Өмнөд Африкт болсон дэлхийн аварга шалгаруулах тэмцээнд Германы шигшээ багийн од нь болон гялалзаж, нийт таван гоолтой мэргэн бууч болсон төдийгүй шилдэг залуу тоглогч болсон Мюллер өнгөрсөн шөнийн Аугсбургт болсон тоглолтын хоёрдугаар хагаст тооны харьцааг нээсэн бол Мирослав Клозе ялалтын бөмбөгийг оруулснаар “Бавария” 2:0 харьцаатай ялалт байгуулжээ.
Тоглолтын өмнө Мюллер багийн удирдлагынхаа тавьсан гэрээний саналыг хүлээн авснаар 2013 оны зун хүртэл хоёр жилийн хугацаатай гэрээг үзэглэсэн байна. Тэрбээр “Миний хувьд мөрөөдөл минь биеллээ. Би Баварийн уугуул. Харин Бавария бол миний клуб. Би үнэхээр баяртай байна. Цаашид ч, ямартай ч ирэх таван жилийн хугацаанд би Баварийн өмсгөлтэй тоглохыг хүсч байна” гэжээ.
“Бавария Мюнхен” шинэ улирлын гараагаа энэ сарын 20-нд талбайдаа “Вольфсбург”-ийн эсрэг хийх тоглолтоор эхлүүлэх юм.
С.Цэлмэг