Монгол гэрийг орон сууц шиг тохижуулсан хос | News.MN

Монгол гэрийг орон сууц шиг тохижуулсан хос

Монгол гэрийг орон сууц шиг тохижуулсан хос

Монгол гэрийг орон сууц шиг тохижуулсан хос

Залуу хос уламжлалт монгол гэрийг орчин үеийн шийдлээр барьсан нь олон нийтийн сүлжээнд багагүй лайк, шейр цуглуулсан. Өмнөговь аймгийн Даланзадгад суманд шинэ хүнээ өлгийдөн авч, өрх тусгаарласан тэдний зургийг зарим хүмүүс хуримын зураг гэж андуурчээ. Монгол гэрийг орчин үеийн орон сууцнаас дутахааргүй тохижуулсан тэдэнтэй холбогдож, ярилцсанаа хүргэе.


-Шинэ хүнээ өлгийдөн авсанд баяр хүргэе. Бидэнд гэр бүлээ танилцуулахгүй юу?

-Намайг Б.Баярмаа, нөхрийг маань Б.Жавхланбаяр гэдэг. Хоёулаа 25 настай. Би санхүү менежментийн чиглэлээр их сургууль төгссөн. Саяхан тооцооны нягтлан бодогчоор ажиллаж байгаад амаржсан. Нөхөр маань хүнд машин механизмын засварчин. “Энержи ресурс” компанид ажиллаад нэг жил болж байна.

-Гэрээ их сайхан тохижуулжээ. Та хоёр хуримын зургаа олон нийтийн сүлжээнд тавьсан байсан?

-Бид аравдугаар сарын 28-нд нутагтаа шинэ гэрийн найраа хийсэн юм. Хүмүүс биднийг хуримаа хийсэн гэж ойлгоод байх шиг байна лээ. Шинэ хүнээ өлгийдөж аваад, хоёр сар болсны дараа тусдаа гарч байгаа нь энэ л дээ. Мөрөөдлийн өргөө цагаан гэрээ бариад, амьдралаа зохиож, өрх тусгаарласандаа баяртай байна.

Анх танилцаад нэг жил гаруй болсны дараа хүүхэдтэй болохоор шийдсэн. Бид хоёр аав, ээж нараасаа тусламж авахгүйгээр амьдралаа тэгээс эхлэхийг хүссэн. Хоёулаа ажил дээр гараад хоёр, гуравхан жил болж байгаа учраас их мөнгө хурааж амжаагүй. Машины урьдчилгаа хийж, машинтай болчихсон байсан.

Байранд амьдрах сонирхол байхгүй. Монгол гэрт амьдрах дуртай. Насаараа байрны лизинг төлж байснаас гэрээ бариад, хүссэнээрээ тохижуулья гэж ярилцсан. Гэр маань аав, ээжийн минь амьдарч байсан гэр л дээ. Аав минь гэрийн модоо өөрөө хийсэн юм. Хана, тооныг нь шинээр авсан.

-Монгол гэрийн модыг цагаанаар будсанаар илүү гэгээлэг харагдаж байна. Хэнийх нь санаа байв?

-Гэрийн модыг цагаанаар будсан нь миний санаа байсан. Нөхөр маань миний санааг дэмжээд, гэрийн модны өнгөтэйгөө хослуулж, бүх тавилгаа цагаан болгосон. Би өөрөө фэйсбүүкээр монгол гэрийг хэрхэн тохижуулах талаар судалгаа их хийдэг байсан. Нөхөртэйгөө ярилцаад, тавдугаар сард хот руу явж, гэрийн тавилгаа ачиж ирсэн. Нутагтаа ирээд гэрийн модоо будаад, буйраа цутгаад барьж эхэлсэн. Миний хувьд монгол гэрийг орчин үеийн шийдлээр тохижуулж болдог гэдгийг харуулахыг хүссэн.

Олон нийтийн сүлжээнд гэрээ тохижуулсан зургаа оруулаад, тэгж их хандалт авна гэж бодоогүй. Хүмүүс маш сайхан хүлээн авч, гэрийн модыг цагаанаар будахад “Ямар гоё гэгээлэг юм бэ” гэсэн нь сайхан санагдсан. Бид өөрсдийн хүсч мөрөөдсөн гэрээ барьж, өрх тусгаарласандаа маш их баяртай байна. Аав, ээждээ ч хэлэлгүйгээр өөрсдөө хот руу яваад, бүх тавилгаа авч ирсэн. Тэд маань том хайрцагтай тавилгуудыг хараад сүрдэж байсан.

