НЭМЭЛТ: 15.01 цагт 

Хүүхдийн мөнгийг өнөөдрөөс оруулахаар Хөдөлмөр, нийгмийн хамгааллын яамнаас мэдээлж байсан ч хүүхдийн мөнгөний данстай, дансгүйгээр зохион байгуулах, олон банкаар дамжиж байгаа зэрэг асуудал үүсэн учраас арваннэгдүгээр сарын 20-нд оруулахаар хойшлуулсан байна.

ХҮҮХДИЙН 100 МЯНГАН ТӨГРӨГИЙГ ӨНӨӨДРӨӨС ДАНС РУУ НЬ ШИЛЖҮҮЛНЭ

Монгол Улсын Засгийн газраас 0-18 насны хүүхдүүдэд 100 мянган төгрөгийг өнгөрөгч дөрөвдүгээр сарын 1-нээс 2021 оны эхний хагас жил хүртэл олгох шийдвэр гаргасан билээ. Энэ дагуу арваннэгдүгээр сард олгогдох хүүхдийн 100 мянган төгрөгийг өнөөдрөөс иргэдийн данс руу шилжүүлж эхлэхийг өчигдөр Засгийн газрын Хэвлэл мэдээлэлтэй харилцах хэлтсээс мэдээллээ.

Иргэдийн орлогыг хамгаалах зорилгоор хүүхдийн мөнгөний энэхүү нэмэгдлийг 2021 оны эхний хагас жилийг дуустал олгохоор тооцож 2021 оны төсөвт  864 тэрбум төгрөг суулгасан юм.