ОХУ-д коронавирусийн эрсдэл өндөр байгаа учраас Сэлэнгэ аймгийн Алтанбулаг боомтыг өнөө шөнийн 24.00 цагаас эхлэн  нэгдүгээр сарын 16-ныг  хүртэл хаах шийдвэрийг УОК-оос гаргасан. Хаах шийдвэр гаргасантай холбоотойгоор Албанбулаг боомтоор орж ирэх ААН-үүдийн автомашинуудад  хугацаа олгосон ч өнөөдрийн байдлаар 200 гаруй автомашин орж ирэх боломжгүй байгааг Шадар сайд Я.Содбаатар мэдээллээ.

Алтанбулаг боомтын ачаа тээврийн үйл ажиллагааг хааснаар өргөн хэрэглээний бараа бүтээгдэхүүний үнэд нөлөөлөхгүй гэж үзэж байгаа. Учир нь тус  боомтоор нийт импортын 9.2 хувь нь орж ирдэг юм байна.

Алтанбулаг боомтоор орж ирсэн ачаа тээврийн Орос, Монголын 40 гаруй жолоочоос халдвар илрээд байгаа билээ.