-Нууц биш бол гэрээ ингэж тохижуулахад хэчнээн төгрөг зарцуулсан бэ?

-Бид анх тооцоогоо гаргасны дараа хот руу явсан. Гэрийн хана, тооныг тооцохгүйгээр доторх тавилга, зурагт, гал тогооны бүх хэрэгсэлтэйгээ нийлээд 15 сая төгрөгөөр тохижуулсан. Одоо гэртээ уран зураг тавих дутуу байна. Заавал орон сууцанд тухтай сайхан амьдардаггүй.

-Өмнөговь аймагт монгол гэр өндөрлөж, барьдаг моод дэлгэрч байна уу?

-Тавилга хийж өгсөн ах маань олон айлд очиж, тавилга нийлүүлдэг. Тэр хүн “Ер нь нутгийн хүмүүс монгол гэрээ өндөрлөж барьдаг болжээ. Маш сайхан тохижуулсан олон айл бий” гэж хэлж байсан.

-Та хоёр анх хэрхэн танилцаж байв? Аав нь шинэ хүнээ угтаж авахдаа машинаа чимэглэж, гэнэтийн бэлэг барьсан байсан?

-Нөхөр маань хүүхэдтэй болохыг их хүсдэг байсан. Эмнэлгээс гарахад машинаа чимэглэж, гэнэтийн бэлэг барьсан нь маш сайхан санагдсан. Би 2017 онд их сургуулиа төгсөөд, аймагтаа хувийн компанид ажилд орсон. Нөхөр маань 2018 оны долдугаар сард манай компанид ажилд орсноор танилцаж эхэлсэн. Одоо хамтдаа амьдраад хоёр жил болж байна.

-Залуу гэр бүл орон нутагт ажиллаж, амьдрах боломж хэр байна вэ?

-Би их сургуулиа төгсөөд, хотод амьдарна гэж тэнд хэдэн сар ажил хийсэн. Аав, ээж дургүйцэж байсан учраас нутагтаа ирсэн. Бид хааяа хотод очихоор их стресстдэг. Хотод өглөө эрт гарахгүй л бол түгжирч явсаар байгаад ажил амждаггүй.

Одоо ч хотын хүмүүс яаж ажлаа амжуулдаг юм бол гэж боддог. Орон нутагт хөгжил тэлж, ямар нэгэн цагт баригдахгүй, замын түгжрэл байхгүй, илүү амар тайван байдаг.

А.СҮРЭН

Энэ мэдээнд өгөх таны сэтгэгдэл?
73
ЗөвЗөв
9
БурууБуруу
6
ХарамсалтайХарамсалтай
6
ТэнэглэлТэнэглэл
5
ХахаХаха
4
ХөөрхөнХөөрхөн
4
ГайхмаарГайхмаар
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-11-12 202.9.40.6

Зарим хүн эсрэг сэтгэгдэл бичиж лайк дарсан байх юм. нэг ч гэсэн хос айл өрх гоё сайхан амьдарч байвал аятай юу даа. Монголын эсрэг үзэлтэй хүмүүс нилээдгүй байнаа. Тэднийг цэгцлэх хэрэгтэй.

Avatar

Зочин 2020-11-12 202.9.40.6

хөдөө сайхан амьдрах бүрэн боломж байна. манай зарим иргэд малаа зараад хотод очоод нэг хоёр жил болоод ямар ч мөнгөгүй болчихоод аар саархан юм зарж амь зогоох юм. тэгэхийн оронд нутагтаа очоод малжаад мөнгө төгрөгөөр дутахгүй амьдрах боломж байна даа. Би даан ч мал маллаж чадахгүй юм.

Avatar

Сэргэлэн 2020-11-12 122.201.24.107

1967 онд анх гэр барихдаа,та2шиг мөрөөдөж,бага саг тохижуулж эхэлж байснч нөхөр дэмжээгүй.Миний мөрөөдлийг хэрэгжүүлсн та2т баяр хүргэж өргөө цагаан гэрт чинь үргэлж аз жаргал оршигээ.

