авсан нэгнийгээ элдвээр хэлэхгүй , сайн дураар шинжилгээнд хамрагдацгаая.Өвчин гэдэг хэлж ирэхгүй шүү дээ.Эмч сувилагч нартаа баярлалаа, нойр хоолгүй явж байгаад ядрав даа, дархлаа дэмжих витамин болон эм авч уугаарай. ялангуяа ВИТ-Д .та нараараа бахархаж байгаа шүү

Avatar

иргэн би 2020-11-18 192.82.67.80

Голомтод ажиллаж байгаа эмч эмнэлэгийн ажилчид цэрэг цагдаа онцгой мэргэжлийн хяналтийн ажилчид та бүхэндээ эрүүл энх хүсье.Бид ялна.нэгэн зорилгынн төлөө!

Avatar

Зочин 2020-11-18 202.9.46.213

Бас ЦАГДАА, ТАГНУУЛ, ОНЦГОЙГИЙНХОН

Avatar

Зочин 2020-11-18 122.201.21.145

Цагдаа тагнуул үхсэнээ хийдгийн далбааг дор шагнал горьдож суугаа

Avatar

ЗОЧИН 2020-11-18 202.126.92.99

ХӨӨРХИЙ МИНЬ …ЯГ Л ТИЙМ БАЙГАА, БИТГИЙ ШҮҮМЖИЛЭЭ

Avatar

зочин 2020-11-18 202.126.88.225

Наадахыг чинь нь л бүтэн 10 сар хэлсэн байхгүй юу. Даан ч тоохгүй Сарангэрэл сайд сайн хүн гээд солиороод бсан. Анх гарахад хүмүүс айж цочирдоод, дээрээс нь өвөл хүйтэн болохоор л дэг журам дагасан болохоос энд сайдтай, МУ н ЗГ сайн ажилласан хэрэг биш

Avatar

монгол хүн 2020-11-18 192.82.71.231

ЮУ СОЛИОРООД БАЙНАА? САЙН АНХААРАЛТАЙ УНШААД ЗӨВ ОЙЛГООЧ..ӨРГӨСӨН ТАНГАРАГТАА ҮНЭНЧ ҮЛДЭХИЙН ТУЛД ӨӨРСДИЙН АМЬ НАС ҮР АЧ ҮНЭТ БҮХЭНЭЭ ХОЙШ ТАВИАД УЛС ЭХ ОРНЫХОО ТӨЛӨӨ ,ХЭНД ХЭРЭГТЭЙ ЮУ ХИЙДЭГ НЬ МЭДЭГДЭХГҮЙ ЧАМ МЭТИЙГ АВРАХЫН ТУЛ ӨДРИЙГ 2 ХУУШУУР ТАЛ КОЛААГААР ,ХӨЛСТЭЙ ХУВЦАСТАЙГАА ӨНГӨРӨӨЖ БАЙГАА АЧТАН БААТАРАА БҮҮ НУЛИМААЧ.ТЭД БАЙГАА НЬ БИДНИЙ ЗАЯА.ГЭРТЭЭ СУУГААД ГЭРЭЭ ЦЭВЭРЛЭЭД БАЙЖ БАЙ ХЭРЭВ ТЭР ЧИНЬ ЧИНИЙ ӨӨРИЙХ ЧИНЬ БОЛ! ХАРИН ЭНЭ ЭХ ОРОН МИНИЙХ !!!

NewsMN Гар утасны хувилбар Татах
NEWS.mn

Мэдээллийн эх сурвалж