ШӨХТГ одоо л үнийн хөөрөгдөлтэй тэмцэх цаг шүү! | News.MN

ШӨХТГ одоо л үнийн хөөрөгдөлтэй тэмцэх цаг шүү!

ШӨХТГ одоо л үнийн хөөрөгдөлтэй тэмцэх цаг шүү!

ШӨХТГ одоо л үнийн хөөрөгдөлтэй тэмцэх цаг шүү!

Covid-19  халдвар дотоодоос илэрсэн дуулианаар худалдаачид хүнсний бүтээгдэхүүний үнийг хөөрөгдөж болзошгүй нь Шударга өрсөлдөөн хэрэглэгчийн төлөө газар /ШӨХТГ/ төрийн төмөр нүүр үзүүлэх цаг ирсний сануулга болж байна.

Учир нь хэн ч энэхүү халдварт өвчнөөр далимдуулан, ашиг хонжоо хайж, бараа, бүтээгдэхүүний үнийг өсгөх ёсгүй. Иргэд ч хүнсээ базаах нэрээр зах, худалдааны төвүүдэд ачаалал үүсгэж, гурил, будааг шуудайгаар нь, махыг гулуузаар нь бөөндөх шаардлагагүй.  Онцгой нөхцөлд байгаа хүнсний бүтээгдэхүүнээ хуваагаад л хэрэглэх ёстой.

Хүнс хөдөө аж ахуй, хөнгөн үйлдвэрийн яамны мэдээллээр хүнсний гол долоон нэр төрлийн бүтээгдэхүүн болсон гурил, будаа, махны нөөц  сайн байна. Гагцхүү иргэд ухамсартай л худалдан авалт хийвэл  хомсдол үүсэхгүйг албаныхан санууллаа.

Хүнсний захуудад өнөөдрөөс  махны үнэ өсч эхэлсэн тухай гомдлыг ирүүлсэн байна.  Дээрх дуулианы мөрөөр Шударга өрсөлдөөн хэрэглэгчийн төлөө газар  “Хүчит шонхор” худалдааны төвд ажиллахад хонины ястай мах 1 кг нь 6000 төгрөгөөр худалдаалагдаж байсан нь өмнөх өдрүүдийн ханш аж.

Мөн нийслэлчүүдийн махны хэрэгцээг хангахад зориулж өнөөдөр нөөцөөс 50 тонн мах гаргаж, зах зээлд нийлүүлэхээр болжээ. Иймээс нийслэлчүүдийн хувьд махны хомсдол үүсэх вий гэж сандрах хэрэггүй юм.

Жил бүрийн арваннэгдүгээр сарын сүүлээс эхэлж хөдөөгийнхөн идшээ бэлтгэж эхэлдэг. Малчид ч малаа борлуулж, төв суурин газрынхныг өвлийн идшээ бэлтгэхэд нь нэмэр болдог. Товчхондоо, Монгол Улс махны нийлүүлэлт дээрээ зохицуулалтаа зөв хийж чадвал үнийн зохиомол хөөрөгдөл, хомсдол үүсэхгүй байх бүрэн боломжтой. Мал сүргийн тоо эдүгээ 80 гаруй саяыг давсан нь махны нөөцийг дотоодоосоо хангалттай бүрдүүлэх эх үүсвэр байгаа гэсэн үг юм.

Covid-19  халдварын дуулианаар үнийг нь өсгөж, ашиг хонжоо хайгчид нь маск борлуулагчид байдаг. Тодруулбал, энэ оны хоёрдугаар сард “Монос” нь N95 маскыг 2500, 3600, 5700 төгрөгөөр ялгаатай худалдаж байсан нь тогтоогдож, торгуулсан.