Avatar

enhee 2020-11-12 202.126.89.79

goy goy amjilt husey zaluu hosuuddaa

Avatar

Зочин 2020-11-12 202.9.40.144

Ямар сайхан юм бэ хосууд болон шинэ хүнд нь эрүүл энх аз жаргал хүсэн ерөе

Avatar

Зочин 2020-11-12 202.9.40.144

Ямар сайхан юм бэ хосууд болон шинэ хүнд нь эрүүл энх аз жаргал хүсэн ерөе

Avatar

Зочин 2020-11-12 202.9.40.144

Ямар сайхан юм бэ хосууд болон шинэ хүнд нь эрүүл энх аз жаргал хүсэн ерөе

Avatar

zochin 2020-11-12 93.243.28.43

Yostoi zuv bodol, zutgel, itgeltei saihan zaluu ger buld tomoos tom amjilt, az jargal husiye.

Avatar

vnen 2020-11-12 202.9.46.207

hvn helsendeeel amidrah ni chuhal shvvv eree golson em shig bish emee golson er shig bish vnench saihan amidraarai , mongold ger bvliiin vne zen aldagdaaad baigaaan ih boljdeee hvvhdvvvdeee

Avatar

Zochin 2020-11-12 124.158.82.212

Setgel gar niilsen saikhan khosdoo az jargal khusie!

Avatar

Zochin 2020-11-12 64.119.17.17

Gadaadiin irgen Mongol geriin toonii hesegt untlagiin or bolgoj door ni noiloo shiideed.toiruulaad gal togoo, huvtsasnii shkaf, shiree sandal divan bairluulsan baisan.

Avatar

Зочин 2020-11-12 202.126.89.103

Эсгий гэрт Үл хөдлөхийн гэрчилгээ гаргадаг болглх хэрэгтэй.Орон сууцуудыг нурааж Гэр бариулж эсгий гэрийг сурталчлаг эхлүүлэх хэрэгтэй

Avatar

ха ха ха 2020-11-12 49.0.212.165

Чи чинь харин Камбожийн хувьсгалт дарангуйлагч ПолПот шиг юм ярих нь уу

Avatar

амжилт 2020-11-12 192.82.77.34

МАш сайн байна. Та нар Монголыг цааш нь авч явна. Гадаадад гараад явчихсан, архинд живчихсэн улсууд залуучууд хүн амын бараг 30% болж байна. Тэд хэрэг болхоосоо өнгөрсөн та нар шиг санаачлагатай залуучууд их хэрэгтэй . Амжилт хүсье.

Avatar

Unshigch 2020-11-12 202.9.40.110

Zaluu hosuuddaa az jargal eruul enh husye. Uhaantai zaluuchuud baina.

Avatar

Зочин 2020-11-12 192.82.75.181

Бахархаж байна амжилт аз жаргал Өргөө цагаан гэрийн чинь жаврыг хүүхдийн дуу үргээж байх болтугай

Avatar

Зочин 2020-11-12 202.126.88.216

Аз жаргалаар дүүрэн байхыг хүсэн ерөөе. Өнөр өтгөн ам бүлтэй өрхийн тэргүүн болоорой.

Avatar

Зочин 2020-11-12 122.201.19.99

saikhan ger buld az jargal eruul enhiig husie

Avatar

аз жаргал 2020-11-12 202.126.88.153

хүсье

Avatar

Зочин 2020-11-12 203.91.119.42

аз жаргал эрүүл энхийг хүсье

Avatar

Зураач Лондон 2020-11-12 51.198.0.204

Good Luck!

Avatar

Зочин 2020-11-12 66.181.161.98

сайхан байна

Avatar

ыб 2020-11-12 66.181.168.8

сайхан амьдралтай хосууд байна

Avatar

zochin 2020-11-12 122.201.23.84

Сайхан харагдаж байна. Залуу хосод аз жаргал хүсье. Харин хаалганы дэргэд усны цэнхэр хуванцар сав харагдаж байна. Хүнсний зориулалтын бус бол муу шүү гэж зөвлөе

Avatar

МОНГОЛ 2020-11-12 202.55.188.101

Монгол гэр маань орон сууц шүүдээ,орон сууц шиг юм бишээ, Гэр эсвэл байшин гэсэн хоёр төрлийн орон сууц хүний амьдралын гурван хүчин зүйлийн нэг нь биздээ сэтгүүлчээ, Сэтгүүлч та ард түмнийхээ хэлний соёл боловсролыг хөтлөн хөгжүүлэгчид гэж бид нар чинь хардагшүү. Итгэлийг минь битгий.хөсөрдүүлээрэй гэж гуйж байна

NewsMN Гар утасны хувилбар Татах
NEWS.mn

Мэдээллийн эх сурвалж