Хэнтий рүү хулгайгаар зорчигчдын PCR-ын хариу өнөөдөр гарна | News.MN

Хэнтий рүү хулгайгаар зорчигчдын PCR-ын хариу өнөөдөр гарна

Хэнтий рүү хулгайгаар зорчигчдын PCR-ын хариу өнөөдөр гарна

Хэнтий рүү хулгайгаар зорчигчдын PCR-ын хариу өнөөдөр гарна

Улаанбаатар хотоос  энэ сарын 15-нд хулгайн замаар Хэнтий аймгийн Баянхутаг суманд нэвтэрсэн гурван иргэнээс өчигдөр /2020.11.16/  Covid-19-ийн түргэвчилсэн оношлуураар шинжилгээ авахад хоёр нь эерэг гарснаар тус аймгийн Онцгой комисс шуурхай хуралдаж хэд хэдэн шийдвэр гаргасан юм. Тодруулбал, Хэнтий аймгийн бүх үйлчилгээний байгууллагыг түр хааж, тус аймгийн төв Чингис хот болон бүх сумын автомашины хөдөлгөөнийг зогсоож, иргэдийг гэрээс нь гаргахгүй, хөдөлгөөнд оролцуулахгүй байх зохион байгуулалт хийгээд буй.

Харин эерэг гарсан хоёр тохиолдлыг PCR шинжилгээ хийлгэхээр 01:20 цагт ХӨСҮТ-д хүлээлгэн өгсөн, хариу өнөөдөр орой /2020.11.17/ гарах юм байна. 

Мөн үүссэн цагийн байдалтай холбогдуулан аймгийн холбогдох байгууллагууд  шуурхай ажиллаж хорио цээрийн дэглэм зөрчиж хулгайгаар нэвтэрсэн иргэдийн маршрутыг гаргаж, шууд хавьтал, хам /тохиолдол/ хавьтлуудыг тогтоосон юм. 
АЙМГИЙН ОНЦГОЙ КОМИССЫН ХУРАЛДААНААР ДАРААХ ШИЙДВЭРҮҮД ГАРАВ
1. Гамшгаас хамгаалах Бүх нийтийн бэлэн байдлын зэргийн хугацааг Улсын онцгой комиссын шийдвэрийн дагуу арваннэгдүгээр сарын 17-ны өдрийн 06:00 цагаас арванхоёрдугаар сарын нэгний өдрийн 06:00 цаг хүртэл сунгалаа.

2. Аймгийн нутаг дэвсгэрийн хэмжээнд хүн ам олноор цугларах газрууд болох барааны зах, худалдааны төв, сүм хийд, бар, зоогийн газар, ресторан, караокены үйл ажиллагааг арваннэгдүгээр сарын 17-ны 06:00 цагаас арванхоёрдугаар сарын 01-ний 06:00 хүртэлх хугацаанд зогсоож, архи, согтууруулах ундааг худалдан борлуулах, түүгээр үйлчлэхийг мөн хугацаагаар хориглов.

3. Үүссэн нөхцөл байдалтай холбогдуулан Баян-Овоо, Баянхутаг, Галшар, Бор-Өндөр, Дархан, Баянмөнх сумдын аймаг, сум, баг, хот хоорондох тээврийн хэрэгслийн хөдөлгөөнийг тодорхойгүй хугацаагаар хязгаарлаж, мөн сумдын хүнсний дэлгүүрийг 09:00-19:00 цаг, эмийн сан, шатахуун түгээх станц, усан санг ердийн цагийн хуваариар ажиллуулах, Чингис хотын тээврийн хэрэгслийн хөдөлгөөн болон Эвт худалдааны төвийн түлээ нүүрсний худалдаанаас бусад худалдааг тодорхойгүй хугацаагаар хязгаарлав.

4. Аймгийн нутаг дэвсгэрт үйл ажиллагаа явуулж буй төрийн байгууллагууд, хуулийн этгээдүүдийн үйл ажиллагааг ажлын тусгай горимд шилжүүллээ.