Зөрчлийн тухай хуулийн 10.7 дугаар зүйлийн 9-т заасны дагуу давамгай байдалтай аж ахуй нэгж нь давамгай байдлаа ашиглаж хориглосон үйл ажиллагаа явуулсан бол тухайн бараа бүтээгдэхүүний өмнөх жилийн орлогын дөрвөн хувьтай тэнцэх хэмжээний мөнгөн дүнгээр торгоно гэсэн заалтыг үндэслэж, торгууль ногдуулсан байдаг юм. Гэвч энэхүү торгууль бусдад нь сургамж болсонгүй юу, эсвэл энэхүү мэдээлэл баттай бус уу, эмийн санд маск нэг ширхэг нь 600 төгрөгөөр худалдаалагдаж байхад гадаа гудамжинд 250 төгрөгөөр маск зарж байгаа иргэдийг цагдаа нар нь хөөж тууж буй тухай иргэд цахим хуудсаараа дамжуулан жиргэж эхэлсэн нь  маскны үнэ бодитой юу, эсвэл хөөрөгдөв үү гэдгийг ШӨХТГ мөн шалгах шаардлагатай болж байна.

Нэг үгээр хэлбэл, одоо л ШӨХТГ шуурхай ажиллаж, Covid-19-ийн дуулианаар далимдуулж, үнэ хөөрөгдөхийг завдагсдад цаг алдалгүй сануулга өгч, шаардлагатай тохиолдолд торгууль ногдуулж, үйл ажиллагаа эрхлэх тусгай зөвшөөрлийг нь цуцлах хүртэл арга хэмжээ авах саналыг хүргүүлэх болохоо урьдчилан мэдэгдэх хэрэгтэй байна.

Нөгөө талаас зөвхөн худалдаачдаар тогтохгүй үйлдвэрлэгчид ч онцгой нөхцөл байдлыг далимдуулахгүй, ажиллах нь чухал болж байна.

Covid-19  цар тахлаас сэргийлэх боломж нь иргэн бүр маскаа зүүж, гараа угааж, аль болох гадуур явахгүй, хөл хорионы дэглэмийг мөрдөх нь хамгаас чухал байна.

Монголчуудын ухамсартай, хариуцлагатай байх цаг үе одоо л ирсэн шүү. Дэглэмийг хэр сайн мөрдөж чадна, тэр хэрээр халдварыг газар авахуулахгүй барьж, хохирол багатай даван туулна.

Г.ХОРОЛ

Энэ мэдээнд өгөх таны сэтгэгдэл?
12
ЗөвЗөв
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

чимэг-очир 2020-11-11 202.21.98.34

Арахнай аймагт гурил модны үнэ хөөрөгдөл үүссэн. орон нутгийн төлөөлөгч гэж байдаг уу.

Avatar

хүннү 2020-11-11 202.179.24.26

ШӨХТГ-хан Хүчит шонхор, Таван-эрдэнэ захуудыг үнэ хөөрөгдсөн гэж тус бүрийг нь 20 саяар торгосон байна.Маш зөв Барс захыг ер нь анхааралдаа авах хэрэгтэй. Нэг өдоийн өмнө 7 мянга байсан жимс маргааш нь 11 мянга хүрнэ. Үнэ нэмэх шалтаг хайсан хэдэн наймаачид л байна. Ийм захуудыг хотоос ходуул

Avatar

/*-*/ 2020-11-11 49.0.212.165

ШӨХТГ-ын хоолны савнууд юу ч хийж чадахгүй ээ, угаасаа сүү долоосон гөлөг шиг гөлөлзөөд л худлаа яриад л сууцгаана

Avatar

Хорвоогийн үнэн худалдаачин хүн шунавал худалдч даамжирвал хулгайч болдог жам 2020-11-11 202.21.108.46

Хорвоогийн үнэн худалдаачин хүн шунавал худалч даварч шунавал хуруу хуруу хазайснаа мэдэг ч мэдэхгүй ч хулгайч болох хуультай

Avatar

Зочин 2020-11-11 59.153.85.98

Мах гурил ногооныхоо үнийг суга нэмцгээеээ.

Avatar

Зочин 2020-11-11 59.153.85.98

Далбийтал нь юмныхаа үнийг нэмээд өгнөө гайгүй ШӨХТГ нь хүнсний захуудыг өндөр үнээр махаа зараад дууссан хойно нь оччихоод бүх юм хэвийн гэж ярьж байна лээ.Бүгд барааныхаа үнийг нэмцгээе?

