Сүүлийн жилүүдэд Esports буюу цахим спортын төрлүүд дэлхий даяар хурдацтай хөгжиж, цар хүрээ, зах зээл нь өдрөөс өдөрт томорч байна. Монгол Улсад ч цахим спорт мэргэжлийн түвшинд хөгжиж буйг өнөөдөр (2020.11.12) D13 ХХК харууллаа.

D13 Esports өөрсдийн цахим хуудаснаа "Сайн байцгаана уу? D13 ХХК нь CSGO багийн тоглогчидтойгоо 16 сарын хугацаатай, 55.000.000₮ үнийн дүнтэй мэргэжлийн тамирчны гэрээ байгуулж буйг дуулгахад таатай байна. Гэрээний хүрээнд цалин, бэлтгэлийн байр, компьютер техникийн хангамж, нийгмийн даатгал, эрүүл мэндийн даатгал гэх мэт зүйлс багтсан болно.

Цахим спортын төрөлд дотооддоо мэргэжлийн тамирчны гэрээ байгуулж, тоглогчдыг анх удаа нийгмийн даатгалд хамруулж, бүх нөхцөлөөр нь хангаж ажиллахыг маш удаан зорьсны эцэст ийнхүү биеллээ олж байна. Бидэнтэй хамтран ажилладаг байгууллагууд, хувь хүн, дэмждэг бүх хүнд маш их баярлалаа. Та нарынхаа итгэлийг алдахгүй хичээх болноо. Бид зорилгодоо алхам алхмаар ойртсоор байна.