5. Төрийн болон аж ахуйн нэгж байгууллагын 0-12 хүртэлх насны хүүхэдтэй эхчүүдэд /ганц бие эцэг/ байгууллагын хэвийн үйл ажиллагааг алдагдуулахгүйгээр гэрээсээ ажиллах боломжийг бүрдүүлж, цалин хөлсийг ажилласанд тооцож олгохыг байгууллага, аж ахуйн нэгжийн удирдлагад үүрэг болголоо.

6. Төрийн байгууллагын ажиллах цагийн хуваарийг 09:00-12:00, 14:00-16:00 хүнсний дэлгүүр, хүнсний захын ажиллах цагийн хуваарийг 09:00-19:00 цагаар тогтоож, шатахуун түгээх станц, эмийн сан, усан санг ердийн цагийн хуваарийн дагуу халдвар хамгаалалтын дэглэмийг чанд мөрдүүлж ажиллуулсугай.

7. Үзвэр, үйлчилгээний газрууд болон олон нийтийг хамарсан төрөл бүрийн арга хэмжээг харьяа нутаг дэвсгэрийн хэмжээнд тогтоосон хугацаагаар хязгаарласугай.

8. Бүх нийтийн бэлэн байдлын үед бараа, үйлчилгээний үнийн хөөргөдөл, зохиомол хомсдол үүсгэхгүй байхыг аж ахуйн нэгж байгууллагын дарга, эрхлэгч, хүнсний худалдаа эрхлэгч нарт үүрэг болгосугай.

9. Хүнсний хэрэгцээт бараа худалдан авах, эмийн болон эмнэлгийн үйлчилгээ авахаас бусад тохиолдолд гэрээсээ гарахгүй байхыг нийт иргэдэд анхааруулсугай.

10. 10. Бүх нийтийн бэлэн байдлын зэрэгт шилжүүлсэн хугацааг сунгасантай холбогдуулан аймаг, сумдын шуурхай штаб, шалган нэвтрүүлэх цэгийн томилгоог 2020 оны 11 дүгээр сарын 17-ны 16:00 цагийн дотор хийж баталгаажуулахыг Шуурхай штабын дарга /дэд хурандаа Ж.Эрдэнэбат/, сумдын Засаг дарга нарт тус тус даалгалаа.

11. Сумын Засаг даргын нөөц хөрөнгийг холбогдох хууль тогтоомжийн дагуу үүссэн цагийн байдалд уялдуулан зарцуулахыг сумдын Засаг дарга нарт үүрэг болгов.

12. Захирамжийн хэрэгжилтэд хяналт тавьж нэгдсэн удирдлагаар хангаж ажиллахыг аймгийн Засаг даргын орлогч /Ц.Чогсомжав/, Шуурхай штабын дарга /дэд хурандаа Ж.Эрдэнэбат/ нарт тус тус даалгалаа.

Э.БУРАМ
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-11-17 202.9.41.13

Энэ хүмүүс бодлогоор тусгай зорилготойгоор халдвар тараах оролдлого хийсэн юм биш үү. Хорьсоор байтал хулгайгаар хөдөө орон нутаг руу явна гэдэг бол маш сэжигтэй явдал. Тагнуулын байгууллага анхааралдаа авч ямар зорилгоор хэний даалгавараар явсныг тогтооно биз. Сонор сэрэмжтэй байцгаая. Хүнд итгэхэд хэцүү болсон шүү. Монголоор ярьж байгаа боловч сэтгэл нь монголын эсрэг хүмүүс олон байна

Avatar

Зочин 2020-11-17 202.70.37.34

УБ Налайх Төв аймаг Багануураас хэн нэгэн нь тусалж гаргасан байж таараа. Зүгээр орхивол муу л жишиг болно доо

Avatar

Зочин 2020-11-17 139.5.219.83

Налайх, Багануураас буцаагаад байхад ус туулаад явсан гээд байна. Эзгүй хээр газар болгонд гаргаж тавиад байх хүн хүч хаана байна. Бусдыг буруутгаж суухаар иргэд өөрсдөө хариуцлагатай байх ёстой

NewsMN Гар утасны хувилбар Татах
NEWS.mn

Мэдээллийн эх сурвалж