Avatar

Зочин 2020-11-11 202.21.108.47

Зовлон дээр зовлон нэмсэн худалдаачдаа дийлэхгүй бол ШӨТХГ татан буулгах хэрэгтэй, эсвэл Магнайг даргаар нь тавих хэрэгтэй.

Avatar

Монгол 2020-11-11 192.82.72.173

Шударга өрсөлдөөний даргаар Магнайг томил өөр хийж чадах хүн алга энэ 2 намд

Avatar

Зочин 2020-11-11 202.179.21.245

Магнай гэж жинхэнэ худлаа луйварчин байсан гэдгииг туркиин кампанииг луйвардаж авсан хэрэг илчлээд өгсөн Иимэрхүү луйварчид өөрсдиигөө шударга гэж итгүүлэхииг хүсдэгч заавал илрэх юмдаа

Avatar

Иргэн 2020-11-11 192.82.72.173

Зуд болоход нохой таргалдаг гэдэг зовлон болоход худалдаачид таргалдаг болжээ эх орон ард түмэнээ бодох юм юуч алга даа нь нийгэм төр засагт

Avatar

Зочин 2020-11-11 202.131.225.197

ardchilal gej gaj sistemiin gol zorilgo ni ene mongol hunii eh oronch uzel, mun chanariig ugui hiih

Avatar

Зочин 2020-11-11 202.9.40.101

Зовлон гарахлээр махны худалдаачид, ченж нар үхтлээ баярлаж махны үнээ үндэслэлгүй өсгөж байна. гэтэл хүмүүс худалдаж аваад байх юм. өөрсдөө сандаж тэднийг өөгшүүлээд байнаа Түүнийгээ болиоч ээ

Avatar

Зочин 2020-11-11 43.228.129.229

ТЭр шударга өрсөлдөөний дарга худлаа л попроод байсан…..Одоо л ажлаа хиймээр байна даа

Avatar

Irgen 2020-11-11 202.126.88.182

Hed homogiin omno honinii mah 5200 uhriin targan mah 6500 tai bsiishdee huchit shonhor deer yaah gej hudlaa ch.aadag sdaakud ve. Yum bichih gej bgaa ul suuritai yum bichchii

Avatar

hohin 2020-11-11 202.9.46.70

hohineee lalaraaa amnioi zaasaaa awch chadahgui baij yund jiger shig hutsaw alniii zaarniii vne sainl meddeg yumaaadaaaa hvn hogoooo

Avatar

Бухимдаж байна би 2020-11-11 139.5.216.229

Нарантуул захын явдаг ярьдаг жорлонгууд амны хаалтны үнийг аймаар хөөрөгдсөн байна.Амнаас нь үмхий алнаас нь заар ханхалсан бузар авгайчуул тэнд ёстой жинхэнэ тэнэгтэж өгч байна.Одоогийн байдлаар 100 s 120 төгрөг байсан амны хаалтны үнийг эдгээр муухай бузар шингэсэн архичин тоглоомчин хулгайч нөхөртэй оркууд одоогийн байдлаар500 s 600 төгрөгт хүргэчихээд байхад хянадаг шаарддаг газар алга уу? Би болиоч гэхэд чи муу битгий х** муу короно с** гэж доромжилсон

Avatar

Зочин 2020-11-11 203.91.119.174

"Мал сүргийн тоо эдүгээ 80 гаруй саяыг давсан нь махны нөөцийг дотоодоосоо хангалттай бүрдүүлэх эх үүсвэр байгаа гэсэн үг" гэхийг хэрхэн ойлгох вэ? Бичих юмаа олж ядах юм даа. Үндсэн санаа бол яах аргагүй зөв боловч доторх агуулгаа сайтар бодох ёстой шүү.

NewsMN Гар утасны хувилбар Татах
NEWS.mn

Мэдээллийн эх сурвалж